Lazy Nerds, Yangon (2026)

07/10/2026

အလုပ်ထွက်ပြီးနောက်အပူအပင်ကင်းတဲ့ဘဝစနစ်ကိုရရှိခဲ့တယ်

ကျွန်တော်တို့နဲ့ လာရောက်ပူးပေါင်းထားတဲ့ ဘာသာပြန်သူ - PK ရဲ့စာစဉ်အသစ်လေးခင်ဗျာ ၊ အားပေးဖတ်ရှုကြပါအုံးခင်ဗျာ။

အပိုင်း 60 အထိ တင်ထားပါတယ်

ဖတ်ရန် Link ကို Original Post ရဲ့ Comment မှာယူပေးပါခင်ဗျ

ဇာတ်လမ်းအညွှန်း -

စုယန်ဆိုတာကတော့ သာမန်ရုံးဝန်ထမ်းတစ်ယောက်ပါပဲ။ ဒါပေမဲ့ အလုပ်ထွက်လိုက်ရတဲ့အချိန်မှာပဲ သူ့ဘဝကို ပြောင်းလဲပေးမယ့် "အပူအပင်ကင်းတဲ့ ဘဝစနစ်" ဆိုတာကြီးနဲ့ မမျှော်လင့်ဘဲ ဆုံလိုက်ရတယ်။ ဒီစနစ်ရဲ့ စည်းမျဉ်းက အလွန်တရာ ရိုးရှင်းပါတယ်။ -ဘဝကို အေးအေးလူလူ ပျော်ပျော်ရွှင်ရွှင် ဖြတ်သန်းနေရုံနဲ့တင် စနစ်ဆီကနေ အလန်းစား ကျပန်းဆုလာဘ်တွေ ပိုင်ဆိုင်ရမယ်။ -မိန်းမတွေအတွက် ငွေတွေအများကြီး ဖြုန်းတီးပစ်စရာ မလိုဘူး။ -ဘယ်သူ့မျက်နှာကိုမှလည်း ငဲ့ပြီး အောက်ကျို့တောင်းပန်နေစရာ မလိုဘူး။ -ကိုယ်ကြိုက်တာလုပ်၊ ပျော်သလိုနေ... ပြီးရင် ငွေတွေက အလိုလို ဝင်လာမယ်။ ဒီဝတ္ထုလေးက လက်တွေ့ဘဝရဲ့ အရသာနဲ့ အခြေအနေတွေကို အခြေခံထားပြီး ပေါ့ပေါ့ပါးပါးနဲ့ ဖတ်လို့ကောင်းမယ့် ဇာတ်လမ်းတစ်ပုဒ် ဖြစ်ပါတယ်။ ဒါတင်မကသေးဘူး... စနစ်မှာ စကန် ဖတ်လို့ရတဲ့ အစွမ်းလည်း ပါသေးတယ်။ မိန်းကလေးတစ်ယောက်ရဲ့ အလှအပတန်ဖိုးက (၈၅) မှတ်နဲ့အထက် ရှိနေပြီဆိုရင် စုယန်နဲ့ ဆက်စပ်မှုတွေ စတင်လာပါတော့မယ်။

အဲဒီမိန်းကလေးရဲ့ ရင်ခုန်သံ၊ နှစ်သက်မှုတွေ တစ်ဆင့်ပြီး တစ်ဆင့် တိုးလာတိုင်း စုယန်လည်း အပိုဆုလာဘ်တွေ ဆက်တိုက် ရရှိမှာပါ။ ဘဝမှာ နှစ်ပေါင်း နှစ်ဆယ်ကျော် ရုန်းကန်ခဲ့ရတဲ့ စုယန် တစ်ယောက် ဒီစနစ်ကို သိလိုက်ရချိန်မှာတော့ လက်တွေတောင် တုန်ရီသွားခဲ့တယ်။ သူ့ရဲ့ ပင်ပန်းနွမ်းနယ်နေတဲ့ မျက်ဝန်းတွေဟာလည်း ချက်ချင်းဆိုသလို တလက်လက် တောက်ပလာပါတော့တယ် "ဘဝကို ပျော်ပျော်ကြီး နေရင်းနဲ့တင် သူဌေးဖြစ်လာရမယ် ဟုတ်လား? ဒါကတော့ မလွယ်လွန်းဘူးလား ကွ..." ဒီလိုနဲ့ပဲ စုယန်ရဲ့ ရယ်စရာ၊ ပျော်စရာ၊ စိတ်လှုပ်ရှားစရာ ခရီးလမ်းသစ်ကြီး စတင်ခဲ့ပါ‌တော့တယ်..

05/10/2026

သူငယ်ချင်းသုံးဖော်၏ အနာဂတ်ကံကြမ္မာ

ကျွန်တော်တို့စီ လာရောက်ပူးပေါင်းတင်ဆက်ထားတဲ့ စာရေးသူ - Shwe Yin Myint Ooရဲ့ စာစဉ်ပါခင်ဗျာ ၊ ဤစာစဉ်သည်ကိုယ်တိုင်ရေးစာစဥ်ဖြစ်ပါတယ်၊အားပေးဖတ်ရူကြပါအုံးခင်ဗျာ။

