https://www.facebook.com/644888205365882/

Inle Youth Volunteer Network, Nyaungshwe (2026)

16/05/2026

Inle Resource Center အတွက် အလုပ်ခေါ်ယူခြင်း။

📕၁။စီမံကိန်းနောက်ခံနှင့် ဖြစ်ပေါ်လာပုံ

၂၀၂၅ ခုနှစ်၊ မတ်လအတွင်း ရှမ်းပြည်နယ်တောင်ပိုင်းတွင် လှုပ်ခတ်ခဲ့သော ပြင်းအား (၇.၇) အဆင့်ရှိ အင်အားပြင်းငလျင်ကြောင့် အင်းလေးကန်ဒေသရှိ နေအိမ်များ၊ အခြေခံအဆောက်အအုံများနှင့် ဒေသခံတို့၏ အသက်မွေးဝမ်းကျောင်းလုပ်ငန်းများ ကြီးမားစွာ ထိခိုက်ပျက်စီးခဲ့ရပါသည်။ ဤသဘာဝဘေးအန္တရာယ်သည် အင်းလေးဒေသတွင် ယခင်ကတည်းက ကြုံတွေ့နေရသည့် ရေထုညစ်ညမ်းမှု၊ သစ်တောပြုန်းတီးမှု၊ စနစ်မကျသော စိုက်ပျိုးရေးနှင့် မိလ္လာစနစ်စသည့် ပတ်ဝန်းကျင်ဆိုင်ရာ ပြဿနာများကို ပိုမိုဆိုးရွားလာစေခဲ့ပါသည်။

📕IRC ပေါ်ပေါက်လာခြင်း
ဤစိန်ခေါ်မှုများကို ကျော်လွှားရန်အတွက် ပြန်လည်ထူထောင်ရေးနှင့် ရေရှည်ဖွံ့ဖြိုးတိုးတက်ရေးလုပ်ငန်းများတွင် ဒေသခံများကိုယ်တိုင် ပါဝင်ဦးဆောင်သည့် ပူးပေါင်းဆောင်ရွက်မှုသည် အရေးကြီးကြောင်းနှင့် လူထုပူးပေါင်းဆောက်ရွက်မှုသည် ပိုမိုလိုအပ်လာသည်။ ထို့ကြောင့် အင်းလေးဒေသ၏ ပတ်ဝန်းကျင်ထိန်းသိမ်းရေး၊ သဘာဝဘေးအန္တရာယ် ကြိုတင်ကာကွယ်ရေးနှင့် လူမှုစီးပွား ပြန်လည်ဖွံ့ဖြိုးလာစေရန် ရည်ရွယ်၍ “Inle Resource Centre (IRC)” ကို ညောင်ရွှေမြို့တွင် သတင်းအချက်အလက်ဗဟိုချက်အဖြစ် စတင်တည်ထောင်ရခြင်း ဖြစ်ပါသည်။

📘၂။ စင်တာ၏ ရည်ရွယ်ချက်နှင့် လုပ်ငန်းဆောင်တာများ

Inle Resource Centre (IRC) ကို အောက်ပါကဏ္ဍများအတွက် အဓိကအချက်အခြာနေရာအဖြစ် ဖော်ဆောင်သွားမည် ဖြစ်ပါသည် -

📚သတင်းအချက်အလက်နှင့် သုတေသန ဗဟိုဌာန (Information Hub)
အင်းလေးဒေသနှင့် သက်ဆိုင်သည့် အထွေထွေသတင်းအချက်အလက်များ၊ ဒေသဆိုင်ရာ သုတေသနစာတမ်းများနှင့် သဘာဝဘေးအန္တရာယ် ကြိုတင်ကာကွယ်ရေးဆိုင်ရာ သိကောင်းစရာများကို တစ်နေရာတည်းတွင် စုစည်းဖြန့်ဝေပေးသွားမည် ဖြစ်သည်။

👥 အသိပညာပေးခြင်းနှင့် မိတ်ဖက် ချိတ်ဆက်ခြင်း (Knowledge Sharing & Networking)
ဒေသခံများ အသိပညာဗဟုသုတ တိုးပွားစေရန် ဆောင်ရွက်ခြင်း၊ အရပ်ဘက်လူမှုအဖွဲ့အစည်းများနှင့် မိတ်ဖက်အဖွဲ့အစည်းများအကြား အတွေ့အကြုံများ နှီးနှောဖလှယ်နိုင်မည့် ပလက်ဖောင်းတစ်ခုအဖြစ် ဆောင်ရွက်သွားမည် ဖြစ်သည်။

