Thabarwa Present News သဘာဝပစ္စုပ္ပန်သတင်း

05/08/2026

“ ၂၀၂၆- ဩဂုတ်လ - သဘာဝရိပ်သာ သတင်းများ

#၂၀၂၆.၈.၃

၂၀၃ မိုင် ရိပ်သာ သတင်း

“၂၀၃ မိုင် သဘာဝတရားရိပ်သာတွင် ပေ(၅၀) လျောင်းတော်မူ ဗုဒ္ဓရုပ်ပွားတော် တည်ထားပူဇော်မည်”

ရန်ကုန်–မန္တလေး အမြန်လမ်း၊ နေပြည်တော် ၂၀၃ မိုင် သဘာဝတရားရိပ်သာ ရှိ ဗုဒ္ဓဥယျာဉ် ဧက(၂၀) စီမံကိန်းဧရိယာအတွင်း
ဉာဏ်တော်ပေ(၅၀)ရှိသော စကျင်ကျောက်သား မဟာပရိနိဗ္ဗာန- လျောင်းတော်မူ ဗုဒ္ဓရုပ်ပွားတော်မြတ်ကြီးကို တည်ထားပူဇော်သွားမည်ဖြစ်ကြောင်း သိရသည်။

အဆိုပါ လျောင်းတော်မူရုပ်ပွားတော်ကို ရန်ကုန်–မန္တလေး အမြန်လမ်းမကြီးပေါ်မှ ဖြတ်သန်းသွားလာကြသော ခရီးသွားများ ကားပေါ်မှပင် လှမ်း၍ဖူးမြော်နိုင်စေရန် ရိပ်သာ၏ မျက်နှာစာဘက်ရှိ ကုန်းမြင့်နေရာတွင် တည်ထားပူဇော်မည်ဖြစ်သည်။

ရုပ်ပွားတော်ကြီး၏ အောက်ခြေဧရိယာတွင် မြေပြင်အနေအထားနှင့်လိုက်လျောညီထွေသော ရင်ပြင်တော်အဆင့်ဆင့်ကို ဖော်ဆောင်သွားမည်ဖြစ်ပြီး၊ ရင်ပြင်တော်ပတ်ဝန်းကျင်တွင် မုဒြာအမျိုးမျိုးဖြင့် စကျင်ကျောက် ဗုဒ္ဓရုပ်ပွားတော်များကိုလည်း တည်ထားပူဇော်သွားမည်ဖြစ်သည်။

ထို့အပြင် ဘုရားဖူးလာရောက်သူများနှင့် အမြန်လမ်းမကြီးကို အသုံးပြုသည့် ခရီးသွားများ အဆင်ပြေစေရန် (၁၈)ခန်းတွဲ သန့်စင်ခန်းနှင့် ရေချိုးခန်းများကို လျောင်းတော်မူရုပ်ပွားတော်၏ ခြေတော်ရင်းဘက် ကုန်းနိမ့်ပိုင်းတွင် တည်ဆောက်ပြီးစီးထားပြီဖြစ်သည်။

အမြန်လမ်းမကြီးပေါ်မှ ကြည့်ရှုဖူးမြော်ရာတွင် လျောင်းတော်မူရုပ်ပွားတော်ကို ကျောဘက်မှ ဖူးမြော်နိုင်မည်ဖြစ်ပြီး၊ ထိုရုပ်ပွားတော်၏ ခြေရင်းဘက်တွင် ဉာဏ်တော် (၁၅)ပေရှိ ထိုင်တော်မူ ဗုဒ္ဓရုပ်ပွားတော်ကိုလည်း ရှေ့ဘက် မျက်နှာတော်တူရူမှ ဖူးမြော်နိုင်မည်ဖြစ်သည်။

အနာဂတ်တွင် ဤနေရာသည် ခရီးသွားများအတွက် ခရီးတစ်ထောက်နား၍ ဘုရားဖူးခြင်း၊ တရားထိုင်ခြင်း၊ ပရိတ်ပဋ္ဌာန်းရွတ်ဖတ်ခြင်း၊ ပန်း၊ ရေချမ်း၊ ဆီမီးပူဇော်ခြင်းတို့ဖြင့် ကုသိုလ်ကောင်းမှုများ ပြုလုပ်နိုင်သည့် သာသနာ့အထင်ကရ နေရာတစ်ခု ဖြစ်လာနိုင်မည်ဟုယူဆရပေသည်။

အဆိုပါ မဟာကုသိုလ်စီမံကိန်းကြီးကို သဘာဝတရားရိပ်သာကြီး၏ ဦးစီးပဓာနနာယကဆရာတော် အရှင်ဥတ္တမသာရ၏ ဦးဆောင်လမ်းပြမှုဖြင့် ပြည်တွင်း၊ ပြည်ပ ကုသိုလ်ရှင်များ၏ စုပေါင်းပါဝင်လှူဒါန်းမှုများဖြင့် အကောင်အထည်ဖော် ဆောင်ရွက်သွားမည်ဖြစ်သည်။

သတင်း~ သဘာဝမီဒီယာအဖွဲ့

🙏🙏🙏🙏🙏

အမေရိကား ရိပ်သာ သတင်း

ဦးတင်ပါတယ်ဆရာတော်ဘုရား 🙏

ဩဂုတ် ၂ ရက် တနင်္ဂနွေ နေ့

LA, Hacienda Highs မြို့ရှိ
အမေရိကန် သဘာ ဝတရားရိပ်သာ မှာဝါဆိုသင်္ကန်း ဆက်ကပ်လှူဒါန်းပွဲ ကျင်းပပါသည်။
Cindy ခေါင်းဆောင်တဲ့ ဗီယက်နမ် အဖွဲ့ လာရောက် လှူဒါန်းကူညီ ကြပါသည်ဘုရား ။ကျေးဇူးဦးတင်ပါတယ်ဘုရား။

သတင်း- Helen Guan

🙏🙏🙏🙏🙏🙏🙏

ဦးတင်ပါတယ်ဆရာတော်ဘုရား 🙏
ဆရာတော်ဘုရား ​၏ မယ်တော် ရဲ့ မိတ်ဆွေ ဒေါ်ကြည်​ေဋ္ဌး ​၏ ခင်ပွန်း ဦးတင်သန်းလည်း ၂ ရက်နေ့ ( မနေ့က) မနက် ၁၁:၅၅ Arcadia ဆေးရုံ မှာ ကွယ်လွန်သွားပါတယ် ဘုရား
အသက် ၉၀ ပါဘုရား

ကျောက်ကပ် ၊ အဆုတ် ၊ သွေးဖိအားနည်း ရောဂါ ၊ အစာအိမ် ( ပါးစပ်မှ မြို ချ ၍ မရပါသဖြင့် ဗိုက် ဖောက် ပြီးနို့ရည် သွင်းခြင်း ဖြင့် ၎င်း၊ အောက်ဆီ ဂျင် မတပ် လျှင် အသက်ရှူ ရပ် မှာဖြစ်၍ အောက်ဆီ ဂျင် ပိုက်ဖြင့်အသက်ရှူနေရခြင်း ၊ ကျောက်ကပ် ကို တစ်ပတ် ၃ ရက် ဆေး စစ် ရခြင်း )
စသော ရောဂါ စုံ များနှင့် ၆ နှစ်ကျော် ခံ စား ခဲ့ ရတာ
ယခု လူ့ဘဝ ဝဋ်ကြွေး တွေ ကြား မှ လွတ်မြောက် သွား ပြီ လို့ တပည့်တော်တရား အသိ ရလိုက်ပါတယ် ဘုရား
ဒါကြောင့် လူ့ဘဝ အသက်ရှင် နေ ကြဆဲ မှာ လူသားအားလုံး ဒေါသ ၊လောဘ ၊မောဟ တွေ ချုပ် ငြိမ်းပြီး ဆရာတော်ဘုရား နည်းတူ သည်းခံ ခြင်း၊ ဘုရားရဲ့ တရား စကား တွေ ၊ ဆရာတော် ဘုရား ဆုံးမ တဲ့ တရားစကားတွေ ကို နားထောင် ရုံ မဟုတ် ဘဲ လိုက်နာ ကျင့် သုံး ကြ ရမယ် ဆိုတဲ့ တရားအသိတွေ တပည့်တော် နဲ့ အတူ အားလုံး သတိ ရှိ / ထား ကြပါစေလို့ ဆုတောင်းပေးပါတယ်ဘုရား
ကျေးဇူးဦးတင်ပါတယ်ဘုရား ။

သတင်း-Helen Guan
🙏 🙏 🙏

ဆရာတော်ဘုရား 🙏
ဆရာတော်ဘုရား ​၏ မယ်တော် ရဲ့ မိတ်ဆွေ ဒေါ်ကြည်​ေဋ္ဌး ​၏ ခင်ပွန်း ဦးတင်သန်းလည်း ၂ ရက်နေ့ ( မနေ့က) မနက် ၁၁:၅၅ Arcadia ဆေးရုံ မှာ ကွယ်လွန်သွားပါတယ် ဘုရား
အသက် ၉၀ ပါဘုရား။