အပိုင်း 18 အထိ တင်ထားပါတယ်

ဖတ်ရန် Link ကို Original Post ရဲ့ Comment မှာယူပေးပါ ခင်ဗျ

ဇာတ်လမ်းအညွှန်း -

သူငယ်ချင်းသုံးဖော်၏ အနာဂတ်ကံကြမ္မာ ကမ္ဘာကြီးကို ပြောင်းလဲမယ့်သူတွေ မဖြစ်ခင်မှာ… သူတို့ဟာ အိပ်မက်ကြီးတွေရှိတဲ့ ကလေးသုံးယောက်သာ ဖြစ်ခဲ့ကြတယ်။ လီယို အီဗန် — အခြားသူတွေမမြင်နိုင်တဲ့ ပြဿနာတွေကို ဖြေရှင်းနိုင်တဲ့ ဉာဏ်ရည်ထက်မြက်တဲ့ တီထွင်သူလေး။ ဂျက်စ်တင် ဇိန်း— အရှုံးတွေကြားထဲကနေတောင် လက်မလျှော့ဘဲ အိပ်မက်နောက်ကို လိုက်တဲ့ စိတ်ဓာတ်ပြင်းပြတဲ့ ကောင်လေး။
မာယာ စတာလင်— အမြဲတမ်း သူတစ်ပါးကို ကူညီဖို့ ရွေးချယ်တဲ့ ကြင်နာပြီး သတ္တိရှိတဲ့ မိန်းကလေး။

သူတို့ရဲ့ ဇာတ်လမ်းက ရိုးရှင်းတဲ့ ထမင်းဘူးလေးတစ်လုံး၊ ခေါင်းမာမှုလေးတချို့နဲ့ စတင်ခဲ့တဲ့ မမျှော်လင့်ထားတဲ့ သူငယ်ချင်းဖြစ်မှုကနေ စခဲ့တယ်။ ကျောင်းဘဝ၊ ပြိုင်ပွဲတွေ၊ စိန်ခေါ်မှုတွေနဲ့ မမေ့နိုင်တဲ့ အမှတ်တရတွေကြားမှာ လီယို၊ ဂျက်စ်တင် နဲ့ မာယာ တို့ဟာ အရေးကြီးဆုံးအရာကို သင်ယူလာကြမယ်။ အောင်မြင်မှုဆိုတာ အမြဲတမ်း အကောင်းဆုံးဖြစ်ဖို့ မဟုတ်ဘူး။ အရေးကြီးတာက— ကိုယ့်ကို ယုံကြည်ဖို့။ သူငယ်ချင်းတွေကို တန်ဖိုးထားဖို့။ ကိုယ့်ဘဝရဲ့တန်ဖိုးကို လေးနက်စွာသတ်မှတ်ဖို့။ ဒီသူငယ်ချင်းသုံးဖော်ဟာ ငယ်ဘဝအိပ်မက်တွေ၊ တစ်သက်တာသူငယ်ချင်းဖြစ်မှုနဲ့ လူတစ်ယောက်ကို ပုံဖော်ပေးတဲ့ မမေ့နိုင်သော အခိုက်အတန့်များအကြောင်း ရေးသားထားတဲ့ အသက်ကြီးပြင်းလာရင်း သက်စွန့်ဆံဖျား ဇာတ်လမ်းဖြစ်ပါတယ်။

04/10/2026

မျိုးရိုးဗီဇပေါင်းစပ်ခြင်းစနစ် - ရာဇဝတ်မှုအမဲလိုက်သူ

အပိုင်း 950 အထိ တင်ထားပါတယ်

ဖတ်ရန် Link ကို Original Post ရဲ့ Comment မှာယူပေးပါ ခင်ဗျ

ဇာတ်လမ်းအညွှန်း -

လော်ဖေးသည် ရဲအရာရှိသစ်တစ်ဦးဖြစ်သော်လည်း သူ၏ကိုယ်ထဲတွင် မျိုးဗီဇပေါင်းစပ်ခြင်းမှတစ်ဆင့် ခွေးများ၏အနံ့ခံနိုင်စွမ်းအပါအဝင် တိရစ္ဆာန်များ၏ မတူညီသောစွမ်းရည်များကို ရယူအသုံးချနိုင်စွမ်းရှိသည့် စနစ်တစ်ခု ရှိနေသည်။ အမျိုးသမီးတစ်ဦး၏ ကြောင်ပျောက်ရှာရာတွင် ကူညီပေးနေစဉ်၊ သူသည် ကပ်လျက်အခန်း၏ ဝရန်တာဆီမှ ဆိုးရွားသော အပုပ်နံ့တစ်ခုကို ရလိုက်သည်။ ထိုအနံ့မှာ... ပုပ်သိုးနေသော လူသေအလောင်း၏ အပုပ်နံ့ပင်....

04/10/2026

မိသားစုချက်ဂရုမှ နတ်ဘုရားဘဝသို့

ကျွန်တော်တို့စီမှာလာရောက်ပူးပေါင်းထတဲ့ ဘာသာပြန်သူ - အဆုံးမဲ့ခရီးသည် ရဲ့ စာစဉ်အသစ်ပါခင်ဗျာ ၊အားပေးဖတ်ရှုကြပါအုံးခင်ဗျာ။

