17/08/2026
𝐒𝐜𝐡𝐨𝐥𝐚𝐫𝐬𝐡𝐢𝐩 ခရီးဝေးသလား ... ?
ကျွန်တော်တို့တနေ့က Ads Video တစ်ခု ကြည့်မိလိုက်ပါရဲ့ ဥရောပကျောင်းကြော်ငြာတခု အောက်က Comment တွေမှာ "ငွေကြေး မတတ်နိုင်ဘူး" ဆိုတဲ့ မှတ်ချက်တွေ အတော်များများ တွေ့ခဲ့လို့ ဒီစာကို ရေးဖို့ စိတ်ကူးရခဲ့တာပါ။
ပညာသင်ယူဖို့ ခရီးလမ်းမှာ ငွေကြေးဆိုတဲ့ စိန်ခေါ်မှုကြောင့် ဝေးကွာနေသလို ထင်ရပေမဲ့ ကြိုးစားချင်စိတ်ရှိပြီး အသင့်အတင့် ထူးချွန်တဲ့ လူငယ်တွေအတွက်တော့ အခွင့်အရေးတွေ ရှိနေပါသေးတယ်။
ဒါကြောင့် ဥရောပကောင်စီ (European Council) နဲ့ ဂျာမနီအစိုးရက မြန်မာကျောင်းသားတွေနဲ့ ဖွံ့ဖြိုးဆဲနိုင်ငံတွေအတွက် ပံ့ပိုးပေးထားတဲ့ ပညာသင်ဆု အစီအစဉ်တွေကို လက်လှမ်းမှီသလောက် ဖော်ပြပေးလိုက်ပါတယ်။
1️⃣ EU Mobility Programme for Myanmar (EMPM)
အကြောင်းအမျိုးမျိုးကြောင့် တက္ကသိုလ်ပညာရေး ရပ်တန့်ခဲ့ရတဲ့ မြန်မာကျောင်းသား/သူများ ပညာဆက်လက်သင်ယူနိုင်ဖို့ EU (ဥရောပသမဂ္ဂ) က ပေးအပ်တဲ့ ပညာသင်ဆု အစီအစဉ်တစ်ခု ဖြစ်ပါတယ်။
ဒီအစီအစဉ်ကို ဥရောပ၏ ထိပ်တန်း ပညာရေးအဖွဲ့အစည်း ၃ ခုဖြစ်တဲ့ DAAD (ဂျာမနီ)၊ Campus France (ပြင်သစ်) နဲ့ Nuffic (နယ်သာလန်) တို့က ပူးပေါင်းစီမံခန့်ခွဲပေးနေတာပါ။
(မှတ်ချက် - ပြင်သစ်နဲ့ နယ်သာလန် ပညာသင်ထောက်ပံ့ရေးအစီအစဉ်ကို စိတ်ဝင်စားရင် အဆိုပါ အဖွဲ့အစည်းနှစ်ခုရဲ့ Website မှာ သွားရောက် စုံစမ်းနိုင်ပါတယ်။)
📌 ထောက်ပံ့ပေးသည့် လမ်းကြောင်း (Mobility) ၂ မျိုး:
* European Partner Institutions: ဥရောပရှိ မိတ်ဖက်တက္ကသိုလ်များသို့ သွားရောက်သင်ယူစေခြင်း
* Regional Transfers: ဒေသတွင်းနိုင်ငံတက္ကသိုလ်များသို့ ပြောင်းရွှေ့သင်ယူခြင်း
📌 Eligibility Requirements (အရည်အချင်းသတ်မှတ်ချက်များ):
* နိုင်ငံသား: မြန်မာနိုင်ငံသား ဖြစ်ရပါမယ်။
* Undergraduate (ဘွဲ့ကြို): တက္ကသိုလ် နောက်ဆုံးနှစ် (Final Year) သင်ယူနေသူ သို့မဟုတ် ၂၀၂၀ မတ်လနောက်ပိုင်း ပညာရေး ရပ်တန့်ခဲ့ရသူများ။
* Master's (မဟာဘွဲ့): မိမိ၏ Home University တွင် အနည်းဆုံး ၁ နှစ် (Master's Coursework/Year 1) ပြီးမြောက်ထားသူများ။