🗣️ ပူးပေါင်းဆောင်ရွက်မှုနှင့် သင်ယူမှုနေရာ (Co-working Space & Facilities)
ဒေသတွင်း ဖွံ့ဖြိုးရေးလုပ်ငန်းများအတွက် အစည်းအဝေးများ၊ အလုပ်ရုံဆွေးနွေးပွဲများ ကျင်းပနိုင်ရန် မီတင်ခန်းများအား ငှားရမ်းခြင်း၊ တီထွင်ဖန်တီးမှုနှင့် ပူးပေါင်းဆောင်ရွက်မှုများကို မြှင့်တင်ပေးနိုင်ရန်အတွက် Co-working space (အများပိုင် ရုံးခန်းနေရာ) အဖြစ်လည်း အသုံးပြုနိုင်မည် ဖြစ်သည်။
Inle Resource Centre သည် အင်းလေးဒေသ ပြန်လည်ထူထောင်ရေးနှင့် ရေရှည်တည်တံ့သော ဖွံ့ဖြိုးမှုများအတွက် ဒေသခံများ၊ ကျွမ်းကျင်သူများနှင့် အဖွဲ့အစည်းများအကြား ချိတ်ဆက်ပေးသည့် "သတင်းအချက်အလက်နှင့် ပူးပေါင်းဆောင်ရွက်မှု အချက်အခြာ" တစ်ခု ဖြစ်လာရန် ရည်မှန်းထားပါသည်

—————————————

သို့ပါ၍ Inle Resource Center လည်ပတ်ရေးအတွက် အောက်ပါအလုပ်များကို ခေါ်ယူလိုက်ပါသည်။
အလုပ်လျှောက်ထားလိုသူများအနေဖြင့် မိမိလျှောက်ထားလိုသော ရာထူးအား ဖော်ပြပြီး မိမိ၏ CV နှင့်တကွ Cover letter အား [email protected] သို့ မေလ ၂၈ ရက်နေ့ နောက်ဆုံးထား၍ ပေးပို့လျှောက်ထားနိုင်ပါသည်။

Center Coordinator: https://docs.google.com/document/d/1K5MjA5TCkGLIILEuWaAZo7q6pXvSX0-P/edit?usp=drive_link&ouid=101972633087489835475&rtpof=true&sd=true

Finance and Admin Officer: https://docs.google.com/document/d/1vXO1usFBQAQM1g-qFaoCmqAWFJeuSr6H/edit?usp=drive_link&ouid=101972633087489835475&rtpof=true&sd=true

IT & Operations Assistant: https://docs.google.com/document/d/1-QhTphloeRLV-i3z9KlCrdlGigar_FGB/edit?usp=drive_link&ouid=101972633087489835475&rtpof=true&sd=true

Security Gurard: https://docs.google.com/document/d/1CTXwNqsqfSs9xk1AP1y5VWaBRU7_i1Qh/edit?usp=drive_link&ouid=101972633087489835475&rtpof=true&sd=true

02/04/2026

🔺အင်းလေးဒေသအတွက် လူငယ်များ ပါဝင်သင့်တဲ့ အစီအစဉ်တခု

လျှောက်ထားရအောင် မျှဝေလိုက်ရပါတယ် …

08/03/2026

💜 Happy International Women’s Day!

[ ENG Below ]

💜 မတ်လ ၈ ရက်နေ့တွင် ဒေသခံအမျိုးသမီးကွန်ရက်တစ်ခုဖြစ်သည့် အင်းလေးအမျိုးသမီးများ စွမ်းဆောင်ရှင်အသင်းမှနေ၍ ညောင်ရွှေမြို့၌ ဦးစီးကျင်းပသော အပြည်ပြည်ဆိုင်ရာအမျိုးသမီးများနေ့ အခမ်းအနားအား ကျွန်တော်/ ကျွန်မတို့ Inle Youth Volunteer Network မှ ကိုယ်စားပြုများ တက်ရောက်ခဲ့ကြပါတယ်။

