Thaton District Battalion - 7802

14/05/2026

စစ်မှန်သောဖက်ဒရယ်ဒီမိုကရေစီပြန်လည်ရရှိရေးနှင့် စစ်အာဏာရှင်ဖက်ဆစ်စနစ်ဆန့်ကျင်ရေးတိုက်ပွဲအတွင်း‌ ( 27.4.2026 ) ရက်နေ့တွင် ဝင်းတာပန်ရှေ့တန်းစစ်ဆင်ရေးတစ်နေရာ၌ ရဲရင့်မြင့်မြတ်စွာ အသက်ပေးလှူသွားပါသော ရဲဘော်ဒဲ့ပီ(ခ)ဆရာကျောင်း ၊ ရဲဘော်ရွှေအ ၊ ရဲဘော်ပေါက်ကြီး ၊ ရဲဘော်ကျောက်ဘီလူး ၊ (29.4.2026) ရက်နေ့တွင် ဝင်းတာပန်ရှေ့တန်းစစ်ဆင်ရေးတစ်နေရာ၌ ရဲရင့်မြင့်မြတ်စွာ အသက်ပေးလှူသွားပါသော ရဲဘော်ဘစိုင်း နှင့် (4.5.2026) ရက်နေ့တွင် ဖာပွန်စစ်ဆင်ရေးနယ်မြေတစ်နရာ၌ ရဲရင့်မြင့်မြတ်စွာ အသက်ပေးလှူသွားသော ရဲဘော်စောအိုက်ဇက် တို့သည် ကျွန်တော်တို့ တော်လှန်ရေး၏ မမှေးမှိန်နိုင်သော ကြယ်ပွင့်များ ဖြစ်ပါသည်။

​ရဲဘော်တို့ ပေးဆပ်ခဲ့သည့် သွေး၊ ချွေး နှင့် ရဲဘော်တို့ ယုံကြည်ခဲ့သည့် စစ်အာဏာရှင်စနစ်အပြီးတိုင်ကျဆုံးရေးအတွက် ကျွန်ုပ်တို့ ရဲဘော်ရဲဘက်များက ပန်းတိုင်ရောက်သည်အထိ ဆက်လက်တိုက်ပွဲဝင်သွားမည်ဟု ကတိပြုပါသည်။

- P27802(သထုံခရိုင်အမှတ်7802တပ်ရင်း)

Rest In Power Comrades

12/04/2026

စည်းလုံးညီညာတော့အောင်ကြောင်းဖြာတာပေါ့

04/01/2026

သွေးစွန်းနေဆဲလွတ်လပ်ရေးနေ့

ယနေ့ ၂၀၂၆ ခုနှစ်၊ ဇန်နဝါရီလ ၄ ရက်နေ့ဟာ (၇၈) နှစ်မြောက်လွတ်လပ်ရေးနေ့ဖြစ်ပါတယ် ၊ ဒါပေမဲ့ ကျွန်တော်တို့ရဲ့ အမိမြေကတော့ နာကျင်စရာ ငိုကြွေးသံတွေနဲ့ ပြည့်နှက်နေဆဲပါ ။ လွတ်လပ်ရေးဆိုတဲ့ စကားလုံးဟာ ကျည်ဆန်တွေဗုံးဆန်‌တွေကြားမှာ လွင့်ပြယ်ပျောက်ဆုံးခဲ့ရပြီး ၊ ဂုဏ်ပြုသံတွေအစား ဗုံးကြဲလေယာဉ်သံတွေက ပိုမိုကျယ်လောင်နေပါတယ်။ မိသားစုများ သေကွဲ ရှင်ကွဲ ခွဲခွာရခြင်း၊ ဘုန်းကြီးကျောင်းတွေ ၊ ဘုရားကျောင်းတွေ ၊ ဗလီတွေ ၊ အိုးအိမ်တွေ ပြာကျပျက်စီးရခြင်းနဲ့ အပြစ်မဲ့ပြည်သူတွေရဲ့ အသက်သွေးတွေ နေ့စဉ်နဲ့အမျှ မြေခနေရခြင်းတွေဟာ ကျွန်တော်တို့တိုင်းပြည်ကြီးအမှန်စင်စစ်မလွတ်လပ်သေးဘူးဆိုတာ ထင်ရှားနေတဲ့သက်သေတွေပါ ။ နိုင်ငံတော်အလံ လွှင့်ထူထားပေမယ့်လည်း စစ်အာဏာရှင်ရဲ့ ဖိနှိပ်မှုတွေအောက်မှာ ပြည်သူတွေရဲ့ လွတ်လပ်ခွင့်တွေဟာ သံကြိုးတွေနဲ့ တုပ်နှောင်ခံထားရဆဲ ဂုတ်သွေးစုပ်ခံနေရဆဲပါ ။ ကျွန်တော်တို့ရဲ့လွတ်လပ်ရေးဟာသွေးစွန်းနေဆဲပါ ၊ ချုပ်နှောင်ခံနေရဆဲပါ ။