* Language Proficiency: သင်ကြားမည့် ဘာသာစကား (အဓိကအားဖြင့် English) ကို ကျွမ်းကျင်စွာ ပြောဆို/ရေးသားနိုင်ရပါမယ်။ (English Proficiency Certificate ပြသနိုင်ရပါမယ်။)
* အခြား Scholarship မရှိရခြင်း: လျှောက်ထားစဉ် အခြားသော ပညာသင်ဆု/ထောက်ပံ့ကြေးများ ရရှိထားသူ မဖြစ်ရပါ။
📌 ၂၀၂၈ ပညာသင်နှစ်အတွက်ကတော့ ၂၀၂၇ မှာ ပြန်ကြေညာဖို့ များပါတယ်။ (European Council ပညာသင်အစီအစဉ် ကြေညာမယ့် Webpage Link ကိုတော့ Comment Section မှာ ရေးပေးထားပါတယ်)
2️⃣ Erasmus Mundus Joint Master Degrees (EMJM)
သူကတော့ ဥရောပသမဂ္ဂ (EU) က ရာနှုန်းပြည့် ထောက်ပံ့ပေးတဲ့ Full Scholarship မဟာဘွဲ့ အစီအစဉ်တစ်ခုပါ။
ဒီပညာသင်ဆု၏ အဓိက ထူးခြားချက်က "Joint Degree" ဖြစ်တဲ့အတွက် မဟာဘွဲ့ ၂ နှစ် သင်ယူစဉ်အတွင်း အနည်းဆုံး ဥရောပနိုင်ငံ ၂ နိုင်ငံမှာရှိတဲ့ မိတ်ဖက်တက္ကသိုလ်တွေမှာ သွားရောက် ပညာသင်ယူရမှာ ဖြစ်ပါတယ်။
📌 ရရှိနိုင်မည့် အကျိုးခံစားခွင့်များ (Scholarship Coverage)
EMJM က ကုန်ကျစရိတ် အားလုံးကို အပြည့်အဝ စိုက်ထုတ်ပေးသော ပညာသင်ဆုဖြစ်ပါတယ်။
* Tuition Fees: ကျောင်းလခ ၁၀၀% ကင်းလွတ်ခွင့်။
* Monthly Stipend: နေထိုင်/စားသောက်စရိတ်အတွက် တစ်လလျှင် €1,400 (ယူရို ၁,၄၀၀) ဝန်းကျင် (၂ နှစ်စာ)။
* Travel & Installation Costs: လေယာဉ်လက်မှတ်ခ၊ ဗီဇာကြေးနှင့် စတင်အခြေချစရိတ်များ။
* Insurance: ဥရောပတွင် နေထိုင်စဉ် ကျန်းမာရေးအာမခံ အပြည့်အဝ ရရှိပါမယ်။
📌 ဝင်ခွင့် လိုအပ်ချက်များ (Eligibility Requirements)
* Bachelor's Degree: သက်ဆိုင်ရာ ဘာသာရပ် သို့မဟုတ် ၎င်းနှင့် ဆက်စပ်သော ဘာသာရပ်ဖြင့် ဘွဲ့တစ်ခုခု ရရှိထားသူ ဖြစ်ရပါမယ်။ (သို့မဟုတ် ဘွဲ့လွန် မပြီးမီ နောက်ဆုံးနှစ် ရောက်ရှိနေသူ)
* English Language Proficiency: IELTS (အနည်းဆုံး ၆.၅ သို့မဟုတ် ၇.၀) သို့မဟုတ် TOEFL ရမှတ် လိုအပ်ပါသည်။
* Academic Record: ယခင် ဘွဲ့ကြိုတန်း ရမှတ်များ (GPA) ကောင်းမွန်ရန် လိုအပ်ပါသည်။
* အတွေ့အကြုံ/လှုပ်ရှားမှုများ: Scholarship ပေးအပ်ဖို့ ရွေးချယ်တဲ့အခါမှာ ဘာသာရပ်နဲ့ ဆက်စပ်တဲ့ အလုပ်အတွေ့အကြုံ၊ သုတေသန (Research) သို့မဟုတ် လူမှုရေး လုပ်အားပေးမှု (Volunteering) များကိုလည်း ထည့်သွင်းစဉ်းစားမှာပါ။