ကျောက်ကပ် ၊ အဆုတ် ၊ သွေးဖိအားနည်း ရောဂါ ၊ အစာအိမ် ( ပါးစပ်မှ မြို ချ ၍ မရပါသဖြင့် ဗိုက် ဖောက် ပြီးနို့ရည် သွင်းခြင်း ဖြင့် ၎င်း၊ အောက်ဆီ ဂျင် မတပ် လျှင် အသက်ရှူ ရပ် မှာဖြစ်၍ အောက်ဆီ ဂျင် ပိုက်ဖြင့်အသက်ရှူနေရခြင်း ၊ ကျောက်ကပ် ကို တစ်ပတ် ၃ ရက် ဆေး စစ် ရခြင်း )
စသော ရောဂါ စုံ များနှင့် ၆ နှစ်ကျော် ခံ စား ခဲ့ ရတာ
ယခု လူ့ဘဝ ဝဋ်ကြွေး တွေ ကြား မှ လွတ်မြောက် သွား ပြီ လို့ တပည့်တော်တရား အသိ ရလိုက်ပါတယ် ဘုရား
ဒါကြောင့် လူ့ဘဝ အသက်ရှင် နေ ကြဆဲ မှာ လူသားအားလုံး ဒေါသ ၊လောဘ ၊မောဟ တွေ ချုပ် ငြိမ်းပြီး ဆရာတော်ဘုရား နည်းတူ သည်းခံ ခြင်း၊ ဘုရားရဲ့ တရား စကား တွေ ၊ ဆရာတော် ဘုရား ဆုံးမ တဲ့ တရားစကားတွေ ကို နားထောင် ရုံ မဟုတ် ဘဲ လိုက်နာ ကျင့် သုံး ကြ ရမယ် ဆိုတဲ့ တရားအသိတွေ တပည့်တော် နဲ့ အတူ အားလုံး သတိ ရှိ / ထား ကြပါစေလို့ ဆုတောင်းပေးပါတယ်ဘုရား။
ကျေးဇူးဦးတင်ပါတယ်ဘုရား ။

သတင်း~Helen Guan
🙏 🙏 🙏

ဦးတင်ပါသည်
ဆရာတော်ဘုရား🙏

လာမည့် ဩဂုတ်လ(၁၀)ရက်နေ့တွင်
နေပြည်တော် လယ်ဝေး ဂုံမင်းအိုင် (အေးငြိမ်းချမ်းသာ) သဘာဝတရားရိပ်သာမှ ဘိုးဘွားယောဂီ အယောက် ( ၄၀မှ ၅၀)ခန့်သည် တရားစခန်းပတ်
ပြီးဆုံးပြီဖြစ်၍

(၂၀၃)မိုင် သဘာဝတရားရိပ်သာသို့ လာရောက်ပြီး

ဆရာတော်ဘုရားအား ဖူးတွေ့ဂါရဝပြု ဩဝါဒခံယူပါမည် ဘုရား။

#သတင်း-ဆရာလေးဒေါ်သီရိစန္ဒာ

🙏🙏🙏🙏🙏🙏🙏🙏🙏🙏

ဗီယက်နမ်ယောဂီများသတင်း

#2026.8.4

ဦးတင်ပါသည် ဆရာတော်ဘုရား🙏

(၂၀၃)မိုင်သို့နောက်ထပ်လာရောက်မည့် ဗီယက်နမ်ယောဂီများ ပါဘုရား🙏🙏🙏

# ၇.၈.၂၆ -ည
🇻🇳ဗီယက်နမ်- ဟနိွုင်းမှ ရန်ကုန်သို့
ည (၁၁)နာရီ ဆိုက်မည့် လေယာဉ်ဖြင့်
မစ္စတာ နင်းနှင့်မိခင် ဖြစ်သူရောက်ရှိပါမည်ဘုရား။

#၁၃.၈.၂၆
🇮🇳အိန္ဒိယ-ကာလကတ္တားမှ ရန်ကုန်သို့
ည(၉:၃၀)နာရီ ဆိုက်မည့်လေယာဉ်ဖြင့်
ဆရာလေးအန်းနှင့် ညီမဖြစ်သူ
ရောက်ရှိပါမည်ဘုရား။

#၂၀.၈.၂၆
🇻🇳ဗီယက်နမ် ဟိုချီမင်းမှ ရန်ကုန်သို့
ည(၁၀:၃၀)ဆိုက်မည့်လေယာဉ်ဖြင့်
ဗီယက်နမ်သီလရှင်(၁)ပါး၊ ကျားယောဂီ(၁)မယောဂီ(၁) - စုစုပေါင်းယောဂီ(၃)ဦးရောက်ရှိပါမည်ဘုရား။

# 🚐လေဆိပ်မှ ကြိုဆိုရေးအတွက် ကားစီစဉ်ပေးနိုင်ပါရန် လျောက်ထားအပ်
ပါသည်ဘုရား။

#သတင်း~ Apple Thatch

🙏🙏🙏🙏🙏🙏🙏

#၂၀၂၆.၈.၄

ဦးတင်ပါသည် ဆရာတော်ဘုရား။ 🙏

၂၀၂၃ ခုနှစ် ဗီယက်နမ်နိုင်ငံ ဟနွိုင်းမြို့၌ ကျင်းပခဲ့သော ဝါတွင်းသုံးလ တရားစခန်းတွင် စေတနာထက်သန်စွာ ပါဝင်လှူဒါန်းခဲ့သော အလှူရှင်အဖွဲ့သည် လက်ရှိ မြန်မာနိုင်ငံသို့ ရောက်ရှိနေပြီး၊
၎င်းတို့၏ နောက်ဆုံးခရီးစဉ်အဖြစ် (၂၀၃) မိုင် သဘာဝတရားရိပ်သာသို့ တစ်ညတာ လာရောက်တည်းခိုကာ ဆရာတော်ဘုရားအား ဖူးမြော်၍ လှူဒါန်းခြင်းနှင့် ဩဝါဒခံယူခြင်းများ ပြုလုပ်မည်ဖြစ်ကြောင်း သိရှိရပါသည်ဘုရား။

အဆိုပါ အလှူရှင်အဖွဲ့တွင် စုစုပေါင်း (၁၉) ဦး ပါဝင်ပြီး ခရီးပန်းနွမ်းနယ်နေသဖြင့် အနားယူရန် နေရာ စီစဉ်ပေးရန် လိုအပ်ကြောင်း သိရှိရပါသည်ဘုရား။

သို့ဖြစ်ပါ၍ အလှူရှင် (၁၉) ဦးအတွက် တစ်ညတာ တည်းခိုရန်နေရာ၊ ညစာနှင့် အရုဏ်ဆွမ်းတို့ကို အဆင်ပြေစွာ စီစဉ်ပေးနိုင်ပါရန် လျှောက်ထားအပ်ပါသည်ဘုရား။ 🙏🙏🙏

#သတင်း – Ngoc Dung Tran

🙏🙏🙏🙏🙏🙏🙏

# 2026.8.4

ဦးတင်ပါသည် ဆရာတော်ဘုရား။ 🙏

လက်ရှိ (၂၀၃) မိုင် သဘာဝတရားရိပ်သာ တွင် တရားစခန်းဝင်ရောက်နေသော ဗီယက်နမ်ယောဂီ (၁၉) ဦး အနက် အမျိုးသမီးယောဂီ (၂) ဦးသည် လာမည့် ဩဂုတ်လ (၁၁) ရက် နံနက်ပိုင်းတွင် (၂၀၃) မိုင်မှ ရန်ကုန်- ရွှေဥမင်တောရတရားရိပ်သာ သို့ သွားရောက်၍ တရားစခန်းဆက်လက်ဝင်ရောက်မည်ဖြစ်ကြောင်း အကြောင်းကြားလာပါသည်။

သို့ဖြစ်ပါ၍ အဆိုပါ ယောဂီ (၂) ဦးအတွက် သွားလာရေးယာဉ်စီစဉ်ပေးနိုင်ပါရန် လျှောက်ထားအပ်ပါသည်ဘုရား။ 🙏

#သတင်း – Apple Thatch

🙏🙏🙏🙏🙏

29/07/2026

"တော်လောက်ပါပြီ''

**********************************

ကမ္ဘာတွေပျက်တာလည်း တစ်ကမ္ဘာပြီး
တစ်ကမ္ဘာများလှပေါ့။

ဂင်္ဂါဝါဠု သဲစုမက ပွင့်တော်မူတဲ့
ဘုရားအဆူဆူနဲ့လည်း လွဲခဲ့ပေါ့။

ဗြဟ္မာဘဝရခဲ့တာလည်း မနည်းပါဘူး။

နတ်ပြည် ၆ ထပ် တစ်ထပ်ပြီးတစ်ထပ်
ရောက်ခဲ့ရခဲ့တဲ့ နတ်သား နတ်သမီးဘဝလည်း အကြိမ်ကြိမ်ပါပဲ။

သိကြားမင်းဘဝရခဲ့တာလည်း
မနည်းလောက်ပါဘူး။

လူ့ဘဝကတော့ ပြောစရာတောင်လိုမယ်မထင်ပါဘူး။

ယောင်္ကျားဖြစ်လိုက် မိန်းမဖြစ်လိုက် သားဖြစ်လိုက် သမီးဖြစ်လိုက်
အဘိုးဖြစ်လိုက် အဖွားဖြစ်လိုက်

အဘိုးက သား၊ သားက အဘိုး
အမေကသမီး သမီးကအမေ
ဟို_စုံနေအောင်ပါပဲ။

အားလုံးဟာ ဆွေမျိုးတွေကြီးပါပဲ။

မတော်ဘူးတာ မရဘူးတာ
မဖြစ်ဘူးတာ မရှိပါဘူး။

ဘဝတွေဝေးသွားကြလို့သာပါ။

သူဋ္ဌေးလည်း ပိုင်ဆိုင်မှုအမျိုးမျိုးနဲ့
အရောင်မျိုးစုံပါပဲ ရခဲ့ကြပေါ့။

ဆင်းရဲတဲ့ဘဝလည်း အမျိုးမျိုးပေါ့။

သူတောင်းစားဘဝလည်း အကြိမ်ကြိမ်ပါပဲ။

သူတောင်းစားဘဝထက်ဆိုးတဲ့
ဘဝတွေလည်း အကြိမ်ကြိမ်ပေါ့။
ရခဲ့ကြပေါ့။

ပညာရှိလား အသိပညာ အတတ်ပညာ
အမျိုးမျိုးတတ် အမျိုးမျိုးသိ။ ကျွမ်းကျင်လိမ္မာပေါ့။
ဘဝအမျိုးမျိုးပေါ့။

