15/03/2023
ဖခင်က serial killer ဆိုရင် သူ့ရဲ့သားသမီးတွေကကော serial killer တွေဖြစ်မှာလား?
ယောကျ်ားလေးတွေ ပန်းရောင်ကြိုက်တိုင်း gay လား?
မိန်းမတွေက ကားမောင်းတာညံ့တာလား?
Hello Teens တို့ရေ ! The Teen Library ကနေပြန်လည်ကြိုဆိုလိုက်ပါတယ် ။ ဒီနေ့ပြောပြမဲ့အကြောင်းအရာလေးကတော့ How To Deal With Stereotype ဆိုတဲ့ topic လေးဘဲဖြစ်ပါတယ် ။
ပထမဦးဆုံး Stereotype ဆိုတာ ဘာလဲဆိုတာကို အဓိပ္ပါယ်ဖွင့်ကြည့်ကြရအောင်
Stereotype ဆိုတာကတော့ လူတစ်စုကိုဘဲဖြစ်ဖြစ် အဖွဲ့အစည်းတစ်ခုကိုဘဲဖြစ်ဖြစ်ကို လူအမြောက်အမြား ယုံကြည်လက်ခံထားသော ယေဘူယျရုပ်ပုံသဏ္ဍာန် သို့မဟုတ် စရိုက်လက္ခဏာ ၊ ပုံသေအနေနဲ့လက်ခံထားတဲ့ အတွေးအမြင်တွေကို ဆိုလိုတာဘဲဖြစ်ပါတယ် ။ အထူးသဖြင့် လိင်၊ ကျား၊ မ လက္ခဏာ၊ လူမျိုး ၊ နိုင်ငံ ၊ အသက်၊ လူမှုစီးပွားအဆင့်အတန်း၊ သာသာရေး ဘာသာစကား စတဲ့အုပ်စုတွေအပေါ်မှာ Stereotype က အများဆုံးသက်ရောက်ပါတယ် ။
Stereotype ကို ဥပမာပေးရမယ်ဆိုရင် ဒီ article ရဲ့ အစမှာ ပြောခဲ့တာတွေလိုပါဘဲ ။ Stereotype မှာ ကောင်းတဲ့ positive stereotype လည်းရှိသလို negative stereotype လည်းရှိပါတယ် ။
Examples of positive stereotype -
ဂျပန်လူမျိုးတွေက အလုပ်အရမ်းကြိုးစားကြတယ် ။
ခရစ်ယာန်ဘာသာဝင်တွေက သီချင်းဆိုတာတော်ကြတယ် ။
Examples of negative stereotype -
ပြင်သစ်လူမျိုးတွေက မာနကြီးကြတယ် ။
အသက်ငယ်တဲ့သူတွေက အသက်ကြီးတဲ့သူတွေလောက် အမျှော်အမြင်မရှိဘူး ။
ဒီလောက်ဆို Stereotype ဆိုတာဘာလဲဆိုတာကို အကြမ်းဖျင်းနားလည်လောက်ပြီထင်ပါတယ် ။
ဆိုတော့ Stereotype ကို ကိုယ်တွေဘယ်လို deal လုပ်ကြမလဲ?
1. Communicate လုပ်ပါ
ဒါက abroad study လုပ်ချင်တဲ့သူတွေအတွက် အရေးကြီးပါတယ် ။ Admin တို့နိုင်ငံခြားမှာကျောင်းသွားတက်တဲ့အခါမှာ လူတွေအများကြီးနဲ့ဆက်ဆံရပါတယ် ။ communicate မလုပ်ကြည့်ဘဲလူတစ်ယောက်အကြောင်းမသိသေးဘဲနဲ့ judge မလုပ်မိပါစေနဲ့ ။ ကိုယ်ကိုယ်တိုင်က Stereotype ဘောင်ထဲကနေ ကြည့်တတ်တဲ့သူဖြစ်နိုင်သလို ကိုယ့်ကိုယ်လည်း အဲ့လို ကြည့်နေတဲ့သူတွေရှိပါတယ် ။ study abroad လုပ်ရင်လည်း အဲ့လိုလူတွေရှိနေတတ်တာမလို့ ကိုယ်က ကိုယ့်နိုင်ငံရဲ့ ကိုယ်စားပြုမျိုးဖြစ်တယ်ဆိုတာကို အမြဲသတိရနေပါ ။ ဥပမာ ကိုယ်က group project တွေလုပ်လို့ group work မှာ အများကြီး participate မလုပ်တဲ့ နိုင်ငံ A က ကျောင်းသားနဲ့ကြုံရတယ် ။ အဲ့အခါမှာ ကိုယ်က နိုင်ငံ A က လူတွေအကုန်လုံးက အပျင်းကြီးတဲ့သူတွေလို့ ယူဆလိုက်တာမျိုးတွေ ရှောင်ရပါမယ် ။ negative stereotype တွေကိုသဘောမကျတာပုံမှန်ဆိုပေမဲ့ တစ်ခါတစ်လေကျရင် ကိုယ်ကိုယ်တိုင်ကမသိလိုက်ဘဲ ပုံသေသတ်မှတ်မိနေတာမျိုးရှိတတ်ပါတယ် ။ အဲ့တာတွေကိုလည်း teens တို့ သတိထားဖို့လိုပါတယ်နော် 💁🏻♀️ ဆိုတော့ main ခေါင်းစဥ်ကိုပြန်သွားရမယ်ဆိုရင် နိုင်ငံအမျိုးမျိုးက လူအမျိုးမျိုးနဲ့ communicate လုပ်ကြည့်ပြီး သူတို့ဆီက ကောင်းတဲ့အရာတွေကိုဘဲသင်ယူပါ ။