အပိုင်း 352(ဇာတ်သိမ်းပိုင်း) အထိ တင်ထားပါတယ်

ဖတ်ရန် Link ကို Original Post ရဲ့ Comment မှာယူပေးပါ ခင်ဗျ

ဇာတ်လမ်းအညွှန်း -

ယဲ့ရှောင်ဟာ ဟာ ဝိညာဉ်ကုန်းမြေတိုက်ကြီး ကမ္ဘာမှာ နိုးထလာပြီး ကျောက်စိမ်းတံဆိပ်တော် သိုင်းဝိညာဉ်ကို ရရှိခဲ့ပေမယ့် သူ့ရဲ့ မွေးရာပါ ဝိညာဉ်စွမ်းအား က အဆင့် ၃ ပဲရှိခဲ့ပါတယ်……… ယဲ့ရှောင်ကသူ့ဘဝဟာ အနာဂတ်မှာ အသုံးမဝင်တဲ့သူတစ်ယောက်အဖြစ်ပဲ အဆုံးသတ်တော့မယ်လို့ တွေးနေချိန်မှာပဲ သူ့စိတ်ထဲကို “ချစ်ခင်ကြင်နာတဲ့ မိသားစု” ဆိုတဲ့ ချက်ဂရု တစ်ခု ရုတ်တရက် ပေါ်လာခဲ့လေ၏…..
[ယဲ့ချန်ရွှယ် — (ဒုတိယမျိုးဆက်): “ဝိုး ဖေဖေပဲ ဖေဖေ… ဖေဖေ… မြန်မြန် မေမေကိုရှာပါ။ သမီးက မွေးလာချင်နေပြီ”(⁠｡⁠•́⁠︿⁠•̀⁠｡⁠)]
[ယဲ့ကိုင်နင် — တတိယမျိုးဆက်: “အဘိုးရေ၊ ဒီ မသေမျိုးဆေးပင် တွေကို အရင်သုံးလိုက်ပါ။ အဘိုးရဲ့ သိုင်းဝိညာဉ်ကို ဆင့်ကဲပြောင်းလဲနိုင်အောင် ကူညီပေးလိမ့်မယ်။”]

[ ယဲ့ယွမ်လင်း — တတိယမျိုးဆက်: “အဘိုး၊ အဘွားရဲ့ ခါးက ထိလွယ်ရှလွယ်တဲ့ နေရာနော်။ ပြီးတော့ ဒီ ‘’ယဲ့မိသားစု စိတ်ဝိညာဉ်စွမ်းအားလေ့ကျင့်ခြင်းနည်းလမ်း-တတိယအကြိမ်ပြုပြင်ပြီးသား” ကိုလည်း ယူထားပါ။”] ဒီလိုနဲ့ ယဲ့ရှောင် ရဲ့ နေ့စဉ်ဘဝဟာ လုံးဝပြောင်းလဲသွားခဲ့ပါတယ်။ ကျင့်ကြံရေးနည်းစနစ် လိုအပ်လာတဲ့အခါ— သူ့ရဲ့ မျိုးဆက်တွေက နှစ်ပေါင်းတစ်ထောင်……… တစ်သောင်းအနာဂတ်ကနေ ကျင့်ကြံရေးနည်းစနစ်တွေ ပို့ပေးကြတယ်……. အရင်းအမြစ်တွေ လိုအပ်လာတဲ့အခါ— မျိုးဆက်တွေက မသေမျိုးဆေးပင် တွေနဲ့ ထူးခြားတဲ့အရင်းအမြစ်တွေ အမြောက်အမြား ပို့ပေးကြတယ်။ ဝိညာဉ်ကွင်း လိုအပ်လာတဲ့အခါ— သူ့ရဲ့ မျိုးဆက်တွေက သားရဲစိတ်ဝိညာဉ် တွေကို ပေးပို့ကြတယ်။ (Soulland3 ခေတ်တွင်သားရဲများကိုသတ်၍ဝိညာဉ်ကွင်း ယူစရာမလိုတော့ပဲ သားရဲများနှင့်စာချုပ်ချုပ်ဆိုကြသည်။ ထိုသားရဲစိတ်ဝိညာဉ်များသည် ဝိညာဉ်ကွင်းများနှင့် တူညီကြပြီး ပိုမိုတောင် အစွမ်းထက်ကြပါတယ်) ... ဒီလိုနဲ့ အချိန်ရဲ့မြစ်ကြောင်းကို ဖြတ်ကျော်လာတဲ့ သူ့မျိုးဆက်တွေရဲ့ အကူအညီကို အားကိုးပြီး ယဲ့ရှောင် ဟာ အသုံးမဝင်တဲ့ လူတစ်ယောက်ဘဝကနေ တဖြည်းဖြည်း အင်အားကြီးသူတစ်ယောက်အဖြစ် မြင့်တက်လာခဲ့ပြီး ဝိညာဉ်ကုန်းမြေတိုက်ကြီး တစ်ခုလုံးရဲ့ အခြေအနေတွေကို လှုပ်ခါစေခဲ့ပါတယ်။ဒါပေမယ့် တစ်နေ့မှာတော့ ချက်ဂရု ထဲက ငြင်းခုံမှုတွေဟာ အထွတ်အထိပ်ကို ရောက်လာခဲ့ပါတယ်— [ “မငြင်းကြနဲ့တော့ ‘ယဲ့မိသားစုသမိုင်း: ယဲ့ဘိုးဘေးရဲ့အချိန်လိုင်းအရ’ အရ ဒီအချိန်မှာ ဘိုးဘေးက ဝိညာဉ်ခန်းမရဲ့ ရဲ့ သန့်ရှင်းသောမိန်းမပျို နဲ့ တွေ့ခဲ့ရမှာ”] [ “အဓိပ္ပာယ်မရှိတာ သူက အရင်ဆုံး ဘုံခုနှစ်ဆင့်ပြဿာဒ်ဂိုဏ်း ရဲ့ မင်းသမီးလေး နဲ့ တွေ့ခဲ့တာ”] [ “မဟုတ်ဘူး၊ မဟုတ်ဘူး ပုပ်ရဟန်းမင်းကြီး နဲ့ တွေ့ခဲ့တာဖြစ်ရမယ်”] ယဲ့ရှောင် ဟာ ချက်ဂရု ထဲက စာတွေကို ကြည့်ပြီး ခဏငြိမ်သွားကာ “?” တစ်လုံးကို ဖြည်းဖြည်းချင်း ရိုက်လိုက်ပါတယ်။ “ခဏနေဦး… ငါက နတ်ဘုရားအဆင့်ကို တက်လှမ်းဖို့ ကြိုးစားနေရင်းနဲ့ မင်းတို့အားလုံး မွေးဖွားလာနိုင်ဖို့အတွက် အရင်ဆုံး မင်းတို့ရဲ့ ဘိုးဘေးမဖြစ်မယ့်သူကို ရွေးပေးရဦးမှာလား” မျိုးဆက်အားလုံး: “ဒါပေါ့! မဟုတ်ရင် ကျွန်တော်တို့ ဘယ်လိုမွေးလာမလဲ!”

