https://www.facebook.com/1624639637812924/

Myanmar Student Christian Movement - Magway Region, Magway (2026)

28/06/2026

“ဘုံရန်သူဦးတည်တိုက်ရေးနှင့် ညီညွတ်ရေးဆီသို့”
ပူးတွဲနှိုးဆော်ချက်နှင့် ဖိတ်ခေါ်လွှာ

ရက်စွဲ - ၂၀၂၆ ခုနှစ်၊ ဇွန်လ ( ၂၈ ) ရက်

တော်လှန်ရေးရဲဘော်များ၊ နိုင်ငံရေးအင်အားစုများနှင့်
မိဘပြည်သူတစ်ရပ်လုံးသို့

ယနေ့ မိမိတို့ ဆင်နွှဲနေသော နွေဦးတော်လှန်ရေးကြီးသည် စစ်အာဏာရှင်စနစ်ဆိုးကို အမြစ်ဖြတ်ပြီး ပြည်သူလူထုတစ်ရပ်လုံး ဆင်းရဲဒုက္ခမှ လွတ်မြောက်ရန် သမိုင်းဝင်အခွင့်အလမ်းကြီး ဖြစ်သည်။ တော်လှန်ရေးကာလ ရှည်ကြာလာသည်နှင့်အမျှ မိမိတို့အချင်းချင်းကြားတွင် သဘောထားကွဲလွဲမှုများနှင့် ပွတ်တိုက်မှုအချို့ ရှိလာသည်မှာ ဓမ္မတာဖြစ်သော်လည်း၊ ထိုပြဿနာများအား လက်နက်အားကိုးဖြင့် ဖြေရှင်းရန် ကြိုးပမ်းလာကြခြင်းသည် မိမိတို့အားလုံး၏ တော်လှန်ရေးအဟုန်ကို တန့်သွားစေနိုင်ပြီး ဘုံရန်သူ စစ်အုပ်စုကိုသာ အသက်ဆက်သွင်းရာ ရောက်ရှိသွားနိုင်ပါသည်။ တော်လှန်ရေးအဖွဲ့အစည်းများ အကြား နိုင်ငံရေးအရ တန်းတူဆက်ဆံမှုများ၊ အပြန်အလှန်လေးစား အသိအမှတ်ပြုမှုများကိုလည်း တော်လှန်ရေးကာလအတွင်းတွင်ပင် မဖြစ်မနေ လုပ်ဆောင်ရမည်ဟု ယုံကြည်ပါသည်။
သမိုင်းသင်ခန်းစာများအရ တော်လှန်ရေးအင်အားစုများ ညီညွတ်လျှင် အောင်ပွဲရပြီး၊ မိမိတို့အချင်းချင်း ညီညွတ်မှုပြိုကွဲပါက အောင်ပွဲနှင့် ဝေးကွာရတတ်ပါသည်။ ထို့ကြောင့် ယခုအချိန်သည် မိမိတို့ အားလုံး "ဘုံရန်သူကို ဦးတည်တိုက်ဖျက်ရေး နှင့် ညီညွှတ်ရေးဆီသို့" ဟူသော လှုပ်ရှားမှုကို မဖြစ်မနေ စတင်ရန် အရေးအကြီးဆုံး အချိန်အခါသို့ ရောက်ရှိနေပြီ ဖြစ်ပါသည်။
မိမိတို့ အောက်ပါအဖွဲ့အစည်းများသည် ဤလှုပ်ရှားမှု၏ အခြေခံမူများကို အပြည့်အဝ ထောက်ခံ သဘောတူညီကြပြီး၊ မိမိတို့အချင်းချင်းကြား ကြုံတွေ့ရမည့် မကျေလည်မှုများကိုလည်း လက်နက်၊ အင်အားဖြင့် မဖြေရှင်းဘဲ "ညီညွတ်ရေးကို အခြေခံသည့် နိုင်ငံရေးအရ တန်းတူရည်တူ ညှိနှိုင်း ဆွေးနွေးခြင်း" နည်းလမ်းဖြင့်သာ စံနမူနာပြ ဖြေရှင်းသွားရမည်ဟု ယုံကြည်ပါသည်။