2. Respect, Respect, Respect !
သူတစ်ပါးရဲ့ culture အပေါ် လေးစားမှုရှိပါ ။ " ဟင်..သူတို့က အဲ့လိုကြီးတွေလား " ဆိုတဲ့ comment မျိုးထက် သူတို့ရဲ့ အားသာချက်တွေကိုမြင်နိုင်အောင်ကြိုးစားပါ ။ culture တစ်ခုထဲလား? မဟုတ်ပါဘူး ဘယ်သူ့အပေါ်မှာဘဲဖြစ်ဖြစ် လေးစားသမှုနဲ့အလုပ်လုပ်ပါ ။ ငယ်သူအပေါ်ကိုအထင်သေးတာ , ကြီးသူအပေါ်မလေးစားတာမျိုးရှောင်ကျဥ်ရပါမယ် ။ အဓိကအားဖြင့်ထားရမဲ့ mindset ကတော့ လူတွေဟာ တစ်ယောက်နဲ့တစ်ယောက် မတူဘူးဆိုတာပါဘဲ ။ admin ကတော့ လူတွေကို ပုံသေအနေနဲ့ မမှတ်ဘဲ ဒီလူဆီက ဒီလိုကျင့်စရိုက်ကိုသိလာရတယ် ။ ဒီလိုတွေသင်ယူလိုက်ရတယ်ဆိုပြီးတော့ဘဲ အမြဲတွေးပါတယ် ။
3. Be positive and open minded
နောက်ဆုံးအချက်အနေနဲ့ကတော့ communicate လုပ်ရတာအရေးကြီးတဲ့အချက်တွေအဖြစ်အမြဲကြားနေရတာမလို့ ရင်းနီးပြီးသားဖြစ်မှာပါ ။ လူမှန်ရင် negative thoughts တွေကရှိစမြဲပါ ။ ဆိုတော့ negative thoughts တွေကို overcome ဖို့ဆိုရင် positive thoughts များများရှိဖို့လိုအပ်ပါတယ် ။ အရာအားလုံး မေတ္တာထားဖို့ကိုဆိုတာမျိုးမဟုတ်ပါဘူး ။ positive thinking ရှိသင့်ရှိထိုက်တဲ့နေရာမှာ apply လုပ်ဖို့ပါဘဲ ။ တစ်ဖက်ပိတ်အမြင်မျိုးနဲ့မကြည့်ဘဲ စိတ်ကိုဖွင့်ထားပြီး တိုးတက်နေတဲ့ ကမ္ဘာကြီးရဲ့ ရေစီးကြောင်းအပေါ်လိုက်ပြီး ကိုယ့်ကိုယ်ကိုယ်တိုးတက်အောင်ပြုပြင်ဖို့ကအရေးကြီးပါတယ် ။
ကဲ..စာအရှည်ကြီးကိုဖတ်ပေးလို့ကျေးဇူးတင်ပါတယ်ရှင် ။ ဒီနေ့ကတော့ ဒီလောက်ပါဘဲ ။ Teens တို့လည်း ဗဟုသုတတွေရသွားမယ်လို့မျှော်လင့်ပြီး လက်တွေ့ဘဝမှာပါ apply လုပ်နိုင်ကြဖို့တိုက်တွန်းပါတယ် ။ ဒီ content ပတ်သတ်ပြီးဆွေးနွေးချင်တာရှိရင် comment မှာဘဲဖြစ်စေ ၊ chat box မှာဘဲဖြစ်စေ admin တို့နဲ့ လာဆွေးနွေးပြီး အာလုးဖုတ်လို့ရပါတယ် 🤭 နောက်လည်း ဗဟုသုတရစေမဲ့ စကားဝိုင်းတွေ host လုပ်ပေးဖို့ရှိတာမလို့ stay tuned ပါနော် ။ အားလုံးဘဲ ကောင်းမွန်တဲ့နေ့ရက်လေးတွေပိုင်ဆိုင်ကြဖို့မျှော်လင့်ပါတယ်ရှင် 💗
Subscribe Us On Telegram 🐳
https://t.me/theteenlibrary