ကျွန်တော်/ ကျွန်မတို့ IYVN မှာလည်း ဒေသတွင်း အမျိုးသမီးများ၊ လူငယ်များအတွက် လွတ်လပ်စွာ သဘောထားမျှဝေခွင့်ရရှိရေး၊ အလုပ်အကိုင်အခွင့်အလမ်းများ ပိုမိုတိုးတက်ရေးအား အထူးအလေးပေးသည့် အဖွဲ့အစည်းဖြစ်သည့်အလျောက် ဤအချက်များအား လုပ်ဆောင်အောင်မြင်နေသော အမျိုးသမီးကွန်ရက်နှင့် အတူတကွရပ်တည်ခွင့် ရသည့်အတွက် များစွာဂုဏ်ယူမိပါတယ်။

အမျိုးသမီးများ၏ လုံခြုံလွတ်လပ်မှု၊ တန်းတူညီမျှမှုအား အစဥ်လေးစားလျက်
- Inle Youth Volunteer Network

[ ENG ]

💜 Representatives from Inle Youth Volunteer Network (IYVN) attended the International Women's Day event held in Nyaungshwe which was organized by a local women’s organization, Inle Professional Women Network - IPNet

As an organization that places strong emphasis on creating spaces for local women and youth to freely express their perspectives and to expand employment opportunities, IYVN is truly honored to stand together with a women’s network that is actively working toward these goals.

With continued respect for women’s safety, freedom, and equality,
-Inle Youth Volunteer Network

06/03/2026

တပေါင်းလဆုတ် ၃ ရက်နေ့၊ အလိုတော်ပေါက် ထီးတော်တင်ပွဲ၏ Volleyball ပြိုင်ပွဲတွင် Inle Youth Volunteer Network ကိုယ်စားပြုအသင်းမှ ပထမဆု ရရှိသည့်အတွက် ဂုဏ်ယူပါသည်။ Congratulations ပါ ကလေးတို့ရေ 🔥🏐

28/02/2026

🌊 ✨ Floating Playground- ရေပေါ်ကစားကွင်း

[ ENG Below ]

အင်းလေးရေပြင်ထဲမှာ လှပတဲ့အရာတစ်ခု ထွက်ပေါ်လာနေပါပြီ!

ကျွန်တော်တို့ဟာ ကစားကွင်းတစ်ခုကိုပဲ တည်ဆောက်နေတာမဟုတ်ပါဘူး။ ကလေးတွေ ကလေးသဘာဝအတိုင်း ရယ်မော၊ လေ့လာ၊ ပြေးဆော့ကစားနိုင်မဲ့ ပျော်ရွှင်လုံခြုံစရာ နေရာတစ်ရပ်ကို တည်ဆောက်နေတာဖြစ်ပါတယ်။

ရေဟာ ကျွန်တော်တို့ရဲ့ လမ်း၊ ကျွန်တော်တို့ရဲ့အိမ်၊ ကျွန်တော်တို့ရဲ့ နေ့စဥ်ဘဝဖြစ်နေတဲ့ အင်းလေးရေပြင်မှာ ကလေးတွေ လုံခြုံစွာ ကစားနိုင်မဲ့ မြေပြင်ဟာ ရှားပါးလှပါတယ်။

ဒါကြောင့်မို့ ဒီအဆောက်အဦးဟာ ရင်သွေးငယ်ဖွံ့ဖြိုးရေးအတွက် ဆုံချက်တစ်နေရာ၊ ကလေးသူငယ်များ အပေါင်းအသင်းမိတ်ဆွေဖွဲ့ရာ၊ စိန်ခေါ်မှုများလှတဲ့ ပတ်ဝန်းကျင်မှာ ကလေးသူငယ်များရဲ့ ပျော်ရွှင်မှုပြယုဂ်အဖြစ် ရပ်တည်ဖို့ ရည်ရွယ်ပါတယ်။

ပျဥ်တစ်ချပ်၊ သံတစ်တိုင်၊ ဒီဇိုင်းရွေးချယ်မှုတစ်ခုစီတိုင်းဟာ ကလေးသူငယ်များအတွက် ဖြစ်စေရန် ဂရုတစိုက် ထည့်သွင်းစဥ်းစားထားပြီး ကစားနည်းများစွာကို ကစားနိုင်စေရန်အတွက် ဆောက်လုပ်ထားပါတယ်။

ဒီအရာဟာ အဆောက်အဦးတစ်ခု သက်သက်မဟုတ်ပါဘူး။
‌ရေပေါ်မှာ ဖြစ်တည်နေတဲ့ ပျော်ရွှင်မှုတစ်ရပ်ပါ။
ရေပေါ်မှာ တည်ဆောက်နေတဲ့ မျှော်လင့်ချက်ပါ။

[ ENG ]
Something beautiful is rising on the waters of Inle. 🌊✨

We are not just building a playground — we are building a safe, joyful space where children can laugh, learn, and simply be children.