"ညီညွတ်ရေးဟာ အစွမ်းထက်ဆုံးလက်နက်" ဖြစ်သည်နှင့်အညီ ဤကမ်ပိန်းတွင် အပေါင်း လက္ခဏာ ဆောင်စွာဖြင့် အတူတကွ ပူးပေါင်းပါဝင်ပေးကြပါရန် အောက်ပါအတိုင်း လှိုက်လှိုက်လှဲလှဲ နှိုးဆော် ဖိတ်ခေါ်အပ်ပါသည် -
(၁) တော်လှန်ရေးနှင့် နိုင်ငံရေး အင်အားစုများ အနေဖြင့် အချင်းချင်းကြား လက်နက်သုံး ဖြေရှင်းမှုများကို ဝိုင်းဝန်း တားဆီးကြရန်၊ ကျူးလွန်ချိုးဖောက်မှုများကို တရားမျှတစွာ ဖြေရှင်းဆောင်ရွက်ကြရန်နှင့် နိုင်ငံရေးအရ ဆွေးနွေးညှိနိူင်းမှုများကို အင်တိုက်အားတိုက် ဝန်းရံပေးကြရန်။
(၂) အတတ်ပညာရှင်၊ အသိပညာရှင်များနှင့် အနုပညာရှင်များအနေဖြင့် - မိမိတို့ တတ်ကျွမ်းသော ကဏ္ဍအသီးသီးမှတစ်ဆင့် ဦးတည်ချက်မပျောက်ရေး အသိပညာပေးမှုများနှင့် လှုံ့ဆော်မှုများကို လူမှုကွန်ရက်နှင့် မြေပြင်တွင် ကူညီလုပ်ဆောင်ပေးကြရန်။
(၃) မိဘပြည်သူတစ်ရပ်လုံးအနေဖြင့် - ကမ်ပိန်း၏ ကြွေးကြော်သံများ၊ ပိုစတာများနှင့် ဆောင်းပါးများကို အွန်လိုင်း/မြေပြင်တွင် ကျယ်ကျယ်ပြန့်ပြန့် မျှဝေပေးခြင်းဖြင့် "ဘုံရန်သူကို ဦးတည်တိုက်ဖျက်ရေး နှင့် ညီညွှတ်ရေးဆီသို့" လှုပ်ရှားမှုကို လူထုဖိအားတစ်ရပ်အဖြစ် ဝိုင်းဝန်းပါဝင်ပေးကြရန်။
ဤလှုပ်ရှားမှုသည် မည်သူကိုမျှ အပြစ်တင်ရန် မဟုတ်ဘဲ၊ မိမိတို့အားလုံး စည်းလုံးညီညွတ်စွာဖြင့် ပန်းတိုင်သို့ အတူတကွ လျှောက်လှမ်းနိုင်ရန် ဖြစ်ပါသည်။ တော်လှန်ရေးရဲဘော်များ၊ မိဘပြည်သူများ အနေဖြင့် မိမိတို့ တတ်နိုင်သည့် ကဏ္ဍ၊ လွတ်လပ်သည့် ပုံစံများဖြင့် ဤကမ်ပိန်းတွင် တက်ကြွစွာ ပူးပေါင်းပါဝင်ပေးကြပါရန် လေးစားစွာဖြင့် ဆော်ဩဖိတ်ခေါ်အပ်ပါသည်။

“စစ်အုပ်စုသာ ပြည်သူ့ရန်သူ … ဘုံရန်သူကို ဦးတည်တိုက်ကြ”

“ဘုံရန်သူကို ထိုးနှက် ၊ ရဲဘော်ချင်း ပေါင်းစပ်၊ တော်လှန်ရေးပန်းတိုင်ဆီ အတူတူချီတက်"

“ညီညွတ်ရေးဟာ … အစွမ်းထက်ဆုံးလက်နက်”