စစ်အာဏာရှင်စနစ်ဆိုးကြီး အပြီးတိုင် ကျဆုံးမှသာလျှင် ၊ ပြည်သူ့အသံတွေကို နားထောင်ပြီး ပြည်သူအတွက် အမှန်တကယ်ရပ်တည်မယ့် ဖက်ဒရယ်ဒီမိုကရေစီနိုင်ငံသစ်ကို ထူထောင်နိုင်မှသာလျှင်၊
မြန်မာနိုင်ငံဟာ စစ်မှန်တဲ့ လွတ်လပ်ရေးကို ရရှိမှာ ဖြစ်ပါတယ်။ ထိုနေ့ရောက်ရှိဖို့အတွက် ကျွန်ုပ်တို့အားလုံး စည်းလုံးညီညွတ်စွာ ဆက်လက်တိုက်ပွဲဝင်သွားကြရပါဦးမှာဖြစ်ပါတယ် ။

- အမှတ်(၇၈၀၂)တပ်ရင်း

23/12/2025

အာဏာရှင်ဖက်ဆစ်စနစ်ဆန့်ကျင်ရေးတိုက်ပွဲ
အတွင်း‌ 18.12.2025 ရက်နေ့တွင် ရှေ့တန်းစစ်ဆင်ရေးတစ်နေရာ၌ အသက်ပေးလှူသွားပါသောရဲဘော်ငစီ သည် ကျွန်တော်တို့ တော်လှန်ရေး၏ မမှေးမှိန်နိုင်သော ကြယ်တစ်ပွင့် ဖြစ်ပါသည်။

​ရဲဘော် ပေးဆပ်ခဲ့သည့် သွေး၊ ချွေး နှင့် ရဲဘော် ယုံကြည်ခဲ့သည့် စစ်အာဏာရှင်စနစ်အပြီးတိုင်ကျဆုံးရေးအတွက် ကျွန်ုပ်တို့ ရဲဘော်ရဲဘက်များက ပန်းတိုင်ရောက်သည်အထိ ဆက်လက်တိုက်ပွဲဝင်သွားမည်ဟု ကတိပြုပါသည်။

- P27802(သထုံခရိုင်အမှတ်7802တပ်ရင်း)

Rest In Power Comrade

22/12/2025

အခြေခံဆက်သွယ်ရေးသင်တန်းဆင်းပွဲကျင်းပ

19/12/2025

ယနေ့ ကျရောက်သော (၂၇၆၅) ခုနှစ်မြောက် ကရင်အမျိုးသားနှစ်သစ်ကူးနေ့အခါသမယမှာ ပြည်တွင်းပြည်ပရှိ ကရင်အမျိုးသား/အမျိုးသမီးများ၊ တိုင်းရင်းသားညီအစ်ကို မောင်နှမများအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေလို့ အမှတ် (၇၈၀၂) တပ်ရင်းမှ ရှေးဦးစွာ နှုတ်ခွန်းဆက်သအပ်ပါသည်။

နှစ်ဟောင်းကုန်လို့ နှစ်သစ်သို့ ကူးပြောင်းချိန်မှာ မိမိတို့ ကရင်လူမျိုးများ၏ ရိုးရာယဉ်ကျေးမှု အစဉ်အလာများကို ထိန်းသိမ်းစောင့်ရှောက်ရင်း စည်းလုံးညီညွတ်မှု အင်အားဖြင့် မိမိတို့၏ ဘဝကံကြမ္မာကို ကိုယ်တိုင်ဖန်တီးနိုင်ကြပါစေလို့ ဆုမွန်ကောင်းတောင်းအပ်ပါသည်။

ကျွန်တော်တို့ အမှတ် (၇၈၀၂) တပ်ရင်း အနေဖြင့်လည်း မိဘပြည်သူများ၏ လုံခြုံရေးနှင့် တရားမျှတမှုအတွက် သစ္စာရှိစွာ ဆက်လက်ရပ်တည်ဆောင်ရွက်တိုက်ပွဲဝင်သွားမည်ဖြစ်ပြီး၊ လာမည့်နှစ်သစ်တွင် အခက်အခဲဟူသမျှကို ကျော်လွှားကာ စစ်မှန်သောအနာဂတ်ဖက်ဒရယ်ဒီမိုကရေစီပြည်ထောင်စုအောက်တွင် အေးချမ်းသာယာသော ဘဝသစ်များကို အတူတကွ တည်ဆောက်နိုင်ကြမည်ဟု ခိုင်မာစွာ ယုံကြည်ပါသည်။

ကရင်အမျိုးသားနှစ်သစ်မှာ မင်္ဂလာအပေါင်းနှင့် ပြည့်စုံပြီး ဘေးကင်းလုံခြုံစွာဖြင့် လိုအင်ဆန္ဒများ တစ်လုံးတစ်ဝတည်း ပြည့်ဝကြပါစေ။

- ပြည်သူ့ကာကွယ်ရေးတပ်မတော် ၊ အမှတ်(၇၈၀၂) တပ်ရင်း

02/12/2025

အားလုံးပဲ Sweet December ပါခင်ဗျာ...