In a community where water is our road, our home, and our daily reality, access to safe play areas has always been limited. This playground is more than just a structure. It is:
• A place for early childhood development
• A safe space for imagination and friendship
• A symbol that our children deserve joy, even in challenging environments

Every plank, every pillar, every careful design choice carries one intention, to give children a childhood filled with play and possibility.

This is not just construction.
This is happiness on water.
This is hope floating on water.

26/02/2026

🔺𝑴𝒆𝒅𝒊𝒂 𝑷𝒂𝒓𝒕𝒏𝒆𝒓𝒔𝒉𝒊𝒑 𝑨𝒏𝒏𝒐𝒖𝒏𝒄𝒆𝒎𝒆𝒏𝒕

𝐌𝐘𝐄𝐎 ရဲ့ 𝐀𝐈 𝐁𝐮𝐬 𝐓𝐫𝐚𝐢𝐧𝐢𝐧𝐠 (Shan State) မှာ Inle Youth Volunteer Network ကလည်း Regional Media Partner အနေနဲ့ ပါဝင်ထားကြောင်း ဝမ်းမြောက်ဝမ်းသာဖြင့် ကြေညာလိုက်ပါတယ်။

ဒီနေ့ခေတ်မှာက အလုပ်၊ ကျောင်း၊ နေ့စဉ်ဘဝတွေမှာပါ AI က အရေးပါလာပါပြီ။

အဲ့လို AI ကို လူတိုင်းနီးပါး အသုံးပြုလာကြတဲ့အချိန် AI အကြောင်းကို မသိရင်၊ အသုံးမချတတ်ရင် နောက်မှာကျန်ခဲ့မှာပါ။

ဒါကြောင့် မြန်မာနိုင်ငံကလူတွေအနေနဲ့ AI အကြောင်း များများသိကြစေဖို့ လူတိုင်းကို ဒီ AI Bus Training မှာ သင်ပေးသွားပါမှာ ဖြစ်ပါတယ်။

အဓိကကတော့ လူငယ်တွေသာမက ဆရာ/မတွေနဲ့ မိဘတွေပါ AI ကို သုံးတတ်စေချင်ပါတယ်။

ပြီးတော့ ဒီ Training မှာသင်ပေးသွားမယ့် အကြောင်းအရာတွေက
- Fundamental of Generative AI
- AI Prompts 101 – How to Talk to AI
- Work Smarter not Harder – Maximize Productivity with AI
- AI in Combating Fake News, Hoax & Misinformation
- Ethical AI Usage – Plagiarism & Copyright Issues
စတာတွေမို့လို့ AI နဲ့ပတ်သက်ပြီး လုံးဝအခြေခံကနေ ရသွားမှာပါ။

နောက်တစ်ခုက ဒီ Training ကနေ ASEAN ဒေသတစ်ခွင်လုံးမှာ AI စာတတ်မြောက်ရေး (AI Literacy) အတွက် အရေးတကြီးလိုအပ်နေတဲ့ ပြဿနာကို ဖြေရှင်းပေးဖို့ ကြိုးစားနေတာပါ။
- AI နည်းပညာ အမြန်တိုးတက်မှုနဲ့ လူထုထဲက ကျွမ်းကျင်မှုနည်းပါးမှုကြားက Skill Gap တွေကို ဖြည့်ဆည်းပေးမယ်။
- AI သုံးပြီး Productivity တိုးတက်အောင် သင်ပေးမယ်။
- AI ကနေပေးတဲ့ အန္တရာယ်ရှိ အကြောင်းအရာတွေ (သတင်းမှားတွေ၊ အတုအယောင်ဗီဒီယိုတွေ) ကို တိုက်ဖျက်နည်း သင်ပေးမယ်။
- မူပိုင်ခွင့်နဲ့ စာပေအတုအယောင်ပြုမှု ပြဿနာတွေအတွက် လမ်းညွှန်ချက်တွေပေးမယ်။