အထက်ပါ ပူးတွဲနှိုးဆော်ချက်နှင့် ဖိတ်ခေါ်လွှာကို မိမိတို့ အဖွဲ့အစည်းများမှ သဘောတူ ထောက်ခံပါသည်။

All Kachin Students’ Federation - AKSF
ASR-ASSOCIATION of SPRING RAINBOW
All Burma Ulmas Union - ABUU
Arakan League for Democracy - ALD
Arakan Youth Peace Network
Arakan CSO Network
All Arakan Youth Organizations Network - AAYON
Ayeyawaddy Youth Network - AYN
Bago Unit Federated Force - BUFF
Beyond Ah Nah
Blood Money Campaign
Burma Canadian Network
CRPH Funding Ireland
CRPH and NUG Supporters Ireland
Defend Myanmar Democracy
Defection & Defiance Network (D&D Network)
Hlaing Democratic Network - Yangon
India for Myanmar
Kyauktada Strike Committee - KSC
Liberal Students Youth Association - LSYA
Magway Region Human Rights Network
Myanmar Student Christian Movement - Magway
Mandalay Regional Youth Association - MRYA
Minority Of Revolution Essence - MORE
MyaYar Knowledge Tree
New Myanmar Foundation
New Ramonya Federated Force - NRFF
Progressive Labor Community
Politics For Women Myanmar
Revolutionary Education Phaungbyin
Shwe Pyi Thar Strike Committee
Sitt Nyein Pann Foundation
Sister2Sister -S2S
Spring Revolution Myanmar Muslim Community_SRMMC
Support Group for Democracy in Myanmar (the Netherlands)
Synergy Social Harmony Organization
Volunteers in Myanmar
Women Lead Resource Center
Yangon Deaf Group
Youth Empowerment
33 Society
ကျောင်းသားအင်အားစုများကွန်ယက် - NSF
ကျောင်းသားတပ်ဦး/ကျောင်းသားလက်ရုံးတပ်တော် - SF/SAF
ကျောင်းသားတော်လှန်ရေးတပ်တော် - SRF
ကြားကာလအခြေခံပညာကျောင်းသားသမဂ္ဂများကိုယ်စားပြုကောင်စီ
ဂန့်ဂေါဖွံ့ဖြိုးတိုးတက်ရေးအဖွဲ့ - GGWDO
စစ်အာဏာရှင်စနစ်တိုက်ဖျက်ရေးအထွေထွေသပိတ်ကော်မတီ - GSC
ဆိုရှယ်ဒီမိုကရက်တစ်ပါတီ - SDP
တာမွေမြို့နယ်သပိတ်ကော်မတီ
တိုးတက်သောမွတ်စ်လင်မ်လူငယ်အစည်းအရုံး - PMYA
တောင်သူ့လွတ်မြောက်ရေးအင်အားစု
ဒဂုံတက္ကသိုလ်ကျောင်းသားများသမဂ္ဂ - ဒတကသ
ဒို့မြေကွန်ရက် - LIOH