ပညာမဲ့လား လူရိုင်းတွေဘဝလောက် ပညာမဲ့တာတော့ ရှိမယ်မထင်တော့ပါဘူး။
အနေဆင်းရဲ အစားဆင်းရဲပါဗျာ သားငါးစား' မရှိ ' မရ ' အငတ်နေပေါ့။

အငတ်နေရတဲ့ နေ့ရက်တွေလည်း မနည်းလှပါဘူး။

အဘိုးအတွက်၊ အဘွားအတွက်၊ အဖေအတွက်၊ သားသမီးအတွက်၊ မြေးအတွက်၊ ဆွေမျိုးအတွက်၊ မိတ်ဆွေအတွက်တွေနဲ့ ငိုခဲ့ ကျခဲ့ရတဲ့ မျက်ရည်တွေလည်း သမုဒ္ဒရာရေမက များခဲ့လှပါပြီ။

လွမ်းလိုက်၊ ဆွေးလိုက်၊ ရီလိုက်၊ ပြုံးလိုက်၊ ငိုလိုက်၊ မဲ့လိုက်၊ ရွဲ့လိုက်၊ စောင်းလိုက် သံသရာရှည်ခဲ့ပါပေါ့။

တိရစ္ဆာန်ဘဝတွေကလည်း အမျိုးအစားအမျိုးမျိုး၊ အကြီးအသေး အမျိုးမျိုး
အရောင်အသွေးအစုံစုံပါပဲ။

ကြီးနိုင် ငယ်ညှင်း
သူ့အသား ကိုယ်စား
ကိုယ့်အသား သူစားပေါ့။
ဖြစ်ခဲ့ကြပီးပြီ ရခဲ့ကြပီးပြီ။

အရိုးတွေသာ စုထားမယ်ဆိုရင် မြင့်မိုရ်တောင် အလုံးပေါင်းမနည်းလှထက်များနေမှာပါ။

အပယ်လေးဘုံက ကိုယ့်ရဲ့နေအိမ်ပါ။

ဘဝတွေ တော်လောက်ပါပြီ။
ဒီလောက်ဆို တော်လောက်ပါပြီ။

ရုပ်ဝတ္ထု တိုးတက်တဲ့ခေတ်တွေလည်း
အနန္တမှီခဲ့ပါပြီ။

နာမ်(စိတ် )စွမ်းအင်တိုးတက်တဲ့ခေတ်
တွေလည်း အနန္တမှီခဲ့ပါပြီ။
ပျော်ခဲ့ မော်ခဲ့ပါပြီ။

သက်တမ်းအနေနဲ့ဆိုလည်း ၁၀နှစ်တမ်းအသင်္ချေယျတမ်း နေခဲ့ပါပြီ မှီခဲ့ပါပြီ။

ဒီဘဝ ဒီမျှသာပါပဲ တော်လောက်ပါပြီ။

မြင်ဖူးပီးသားတွေ ကြားဖူးပီးသားတွေ
စားဖူးပီးသားတွေ တွေ့ဖူးပီးသားတွေ
ခံစားဖူးပီးသားတွေ ချည်းပါပဲ။

မမြင်ဘူး မတွေ့ဘူး မခံစားဘူးပီးသားရယ်လို့ မရှိတော့ပါဘူး။
ဆက်မမိုက်ခြင်စမ်းပါနဲ့။

ဒီဘဝ ဒီမျှသာ တော်လောက်ပါပြီ။

ဒီသာသနာ ဒီဆရာတွေနဲ့
နိဗ္ဗာန်ကိုသာ အရောက်လှမ်းနိုင်ပါစေ။

#သပိတ်အိုင်တောရဆရာတော်ကြီးဘဒ္ဒန္တကိတ္တိ

"Enough is Enough"

Worlds have been destroyed, one after another, so many times.

Many Buddhas have appeared in the world, as countless as the grains of sand in the Ganges River, but I missed them all.

I have been born as a Brahma (a high heavenly being) many times.
I have been born in all six levels of heaven, many times, as both male and female gods.
I have even been the King of the Gods many times.

As for human life — I don't even need to talk about it.
I was a man, a woman, a son, a daughter, a grandfather, a grandmother.

The grandfather was once the son; the son was once the grandfather.
The mother was once the daughter; the daughter was once the mother.
We have been all of those roles, again and again.
We were all relatives to each other.
There is nothing I haven't done, nothing I haven't had, and nothing I haven't been.
It's just that those lives are now far behind us.

I was a rich person, with all kinds of wealth and possessions.
I was poor, in many ways.
I was a beggar, many times.
I even had lives worse than a beggar, many times.

I was wise, knowing many kinds of knowledge and skills.
I was foolish too — I can't imagine being more foolish than living like a wild person, struggling to eat, with no food, going hungry.
The days I spent starving were not few.

The tears I have shed for grandparents, parents, children, grandchildren, relatives, and friends — they are more than all the water in the ocean.

I have longed, grieved, laughed, smiled, cried, frowned, and swayed through this long cycle of life.

I have been animals of all kinds — big and small, all colors and shapes.
The big ones ate the small ones, and the small ones ate the big ones.
I have been them all. I have experienced it all.

If all the bones from my past lives were piled up, they would be far taller than Mount Meru many times over.

The four lower hells have been my home.

These lives have been enough. That's enough.

I have reached the ends of times of material progress.
I have reached the ends of times of mental and spiritual progress.
I have enjoyed and been amazed through it all.

In terms of lifespan, I have lived for countless eons (asankheyya).
I have experienced all that.
This life is just one more. Enough.

Everything I see now, I have seen before.
Everything I hear, I have heard before.
Everything I eat, I have eaten before.
Everything I meet, I have met before.
Everything I feel, I have felt before.
There is nothing left that I haven't seen, met, or felt.

Please, don't continue living in this ignorance anymore.

This life is just this much. It is enough.

With this Buddhist teaching and with these teachers, may I be able to reach Nibbana (the end of all suffering).

— Sayadaw of Thabateik Taung, Bhaddanta Kitti

"တော်လောက်ပါပြီ''

**********************************

ကမ္ဘာတွေပျက်တာလည်း တစ်ကမ္ဘာပြီး
တစ်ကမ္ဘာများလှပေါ့။

ဂင်္ဂါဝါဠု သဲစုမက ပွင့်တော်မူတဲ့
ဘုရားအဆူဆူနဲ့လည်း လွဲခဲ့ပေါ့။

ဗြဟ္မာဘဝရခဲ့တာလည်း မနည်းပါဘူး။

နတ်ပြည် ၆ ထပ် တစ်ထပ်ပြီးတစ်ထပ်
ရောက်ခဲ့ရခဲ့တဲ့ နတ်သား နတ်သမီးဘဝလည်း အကြိမ်ကြိမ်ပါပဲ။

သိကြားမင်းဘဝရခဲ့တာလည်း
မနည်းလောက်ပါဘူး။

လူ့ဘဝကတော့ ပြောစရာတောင်လိုမယ်မထင်ပါဘူး။

ယောင်္ကျားဖြစ်လိုက် မိန်းမဖြစ်လိုက် သားဖြစ်လိုက် သမီးဖြစ်လိုက်
အဘိုးဖြစ်လိုက် အဖွားဖြစ်လိုက်

အဘိုးက သား၊ သားက အဘိုး
အမေကသမီး သမီးကအမေ
ဟို_စုံနေအောင်ပါပဲ။

အားလုံးဟာ ဆွေမျိုးတွေကြီးပါပဲ။

မတော်ဘူးတာ မရဘူးတာ
မဖြစ်ဘူးတာ မရှိပါဘူး။

ဘဝတွေဝေးသွားကြလို့သာပါ။

သူဋ္ဌေးလည်း ပိုင်ဆိုင်မှုအမျိုးမျိုးနဲ့
အရောင်မျိုးစုံပါပဲ ရခဲ့ကြပေါ့။

ဆင်းရဲတဲ့ဘဝလည်း အမျိုးမျိုးပေါ့။

သူတောင်းစားဘဝလည်း အကြိမ်ကြိမ်ပါပဲ။

သူတောင်းစားဘဝထက်ဆိုးတဲ့
ဘဝတွေလည်း အကြိမ်ကြိမ်ပေါ့။
ရခဲ့ကြပေါ့။

ပညာရှိလား အသိပညာ အတတ်ပညာ
အမျိုးမျိုးတတ် အမျိုးမျိုးသိ။ ကျွမ်းကျင်လိမ္မာပေါ့။
ဘဝအမျိုးမျိုးပေါ့။

ပညာမဲ့လား လူရိုင်းတွေဘဝလောက် ပညာမဲ့တာတော့ ရှိမယ်မထင်တော့ပါဘူး။
အနေဆင်းရဲ အစားဆင်းရဲပါဗျာ သားငါးစား' မရှိ ' မရ ' အငတ်နေပေါ့။