ဒီ Training က AI ကျင့်သုံးမှုကြောင့်ဖြစ်လာနိုင်တဲ့ အန္တရာယ်တွေကို အခွင့်အလမ်းတွေအဖြစ် ပြောင်းလဲပေးပြီး AI Ready ASEAN ရည်မှန်းချက်တွေနဲ့ တိုက်ရိုက်ကိုက်ညီအောင် ဒီဇိုင်းဆွဲထားတဲ့ ဗျူဟာကျတဲ့ အစီအစဉ်တစ်ခုဖြစ်ပါတယ်။

ပြီးတော့ ဒီ Training က ASEAN Foundation နဲ့ Google.org တို့နဲ့ ပူးပေါင်းပြီး ပြုလုပ်တဲ့ AI Ready ASEAN training ဖြစ်ပါတယ်။

ဒါကြောင့် သင်ပေးမယ့် သင်ခန်းစာတွေ၊ အကြောင်းအရာတွေကို တကယ်ကို ယုံကြည်ရတယ်ဆိုတာ အာမခံနိုင်ပါတယ်။

ဒါကြောင့်မို့လို့ လူတိုင်းပါဝင်ကြဖို့ ဖိတ်ခေါ်ပါတယ်။

AI Bus (Shan State) Online Training ကို ပြုလုပ်သွားမယ့်နေ့ရက်တွေက… မတ်လ ၃ရက်နေ့ကနေ ၈ရက်နေ့အထိ (၅) ရက်တိုင်တိုင်ကျင်းပသွားမှာ ဖြစ်ပါတယ်။

အချိန်ကတော့
6 pm - 8 pm ဆိုပြီး ကျောင်းချိန် ရုံးချိန်လွတ် စီစဉ်ထားပါတယ်။

AI အတွေ့အကြုံတွေ အများကြီးရသွားမယ့်အပြင် Tool တွေ သုံးတာ၊ အဖွဲ့လိုက်လုပ်တာလည်း ပါမှာမို့လို့ ပျော်ပျော်ရွှင်ရွှင် လေ့လာရမှာပါ။

📅 ရက်စွဲ: March 3 - 8, 2026
⏰ အချိန်: ညနေ ၆ နာရီ - ၈ နာရီ (အလုပ်မပျက် တက်လို့ရတယ်နော်)

ရှမ်းပြည်နယ်ရဲ့ Digital အနာဂတ်အတွက် အခုပဲ စာရင်းသွင်းလိုက်ပါ! 👇

🔗 Registration Link: [Link ထည့်ရန်]
https://m.me/myeo.hub?ref=ai_bus_shan

(တကယ်လို့ Link က အဆင်မပြေရင် MYEO Messenger မှာ ai bus shan လို့ စာရိုက်ပို့လိုက်ပါ)

နောက်ထပ်လာမယ့် AI Bus နဲ့ပတ်သက်တဲ့ Update တွေကို သိချင်ရင်တော့ အောက်က Tele Link ကို Join ထားလိုက်နော်။
https://t.me/myeochannel

#လူငယ်တွေအတွက်_AIBus

22/02/2026

ရှမ်းတောင်ပရဟိတညီနောင်များကွန်ရက်၏ (၉) နှစ်ပြည့်နှစ်ပတ်လည်အခမ်းအနားသို့ IYVN အဖွဲ့ဝင်များ တက်ရောက်ခဲ့ကြခြင်း။

(၉) နှစ်ပြည့်ခရီးမှသည် နောင်နှစ်ပေါင်းများစွာ ဒေသဖွံ့ဖြိုးရေးအတွက် အတူလက်တွဲနိုင်ရန် ဆုမွန်ကောင်းတောင်းလျက်။

