26/12/2025
အတိတ်ဆိုတာ ပြင်လို့မရပါဘူး။ ဒါပေမယ့် အနာဂတ်ဆိုတာကတော့ ကိုယ့်လက်ထဲမှာရှိပါတယ်။
အနာဂတ်ကို ဘယ်လိုပုံဖော်ထုဆစ်မယ်ဆိုတာ ကိုယ်ကိုယ်တိုင်ရဲ့ ရွေးချယ်ခွင့်မှာ ရှိပါတယ်။
မြန်မာပြည်ရဲ့ အနာဂတ်ကို
ကောင်းမွန်အောင်ဖန်တီးပေးဖို့ လူကြီးမိဘ ညီကိုမောင်နှမ ညီငယ် သားသမီး အားလုံးရဲ့ လက်ထဲမှာ စွမ်းအားတစ်ခု ရှိပါတယ်။
ဒါဟာ မဲပေးခွင့်ပါ။
USDP ဟာ -
▫️လားရာကောင်းသော ▫️သမိုင်းကြောင်းရှည်လျားသော
▫️နိုင်ငံတော်ရဲ့လိုအပ်ချက်အရမွေးဖွားလာသော
▫️သက်တမ်းရှည်ကြာပြီဖြစ်သော
▫️အစိုးရရော ၊ အတိုက်အခံကောင်းရော ဖြစ်ခဲ့ဖူးသော
▫️အတွေ့အကြုံရှိသော လူများ
ဖြင့် ဖွဲ့စည်းထားသော
▫️ကျစ်လစ်ခိုင်မာတဲ့ ပြည်ထောင်စုပါတီကြီး
ဖြစ်ပါတယ်။
▪️ပြည်ထောင်စုပါတီလို့ဆိုရာမှာ-
နိုင်ငံ့ဝန်ထမ်းအငြိမ်းစားများ ၊ တပ်မတော်သားအငြိမ်းစားများ ၊ ဥပဒေပညာရှင်များ ၊ အသိပညာရှင်များ ၊ စီးပွါးရေးနယ်ပယ်မှ လုပ်ငန်းရှင်များ ၊ အသင်းအဖွဲ့စည်းစိတ်ရှိသူများ စသည် စသည်ဖြင့် အမျိုးသားရော ၊ အမျိုးသမီးများပါ ပါဝင်သော တိုင်းရင်းသားပေါင်းစုံ ပေါင်းစုဖွဲ့စည်းထားသော “ပြည်ထောင်စုပါတီ”ဖြစ်ပါတယ်။
ဒါကြောင့်မို့ လူကြီးမင်းရဲ့ အသဲကြားကမဲတပြားအပြင် ဥာဏ်ပညာနဲ့ ရွေးချယ်တဲ့ ဒီမဲတစ်ချပ်နဲ့ မိမိနဲ့ တိုင်းပြည်ကို ပိုမိုကောင်းမွန်တဲ့ အနာဂတ်ဆီရောက်အောင် ဖန်တီးပေးနိုင်မဲ့ လူတွေကို ရွေးချယ်၍ မဲပေးဖို့လိုပါတယ်။
✅ရွေးကောက်ပွဲဆိုတာ-
မိမိအတွက်၊ မိမိ မိသားစုအတွက်၊ မိမိရပ်ကွက်၊ကျေးရွာ စသည်ဖြင့် မိမိတို့အခက်အခဲများကိုအခြေခံ၍ ဖွံ့ဖြိုးတိုးတက်လာအောင် အစီအမံများကို မိမိတို့ကိုယ်စား တင်ပြပေးမဲ့ကိုယ်စားလှယ်ကို ရွေးချယ်တဲ့ပွဲပဲဖြစ်ပါတယ်။
တနည်းအားဖြင့် အလွယ်ပြောရရင် မိမိတို့ ခိုင်းရမဲ့သူကို ရွေးတဲ့ပွဲဖြစ်ပါတယ်။
ထိုပွဲမှာ မိမိက မရွေးချယ်ဘဲ ဘေးထွက်နေမယ်ဆိုရင် မိမိဆန္ဒမပါဝင်လိုက်ရတာပဲရှိတာမို့ နစ်နာသူမှာ ကာယကံရှင်သာဖြစ်ပါတယ်။
