10/01/2025
သဘာဝဘေးအန္တရာယ်အပါအဝင် အကြောင်းအမျိုးမျိုးကြောင့် တစ်နေရာမှတစ်နေရာသို့ ရွှေ့ပြောင်းနေထိုင်ကြရတဲ့အခါမှာ 🌍🚶♀️🚶♂️
💊ART ဆေးသောက်နေတဲ့သူအနေနဲ့ အောက်ပါအချက်တွေကို သိရှိထားပြီး လိုက်နာဆောင်ရွက်ဖို့ အရေးကြီးပါတယ်။
(၁) မိမိသောက်နေတဲ့ ဆေးတွေ၊ ဆေးမှတ်တမ်းတွေကို မိမိနဲ့တပါတည်း ယူဆောင်သွားသင့်ပါတယ်။ 📋
(၂) မိမိအရေးပေါ် ရွှေ့ပြောင်းနေထိုင်ရမယ့် အကြောင်းကို ဆေးထုတ်ယူနေတဲ့ ဆေးရုံ၊ ဆေးခန်းကို ကြိုတင်အကြောင်းကြားသင့်ပါတယ်။ 📞
(၃) ဆေးသောက်မပျက်ကွက်ဖို့ အထူးဂရုစိုက်သင့်ပါတယ်။ မိမိသောက်နေကျဆေးကို ညွှန်ကြားထားတဲ့အတိုင်း ဆေးလုံးအရေအတွက်မှန်၊ အချိန်မှန် သောက်သင့်ပါတယ်။ ⏰
(၄) မိမိဆေးကုသမှုခံယူနေတဲ့ ဆေးရုံ၊ ဆေးခန်းရဲ့ ဆက်သွယ်ရန် ဖုန်းနံပါတ်ကို သေချာ မှတ်သားထားသင့်ပါတယ်။ 📲
(၅) ART ဆေးတွေကို နေရောင်ခြည် တိုက်ရိုက်ကျတဲ့ နေရာမျိုးမှာ မထားသင့်ပါဘူး။ အေး၍ ခြောက်သွေ့တဲ့နေရာမှာ ထားသင့်ပါတယ်။ 🏠
(၆) မိမိရွှေ့ပြောင်းနေထိုင်တဲ့နေရာမှာ ဆေးရုံ/ဆေးခန်း (သို့မဟုတ်) ကျန်းမာရေးဝန်ထမ်း ရှိပါက ဆေးမှတ်တမ်းနဲ့ တကွ သွားရောက်ပြသပါ။ 🏥
#ကမ်းလင့်လက် #ထွန်းအခမဲ့ဆေးခန်း