03/10/2026

နေ့စဉ်သတင်းလက်ဆောင်နဲ့ ကျောင်းသားသူဌေးလေး
ဘာသာပြန်သူ - Xeno

အပိုင်း 40 အထိ တင်ထားပါတယ်

ဇာတ်လမ်းအညွှန်း -

ယဲ့စု ဟာ သာမန် တတိယနှစ် တက္ကသိုလ်ကျောင်းသားတစ်ယောက်ဖြစ်ပြီး မကြာသေးမီက မိသားစုမှာ ကြုံတွေ့ခဲ့ရတဲ့ ကံဆိုးမိုးမှောင်ကျမှုကြီးကြောင့် အနာဂတ်အတွက် စိုးရိမ်ပူပန်နေရသလို ငွေကြေးအရလည်း အလွန်အမင်း ကျပ်တည်းနေရသူပါ။ သူ့ဘဝဟာ လမ်းပျောက်နေပြီလို့ ခံစားနေရတဲ့အချိန်မှာပဲ နေ့စဉ် တန်ဖိုးရှိတဲ့ သတင်းအချက်အလက်တစ်ခုစီ ထုတ်ပေးတဲ့ လျှို့ဝှက်ဆန်းကြယ် "နေ့စဉ် သတင်းအချက်အလက် စနစ်" ဆိုတဲ့ စနစ်တစ်ခုကို မမျှော်လင့်ဘဲ ရရှိလိုက်ပါတော့တယ်။ အဲဒီသတင်းအချက်အလက်တွေဟာ ထီပေါက်မယ့်ဂဏန်း၊ ရှားပါးတံဆိပ်ခေါင်းတစ်ခု ဝှက်ထားတဲ့ တန်ဖိုးကြီး ရှေးဟောင်းပစ္စည်း၊ ဒါမှမဟုတ် ဆိုဖာဟောင်းကြီးတစ်ခုထဲမှာ ဖွက်ထားတဲ့ ရွှေချောင်းတွေလို သာမန်လူတွေ ဘယ်တော့မှ ရှာမတွေ့နိုင်တဲ့ လျှို့ဝှက်အခွင့်အရေးတွေကို ညွှန်ပြပေးနိုင်ပါတယ်။ ဒီလိုထူးခြားတဲ့ အားသာချက်ကို အသုံးချပြီး ယဲ့စုဟာ မိသားစုကို ကူညီဖို့အတွက် ငွေကြေးအနည်းငယ် စတင်ရှာဖွေလာပါတယ်။ ဒါပေမဲ့ နေ့စဉ်ရရှိတဲ့ သတင်းအချက်အလက်တွေရဲ့ တန်ဖိုးဟာ သူနဂိုက ထင်ထားတာထက် အများကြီး ပိုမိုကြီးမားနေခဲ့ပါတယ်။