📌 လျှောက်ထားမှု လမ်းကြောင်း:
* တိုက်ရိုက် လျှောက်ထားရခြင်း: မိမိတက်ရောက်လိုတဲ့ EMJM Course ကို Web Page တွင် တိုက်ရိုက် Online Application တင်ရမှာ ဖြစ်ပါတယ်။ (Link ကို Comment Section မှာ ရေးပေးထားပါတယ်)
* Deadlines: နှစ်စဉ် အောက်တိုဘာ/နိုဝင်ဘာလများတွင် လျှောက်လွှာ စတင်ခေါ်ယူပြီး ဒီဇင်ဘာ မှ ဇန်နဝါရီ/ဖေဖော်ဝါရီလအတွင်း လျှောက်လွှာ ပိတ်လေ့ရှိသည်။
* လျှောက်ထားနိုင်သည့် အရေအတွက်: မိမိနှင့် ကိုက်ညီတဲ့ မဟာဘွဲ့ Program ၃ ခုအထိ တစ်ပြိုင်နက် လျှောက်ထားခွင့် ရှိပါတယ်။
3️⃣ DAAD VORsprung
ဂျာမနီနိုင်ငံမှာ MINT (STEM - သင်္ချာ၊ ကွန်ပျူတာသိပ္ပံ၊ သဘာဝသိပ္ပံ၊ အင်ဂျင်နီယာ/နည်းပညာ) ဘာသာရပ်တွေနဲ့ ဘွဲ့ကြို (Bachelor's Degree) တက်ရောက်လိုတဲ့ အထက်တန်းပြီးစနိုင်ငံတကာကျောင်းသားတွေအတွက် အခမဲ့ Online Preparatory Program (အွန်လိုင်း ပေါင်းကူးပြင်ဆင်ရေး အစီအစဉ်) ဖြစ်ပါတယ်။
📌 VORsprung Program ရဲ့ အဓိက ရည်ရွယ်ချက်
ဂျာမနီကို လူကိုယ်တိုင် သွားရောက်ပြီး Studienkolleg (၁ နှစ် ပေါင်းကူး) တက်ရောက်ရန် မလိုအပ်သေးဘဲ မိခင်နိုင်ငံမှနေပြီး အွန်လိုင်းမှတစ်ဆင့် ဂျာမန်တက္ကသိုလ် ဝင်ခွင့်အတွက် လိုအပ်သော ဘာသာရပ်ဆိုင်ရာ အရည်အချင်းနှင့် ဂျာမန်ဘာသာစကားကို ၆ လမှ ၈ လအထိ ပြင်ဆင်ပေးတဲ့ အစီအစဉ်ဖြစ်ပါတယ်။
📌 အစီအစဉ်၏ ပါဝင်မှုများနှင့် အကျိုးခံစားခွင့်များ
* အခမဲ့ တက်ရောက်ခွင့်: အစီအစဉ်တွင် ပါဝင်ခွင့်ရရှိပါက Course Fee လုံးဝ ပေးရန်မလိုပါ။
* MINT Specialization: Mathematics, Physics, Chemistry နှင့် Computer Science ဘာသာရပ်များကို ဂျာမန်တက္ကသိုလ် Studienkolleg စံနှုန်းအတိုင်း သင်ကြားပေးမှာပါ။
* Language & Test Preparation: ဂျာမန်ဘာသာစကားကို TestDaF စာမေးပွဲ အဆင့်ထိ တက်ရောက်နိုင်ရန် ပြင်ဆင်ပေးပြီး TestAS စာမေးပွဲအတွက်ပါ သင်ကြားပေးမှာပါ။
* Digital Format & Support: Deutsch-Uni Online (DUO) မှတစ်ဆင့် တက်ရောက်ရမည်ဖြစ်ပြီး Online Tutors များ၏ အကူအညီနှင့် လမ်းညွှန်မှုများကို ရရှိမှာဖြစ်ပါတယ်။