04/02/2026

🔺လယ်ပြင်တောင်ရွာ ကွန်ကရစ်လမ်းဖြစ်မြောက်လာပုံ

‼️ပုံများကို memories များအတွက် Before/After တင်ပြသွားပါမည်

🔺အင်းလေးဒေသမှာ Fellowship program ကိုမနှစ် ၂၀၂၅ ၊July လလယ်တွင် စတင်ခဲ့ပါတယ်
အဲ့ဒီ အစီအစဉ်ကနေ ကျေးရွာ (၁)ရွာစီမှာ လူငယ် (၁)ယောက်စီခေါ်ယူပြီး ကျေးရွာဖွံ့ဖြိုးရေးအစီအစဉ်အတွက် ကျေးရွာလက်စွဲစာအုပ်ဖြစ်မြောက်လာစေရန် သင်တန်းများပေးခဲ့ပြီး ကျေးရွာရဲ့ အရေးပေါ်လိုအပ်ချက်၊ ရေရှည်လိုအပ်ချက်များကို ကျေးရွာလူထုနှင့်အတူ ရေးဆွဲဖော်ထုတ်ခဲ့ကြပါတယ်

🔺ထွက်ရှိလာတဲ့ ကျေးရွာလက်စွဲစာအုပ်ပေါ်မူတည်ပြီး အဖွဲ့အစည်းအသီးသီးမှလည်း
မိမိတို့ရဲ့ ဦးတည်လုပ်ဆောင်ချက်များကို စုပေါင်း၍ ယခုနှစ် ၂၀၂၆တွင် ဆက်တိုက်အကောင်အထည်ဖော်ဝင်ရောက်လျက်ရှိပါတယ်

🔺လုပ်ဆောင်ချက်

စီမံချက်ကျေးရွာများတွင် လုပ်ငန်းစဉ်များအကောင်အထည်ဖော်ရာတွင်လည်း
အဖွဲ့အစည်းမှ တိုက်ရိုက်လုပ်ငန်းအကောင်အထည်ဖော်မှုကို မလုပ်ဆောင်ဘဲ ဒေသခံကျေးရွာလူထု၏သဘောဆန္ဒများ၊ အသံများပါဝင်နိုင်စေရန်၊ ကျေးရွာများတွင် ရေရှည်ဖွံ့ဖြိုးတိုးတက်ရေးကို ရှေးရှုနိုင်ရန်အတွက် ကျေးရွာဖွံ့ဖြိုးတိုးတက်ရေးကော်မတီများဖွဲ့စည်းပြီး လုပ်ငန်းအကောင်အထည်ဖော်မှုကို ဦးဆောင်စေပါတယ်

🔺လက်ရှိအခြေအနေ-လယ်ပြင်တောင်ရွာ

ယနေ့မှာတော့ အဖွဲ့တခု၏ ပံ့ပိုးကူညီမှုဖြင့်လယ်ပြင်တောင်ကျေးရွာတွင်
ကျေးရွာဒေသခံများမှ
ကျေးရွာချင်းဆက် ကွန်ကရစ်လမ်းဖြစ်မြောက်လာစေရန်အတွက် လုပ်ဆောင်နေပြီး တဖက်တွင်လည်း လုပ်အားခ ရရှိမည်ဖြစ်သည်

ယခုလုပ်ဆောင်လျက်ရှိသော
ကျေးရွာလမ်းအတွက် အဆိုပြုလွှာတင်သွင်းရာတွင် အချက်အလက်များကို ကျေးရွာလက်စွဲစာအုပ်မှ လမ်းနှင့်ဆိုင်သော အစိတ်အပိုင်းများကို ရွေးထုတ်၍ သက်ဆိုင်ရာ အဖွဲ့အစည်းသို့တင်ပြရခြင်းဖြစ်ပါသည်

ကျေးရွာလက်စွဲစာအုပ်သည် မိမိကျေးရွာအကြောင်း အသေးစိတ်ဖော်ပြထားခြင်းဖြစ်သောကြောင့် ဖွံ့ဖြိုးရေးလုပ်ငန်းအကောင်အထည်ဖော်ရန် ကျေးရွာအတွက်သည်သာမက စီမံကိန်းအကောင်အထည်ဖော်သူများအတွက်အသုံးဝင်လျက်ရှိပါသည်