စနစ်ကို ပါးနပ်စွာ အသုံးချတတ်လာတာနဲ့အမျှ ယဲ့စုဟာ ငွေရေးကြေးရေးကျပ်တည်းနေတဲ့ ကျောင်းသားလေးဘဝကနေ ရှေးဟောင်းပစ္စည်းတွေ၊ ရင်းနှီးမြှုပ်နှံမှုတွေ၊ စီးပွားရေးအခွင့်အလမ်းတွေနဲ့ ရှားပါးပစ္စည်းစုဆောင်းမှုတွေကတစ်ဆင့် ချမ်းသာကြွယ်ဝမှုကို တည်ဆောက်ပြီး အောင်မြင်တဲ့ စီးပွားရေးလုပ်ငန်းရှင်တစ်ယောက်အဖြစ် ဖြည်းဖြည်းချင်း ခြေလှမ်းလှမ်းလာပါတော့တယ်။ ရိုးရိုး အစွမ်းထက်လွန်းသော မြို့ပြဝတ္ထုတွေနဲ့မတူဘဲ ယဲ့စုဟာ လူအများရှေ့မှာ ဟန်ရေးပြတာ ဒါမှမဟုတ် ရန်သူတွေကို လိုက်လံနှိမ်ချတာမျိုးတွေကို အမြဲတမ်း မလုပ်ဆောင်ပါဘူး။ သူဟာ သူ့ရဲ့စွမ်းရည်ကို လျှို့ဝှက်ထားပြီး လက်တွေ့ကျကျ လှုပ်ရှားကာ စည်းစိမ်ဥစ္စာနဲ့ ဩဇာအာဏာကို မသိမသာ ငြိမ်ငြိမ်သက်သက် တည်ဆောက်သွားဖို့ကိုသာ ပိုမိုဦးစားပေးပါတယ်။ နေ့စဉ်ရရှိတဲ့ သတင်းအချက်အလက်တွေရဲ့ အကူအညီနဲ့အတူ သူ့ရဲ့ တက္ကသိုလ်ကျောင်းသားဘဝ၊ သူငယ်ချင်းသံယောဇဉ်၊ အချစ်ရေး၊ မိသားစုဆက်ဆံရေးနဲ့ ကြီးထွားလာတဲ့ စီးပွားရေးအင်ပါယာတို့ဟာ ဟန်ချက်ညီညီ တိုးတက်လာပါလိမ့်မယ်။ ဒီဝတ္ထုဟာ ခေတ်သစ်မြို့ပြနောက်ခံဖြစ်ပြီး တက္ကသိုလ်ကျောင်းသားဘဝ၊ စီးပွားရေး၊ ဘဝသရုပ်ဖော်၊ အချစ်ဇာတ်လမ်း၊ သဘာဝလွန်စွမ်းရည်တွေနဲ့ စနစ် အခြေခံ အဆင့်ဆင့်တိုးတက်မှုတွေကို ပေါင်းစပ်ဖွဲ့စည်းထားတာ ဖြစ်ပါတယ်။ အကျဉ်းချုပ်ဆိုရသော် — ငွေရေးကြေးရေး ကျပ်တည်းနေတဲ့ တက္ကသိုလ်ကျောင်းသားတစ်ယောက်ဟာ နေ့စဉ် တန်ဖိုးရှိတဲ့ သတင်းအချက်အလက်တစ်ခုစီ ပေးစွမ်းနိုင်တဲ့ လျှို့ဝှက်ဆန်းကြယ် စနစ်တစ်ခုကို ရရှိခဲ့ပါတယ်။ သေးငယ်တဲ့ ရှာဖွေတွေ့ရှိမှုလေးတွေကတစ်ဆင့် ယဲ့စုဟာ သတင်းအချက်အလက်တွေကို ငွေအဖြစ်၊ ငွေတွေကို စီးပွားရေးလုပ်ငန်းတွေအဖြစ် ပြောင်းလဲပစ်ကာ သာမန်တက္ကသိုလ်ကျောင်းသားဘဝကနေ ချမ်းသာကြွယ်ဝပြီး အောင်မြင်ကျော်ကြားမှုဆီသို့ အံ့ဖွယ်ခရီးလမ်းကို လျှောက်လှမ်းသွားပုံကို ဖတ်ရှုရမှာဖြစ်ပါတယ်။

02/10/2026

ငါ့အောင်မြင်မှုကို လုယူတာလား? ဒါဆိုရင်တော့ အလျော့ပေးပြီး အင်မော်တယ်ပဲဖြစ်လိုက်တော့မယ်

ဘာသာပြန်သူ - Xin ရဲ့စာစဥ် အသစ် လေးပါခင်ဗျ။ အားပေးဖတ်ရှုကြပါဦးခင်ဗျ။

အပိုင်း 30 အထိ တင်ထားပါတယ်

ဖတ်ရန် Link ကို Original Post ရဲ့ Comment မှာယူပေးပါ ခင်ဗျ

ဇာတ်လမ်းအညွှန်း -

ငါ့နာမည်က လင်းရွှမ်…..
ငါ့မှာစနစ်တစ်ခုရှိတယ်……
အဲ့စနစ်က လူတွေက….
ငါ့အပေါ် ထားရှိတဲ့ ….
အထင်သေးမှု…..
မနာလိုမှု……
သနားမှု……
ဒေါသနဲ့ စိတ်ခံစားချက်တိုင်းကို ငါ့ရဲ့ ကျင့်ကြံခြင်း အဖြစ် အလိုအလျောက် ပြောင်းလဲပေးတယ်လေ။
အဲ့ဒီတော့…..
“ကျေးဇူးပြုပြီး ငါ့ကို အထင်သေးပေးကြပါဦး”

****

လင်းရွှမ် သည် ဂိုဏ်းတစ်ခုလုံးတွင် အကြီးမားဆုံး ဟာသတစ်ခု ဖြစ်လာခဲ့သည်။
နဂါးကို သတ်ခဲ့သူမှာ သူဖြစ်သော်လည်း ဂုဏ်ပုဒ်အားလုံးကိုမူ သူ၏ စီနီယာအစ်ကိုက အပိုင်စီးသွားခဲ့လေသည်။
သို့သော် လင်းရွှမ်သည် အနည်းငယ်မျှပင် ဒေါသ မထွက်ခဲ့ပေ။
အကြောင်းမှာ သူက….
[အေးဆေးနှပ်ရင်း ကျင့်ကြံခြင်းတဲ့ စနစ်]
နှင့် ချိတ်ဆက်ထားပြီး ဖြစ်သောကြောင့် ပင်ဖြစ်သည်။
[ဒင်… စနစ်၏ စည်းမျဥ်း…အခြားသူများ သင့်အပေါ် ထားရှိသော ပြင်းထန်သော စိတ်ခံစားချက်များ…မနာလိုမှု...အထင်သေးမှု…သနားမှု…ဒေါသစသည်တို့သည် သင့်၏ ကျင့်ကြံခြင်း အဆင့်သို့ အလိုအလျောက် ပြောင်းလဲသွားမည် ဖြစ်သည်။]
[စနစ်၏ အကြံပြုချက်…. အရင်းအမြစ်အတွက်ပြိုင်ဆိုင်မှုများကို ရပ်တန့်ပါ… အေးဆေးအေးလူနေပါ….အားလုံး စိတ်ဓာတ်ပြိုလဲသွားသည့်နေ့သည် သင် အင်‌မော်တယ် အဆင့်သို့ တက်ရောက်မည့်နေ့ ဖြစ်လိမ့်မည်]