ဒို့မြေပြည်သူ့အကျိုးပြုအဖွဲ့ (တွံတေး)
နွေဦးတော်လှန်ရေး ဘာသာပေါင်းစုံကွန်ရက် - SRIN
နွေဦးတော်လှန်ရေး မြန်မာမွတ်စ်လင်မ်ကွန်ရက် - SRMMN
နိုင်ငံရေးအကျဥ်းသားဟောင်းများအဖွဲ့ - FPPS
ပဲခူးအရှေ့နိုင်ငံရေးအကျဉ်းသားဟောင်းများအဖွဲ့ - FPPN-EB
ပွင့်ဖြူလယ်ယာမြေကွန်ရက်
ပွင့်ဖြူဖွံ့ဖြိုးတိုးတက်ရေးအဖွဲ့ - PDO
ပြည်သူ့လွတ်လပ်ရေးအဖွဲ့ - PIO
ပြည်သူ့တော်လှန်ရေးတပ်ဦး - PRF
ပြည်သူ့ဒီမိုကရက်တစ်အဖွဲ့/တပ်တော် - PDO/PDA
ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် - ABFSU
ဗမာနိုင်ငံလုံးဆိုင်ရာလယ်သမားသမဂ္ဂများအဖွဲ့ချုပ် - ABFFU
ဗမာနိုင်ငံလုံးဆိုင်ရာအလုပ်သမားသမဂ္ဂများအဖွဲ့ချုပ် - ABFTU
ဗမာနိုင်ငံလုံးဆိုင်ရာအမျိုးသမီးများသမဂ္ဂ - ABWU
မကွေးတက္ကသိုလ်ကျောင်းသားသမဂ္ဂ - မကတကသ
မြန်မာနိုင်ငံကျောင်းသားလူငယ်များကွန်ဂရက် - SYCB
မြန်မာနိုင်ငံအထွေထွေအလုပ်သမားသမဂ္ဂများအဖွဲ့ချုပ် - FGWM
မြန်မာမွတ်စလင် အစည်းအရုံး - BMA
မြန်မာမွတ်စ်လင်မ်တော်လှန်ရေးအင်အားစု - MMRF
မင်္ဂလာတောင်ညွန့်မြို့နယ်လုံးဆိုင်ရာအထွေထွေသပိတ်ကော်မတီ - MGTNGSC
မျိုးဆက်-Generations
မင်းလှတောင်သူများအစုအဖွဲ့
မင်းဘူးတောင်သူများအစုအဖွဲ့
ယိမ်းနွဲ့ပါး - Yain Nweh Par (Rainbow Win The Storm - RIS)
ရန်ကုန်အရှေ့ပိုင်းတက္ကသိုလ်ကျောင်းသားများသမဂ္ဂ
ရခိုင်ပြည်လုံးဆိုင်ရာကျောင်းသားနှင့်လူငယ်များအစည်းအရုံး - AASYC
ရေဘဝဲ (ပြည်သူ့အကျိုးပြုလူငယ်အဖွဲ့အစည်း)
လူ့ဘောင်သစ်ဒီမိုကရက်တစ်ပါတီ - DPNS
လူ့ဘောင်သစ်လူငယ် - YNS
လီဆူလူငယ်အစည်းအရုံး - LYC
လူမျိုးပေါင်းစုံမျိုးဆက်များသွေးစည်းညီညွတ်သော မဟာမိတ်အင်အားစု - GSCN
လွတ်လပ်သောလူငယ်များအစည်းအရုံး
သာကေတမြို့နယ်လူငယ်သပိတ်ကော်မတီ
သမိုင်းသယ်ဆောင်သူများ
သံလွင် သဘာဝပါတ်ဝန်းကျင် ထိန်းသိမ်းရေးကွန်ရက် - TEDN
အခြေခံပညာကျောင်းသားလူငယ်များအစည်းအရုံး - အကလ
အညာတောအိမ်
ဧရာဝတီမြစ်ဝကျွန်းပေါ် အမျိုးသားများပြည်နယ်ကောင်စီ - IDNSC
ဧရာဝတီမြစ်အနောက်ဖက်ဖွံ့ဖြိုးတိုးတက်ရေး အင်အားစု၊မကွေးတိုင်း - AWDO
ဧရာဝတီမြစ်အနောက်ဖက်ဖွံ့ဖြိုးတိုးတက်ရေး အင်အားစု၊ငဖဲ - AWDO
၁၉၇၄/၇၅/၇၆နိုင်ငံရေးအင်အားစု (အဝေးရောက်)
အမည်မဖော် - ၁ ဖွဲ့
----------------------------------------------------------