အငတ်နေရတဲ့ နေ့ရက်တွေလည်း မနည်းလှပါဘူး။

အဘိုးအတွက်၊ အဘွားအတွက်၊ အဖေအတွက်၊ သားသမီးအတွက်၊ မြေးအတွက်၊ ဆွေမျိုးအတွက်၊ မိတ်ဆွေအတွက်တွေနဲ့ ငိုခဲ့ ကျခဲ့ရတဲ့ မျက်ရည်တွေလည်း သမုဒ္ဒရာရေမက များခဲ့လှပါပြီ။

လွမ်းလိုက်၊ ဆွေးလိုက်၊ ရီလိုက်၊ ပြုံးလိုက်၊ ငိုလိုက်၊ မဲ့လိုက်၊ ရွဲ့လိုက်၊ စောင်းလိုက် သံသရာရှည်ခဲ့ပါပေါ့။

တိရစ္ဆာန်ဘဝတွေကလည်း အမျိုးအစားအမျိုးမျိုး၊ အကြီးအသေး အမျိုးမျိုး
အရောင်အသွေးအစုံစုံပါပဲ။

ကြီးနိုင် ငယ်ညှင်း
သူ့အသား ကိုယ်စား
ကိုယ့်အသား သူစားပေါ့။
ဖြစ်ခဲ့ကြပီးပြီ ရခဲ့ကြပီးပြီ။

အရိုးတွေသာ စုထားမယ်ဆိုရင် မြင့်မိုရ်တောင် အလုံးပေါင်းမနည်းလှထက်များနေမှာပါ။

အပယ်လေးဘုံက ကိုယ့်ရဲ့နေအိမ်ပါ။

ဘဝတွေ တော်လောက်ပါပြီ။
ဒီလောက်ဆို တော်လောက်ပါပြီ။

ရုပ်ဝတ္ထု တိုးတက်တဲ့ခေတ်တွေလည်း
အနန္တမှီခဲ့ပါပြီ။

နာမ်(စိတ် )စွမ်းအင်တိုးတက်တဲ့ခေတ်
တွေလည်း အနန္တမှီခဲ့ပါပြီ။
ပျော်ခဲ့ မော်ခဲ့ပါပြီ။

သက်တမ်းအနေနဲ့ဆိုလည်း ၁၀နှစ်တမ်းအသင်္ချေယျတမ်း နေခဲ့ပါပြီ မှီခဲ့ပါပြီ။

ဒီဘဝ ဒီမျှသာပါပဲ တော်လောက်ပါပြီ။

မြင်ဖူးပီးသားတွေ ကြားဖူးပီးသားတွေ
စားဖူးပီးသားတွေ တွေ့ဖူးပီးသားတွေ
ခံစားဖူးပီးသားတွေ ချည်းပါပဲ။

မမြင်ဘူး မတွေ့ဘူး မခံစားဘူးပီးသားရယ်လို့ မရှိတော့ပါဘူး။
ဆက်မမိုက်ခြင်စမ်းပါနဲ့။

ဒီဘဝ ဒီမျှသာ တော်လောက်ပါပြီ။

ဒီသာသနာ ဒီဆရာတွေနဲ့
နိဗ္ဗာန်ကိုသာ အရောက်လှမ်းနိုင်ပါစေ။

#သပိတ်အိုင်တောရဆရာတော်ကြီးဘဒ္ဒန္တကိတ္တိ

26/07/2026

🙏 ဝါတွင်းသုံးလ တရားစခန်းအတွက် မွန်မြတ်လှသော အလှူဒါန

သဘာဝဆရာတော်ဘုရားကြီး ဦးဆောင်ကျင်းပမည့် နေပြည်တော် (၂၀၃) မိုင် သဘာဝရိပ်သာ ဝါတွင်းသုံးလ တရားစခန်းတွင် သံဃာတော်များနှင့် ယောဂီများ အဆင်ပြေချောမွေ့စွာ တရားအားထုတ်နိုင်စေရန် ရည်ရွယ်၍ 🇻🇳ဗီယက်နမ်နိုင်ငံ ဟိုချီမင်း KIM Anh Group 🇻🇳မှ သားအမိနှစ်ဦးက စေတနာထက်သန်စွာဖြင့် စားသောက်ဖွယ်ရာ စုစုပေါင်း (၆၀) ကီလိုဂရမ် လှူဒါန်းကုသိုလ်ပြုခဲ့ကြပါသည်။

လှူဒါန်းပေးသော ပစ္စည်းများမှာ—

🌿 မှိုခြောက်
🥜 မြေပဲ
🌾 နှမ်း
🌰 သီဟိုစေ့
🥣 ကွေကာ (Quaker Oats)
🍙 ကိုရီးယားရေညှိ
🧂 အသင့်သုံး အရသာရှိဆား
🌶️ ငရုတ်ကောင်းမှုန့်

စသည့် အာဟာရပြည့်ဝပြီး အသုံးဝင်သော စားသောက်ကုန်များ ဖြစ်ပါသည်။

ဤမွန်မြတ်သော ဒါနကုသိုလ်သည် ဝါတွင်းကာလအတွင်း တရားအားထုတ်ကြမည့် သံဃာတော်များနှင့် ယောဂီများအတွက် အထောက်အကူကောင်းတစ်ရပ် ဖြစ်စေမည်သာမက၊ သာသနာတော်ကို ထောက်ပံ့ပူဇော်သော အကျိုးကြီးမားသည့် ကုသိုလ်တစ်ရပ်လည်း ဖြစ်ပါသည်။

🇻🇳 KIM Anh Group 🇻🇳မှ သားအမိနှစ်ဦး၏ ကြည်လင်သန့်ရှင်းသော စေတနာဒါနအတွက် သာဓုအနုမောဒနာ ခေါ်ဆိုရင်း၊ ဤကုသိုလ်ကောင်းမှု၏ အကျိုးဆက်ကြောင့် ကိုယ်စိတ်နှစ်ဖြာ ကျန်းမာချမ်းသာကြပါစေ၊ စီးပွါးဥစ္စာများ ဒီရေအလား တိုးတက်ကြီးပွား၍ သာသနာပြုကုသိုလ်များကို ယခုထက်မက ဆက်လက်ပြုလုပ်နိုင်ကြပါစေ။
ဤကောင်းမှုသည် သစ္စာတရားကိုသိမြင်စေရန် ကောင်းသော အထောက်အပံ့ဖြစ်ပါစေကြောင်း ဆုမွန်ကောင်းတောင်းအပ်ပါသည်။

🙏 သာဓု… သာဓု… သာဓု… 🙏

23/07/2026

အရှင်ဥတ္တမသာရ ခရီးစဥ် ၂၀၂၆-၇-၂၂

၂၀၂၆-၇-၂၀ ည ၁၁နာရီ ဟူစတန် 10317 Windsor Ln, Houston, TX 77031, USA Viên Không Buddhist Monastery ဗီယက်နမ်ကျောင်းမှ 1970 Turnbull Canyon Rd, Hacienda Heights, CA 91745, USA
သဘာဝရိပ်သာသို့ ပြန်ကြွမည်။
(၁၅၃၀မိုင် ၂၃နာရီ ကားမောင်းချိန် ၁၂ဦး)

Hacienda Heights သဘာဝရိပ်သာတွင် နေ့ဆွမ်း ဘုဥ်းမည်။ မနက် ၁၀နာရီ ပြန်ရောက်မည်။

၂၀၂၆-၇-၂၃ရက် မနက်စောစော ၁၂:၅၅နာရီ LAXမှ ဟိုချီမင်းသို့ ပြန်ကြွမည်။
CI007 ၂၃ကီလို ၂ အိတ် နှင့် လက်ဆွဲ
ပေါင်း ၂ပါး

၂၀၂၆-၇-၂၄မနက် ၅:၁၀နာရီ တိုင်
ဝမ်သို့ရောက်မည်။
မနက် ၇:၁၅နာရီ ထိုင်ဝမ်မှ ဟိုချီမင်းသို့ ထွက်မည်။ CI781
၂၀၂၆-၇-၂၄ရက် မနက် ၉:၄၀နာရီ ဟိုချီမင်းသို့ ပြန်ရောက်မည်။

📅 ဆရာတော် အရှင်ဥတ္တမသာရ၏ ဟိုချီမင်း ခရီးစဉ်
(ဇူလိုင် ၂၄ - ၂၆)
🗓 ဇူလိုင် ၂၄ ရက် (သောကြာနေ့)
* မနက်ပိုင်း: တန်ဆွန်းနက် (Tân Sơn Nhất) လေဆိပ်သို့ ကြိုဆိုနှုတ်ဆက်ခြင်း။
* နေ့လယ်ပိုင်း: ဆရာတော်နှင့် သံဃာတော်များအား ဆွမ်းအလှူရှင်၏ နေအိမ်သို့ ပင့်ဆောင်၍ နေ့ဆွမ်း ဆက်ကပ်လှူဒါန်းခြင်း (၇ ယောက်စီး ကား ၂ စီး၊ ၅ ယောက်စီး ကား ၁ စီးဖြင့် ပင့်ဆောင်မည်)။

* ဆွမ်းစားပြီးချိန်: တရားဓမ္မနာယူရန်နှင့် မေးမြန်းစုံစမ်းလိုသည်များကို လျှောက်ထားရန် အခြားအလှူရှင်တစ်
ဦး၏ နေအိမ်သို့ ကြွရောက်မည်။

* ညနေပိုင်း: ကား ၃ စီးဖြင့် ဖူးဆွန် (Phước Sơn) ကျောင်းတိုက်သို့ ကြွရောက်မည်။

🗓 ဇူလိုင် ၂၅ ရက် (စနေနေ့)
ဖူးဆွန်ကျောင်းတိုက် (Phước Sơn Monastery) - တရားစခန်းအစီအစဉ်
တစ်ရက်တာ တရားအားထုတ်ခြင်း အစီအစဉ် ဆရာတော် ဥတ္တမသာရ နှင့် ဆရာတော် ဗူးချန်း (Most Venerable Bửu Chánh)