ထို့ကြောင့် သူသည် ပြိုင်ဆိုင်နေမှုများကို ရပ်တန့်လိုက်ပြီး အေးဆေးအေးလူ နှပ်နေကာ လူအများ၏ စိတ်ဓာတ်ကို လှုံ့ဆော်ရန်သာ အာရုံစိုက်လိုက်တော့သည်။
ထိုအချိန်မှစ၍ ဂိုဏ်းအတွင်း၌ အသုံးမကျသော လူတစ်ဦး ထွက်ပေါ်လာခဲ့လေသည်။
မိမိ၏ ဂိုဏ်းတူ ညီအစ်ကိုများမှာ အများသူငါ ရှေ့မှောက်တွင် ပုံရိပ်ကောင်းရရှိရန် ရုန်းကန်နေကြရသည်ကိုလည်းကောင်း….
အကြီးအကဲများမှာ သယံဇာတများအတွက် ပရိယာယ်ဆင်ကာ တိုက်ခိုက်နေကြသည်ကိုလည်းကောင်း ကြည့်ရှုရင်း...
လင်းရွှမ်သည် သာသာလေး ပြုံးလိုက်မိသည်။
”ကျေးဇူးပြုပြီး ငါ့ကိုအထင်သေးပေးကြပါဦ”

30/09/2026

နတ်သမီးလေးများနှင့် အဆတစ်သောင်းပြန်အမ်းစနစ်

ကျွန်တော်တို့စီမှာ လာရောက်ပူပေါင်းထားတဲ့ ဘာသာပြန် Team ဎ ရဲ့စာစဉ်ဖြစ်ပါတယ်ခင်ဗျာ၊ အားပေးဖတ်ရူပေးကြပါအုံး

အပိုင်း 60 အထိ တင်ထားပါတယ်

ဖတ်ရန် Link ကို Original Post ရဲ့ Comment မှာယူပေးပါ ခင်ဗျ

ဇာတ်လမ်းအညွှန်း -

"နတ်သမီးကို လက်ဆောင်တွေ ပဲပေးနေရမှာလား....ဘယ်လိုလုပ် ငါကချည်းပဲပေးနေမှာလဲ…သူမဘက်ကလည်း တစ်ခုခု ပြန်ပေးရမှာပေါ့”
သတင်းကောင်းကတော့ ချန်ချိုး အခြားကမ္ဘာတစ်ခုကို ကူးပြောင်းရောက်ရှိလာခဲ့ခြင်းပင်။
ဒီထက်ပိုကောင်းတဲ့ သတင်းကတော့ အစပိုင်းမှာတင် နတ်သမီးလေးတစ်ယောက်က သူ့အိပ်ရာဘေးမှာ ရှိနေခြင်းပင်။
ဒီထက်တောင် ပိုကောင်းတဲ့ သတင်းကတော့ သူဟာ စနစ်တစ်ခုကို နိုးထလာခဲ့ပြီး လက်ဆောင်ပေးတိုင်း အဆတစ်သောင်းပြန်လည်ရရှိနိုင်တဲ့ စနစ်ကို ပိုင်ဆိုင်ထားခြင်းပင်။
"နတ်သမီးကို လက်ဆောင်တွေ ပဲပေးနေရမှာလား....ဘယ်လိုလုပ် အပေးပဲဖြစ်နေရမှာလဲ…သူမဘက်ကလည်း တစ်ခုခု ပြန်ပေးရမှာပေါ့"
"မိစ္ဆာမလေးက ငါ့ရဲ့ အဆိပ်ဖြေဆေးကို လိုချင်တယ်ဟုတ်လား ဒါဆို သူမ ဘယ်လိုပေးဆပ်မလဲဆိုတာ ကြည့်ရသေးတာပေါ့"
"အေးစက်တဲ့ နတ်သမီးလေးက ငါ့ရဲ့ ကျမ်းစာကို လိုချင်တယ်ဟုတ်လား..ဒါဆို သူမရဲ့ စိတ်ရင်းမှန်မှုအပေါ် မူတည်တာပေါ့"
တဖြည်းဖြည်းနဲ့ အချစ်ရူးကြီး ချန်ချိုးရဲ့ နာမည်ဟာ နတ်ဘုရားတိုက်ကြီးတစ်ခုလုံးမှာ ပျံ့နှံ့ကျော်ကြားလာခဲ့ပါတော့သည်။

30/09/2026

သရုပ်ဖော်ဇာတ်လမ်းထဲက ဧကရီများနှင့် ကျွန်တော်

ကျွန်တော်တို့ဆီမှာလာရောက်ပူးပေါင်းထားတဲ့ ဘာသာပြန်သူ - အေဇက်ရဲ့စာစဉ်အသစ်လေးပါခင်ဗျာ၊ အားပေးဖတ်ရူပေးကြပါအုံးခင်ဗျာ။