မိမိတို့ကောင်းကျိုးအတွက် ကိုယ်စားဆောင်ရွက် ပြောကြားပေးမဲ့သူကို ရွေးချယ်ရာမှာ အဓိက အချက်ကြီး (၅) ချက်ဖြစ်တဲ့ စံသတ်မှတ်ချက်များနဲ့ ရွေးချယ်သင့်ကြောင်း အကြံပြုလိုပါတယ်။
မိမိတို့ ရွေးချယ်မဲ့ ကိုယ်စားလှယ်လောင်းဟာ -
(၁) ပညာ၊ ဗဟုသုတရှိရပါမယ်။
(၂) အတွေ့အကြုံရှိရပါမယ်။ (လုပ်ဖူးကိုင်ဖူးရပါမယ်)
(၃) လက်ရှိမြန်မာ့နိုင်ငံအနေအထားအရ နိုင်ငံတော်ရဲ့ ကာကွယ်ရေး၊ လုံခြုံရေးတာဝန်များကို ထမ်းဆောင်နေရတဲ့ တပ်မတော်၊ ရဲတပ်ဖွဲ့ ၊ ပြည်သူ့စစ် စသည့် စသည့် အဖွဲ့အစည်းများနှင့် ကျောချင်းကပ်၊ ရင်ချင်းအပ်၍ လက်တွဲညီညီဆောင်ရွက်ချင်စိတ်ရှိသော သူဖြစ်ရပါမည်။
(၄) ကိုယ်စားလှယ်တဦးသည် မိမိ၏ မဲဆန္ဒနယ်ဖွံ့ဖြိုးတိုးတက်အောင် ကြံဆောင်လုပ်ဆောင်ရန်ကိုယ်စားလှယ်၏နောက်တွင် ပံ့ပိုးကူညီပေးနိုင်မည့်ခိုင်မာအားကောင်းသည့် အဖွဲ့အစည်းရှိရပါမည် ။
(ပါတီကိုဆိုလိုပါတယ်)
(၅) ဆန္ဒရှိသူဖြစ်ရပါမယ်။
(လုပ်ချင်စိတ်၊ စေတနာ၊ တိုင်းပြည်နှင့်လူမျိုးအတွက် အကျိုးပြုချင်သူ )
▫️တိုင်းပြည်ဟာ အစမ်းသပ်ခံဖို့ အချိန်မဟုတ်တော့ပါဖူး ။
အခြားကမ္ဘာ့နိုင်ငံများနည်းတူ သဘာဝဘေးအန္တရာယ်ပေါင်းစုံကို ရင်ဆိုင်ခဲ့ရတဲ့ နိုင်ငံဖြစ်လို့ ပြန်လည်တည်ဆောက်ရေးကာလကို ဖြတ်သန်းနေရတဲ့အပြင် ၊ အတ္တနိုင်ငံရေးသမားများရဲ့ သွေးထိုးလှုံ့ဆော်မှုများကြောင့် အဖက်ဖက်က အထိနာနေရသော တိုင်းပြည်ဖြစ်ပါတယ်။
▫️ထို့ကြောင့် အခုလိုအချိန်မှာ ပညာရော အတွေ့ကြုံရော ရှိသော ၊ လုပ်ဖူးကိုင်ဖူးသော ၊ အားလုံးနဲ့ လက်တွဲညီညီလုပ်ချင်စိတ်ရှိသော လူများကို ရွေးချယ်မှသာလျှင် ငြိမ်းချမ်းသော ၊ ရွှေရောင်လွှမ်းသော နေ့ရက်တွေကို ပိုင်ဆိုင်ရမှာဖြစ်ပါတယ်။
▫️မိဘပြည်သူများဘဝ ဖွံ့ဖြိုးတိုက်တက်ပြီး ပိုမိုခိုင်မာသော ပြည်မြန်မာကြီးဖြစ်ဖို့ ပြည်ခိုင်ဖြိုးပါတီက ကိုယ်စားလှယ်လောင်းများက အဆင်သင့်ရှိနေပါတယ်။
ကျောခင်းပေးပါ့မယ်…
နင်းလျောက်၍ မိမိတို့ဘဝ တိုးတက်အောင် လျှောက်လှမ်းကြပါလို့ ပြောကြားရင်း-
ပြည်ခိုင်ဖြိုးကို မဲပေးပါ ✅
ပထမအကြိမ်ရွေးကောက်ပွဲလုပ် ရန် (၂ ) ရက်သာလိုပါတော့သည်