စိတ်ကို အေးချမ်းစွာ လျှော့ချပါ– တရားဘာဝနာ ပွားများပါ– သတိနှင့် ပညာကို မြှင့်တင်ပါ
* ရက်စွဲ: ၂၀၂၆ ခုနှစ်၊ ဇူလိုင်လ ၂၅ ရက် (စနေနေ့)
* အချိန်: မနက် ၅:၀၀ နာရီ – ညနေ ၅:၃၀ နာရီ
* နေရာ: ဖူးဆွန်ကျောင်းတိုက် (368 Thành Thái, Tân Cang, Phước Tân, Đồng Nai)

တရားစခန်း အချိန်ဇယား:
* ၀၅:၀၀: စကြံကြွ၍ မေတ္တာဘာဝနာ ပွားများခြင်း
* ၀၆:၀၀ - ၀၆:၃၀: အာရုံဆွမ်း ဆက်ကပ်လှူဒါန်းခြင်း
* ၀၇:၀၀ - ၀၈:၀၀: ပရိတ်တရားတော်များ ရွတ်ဖတ်ပူဇော်ခြင်းနှင့် တရားဒေသနာတော် နာယူခြင်း (ဆရာတော် ဗူးချန်း)
* ၀၈:၃၀ - ၁၀:၃၀: ဆရာတော် ဥတ္တမသာရထံ တရားဓမ္မ မေးမြန်းလျှောက်ထားခြင်း
* ၁၀:၃၀ - ၁၁:၃၀: ထေရဝါဒ ရိုးရာစနစ်အတိုင်း နေ့ဆွမ်း ဆက်ကပ်လှူဒါန်းခြင်း
* ၁၄:၃၀ - ၁၇:၀၀: တရားထိုင်နည်း လမ်းညွှန်ချက်များနှင့် မေးမြန်းလျှောက်ထားခြင်း (ဆရာတော် ဥတ္တမသာရ)
* ၁၇:၀၀ - ၁၇:၃၀: ကုသိုလ်အမျှဝေခြင်းနှင့် အခမ်းအနား ရုပ်သိမ်းခြင်း

🗓 ဇူလိုင် ၂၆ ရက် (တနင်္ဂနွေနေ့)
* မနက်စောစော: မနက် ၈:၃၅ နာရီတွင် ဘန်ကောက်သို့ ကြွရောက်မည် ဖြစ်ပါသည်။
ကီလို၂၀ နှင့် လက်ဆွဲ ၇ကီလို

၂၀၂၆-၇-၂၇ ညနေ မဲဆောက်သို့ကြွမည်။ ၂၈ မဲဆောက် မြဝတီ
ငြိမ်းချမ်းရေး ကယ်ဆယ်ရေးခရီး

၂၀၂၆-၇-၂၉ မှ ၂၀၂၆-၁၀-၂၆ ဝါတွင်း ၃လ တရားစခန်း ၂၀၃မိုင် သဘာဝရိပ်သာ

၂၀၂၆-၁၁-၁
၂၀၃မိုင် သဘာဝရိပ်သာ ကထိန်

၂၀၂၆-၁၁-၂မှ ၂၈အထိ ဟိုချီမင်း တရားစခန်းများ

၂၀၂၆-၁၂-၁ မှ ၁၅အထိ အိန္ဒိယ ဗုဒ္ဓဂယာ ပါဠိတော်ရွှတ်ဖတ်ပူဇော်ခြင်းနှင့် တရားထိုင်ခြင်း

၂၀၂၆-၁၂-၂၇မှ ၂၀၂၇-၁-၃ရက် အထိ ထိုင်းနိုင်ငံ ပီမိုင် တရားစခန်း

၂၀၂၇-၁-၅ရက်မှ ၂၀၂၇-၂- ၅ရက်
အမေရိက တရားစခန်းများ
အထိ Orange County, San Jose, El Paso Texas Houston, Florida ,
ဆရာတော် အရှင်ဥတ္တမသာရ
၂၀၂၆-၇-၂၂

Itinerary of Venerable Ottamathara - July 22, 2026

July 20, 2026, 11:00 PM

· From: 10317 Windsor Ln, Houston, TX 77031, USA (Vien Khong Buddhist Monastery, a Vietnamese temple)
· To: 1970 Turnbull Canyon Rd, Hacienda Heights, CA 91745, USA (Nature Hermitage)
· Returning to Nature Hermitage.
· Distance: 1,530 miles, driving time: 23 hours, 12 people.

July 22, 2026

· Will have lunch at Nature Hermitage in Hacienda Heights.
· Will arrive back at 10:00 AM.

July 23, 2026, early morning

· Will fly from LAX to Ho Chi Minh City at 12:55 AM.
· Flight CI 007, 2 bags of 23 kg each, plus 2 carry-on bags.

July 24, 2026, 5:10 AM

· Arrive in Taiwan (Taoyuan).
· 7:15 AM: Depart Taiwan for Ho Chi Minh City on flight CI781.
· 9:40 AM: Arrive back in Ho Chi Minh City.

---

📅 Itinerary of Venerable Ottamathara in Ho Chi Minh City (July 24-26)

🗓 July 24 (Friday)

· Morning: Welcome at Tan Son Nhat Airport.
· Afternoon: Invite the Venerable and monks to a donor's home for lunch. (Transport: 2 cars for 7 people each, 1 car for 5 people).
· After lunch: Go to another donor's home for Dhamma talks and to ask questions.
· Evening: Travel to Phuoc Son Monastery by 3 cars.

🗓 July 25 (Saturday) - Phuoc Son Monastery - One-Day Meditation Retreat

· Theme: Calm the mind, practice meditation, develop mindfulness and wisdom.
· Date: July 25, 2026 (Saturday)
· Time: 5:00 AM – 5:30 PM
· Location: Phuoc Son Monastery (368 Thanh Thai, Tan Cang, Phuoc Tan, D**g Nai)

Retreat Schedule:

· 5:00 AM: Wake up and practice loving-kindness meditation.
· 6:00 - 6:30 AM: Offer breakfast to monks.
· 7:00 - 8:00 AM: Chanting and Dhamma talk (by Venerable Buu Chanh).
· 8:30 - 10:30 AM: Question and answer session with Venerable Ottamathara.
· 10:30 - 11:30 AM: Lunch offering (Theravada tradition).
· 2:30 - 5:00 PM: Meditation instructions and Q&A (by Venerable Ottamathara).
· 5:00 - 5:30 PM: Dedication of merits and closing ceremony.

🗓 July 26 (Sunday)

· Early Morning: Will depart for Bangkok at 8:35 AM.
· Luggage: 20 kg checked bag, 7 kg carry-on.

July 27, 2026 (Evening)

· Will travel to Mae Sot.
· July 28: Mae Sot – Myawaddy (Peace Relief Trip).

July 29, 2026 – October 26, 2026

· 3-month rains retreat (Vassa) at Nature Hermitage (203 miles ).

November 1, 2026

· Kathina ceremony (robe offering) at Nature Hermitage (203 miles away).

November 2 – 28, 2026

· Meditation courses in Ho Chi Minh City.

December 1 – 15, 2026

· India, Bodh Gaya: Pali chanting and meditation.

December 27, 2026 – January 3, 2027

· Meditation course in Phimai, Thailand.

January 5 – February 10, 2027
USA Meditation Retreat
· Travel to: Orange County, San Jose, El Paso, Texas, Houston, Florida.

— Venerable Sayadaw Ashin Ottamathara — July 22, 2026

22/07/2026

🙏မြဝတီမြို့၊ကရင်ပြည်နယ်ကံပွင့်ချမ်းသာဘုရားကျောင်း ဦးစီးပဓာနနာယကဆရာတော်ဘဒ္ဒန္တကောဝိဒ၏ဓမ္မပူဇာအလှူငွေမှ

🟢ရန်ကုန်သန်လျင်သဘာဝတရားရိပ်သာဆရာတော်ဘုရားနဝကမ္မအတွက်NTD10,000 (၁၃သိန်း၁သောင်း၇ထောင်ကျပ်)

🔴၃၉ထိုင်ဝမ်သဘာဝတရားရိပ်သာကျောင်းအလှူအတွက် NTD6800+၁သောင်းကျပ်

🟡၆၂ထိုင်ဝမ်သဘာဝတရားရိပ်သာကျောင်းအလှူအတွက် NTD6800+၁သောင်းကျပ် စီဖြင့်သဒ္ဓါတရားထက်သန်စွာပြန်လည်စွန့်လွှတ်ကုသိုလ်ပြုပါ၏။

ဤသို့လှူဒါန်းရသောကုသိုလ်ကြောင့်ဘဒ္ဒန္တကောဝိဒဆရာတော်ဘုရားသက်ရှည် ကျန်းမာ အစစပြည့်စုံ၍ လွယ်ကူချမ်းသာစွာ သာသနာပြုနိုင်ပါစေ။ လိုရာခရီးပေါက်ရောက်နိုင်ပါစေဘုရား။

နိဗ္ဗာန်နဿပစ္စယောဟောတု 🙏🙏🙏 — with Ko Nyi.