အပိုင်း 320 အထိ တင်ထားပါတယ်

ဖတ်ရန် Link ကို Original Post ရဲ့ Comments မှာယူပေးပါ ခင်ဗျ

ဇာတ်လမ်းအညွှန်း -

ဝတ္ထုအကျဉ်းချုပ်
ကျန်းပေချန်တစ်ယောက် "စစ်ပွဲများဖြင့် ရှုပ်ထွေးနေသော ခေတ်၏ ဧကရီ" အမည်ရှိ ဂိမ်းတစ်ခုကို ဒေါင်းလုဒ်ဆွဲကာ ကစားခဲ့လေသည်။ ထိုဂိမ်းထဲတွင် ကစားသူသည် နာမည်ကျော်ဝန်ကြီးတစ်ပါးနေရာမှ ဝင်ရောက်ကစားရပြီး မိမိ၏ဘုရင်မကို ကမ္ဘာကြီးအား စည်းလုံးအုပ်ချုပ်နိုင်သည့် ဧကရီတစ်ပါးဖြစ်လာစေရန် ကူညီပံ့ပိုးပေးရမည် ဖြစ်သည်။
အစပိုင်းတွင် ဤအရာကို သာမန်ဂိမ်းတစ်ခုဟုသာ သူ ထင်မှတ်ထားခဲ့သည်။ ထို့ကြောင့် ကျန်းပေချန်သည် ဂိမ်းထဲရှိ ဘုရင်မနှင့် ရင်းနှီးမှုရရှိစေရန်၊ ပြည်နယ်ခုနစ်ခုကို ပေါင်းစည်းနိုင်ရန်နှင့် မတူညီသော ဇာတ်သိမ်းများကို ဖွင့်နိုင်ရန် အစွမ်းကုန် ကြိုးပမ်းခဲ့တော့သည်။

သို့ရာတွင် တစ်ရေးနိုးလာချိန်၌မူ အရာအားလုံး ပြောင်းလဲသွားခဲ့လေပြီ။ သူသည် ဂိမ်းကမ္ဘာထဲသို့ အချိန်ခရီးသွားကာ အမှန်တကယ် ရောက်ရှိသွားခဲ့ကြောင်း တွေ့ရှိလိုက်ရသည်။ ပို၍ အံ့အားသင့်စရာကောင်းသည်မှာ ဂိမ်းထဲမှ ခမ်းနားထည်ဝါလှသော ဘုရင်မကြီးသည် သူ၏ရှေ့မှောက်၌ မတ်တတ်ရပ်နေခြင်းပင်။
ဘုရင်မသည် အေးစက်သော်လည်း ဆွဲဆောင်မှုအပြည့်ရှိသော မျက်ဝန်းများဖြင့် ကျန်းပေချန်ကို စိုက်ကြည့်နေလေသည်။ ထို့နောက် သူမက "ဒီလူက သရုပ်ဖော်မှုတွေထဲမှာ ငါ့အတွက် ကြီးမားတဲ့ စွမ်းဆောင်မှုတွေ အများကြီး လုပ်ပေးခဲ့တဲ့ အမတ်ပဲ။ ဒါပေမဲ့ သူက တော်တော်ရဲတင်းပြီး ငါ့ကိုများ လက်ထပ်ချင်နေတယ်ပေါ့လေ" ဟု စိတ်ထဲမှ တွေးနေမိတော့သည်။

29/09/2026

အတိတ်ကိုပြန်လှည့်သောမိန်းမပျို

ကျွန်တော်တို့စီမှာ လာရောက်ပူးပေါင်းထားတဲ့ ဘာသာပြန်သူ - Zi Yan ရဲ့ စာဉ်အသစပ်ပါခင်ဗျာ ၊ အားပေးဖတ်ရူကြပါအုံးခင်ဗျာ။

အခန်း 30 အထိ တင်ထားပါတယ်

ဖတ်ရန် Link ကို Original Post ရဲ့ Comment မှာယူပေးပါ ခင်ဗျ

ဇာတ်လမ်းအညွှန်း -

တစ်ချိန်က သူမသည် လူတိုင်း၏လှောင်ပြောင်ခြင်းကို ခံခဲ့ရသော မိန်းမတစ်ယောက်သာ ဖြစ်ခဲ့သည်။ အာရီယာ၏ မိခင်သည် နိမ့်ကျသောနောက်ခံမှ လာသူတစ်ဦးဖြစ်ခဲ့သော်လည်း ကောင့်တစ်ဦးနှင့် လက်ထပ်ပြီးနောက် အာရီယာသည် ရော့ဆင့်မိသားစု၏ သမီးအဖြစ် ရုတ်တရက် မြင့်မြတ်သောလူမှုအသိုင်းအဝိုင်းထဲသို့ ဝင်ရောက်လာခဲ့သည်။ ဇိမ်ခံစည်းစိမ်များ၊ ဂုဏ်သိက္ခာများနှင့် ပြည့်နှက်နေသော ဘဝကို ပိုင်ဆိုင်ထားရသော်လည်း အာရီယာ၏ကံကြမ္မာသည် သူမထင်ထားသလောက် မလှပခဲ့ပေ။ သူမယုံကြည်ခဲ့သော ညီမဖြစ်သူ မီယယ်၏ အကြံအစည်များကြောင့် အာရီယာသည် အရာအားလုံးကို ဆုံးရှုံးခဲ့ရပြီး နောက်ဆုံးတွင် သူမ၏ဘဝပင် အဆုံးသတ်သွားခဲ့သည်။ သူမသေဆုံးသည့်အချိန်တွင် အနားဝန်းကျင်၌ ရှိနေသူများ၏ အေးစက်သောအကြည့်များနှင့် လှောင်ပြောင်သံများသာ ကျန်ရစ်ခဲ့သည်။ သို့သော်.... သေခြင်းသည် အာရီယာ၏ဇာတ်လမ်း၏ အဆုံးမဟုတ်ခဲ့ပေ။ အိပ်မက်တစ်ခုအလား ထူးဆန်းသော သဲနာရီတစ်လုံးကို မြင်တွေ့လိုက်ရသည့်အခိုက်တွင် ကမ္ဘာကြီးသည် ပြောင်းပြန်လှန်သွားခဲ့ပြီး အာရီယာသည် သူမ၏အတိတ်သို့ ပြန်လည်ရောက်ရှိလာခဲ့သည်။