🔺ကျေးဇူးတင်ရှိခြင်း 🙏🙏

ကျေးရွာလက်စွဲစာအုပ်ဖြစ်မြောက်လာရန် သင်ကြားလမ်းညွှန်ပေးပါသော ဆရာဆွေဆက်နှင့်တကွ အစီအစဉ်တာဝန်ခံမျာ:၊ဝန်ထမ်းများ၊အဝေးမှလာရောက်လမ်းညွှန်ပေးပါသော Fellow ဟောင်းများ၊
ကျေးရွာခံ Fellow ညီမလေး မယ်သွယ်၊ အစ်မအေးမြသန့်၊ အောင်ပြည့်စုံ၊ကျေးရွာဖွံ့ဖြိုးရေးကော်မတီဝင်များ၊ရွာသူ ရွာသားများအားလုံးကို အထူးကျေးဇူးတင်ရှိပါသည် 😊😊

#ရှေ့ဆက်အတူလက်တွဲလုပ်ဆောင်သွားကြရအောင်ပါ

11/12/2025

🔺မိတ်ဆွေများအားလုံးကို သတင်းကောင်းလေး မျှဝေပါရစေ

🔺ကျွန်ုပ်တို့ရဲ့ Floating Mobile Clinic နှင့် ဘက်စုံသုံး Community Hallတွင်ညလျှပ်စစ်စွမ်းအင်လိုအပ်ချက်အတွက် Solar များကို Atutu မှ ပံ့ပိုးကူညီခဲ့ပါတယ် ဒီအတွက်ကျေးဇူးအထူးတင်ရှိပါကြောင်း မှတ်တမ်းတင်ပါရစေ

🔺ဒါပြင် ကျွန်ုပ်တို့အနေဖြင့် ယခုလတွင် Floating တွင် ဆေးကုသခြင်းအစီအစဉ်ကို လုပ်ဆောင်သွားမှာဖြစ်ပြီးတော့ Community Hall တွင် အမျိုးသမီးစကားဝိုင်း၊ကလေးပျော်အစီအစဉ်များ လည်း လုပ်ဆောင်သွားပါဦးမှာဖြစ်ပါတယ်

🔺ယခုလိုမျိုး Solar တပ်ဆင်ရေးအတွက် အားသွန်ခွန်စိုက်ဦးဆောင် ချိတ်ဆက်ပေးပါသော ကျွန်ုပ်တို့အဖွဲ့ရဲ့ အကြံပေး ဦးမျိုးမင်းကိုလည်း အထူးကျေးဇူးတင်ရှိပါတယ်

လေးစားစွာဖြင့်
Chairperson of IYVN
💎🌸⚡️

05/12/2025

အလုပ်လျှောက်ထားရန် ဖိတ်ခေါ်ခြင်း။

ရာထူး - Cluster Facilitator
အရေအတွက် - (၄)ဦး
အလုပ်အမျိုးအစား - အချိန်ပြည့်ဝန်ထမ်း
စီမံချက်အမည်- မြေငလျင်ဒဏ်ကြောင့် ထိခိုက်သူများအတွက် ပူးပေါင်းဆောင်ရွက်သည့် တုံ့ပြန်မှုနှင့် အစောပိုင်းပြန်လည်ထူထောင်ရေးလှုပ်ရှားမှု
စီမံချက်ကာလ- 1.12.2025 – 31.5.2026
နောက်ဆုံးလျှောက်ထားရမည့်ရက် - 11.12.25

• အလုပ်ဖော်ပြချက် အကျဉ်းချုပ်
အင်းလေးလူငယ်စေတနာ့ဝန်ထမ်းများကွန်ရက်- Inle Youth Volunteer Network သည် အင်းလေးဒေသတွင် ဆောင်ရွက်နေသော မြေငလျင်ဒဏ်ကြောင့် ထိခိုက်သူများအတွက် မျိုးစုံပူးပေါင်းဆောင်ရွက်သည့် တုံ့ပြန်မှုနှင့် အစောပိုင်းပြန်လည်ထူထောင်ရေးလှုပ်ရှားမှု စီမံချက်အတွက် အဖွဲ့အစည်းများစုပေါင်း၍ စီမံချက်လုပ်ဆောင်လျက်ရှိပါသည်။ ထို့အတွက် Cluster Facilitator (4)ဦးကို လျှေက်ထားရန် ဖိတ်ခေါ်လိုပါသည်။
အဓိကအားဖြင့် WASH, Health, Protection, Livelihood, DRR လုပ်ငန်းများကို လုပ်ဆောင်သွားမည်ဖြစ်ပါသည်။