လူရောစိတ်ပါ အေးစက်နေတဲ့ကာလမှာ
တစ်ယောက်ကို တစ်ယောက်အပြန်အလှန်နွေးထွေး
မှုလေးတွေပေးရင်း အားတင်းပြီးဆက်လျှောက်ကြပါစို့ ...

- သထုံခရိုင်အမှတ်(၇၈၀၂)တပ်ရင်း

#ပြည်သူ့ကာကွယ်ရေးတပ်မတော်

21/11/2025

အမှတ်(၂၇)စစ်ဗျူဟာ ၊ အမှတ်(၇၈၀၂)တပ်ရင်း၏ ရှေ့တန်းစစ်ကြောင်းတွင်တာဝန်ထမ်းဆောင်နေစဉ်အတွင်း ၁၂ရက် ၁၁လ ၂၀၂၅ခုနှစ်တွင် ကျဆုံးခဲ့သော ရဲဘော်အောင်ကို(ခ)စက်ရုပ်(P27802 428)အား အမှတ်(၇၈၀၂)တပ်ရင်းမှ ဝမ်းနည်းကြေကွဲစွာဖြင့် ဂုဏ်ပြုအလေးနီပြုလိုက်ပါသည် ။

- သထုံခရိုင်အမှတ်(၇၈၀၂)တပ်ရင်း

31/10/2025

အောင်ပွဲအတွက်လည်းဂုဏ်ယူသလို
က
ပေးဆပ်သွားရတဲ့ရဲဘော်အတွက်အလေးနီပြုပါသည်

တိုက်ပွဲသတင်းထုတ်ပြန်ခြင်း
-------------------------
အောက်တိုဘာ ၃၀၊ ၂၀၂၅။

ပြည်သူ့ကာကွယ်ရေးတပ်မတော်၊ အမှတ် (၁) စစ်ဆင်ရေးနယ်မြေ၊ အထူးတိုင်းစစ်ဌာန ကွပ်ကဲမှူအောက်ရှိ နည်းဗျူဟာ (၃၃)၊ ဒေါနတပ်ရင်း တပ်ခွဲ-၄ (KBDF) ၊ ဒေါနတပ်ရင်းတပ်ခွဲ-၇ (LPF) နှင့်အတူ မဟာမိတ်တပ်ပေါင်းစုများဖြစ်သော ထားဝယ်ခရိုင်တပ်ပေါင်းစု ၊ D.N.L.A ဓူကရစစ်ကြောင်း၊ ရာမညမွန်တပ်တော်၊ ဖက်ဒရယ်ဓူဝံကြယ် တပ်များပူးပေါင်း၍ ထားဝယ်ခရိုင်၊ လောင်းလုံမြို့နယ်ရှိ အကြမ်းဖက်စစ်တပ်လက်အောက်ခံ မောင်းမကန်နယ်မြေရဲစခန်းအား တိုက်ခိုက်သိမ်းပိုက်ခဲ့သည်။

၄င်းစခန်းသိမ်းတိုက်ပွဲအတွင်း ရန်သူဘက်မှ (၁၂) ဦးသေဆုံး၊ (၁၀) ဦးဒဏ်ရာရကာ ကျန်အင်အားများ စခန်းစွန့်ခွာထွက်ပြေးသွားခဲ့ပြီး ရန်သူ့စခန်းမှ U*i အမျိုးအစား သေနတ် (၆) လက်၊ G3 အမျိုးအစား သေနတ် (၇) လက်၊ Shot Gun/Smoke gun (၂) လက်၊ ကွန်မန်ဒိုစိန်ပြောင်း(၂) လက်၊ ခြောက်လုံးပြူး (၄) လက်၊ စုစုပေါင်း လက်နက်မျိုးစုံ (၂၁) လက်၊ jammer စက် (၂) လုံး နှင့် ခဲယမ်းများ သိမ်းဆည်းရမိခဲ့သည်။

မောင်းမကန်ရဲစခန်းအား (၂၆.၁၀.၂၀၂၅) ရက်နေ့ နံနက် ၅း၃၀ တွင်စတင်တိုက်ခိုက်ခဲ့ပြီး ၉း၃၀ တွင် အောင်မြင်စွာ ရှင်းလင်းသိမ်းပိုက်နိုင်ခဲ့ကာ မိမိတို့ဘက်မှ တော်လှန်ရေးရဲဘော် (၁) ဦး မြင့်မြတ်စွာ အသက်ပေးလှူခဲ့သည်။

အထူးတိုင်းစစ်ဌာန
ပြည်သူ့ကာကွယ်ရေးတပ်မတော်

13/10/2025

ဘာပဲကြုံရကြုံရပါ ယုံကြည်ချက်နဲ့ခံယူချက်ခိုင်ခိုင်မာမာနဲ့ အားမလျှော့ပဲရှေ့ဆက်ကြတာပေါ့

- သထုံခရိုင်အမှတ် (7802) တပ်ရင်း