ယခုတစ်ကြိမ်တွင် သူမသည် အရာအားလုံးကို သိရှိထားပြီ။ မည်သူက သူမကို သစ္စာဖောက်မည်။ မည်သူက သူမကို အသုံးချမည်။ မည်သူက သူမ၏ကျဆုံးခြင်းကို စောင့်မျှော်နေမည်။ အားလုံးကို သူမ သိနေပြီဖြစ်သည်။ “ငါ့ညီမ မီယယ်လိုမျိုး... လူတိုင်းရဲ့အမြင်မှာ ပြီးပြည့်စုံတဲ့ မိန်းမတစ်ယောက် ဖြစ်ချင်တယ်” သို့သော် အာရီယာ သိလာခဲ့သော အမှန်တရားတစ်ခု ရှိသည်။ ဗီလိန်တစ်ယောက်ကို အနိုင်ယူချင်လျှင် သူမထက် ပို၍ ရက်စက်တတ်ရမည်။ ယခင်ဘဝတွင် သူမကို သေဆုံးသည်အထိ တွန်းပို့ခဲ့သူများသည် ယခုတစ်ကြိမ်တွင် သူမ၏လက်ထဲမှ လွတ်မြောက်နိုင်မည်မဟုတ်တော့ပေ။ အာရီယာသည် ယခင်ကလို နူးညံ့ပြီး အလွယ်တကူ ယုံကြည်တတ်သော မိန်းမမဟုတ်တော့။ သူမ၏အလှအပသည် လူတိုင်းကို လှည့်စားနိုင်မည့် မျက်နှာဖုံးတစ်ခု ဖြစ်လာမည်။ သူမ၏အပြုံးနောက်ကွယ်တွင်တော့ မည်သူမျှ မမြင်နိုင်သော အစီအစဉ်များ တစ်ခုပြီးတစ်ခု ပေါ်ပေါက်လာမည်။ ဤတစ်ကြိမ်တွင် သူမသည် အသတ်ခံရမည့်သူ မဟုတ်တော့။ သူမကို သေဆုံးအောင် တွန်းပို့ခဲ့သူများကို တစ်ယောက်ချင်းစီ ပြန်လည်ပေးဆပ်စေမည့်သူ ဖြစ်လာမည်။ အလှအပနှင့် ဖုံးကွယ်ထားသော အန္တရာယ်များ၊ ပြုံးပြရင်း ခင်းကျင်းထားသော ထောင်ချောက်များနှင့် အတိတ်က အကြွေးများကို တစ်ခုချင်းစီ ပြန်လည်တောင်းခံမည့် လက်စားချေမှု....... အာရီယာ၏ ဒုတိယဘဝသည် ယခုမှ စတင်တော့သည်။

29/09/2026

တာအိုကျင့်ကြံခြင်းလောကရဲ့ စားဘဲကြီး

ကျွန်တော်တို့ဆီမှာ လာရောက်ပူးပေါင်းထားတဲ့ ဘာသာပြန်သူ Wiki ရဲ့ စာစဉ်လေးပါခင်ဗျာ၊ အားပေးဖတ်ရူပေးကြပါအုံးခင်ဗျာ။

အပိုင်း 590 အထိ တင်ထားပါတယ်

ဖတ်ရန် Link ကို Original Post ရဲ့ Comment မှာယူပေးပါ ခင်ဗျ

ဇာတ်လမ်းအညွှန်း -

လီဖုန်းဆိုတာ ကမ္ဘာမြေက သာမန်အိုတာကုလေးတစ်ယောက်။ ဒါပေမဲ့ တစ်နေ့မှာ ကံတရားရဲ့ စီမံမှုကြောင့်လားတော့ မသိ၊ တာအိုကျင့်ကြံသူတွေက ကိုယ့်ခန္ဓာကိုယ်ထက် တာအိုလမ်းစဉ်ကို ပိုပြီးအလေးထားကြတဲ့ ကမ္ဘာတစ်ခုဆီကို ရောက်သွားပါလေရော။
ပထမဆုံးရောက်တဲ့နေ့မှာပဲ ခွေးမြှီးကောက်ကျည်တောက်စွပ်ပြီး သေဆုံးနေတဲ့ ကျင့်ကြံသူတစ်ယောက်ဆီကနေ ဝိညာဉ်ကျောက်တုံး သုံးသောင်းခွဲကို တွေ့ရှိခဲ့တယ်။ ထိပ်တန်းဂိုဏ်းကြီးတစ်ခုမှာ အပြင်စည်းတပည့်နေရာရဖို့အတွက် အဲဒီကျောက်တုံးတွေထဲက သုံးသောင်းတိတိကို ရက်ရက်ရောရော သုံးပစ်ခဲ့တယ်။ နှစ်ပေါင်းများစွာ ကြိတ်မှိတ်ကျင့်ကြံရင်း အဆင့်တက်ဖို့အတွက် ကျန်တဲ့ကျောက်တုံးတွေကိုပါ အကုန်အစင်နီးပါး သုံးပစ်ခဲ့ပေမဲ့လည်း အနိမ့်ဆုံး ချီစုစည်းခြင်းအဆင့်မှာပဲ တစ်ဆို့နေတုန်းပါပဲ။

အခုတော့ ဝိညာဉ်ကျောက်တုံး တစ်ရာပဲ ကျန်တော့ပြီး စိတ်ရှည်သည်းခံနိုင်စွမ်းတွေလည်း ကုန်ဆုံးလာတဲ့အခါ...

Lazy Nerds

07/10/2026

05/10/2026

04/10/2026

04/10/2026

03/10/2026

02/10/2026

30/09/2026

30/09/2026

29/09/2026

29/09/2026

Address

Website

Alerts

Shortcuts

Share

Category

Listing takedown request