#စစ်အုပ်စုသာပြည်သူ့ရန်သူဘုံရန်သူကိုဦးတည်တိုက်ကြ"
#ညီညွတ်ရေးဟာအစွမ်းထက်ဆုံးလက်နက်"
#ဘုံရန်သူကိုထိုးနှက်ရဲဘော်ချင်းပေါင်းစပ်တော်လှန်ရေးပန်းတိုင်ဆီအတူတူချီတက်
Christian Movement

07/05/2026

ဗမာတစ်နိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် (ဗကသ များ အဖွဲ့ချုပ်) ၏ နှစ် ကိုးဆယ်ပြည့် အခမ်းအနားသို့ ပေးပို့သော ဂုဏ်ပြုသဝဏ်လွှာ

08/01/2026

Unbroken Dreams Campaign

တက္ကသိုလ်ဝင်တန်းပြီးဆုံးသွားပေမယ့် တက္ကသိုလ်ဆီရောက်ဖို့ ရှေ့ဆက်ရမယ့်လမ်း ဝေဝါးနေဆဲ ကျောင်းသား၊ ကျောင်းသူများအတွက် တထောင့်တနေရာက အထောက်အပံ့ဖြစ်စေမယ့် အစီအစဉ်တခုအနေနဲ့ Unbroken Dreams Campaignကိုကျွန်ုပ်တို့ ဗကသများအဖွဲ့ချုပ်ကနေ ပြုလုပ်ချင်ပါတယ်။

စစ်ကြောင်းထိုးတဲ့ကြားက၊ အိမ်တွေမီးရှို့ခံနေရတဲ့ကြားက၊ လေကြောင်းရန်တွေကြားကနေ အထက်တန်းပြီးမြောက်သည်အထိ ကြိုးကြိုးစားစား သင်ယူခဲ့ကြတဲ့ ကျောင်းသားတွေအတွက် တကယ့် တက္ကသိုလ်ပရဝုဏ်ထဲမှာ တက်ရောက်နိုင်မယ့် အခွင့်အရေးပေးချင်ပါတယ်။

အညာဒေသမှာရှိတဲ့ တက္ကသိုလ်ဝင်တန်းအောင်မြင်ပြီးသူ ကျောင်းသား၊ ကျောင်းသူ ဆယ်ဦးကို ကချင်ပြည်နယ်ပညာရပ်စုံသင်တက္ကသိုလ် မှာ သွားရောက်သင်ကြားဖို့ ပညာတော်သင်စေလွှတ်မှာပါ။

ဒီလို ကျောင်းသား၊ ကျောင်းသူတွေကို Scholarship ပေးနိုင်ဖို့အတွက် ဒီ Unbroken Dreams Campaign ကို ပြုလုပ်တာ ဖြစ်ပါတယ်။ Campaign ကိုတော့ သိန်း သုံးရာ ရည်မှန်းထားပါတယ်။ Campaignကိုတော့ တလတိတိ ပြုလုပ်သွားမှာပါ။

စနစ်ဆိုး၊ အခြေအနေဆိုးအောက်ကနေ လွတ်ဖို့ကိုယ်တိုင်ပါဝင်နေကြတဲ့ ကျောင်းသား၊ကျောင်းသူတွေကို ပိုပြီး အထောက်အပံ့၊ တွန်းအားတွေပေးနိုင်ဖို့အတွက် အားလုံးရဲ့အကူအညီလိုအပ်ပါတယ်။ မိဘပြည်သူများအနေနဲ့ ဒီcampaignမှာ ပါဝင်ပေးကြဖို့ ကျွန်ုပ်တို့ ဗကသများအဖွဲ့ချုပ်မှ ဖိတ်ခေါ်အပ်ပါတယ်။

15/12/2025

တောထည်းတောင်ထည်း ခရစ္စမတ်နေ့ အသားဟင်းလေး စားနိုင်ဖို့
ပါဝင်လိုသူများ ဆက်လျက်ပါဝင်နိုင်ပါတယ်
စစ်ဘေးရှောင်စခန်းများအတွက်သော်လည်းကောင်း ကူညီပါဝင်နိုင်ပါသည်။

Address

Magway

Telephone

+959420123938

Website

facebook.com

Alerts

Be the first to know and let us send you an email when Myanmar Student Christian Movement - Magway Region posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Myanmar Student Christian Movement - Magway Region:

Myanmar Student Christian Movement - Magway Region