Credit~ TC Taiwan

22/07/2026

🍀လိုအပ်ချိန်မှာ ဆိုက်ရောက်လာသည့်
ယာနဒါန မြတ်ဒါန🍀

“လိုအပ်နေချိန်မှာ ရောက်လာတဲ့အလှူ” ဆိုတာ တန်ဖိုးအကြီးဆုံး အလှူတစ်ခုပါ။

ရိက္ခါကုန်း သဘာဝပညာရေးရိပ်သာအတွက် ကျောင်းကြို/ပို့ကားတစ်စီး လိုအပ်နေတာဟာ ကျောင်းမဖွင့်ခင်ကတည်းကပါ။

နယ်စပ်ဒေသက တောင်ယာမိသားစုတွေရဲ့ ကလေးငယ်တွေကို ကျောင်း
ကြိုကျောင်းပို့ ဖို့ ၊စာသင်ပေးဖို့၊ ဗုဒ္ဓတရားတွေ သင်ကြားပေးဖို့၊ သံဃာတော်များ ဆွမ်းခံကြွရာမှာလည်း အသုံးပြုနိုင်ဖို့ ရိပ်သာမှာ ယာဉ်တစ်စီး အရေးတကြီး လိုအပ်နေခဲ့ပါတယ်။

သို့သော် အကြောင်းအကျိုး မညီညွတ်သေးသဖြင့် မဖြစ်မြောက်နိုင်ခဲ့ပါ။

ယနေ့တော့ အားလုံး မျှော်လင့်မထားတဲ့ အချိန်မှာ ရိပ်သာ၏ ပင်မအလှူရှင်မိသားစုက ရိပ်သာစတစ်ကာ အပြည့်အစုံကပ်ထားပြီး၊ အမိုးအကာများ တပ်ဆင်ပြီး၊ ဆီအပြည့်ဖြည့်ထားသော ယာဉ်ကို အသင့်အသုံးပြုနိုင်
အောင် ရိပ်သာအရောက် လှူဒါန်းပေးခဲ့ပါတယ်။

ဤသည်မှာ ယာဉ်တစ်စီးကိုသာ လှူဒါန်းခြင်း မဟုတ်ပါ။

နယ်စပ်ဒေသက ကလေးငယ်များရဲ့ပညာရေးအတွက်…
သူတို့ရဲ့ ကိုယ်ကျင့်တရားနဲ့ အနာဂတ်ဘဝအတွက်…
သံဃာတော်များရဲ့ သာသနာပြုလုပ်ငန်းများအတွက်…
ဆင်းရဲနွမ်းပါးသော မိသားစုများထံ အကူအညီများ ဆက်လက်ရောက်ရှိနိုင်ဖို့အတွက်…
မဟာကုသိုလ်လမ်းကိုဖောက်လုပ်ပေးတဲ့ မဟာဒါနတစ်ခုပဲ ဖြစ်ပါတယ်။

ရိက္ခါကုန်း သဘာဝပညာရေးရိပ်သာဟာ ထိုင်း–မြန်မာနယ်စပ်နားမှာ တည်ရှိပြီး၊ လက်ရှိမှာ တောင်ယာမိသားစုများရဲ့ကလေးငယ်များကို အခမဲ့ ပညာသင်ကြားပေးခြင်း၊ ဗုဒ္ဓတရားတော်များနဲ့ကမ္မဌါန်းအားထုတ်မှု သင်ကြားပေးခြင်း၊ ဒေသခံ မိသားစုများကို တတ်နိုင်သမျှ ထောက်ပံ့ကူညီခြင်းများ၊ ကမ္မဌါန်းတရားသသ်ကြားပြသပေးခြင်းများ ကို စေတနာရှင်အလှူရှင်များနဲ့စုပေါင်းဆောင်ရွက်လျက်ရှိပါတယ်။

ဆရာတော် အရှင်ဥတ္တမသာရရဲ့အဓိကရည်မှန်းချက်မှာ နယ်စပ်ဒေသရှိ ကလေးငယ်များ အန္တရာယ်များလွန်းတဲ့ လမ်းကြောင်းများထဲ မရောက်သွားစေရန်၊ ပညာနဲ့ဓမ္မကို အခြေခံပြီး ဘဝကို တည်ဆောက်တတ်သူများ ဖြစ်လာစေရန်၊ အနာဂတ်မှာ ဘက်စုံပညာရေး ဘကကျောင်းဖွင့်လှစ်ကာ ဆက်လက်ပြုစုပျိုးထောင်ပေးသွားရန် ဖြစ်ပါတယ်။

ပြည်တွင်းပဋိပက္ခများမဖြစ်မီကပင် စတင်ခဲ့တဲ့ ဤရည်မှန်းချက်သည်
မငြိမ်းချမ်းမှု အခြေအနေများကြောင့် အရှိန်အဟုန်နှေးခဲ့ ရပေမယ့်လည်း ယခုအခါ ပွင့်လန်းလာသောအခြေအနေများ ကြောင့် သက်ဝင်လှုပ်ရှားနေပြီဖြစ်ပါတယ်။

ယခု ယာဉ်အလှူသည်လည်း မူလရည်မှန်းချက်ကြီး အရှိန်အဟုန်နဲ့ ရှေ့ဆက်လှမ်းနိုင်ဖို့ အားဖြည့်ပေးတဲ့ ကာလဒါန ယာနဒါန မဟာကောင်းမှုကုသိုလ်တစ်ရပ် ဖြစ်ပါတယ်။

အစဉ်အမြဲ လိုအပ်သမျှကို ဖြည့်ဆည်းပေးလျက်ရှိတဲ့ ပင်မအလှူရှင်မိသားစုကို အထူးကျေးဇူးတင်ရှိလျက်

🙏 ယာဉ်လှူဒါန်းခြင်းအကျိုးကြောင့် ကိုယ်စိတ်နှစ်ဖြာ ကျန်းမာချမ်းသာကြပါစေ။
🙏 ရည်မှန်းချက်မှန်သမျှ အောင်မြင်ပြည့်စုံပါစေ။
🙏 သာသနာအကျိုး၊ သတ္တဝါအကျိုးကို ဆက်လက်သယ်ပိုးနိုင်သော အကြောင်းကောင်းများ တိုးပွားပါစေ။
🙏 မဂ်၊ ဖိုလ်၊ နိဗ္ဗာန်အကျိုးထူးကို အလျင်အမြန် မျက်မှောက်ပြုနိုင်ကြပါစေ ကြောင်းဆုတောင်းမေတ္တာပို့သအပ်ပါတယ်။

💎 ✨သူတပါးရဲ့ လိုအပ်ချက်ကို ဖြည့်ပေးခြင်းသည်
ထိုသူအတွက်က တစ်ခဏ တစ်ဘဝမျှသာ ဖြစ်သော်လည်း
မိမိအတွက်မူ နိဗ္ဗာန် အကျိုးကို ရမည်ဖြစ်၍
ကိုယ့်အတွက်ကတော့ အများကြီး အကျိုးရှိ၍
ပြုလုပ်သင့် ပြုလုပ်ထိုက်သော အကြောင်းတရား ဖြစ်သည်။
☂️ဆရာတော် အရှင်ဥတ္တမသာရ

✨💎Fulfilling the needs of others
may be for that person only a moment, a lifetime
but for oneself, it will bring the benefit of Nibbana
and for oneself, it will bring many benefits
and it is a worthy cause to do so.

☂️Sayada Ashin Uttamasara

သာဓု… သာဓု… သာဓု… 🙏🙏🙏

#မူရင်းသတင်း-Ashin Zanapati ဆရာလေးဇေယျမဂ္ဂဥာဏီ

20/07/2026

🚨 ဗိုလ်ချုပ်လမ်း တရားဆေးရုံ (သဘာဝရိပ်သာခွဲ) မှ လက်ရှိမြေပြင်အခြေအနေ

🤝လုပ်အားဒါန ကာလဒါနလိုအပ်နေပါတယ်

⏰ နေ့မအား၊ ညမနား ၂၄ နာရီ လည်ပတ်နေတဲ့ ကုသိုလ်ယန္တရား

အလှူရှင်များရဲ့ သဒ္ဓါတရား တိုးပွားလာတာနဲ့အမျှ ဗိုလ်ချုပ်လမ်း တရားဆေးရုံရဲ့ နေ့စဉ်လုပ်ငန်းတွေဟာ အဆမတန် များပြားလာပါတယ်။ လက်ရှိမှာ ရှိတဲ့ လူအင်အားနဲ့ မနိုင်မနင်း ဆောင်ရွက်နေကြရတဲ့ အခြေအနေပါ။

နေ့စဉ် ကုသိုလ်လုပ်ငန်းစဉ်တွေကတော့—

🌿 မနက်အစောပိုင်းမှာ အာရုံဆွမ်းအတွက် ဆန်ပြုတ်၊ မုန့်နဲ့ ကော်ဖီတွေကို ပင်မရိပ်သာကြီးသို့ ကားကြီးနဲ့ သွားရောက်လှူဒါန်းရပါတယ်။

🌿 တစ်ဖက်မှာလည်း ဆွမ်းတန်း (၃) တန်းအတွက် လူအင်အား ခွဲဝေပေးရပါတယ်။

🌿 မနက်စာလှူပြီး ပြန်ရောက်တာနဲ့ နေ့လည်စာအတွက် ချက်ပြုတ်ပြင်ဆင်ရပြန်ပါတယ်။ လူအင်အားနည်းတဲ့အတွက် မနားတမ်း လုပ်ဆောင်ကြရပါတယ်။