* Direct Progression: Program အောင်မြင်ပြီးပါက ပူးပေါင်းပါဝင်ထားသော ဂျာမန် Partner Universities (e.g., Uni Wuppertal, Uni Bielefeld) များတွင် MINT Bachelor Degree တက်ရောက်ရန် လမ်းကြောင်းပွင့်သွားမှာပါ။
📌 Bewerbung (လျှောက်ထားရန် လိုအပ်ချက်များ)
အွန်လိုင်းမှတစ်ဆင့် လျှောက်ထားရန် အဓိက လိုအပ်တဲ့ အရည်အချင်းများမှာ အောက်ပါအတိုင်း ဖြစ်ပါတယ် -
* German Language Requirement: အနည်းဆုံး Goethe / TELC / ÖSD B1.2 level (သို့မဟုတ် B2) အဆင့် ရှိထားရပါမယ်။
* Academic Qualification: ဂျာမနီတွင် ဘွဲ့တက်ရောက်ရန် Indirect University Entrance Qualification (မြန်မာနိုင်ငံမှ High School / Grade 12 သို့မဟုတ် တက္ကသိုလ် အမှတ်စာရွက်များ) ရှိထားသူ ဖြစ်ရပါမယ်။
* Field of Study: ဂျာမနီတွင် MINT (STEM) ဘာသာရပ်တစ်ခုခုကို အမှန်တကယ် တက်ရောက်ရန် ဆန္ဒရှိသူ ဖြစ်ရပါမယ်။
📌 လျှောက်ထားပုံ စနစ်
* Online Application Submission: DAAD ၏ တရားဝင် Bewerbungsportal Link မှတစ်ဆင့် စာရွက်စာတမ်းများ (High School Diploma, Transcripts, German Language Certificate B1/B2, CV, Motivation Letter) တင်သွင်းရပါမယ်။
* Online Portal: DAAD VORsprung Application Portal တွင် လျှောက်လွှာ ခေါ်ယူတဲ့ မှာ Direct Application တင်ရမှာဖြစ်ပါတယ်။
ဥရောပနိုင်ငံတွေမှာ ပညာသင်ယူဖို့ဆိုတာ အခက်အခဲတွေ ရှိနိုင်ပေမဲ့ သတင်းအချက်အလက် အမှန်အပေါ်အခြေခံပြီး နည်းလမ်းမှန်မှန်နဲ့ ပြင်ဆင်မယ်ဆိုရင် မဖြစ်နိုင်တဲ့အရာ မဟုတ်ပါဘူး။
မိမိနဲ့ ကိုက်ညီမယ့် ပညာသင်ဆု အစီအစဉ်တွေကို သေချာလေ့လာပြီး လိုအပ်တဲ့ အရည်အချင်းနဲ့ စာရွက်စာတမ်းတွေကို စနစ်တကျ ကြိုတင်ပြင်ဆင်ထားကြဖို့ တိုက်တွန်းချင်ပါတယ်။
အထက်ပါ ပညာသင်ဆုတွေနဲ့ ပတ်သက်ပြီး အသေးစိတ် လေ့လာနိုင်ဖို့ တရားဝင် Website Link တွေကိုတော့ Comment Section မှာ ထည့်ပေးထားပါတယ်။ အားလုံးပဲ မျှော်လင့်ထားတဲ့ ပညာရေးအိမ်မက်တွေ အမြန်ဆုံး အကောင်အထည်ပေါ်နိုင်ကြပါစေ။ ✨🇲🇲🇪🇺
viel Glück !
#ဂျာမန်စာသင်တန်း
