21/09/2026
ဆဋ္ဌမအကြိမ် မြတ်ဆရာပူဇော်ပွဲ ဖိတ်ခေါ်နှိုးဆော်လွှာ
၃ နှစ်လျှင် တစ်ကြိမ် ကျင်းပမြဲဖြစ်သည့် "အထက၊ တံခွန်တိုင်နှင့် မိသားစုဝင်ကျောင်းများ" ၏ မြတ်ဆရာပူဇော်ပွဲကို ယခု ၂၀၂၆ ခုနှစ်တွင် (၆) ကြိမ်မြောက် ကျင်းပသွားမည် ဖြစ်ပါသည်။
မြတ်ဆရာပူဇော်ပွဲ ဖြစ်မြောက်ရေး အကြိုအစည်းအဝေး တိုင်ပင်ချက်များအရ ပွဲကျင်းပမည့် ရက်စွဲနှင့် ကော်မတီဖွဲ့စည်းမည့် အစီအစဉ်များမှာ အောက်ပါအတိုင်း ဖြစ်ပါသည် -
* ပွဲကျင်းပရန် လျာထားရက် - ၂၀၂၆ ခုနှစ်၊ ဒီဇင်ဘာလ ၂၅ ရက်
* ကော်မတီဖွဲ့စည်းမည့်ရက် - ၂၀၂၆ ခုနှစ်၊ အောက်တိုဘာလ ၃ ရက်
သို့ဖြစ်ပါ၍ လာမည့် အောက်တိုဘာလ ၃ ရက်နေ့တွင် ပြုလုပ်မည့် ပွဲဖြစ်မြောက်ရေးကော်မတီ ဖွဲ့စည်းခြင်း၌ ရပ်နီးရပ်ဝေးမှ ကျောင်းသားဟောင်းများအနေဖြင့် မိမိတို့ ကျွမ်းကျင်ရာ ကာယအား၊ ဉာဏအား၊ ဒါနအားများဖြင့် တက်ကြွစွာ ပူးပေါင်းပါဝင်ပေးကြပါရန် အထူးဖိတ်ခေါ် နှိုးဆော်အပ်ပါသည်။