🌿 နေ့လည် (၂) နာရီမှာ သန်လျင်ရိပ်သာကြီးသို့ နောက်တစ်ကြိမ် ထပ်မံထွက်ကြရပါတယ်။

🌿 Media တာဝန်ခံ လူငယ်တွေကတော့ တစ်နေ့လုံး ကွင်းဆင်း၊ မှတ်တမ်းတင်ရုံသာမက ညနေပြန်ရောက်ပြီးနောက် အလှူရှင်တွေရဲ့ ဖုန်း၊ Message နဲ့ စုံစမ်းမေးမြန်းမှုတွေကို ညသန်းခေါင်ကျော်အထိ ဖြေကြားပေးနေကြရပါတယ်။

🌿 ည (၉) နာရီရောက်မှ သမီးမိန်းကလေးတွေက နောက်တစ်နေ့အတွက် အသီးအရွက်တွေ ပြင်ဆင်ကြရပြီး၊ မနက်လင်းတာနဲ့ သားယောက်ျားလေးတွေက ဆွမ်းတန်းထွက်၊ ဈေးဝယ်၊ ပို့ဆောင်ရေးစတဲ့ တာဝန်တွေကို ဆက်လက်ထမ်းဆောင်ကြရပါတယ်။

ထို့အပြင် အခြားပရဟိတအဖွဲ့များရဲ့ ဖိတ်ခေါ်မှုအရ ကြားဖြတ်အကူအညီလုပ်ငန်းတွေကိုလည်း အားတက်သရော ပါဝင်ဆောင်ရွက်နေကြပါတယ်။

အလုပ်တွေ ဘယ်လောက်ပင် ပင်ပန်းနေပါစေ…
ဒီလူငယ်တွေဟာ အပြုံးမပျက်၊ မညည်းညူဘဲ ကုသိုလ်လုပ်ငန်းအပေါ် ယုံကြည်မှုအပြည့်နဲ့ အင်အားကုန် ပေးဆပ်နေကြတာပါ။
⸻
🌸 လောကီဘဝကို စွန့်ပြီး မဟာကုသိုလ်လမ်းကို ရွေးချယ်ခဲ့တဲ့ မိသားစု

ဗိုလ်ချုပ်လမ်း တရားဆေးရုံကို တာဝန်ယူဦးဆောင်နေသူကတော့ တစ်ချိန်က အထက်တန်းကျောင်းမှ ဆရာမတစ်ဦး (ယခု ရိပ်သာတာဝန်ခံ ဆရာလေး) ဖြစ်ပါတယ်။

မယ်တော်က ကျောင်းဆရာမကြီး၊ သမီးက ကျောင်းသူ၊ ခင်ပွန်းကလည်း စီးပွားရေး အဆင်ပြေသူတစ်ဦး ဖြစ်ပေမယ့်…

ကိုဗစ်ကာလမှာ ဆရာတော်ဘုရား တရားဆေးရုံဖွင့်လှစ်ပြီး လူနာများကို အကန့်အသတ်မရှိ ကယ်တင်စောင့်ရှောက်ခဲ့ချိန်မှစပြီး မိသားစုတစ်စုလုံး လောကီဘဝရဲ့ သက်သာချမ်းသာမှုကို စွန့်လွှတ်ကာ ကုသိုလ်လမ်းပေါ်မှာ သစ္စာရှိရှိ၊ တာဝန်သိသိနဲ့ ယနေ့တိုင် လျှောက်လှမ်းနေကြတာ ဖြစ်ပါတယ်။

ဆရာတော်ဘုရား အရှင်ဥတ္တမသာရ မိန့်ကြားတော်မူသလို—

“ကုသိုလ်ဆိုတာ လုပ်ခွင့်ရတုန်း၊ လမ်းကြောင်းပေါ် ရှိတုန်း အမိအရ လုပ်ရတယ်။”

ဒီခံယူချက်နဲ့ပဲ ဗိုလ်ချုပ်လမ်း တရားဆေးရုံကို ရောက်ရှိလာတဲ့ အနယ်နယ်အရပ်ရပ်က လူငယ်တွေကိုလည်း အနာဂတ်မှာ လောကအတွက် အားကိုးထိုက်တဲ့ လူကောင်းလူမွန်တွေ ဖြစ်လာအောင် မိဘရင်းသဖွယ် ပြုစုပျိုးထောင်ပေးနေပါတယ်။
⸻
🙏 လုပ်အားဒါန အရေးပေါ် ဖိတ်ခေါ်အပ်ပါတယ်

လက်ရှိအချိန်မှာ ဗိုလ်ချုပ်လမ်း တရားဆေးရုံအတွက် လုပ်အားဒါန ပေးနိုင်မယ့် လူအင်အား အရေးပေါ် လိုအပ်နေပါတယ်။

ရိပ်သာနဲ့ ယခင်က ဆက်စပ်ဖူးသည်ဖြစ်စေ၊ မဆက်စပ်ဖူးသည်ဖြစ်စေ…

ကုသိုလ်ပြုလိုသူ မည်သူမဆို လာရောက်ပူးပေါင်း လုပ်အားဒါနပေးနိုင်ပါတယ်။

ရေရှည်နေထိုင်ပြီး ပါဝင်ဆောင်ရွက်လိုသူများကိုလည်း စီစစ်လက်ခံပေးသွားမှာ ဖြစ်ပါတယ်။
⸻
ဗိုလ်ချုပ်လမ်း တရားဆေးရုံရဲ့ မရပ်မနား လည်ပတ်နေတဲ့ ကုသိုလ်ယန္တရားကြီး ဆက်လက်လည်ပတ်နိုင်ဖို့အတွက်…

နိဗ္ဗာန်အကျိုးကို ရည်မျှော်ပြီး ကာယဒါန၊ ကာလဒါန ဖြင့် ပါဝင်ကုသိုလ်ယူကြဖို့ လေးစားစွာ ဖိတ်ခေါ်အပ်ပါတယ်။

💦🙏🙏🙏💦🙏🙏🙏💦🙏🙏🙏💦

Credit: Han Lin (မူရင်းပို့စ်အား အခြေခံ၍ ပြန်လည်တည်းဖြတ် ဖော်ပြပါသည်။)

19/07/2026

ကမ်းမမြင်၊ လမ်းမမြင် ဘဝများအတွက် နောက်ဆုံးခိုလှုံရာ

☂️ သင့်အတွက်၊ အများအတွက် — သဘာဝတရားရိပ်သာ ☂️

လမ်းဘေးတစ်နေရာမှာ လေဖြတ်ပြီး ကူရာကယ်ရာမဲ့ လဲကျနေတဲ့ လူတစ်ယောက်ကို တွေ့ရတဲ့အခါ လူအများစုက သနားကြပါတယ်။ တချို့က အရေးပေါ်ဆေးရုံပို့ပေးကြတယ်။ တချို့က အလှူငွေကောက်ပေးကြတယ်။ တချို့က လူမှုကွန်ရက်ပေါ်မှာ မျှဝေပေးကြတယ်။

ဒါတွေဟာ အလွန်တန်ဖိုးရှိတဲ့ မေတ္တာလုပ်ရပ်တွေပါ။

ဒါပေမယ့် မေးခွန်းတစ်ခုတော့ ကျန်နေပါတယ်။

အဲဒီလူရဲ့ နောက်တစ်နေ့ကို ဘယ်သူတာဝန်ယူမလဲ။
နောက်တစ်လကို ဘယ်သူစောင့်ရှောက်မလဲ။
နောက်တစ်နှစ်… ဒါမှမဟုတ် သူ့ဘဝနိဂုံးအထိ ဘယ်သူ မစွန့်ပစ်ဘဲ အတူရှိပေးမလဲ။

အဲဒီမေးခွန်းရဲ့ အဖြေကို နှစ်ပေါင်း (၁၈) နှစ်ကျော်ကြာ လက်တွေ့အလုပ်နဲ့ ဖြေဆိုနေတဲ့နေရာတစ်ခု ရှိပါတယ်။

အဲဒါကတော့ ဆရာတော် အရှင်ဥတ္တမသာရ တည်ထောင်ဦးစီးတဲ့ သန်လျင် သဘာဝတရားရိပ်သာ ဖြစ်ပါတယ်။

ဒီရိပ်သာဟာ လေဖြတ်လူနာ ရာနဲ့ချီ၊ HIV၊ TB နှင့် ဆေးယဉ်တီဘီလူနာများ၊ စိတ်ကျန်းမာရေးလူနာများ၊ ကင်ဆာဝေဒနာရှင်များ၊ မိဖမစုံကလေးများ၊ စင်ဂယ်မိခင်များ၊ ဘိုးဘွားများ၊ ဂီလာနသံဃာတော်များနှင့် သီလရှင်များအပါအဝင် ကူရာကယ်ရာမဲ့သူ ထောင်နဲ့ချီကို အကန့်အသတ်မရှိ လက်ခံစောင့်ရှောက်ပေးနေတဲ့ မေတ္တာအိမ်တစ်ခု ဖြစ်ပါတယ်။

ရိပ်သာရဲ့ မေတ္တာဟာ မြန်မာနိုင်ငံအတွင်းမှာပဲ မရပ်တန့်ပါဘူး။

ထိုင်းနိုင်ငံမှာ အလုပ်လုပ်ကိုင်ရင်း လေဖြတ်ခြင်း၊ ပြင်းထန်တဲ့ရောဂါများ ခံစားရခြင်း၊ အလုပ်လက်မဲ့ဖြစ်ပြီး အကူအညီမဲ့ကျန်ရစ်ခြင်း၊ ဆေးကုသဖို့ မတတ်နိုင်တော့တဲ့ မြန်မာရွှေ့ပြောင်းလုပ်သားများကိုလည်း တတ်နိုင်သမျှ ကူညီပြီး မြန်မာနိုင်ငံသို့ ပြန်လည်ပို့ဆောင်ပေးခြင်း၊ ရိပ်သာမှာ ဆက်လက်လက်ခံစောင့်ရှောက် ဆေးကုသပေးခြင်း၊ လိုအပ်သူများကို မိသားစုနဲ့ ပြန်လည်ဆုံစည်းနိုင်အောင် နေရပ်အရောက် ပို့ဆောင်ပေးခြင်းများကိုလည်း နှစ်ပေါင်းများစွာ ဆောင်ရွက်လျက်ရှိပါတယ်။