Cluster Facilitator သည် ကျေးရွာအဆင့်တွင် ဦးဆောင်နေကြသော စေတနာ့ဝန်ထမ်းများ၊ Fellowများ၊ ကျေးရွာကော်မတီများ၊ ရွာအဆင့်လူထုများနှင့် ပူးပေါင်းဆောင်ရွက်ပြီး စီမံချက်လုပ်ငန်းများကို စနစ်တကျဆောင်ရွက်နိုင်ရန် ဦးဆောင်သွားရမည့်သူဖြစ်ပါသည်။

• တာဝန်များ
1) လူထုအစည်းအဝေးများ၊ သင်တန်းများ၊ ဟောပြောပွဲများ၊ Awareness Sessions များကို ဦးဆောင်ခြင်း
2) သက်ဆိုင်ရာသင်တန်းများအတွက် သင်ရိုးညွှန်းတမ်းများရေးဆွဲခြင်း
3) ဖြစ်ပေါ်လာသော စိန်ခေါ်မှုများကို တာဝန်ယူဖြေရှင်းခြင်း
4) Fellows (5) ယောက် ၊ Volunteers (5) ယောက် တို့ကို ဦးဆောင်၍ ၄◌င်းတို့လုပ်ငန်းများကို ပံ့ပိုးကူညီခြင်း
5) ဒေတာအချက်အလက်များကို စုစည်းခြင်း
6) ကျေးရွာရှိ စေတနာ့ဝန်ထမ်းများ၊ Fellow များမှ တင်ပြသော အချက်အလက်များ၊ အဆိုပြုလွှာများကို စီစစ်ခြင်း နှင့် လိုအပ်သည်များကိုပံ့ပိုးကူညီခြင်း
7) လစဉ်အစီရင်ခံစာရေးဆွဲတင်ပြခြင်း
သက်ဆိုင်ရာဝန်ထမ်းများနှင့်အတူ ပူးပေါင်းဆောင်ရွက်ခြင်း
9) Project Implementation ကို လိုအပ်သလို ကူညီထောက်ပံ့ခြင်း
ကျေးရွာကော်မတီများမှ တင်ပြလာသော ငွေကြေးစီမံမှုများကို ပြန်လည်စီစစ်၍ သက်ဆိုင်ရာဌာနသို့ တင်ပြခြင်း
အရည်အချင်းလိုအပ်ချက်များ
• အနည်းဆုံး အထက်တန်းအောင်မြင်ထားသူ / ဘွဲ့ရရှိသူ
• Community Mobilization သို့မဟုတ် Field Experience အနည်းဆုံး (၁)နှစ် ရှိသူ
• လူမှုရေးဆက်သွယ်နိုင်စွမ်းကောင်းမွန်သူ
• Documentation & Reporting အတတ်ပညာရှိသူ
• ရွာများသို့ ခရီးသွားနိုင်သူ၊ ဒေသအတွေ့အကြုံရှိသူ
• ဒေသဖွံ့ဖြိုးရေးလုပ်ငန်းများကို စိတ်ဝင်စားသူ
• ဒေသခံများ၊ အမျိုးသမီးများ၊ ကလေးသူငယ်များကို အပြန်အလှန်လေးစားတန်ဖိုးထားတတ်သူ

• လျှောက်ထားပုံစံ
လျှောက်ထားလိုသူများသည် အောက်ပါတို့ကို ပေးပို့ရန် တိုက်တွန်းအပ်ပါသည်—
1. CV (အကြောင်းအရာပြည့်စုံသော ကိုယ်ရေးရာဇဝင်)
2. Cover Letter (ကိုယ်ရေးမိတ်ဆက် အကျဉ်းချုပ်)
3. Recommandation Letter (ရှိပါက)
4. မျှော်မှန်းလစာ

• လျှောက်ထားပုံစံပေးပို့ရန်
[email protected] သို့ အထက်ပါအချက်အလက်များကို ဒီဇင်ဘာလ ၁၁ ရက်နေ့ ည ၁၂ နာရီ နောက်ဆုံးထား၍ ပေးပို့လျှောက်ထားနိုင်ပါသည်။

Inle Youth Volunteer Network

16/05/2026

02/04/2026

08/03/2026

06/03/2026

28/02/2026

26/02/2026

22/02/2026

04/02/2026

11/12/2025

05/12/2025

Address

Website

Alerts

Shortcuts

Share

Category