လူတစ်ယောက်ကို လမ်းဘေးကနေ ကောက်ယူလာဖို့က တစ်ရက်တာအလုပ်ဖြစ်နိုင်ပါတယ်။

ဒါပေမယ့် သူအသက်ရှင်နေသရွေ့ အစားအသောက်၊ ဆေးဝါး၊ နေရာထိုင်ခင်း၊ ပြုစုစောင့်ရှောက်မှု၊ နွေးထွေးတဲ့ မေတ္တာနဲ့ ဘဝရဲ့ နောက်ဆုံးခရီးအထိ အားကိုးရာဖြစ်ပေးရတာကတော့ နေ့စဉ် မရပ်မနား လည်ပတ်နေတဲ့ တာဝန်ကြီးတစ်ခုပါ။

ဒါတင်မကသေးပါဘူး။

လူတစ်ယောက်ရဲ့ ခန္ဓာကိုယ်ကိုသာ မဟုတ်ဘဲ၊ သူ့ရဲ့ စိတ်နှလုံးကိုလည်း ပြန်လည်ရှင်သန်လာစေဖို့၊ ဒါန၊ သီလ၊ ဘာဝနာ ကုသိုလ်ရိက္ခာများ စုဆောင်းနိုင်အောင် အားပေးလမ်းပြပေးခြင်းဟာ သဘာဝတရားရိပ်သာရဲ့ နေ့စဉ်ဆောင်ရွက်နေတဲ့ အမြင့်ဆုံးပရဟိတဖြစ်ပါတယ်။

ဒီလိုရိပ်သာတစ်ခု ရပ်တည်နိုင်ဖို့ နောက်ကွယ်မှာ ငွေကြေးအခက်အခဲတွေ၊ လူအင်အားလိုအပ်ချက်တွေ၊ ဝေဖန်မှုတွေ၊ နားလည်မှုလွဲမှားခြင်းတွေ၊ စွန့်လွှတ်အနစ်နာခံမှုတွေ၊ မမြင်ရတဲ့ ဖိအားတွေနဲ့ နေ့စဉ်ရင်ဆိုင်နေရပါတယ်။

အပြင်ကနေကြည့်ရင် မြင်ရတာက အဆောက်အဦးတစ်ခု၊ လူနာတချို့၊ အလှူခံပို့စ်တချို့ပဲ ဖြစ်နိုင်ပါတယ်။

ဒါပေမယ့် အဲဒီမြင်ကွင်းနောက်မှာတော့ အသက်ပေါင်းများစွာရဲ့ မျှော်လင့်ချက်၊ မိသားစုမရှိသူတွေရဲ့ နောက်ဆုံးခိုလှုံရာ၊ သေခါနီးလူတစ်ယောက်ရဲ့ နောက်ဆုံးအပြုံး၊ မျက်ရည်တွေနဲ့ ရောယှက်နေတဲ့ မေတ္တာတွေ ရှိနေပါတယ်။

ဝေဖန်မှုတွေ ရှိနိုင်ပါတယ်။ မေးခွန်းတွေ ရှိနိုင်ပါတယ်။

ဒါပေမယ့် အမှန်တရားဆိုတာ မြင်ရတဲ့ ဓာတ်ပုံတစ်ပုံ၊ ဗီဒီယိုတစ်ခု၊ စကားတစ်ခွန်းနဲ့ မဆုံးဖြတ်နိုင်ပါဘူး။

ကိုယ်တိုင်လာရောက်ကြည့်ရှုပါ။

လူနာတွေကို တွေ့ဆုံစကားပြောကြည့်ပါ။

ရိပ်သာရဲ့ တစ်နေ့တာ လည်ပတ်ပုံကို အချိန်ပေး လေ့လာကြည့်ပါ။

ဒါဆိုရင် “ပရဟိတ” ဆိုတာ အလှူငွေပေးခြင်းတစ်ခုတည်း မဟုတ်ဘဲ၊ လူတစ်ယောက်ကို ဘဝနိဂုံးအထိ မစွန့်ပစ်ဘဲ တာဝန်ယူခြင်းဆိုတဲ့ အဓိပ္ပာယ်ကို နားလည်လာပါလိမ့်မယ်။

လူတစ်ယောက်ကို ကယ်တင်တာက ကုသိုလ်တစ်ခု ဖြစ်ပါတယ်။

ဒါပေမယ့် ကယ်တင်ထားတဲ့ လူတစ်ယောက်ကို ဘဝနိဂုံးအထိ မစွန့်ပစ်ဘဲ၊ နောက်ဆုံးထွက်သက်အထိ မေတ္တာနဲ့ စောင့်ရှောက်ပေးနိုင်တာကတော့ သာမန်ကရုဏာ မဟုတ်တော့ပါဘူး။

အဲဒါဟာ စွန့်လွှတ်အနစ်နာခံမှု၊ အကန့်အသတ်မရှိတဲ့ မေတ္တာ၊ တာဝန်ယူရဲတဲ့ နှလုံးသားတို့ရဲ့ အသက်ရှင်နေတဲ့ သက်သေဖြစ်ပါတယ်။

လူ့ဘဝကို ပြောင်းလဲပေးနိုင်တဲ့ မေတ္တာဟာ နှုတ်ဖျားက စကားလုံးတွေထဲမှာ မရှိပါဘူး။

အမည်မဖော်ဘဲ၊ အကျိုးမမျှော်ဘဲ၊ နေ့စဉ် စွန့်လွှတ်အနစ်နာခံနေကြတဲ့ နှလုံးသားတွေဆီမှာတော့ အမှန်တကယ် အသက်ဝင်လျက်ရှိနေပါတယ်။

ဗုဒ္ဓမြတ်စွာဘုရား၏ သာသနာတော်သည်
ဆင်းရဲဒုက္ခကို မြင်နိုင်တဲ့ မျက်စိ၊ သူတစ်ပါးရဲ့ နာကျင်မှုကို ကိုယ့်နာကျင်မှုလို ခံစားနိုင်တဲ့ နှလုံးသား၊ လုပ်နိုင်သမျှကို လက်တွေ့ကျကျ ဆောင်ရွက်ပေးနိုင်တဲ့ ကရုဏာတရားကိုလည်း တန်ဖိုးထား သင်ကြားပေးထားတဲ့ သာသနာ ဖြစ်ပါတယ်။

ရောဂါဝေဒနာကို ပြုစုစောင့်ရှောက်ခြင်း၊ အားကိုးရာမဲ့သူကို ခိုလှုံရာပေးခြင်း၊ မျှော်လင့်ချက်ပျောက်ဆုံးနေသူကို ဘဝပြန်လည်ရပ်တည်နိုင်အောင် ကူညီပေးခြင်း၊ သေဆုံးခါနီးအချိန်ထိ မစွန့်ပစ်ဘဲ မေတ္တာနဲ့ စောင့်ရှောက်ပေးခြင်းတို့ဟာ ဗုဒ္ဓမြတ်စွာဘုရား၏ ကရုဏာလမ်းစဉ်ကို လက်တွေ့ကျင့်သုံးနေခြင်းပဲ ဖြစ်ပါတယ်။

အဲဒီကရုဏာဟာ လူတစ်ယောက်ရဲ့ ဒီဘဝကိုသာ မဟုတ်ဘဲ နောင်သံသရာအတွက်ပါ အကျိုးဖြစ်စေမယ့် ဒါန၊ သီလ၊ ဘာဝနာ ကုသိုလ်ရိက္ခာများ စုဆောင်းနိုင်အောင် အခွင့်အရေးဖန်တီးပေးနိုင်တဲ့ မြင့်မြတ်တဲ့ ကုသိုလ်အလုပ်တစ်ခုလည်း ဖြစ်ပါတယ်။

ဒါကြောင့်…

လူတစ်ယောက်ရဲ့ တန်ဖိုး၊ အဖွဲ့အစည်းတစ်ခုရဲ့ တန်ဖိုးကိုလည်း ဓါတ်ပုံတပုံ၊ ဗီဒီယို တခု၊ မြင်ကွင်းတစ်စိတ်တစ်ပိုင်းနဲ့ မဆုံးဖြတ်သင့်ပါဘူး။

အချိန်ကသာ သက်သေဖြစ်ပါတယ်။

လက်တွေ့လုပ်ဆောင်မှုကသာ သက်သေဖြစ်ပါတယ်။

ကယ်တင်ခံခဲ့ရတဲ့ ဘဝပေါင်းများစွာကသာ သက်သေဖြစ်ပါတယ်။

မေတ္တာစိတ်နဲ့ အနစ်နာခံခဲ့ကြတဲ့ နှလုံးသားတွေကသာ သက်သေဖြစ်ပါတယ်။

“ကမ္ဘာကြီးမှာ မေတ္တာနဲ့ ကရုဏာကို ရှင်သန်အောင် ထိန်းသိမ်းထားသူတွေ ရှိနေသရွေ့၊ ကမ်းမမြင် လမ်းမမြင်တဲ့ ဘဝတွေအတွက် အိုအေစစ်ဟာ အမြဲရှိနေဦးမှာပါ။”

Credit ~ Dhamma Present