KCP Tlangau

Home
Myanmar
Khampat
KCP Tlangau

Call Website

Khampat Chin Pawlpi (လူမှုကူညီရေးအသင်း)

06/09/2026

Khampat Falam Pastor Pawlkom (KFPP)

21/08/2026

I RUNTU NA SI

Saktu: Mercy Hniang Boih
Producer: Nonawn Band

A suak cing ding...

10/08/2026

Khampat Raltlan Tlun Sal Thu
(Aug.10.2026)

Ralbuainak ruangah, Khampat mipi thlaphang zetin hmunhimnak deuh ih kan ruah mi india ramri tluan le Kalay sehvel ah tiin remcang kan ti nak hmun cio ah thlahnih sung raltlan in kan vakvai.

June 7/8/9.2026 ni kha a bawrbawr in khua ihsi kan tlan suak thok ni asiih August7/8/9.2026 ni khal a bur p**i ih kan tlunsal ni a si. Curuangah tuitum raltlan cu thlahnih sung kan rei a si.

Khampat raltlan hi tu hin țum 4 nak a si thlangih tum dang ahcun karkhat/karhnih hrawngah mipi kan tlung theisal theu. Tuițum raltlan hi thlahnih kan rei ih raltlan sung rei bik țum asi. Raltlan netabik khal si hramseh!

Raltlan sungah Khampat (KCP) Raltlan hrangah tiin bomnak in petu pawl parah kan lungawi tuk. Nan bomnak pek mi hi a sunglawi tuk a si. (Raltlan bomnak a d**g dahtu cun a sunlawi zia kan thei cio ko ding).

Khua a tlungzo mi, ziangmawzat kan um zo nan tlung remcang hrih lo khal an um ve lai thotho. Tlung hrih lo tete an tlun thei lohli ih hnangam le himdam ten kan um vivo theinak dingah thlaza cam cio uhsi!

Mi tampi khua kan suahsan hnu ah KCP sung ihsin Nu Hramcer le Pa Thang Dai Lo, cun raltlannak hmun ah Fanu Bawi Nei Mawi in tiin mual in liamsan.

: Kalay lam ihsi tlung hmaisabikpawl.. (5.8.2026)

18/06/2026

Khampat Raltlan Thu (June, 2026)

Khampat khua a him lo ding ti thu a um ruangah June 7.2026 (Sunday) ni cu a bawrbawr in khua sung um mipi an tlan thok cupco. Hrekkhat cu India ram sung khawte lam an pan, hrekkhat asile Minhla, Letpanchaung, Kalay/Tahan lam pan in an tlan ve.

June 8.2026 (Monday) ni khal zing ihsin mitampi an tlan cupco. Sunhnu ih tlanpawl belte YanMyoAung lut zawngah (Mipi ralkap tiawpawl in) tlan an awih lo ih thinhar zetin mawtaw le bike tamtak khua ah an khir. A thaizing zingpit ah an poksal ciamco ih an feh lan thei. Asinan sunhnu ih fehpawl cu an rak kham lala, asinan feh lan thei ziang mawzat an um thotho. "A hlan khan ih kan tlan lo cun lamzin a pit pang thei ti ruahah a ranglam ih kan tlan suah ciamco nak a si'' tiah Kalay lam pan ih raltlanpawl cun an rel. Cutin Zin a ong sung cu nitin te tlan sukso an um phah rero. (Tuah cun Kalay-Khampat lam a pit zo)

Khuasung ih um a theih sung, um tum mi hrekkhat khal an um ve phahphah. Cupawl cu tlan lo theih lo dinhmun a thlen cin ih Ramri, india ram sungih tlan lut tum an si tlangpi ih tlan tum lo bembem khal an um men thei.

Tuini June 18.2026(thur) ahcun khawsung ih umtu cu mi malte (kutzung siar tham) lawng an tang thlang. Khawsung cu caw le vok an tlang nasa zo. Ziang thawmvang dang theih ding cu a um hrih lo tiah khawsungih a tangsun hrekkhat hnen in theih a si. Khampat cu an nai zet thlang tiah theih a si fawn..

: Mipi tamzet in khua an suahsan hnu ah KCP Member sung ihsin Nu Hram Cer cun June10.2026(wed) ah le Pa Thang Dai Lo cun June 14.2026(sunday) ah mual in liamsan a si.

Pathian in kan khua le mipi in humhim ringring hramseh!

06/06/2026

KCP Hrampi Sii Kap Hnatlang

Khampat Chin Pawlpi (KCP) hruaitupawl cu tuizing June 6.2026(sat) ah Khampat Vengsak Tlawnginn compound hrampi sii kap in le thil tul dang tete tla tawlrel in an hnatlang a si.

Sii man tul mi tete pawl KCPS hnen ihsin Sumpai kan dawngih an parah kan lungawi tuk...

03/05/2026

HARSA BOMNAK ZEMSUAK SAL(3)
(May 3,2026)

Khampat Chin Pawlpi, Singapore le China, tangkop in harsa bomnak hrangah sumpai an rawn kuat mi cu Central KCP Hruaitupawl in tuini May 3,2026(sunday) ni ah Innsang 15 hnen ah an zemsuak sal a si.

Petupawl parah Pathian thlawsuahnak thleng vivo hramseh. Cule Zemsuaktupawl suncaw rak dotu Pa Roman Lal Lian (Lal Lian Uk) par khal ah KCP kan lung a awi zet. Pathian in malsawm vivo hramseh!

: Tuiṭum hi KCP Term 2026-27 sung hrangah a voithumnak a si.

28/04/2026

Karaoke - Semnak Kan Khua Lailungrawn

20/04/2026

Khampat Chin Pawlpi (KCP)

Tlawnginn Le Hall hmun Hnatlang
(April 20.2026)

https://youtu.be/pEV0iuxDOyA

😍

18/04/2026

Mithi Kuang Tuah Hnatlang (2)
(18.4.2026)

Khampat Chin Pawlpi
KCP in mithi kuang tuah cia mi a neih mal leh thlang ruangah tuini April 18.2026(Sat) ah Hruaitupawl cu Pa Van Lian Ceu tei' innah hnatlang in kuang an tuah sal a si.

"Tui tum cu hnatlang poktu mipum 11 hrawng kan siih kuang 4 kan tuah ngah thei. kan neih cia mi kuanghnih thawn, tu ah azaten tuahcia mi kuang 6 kan nei.. '' tiah tuanvo neitu in a rel..

02/04/2026

BTS & Laam Zir Lai

Tual Kan Cainak Lairam Nuam

Youtube - https://youtu.be/RvnfBhE5iwM

Address

Khampat No. 2
Khampat

Telephone

+959400526170

Website

https://khampatchinpawlpi.blogspot.com/

Alerts

Be the first to know and let us send you an email when KCP Tlangau posts news and promotions. Your email address will not be used for any other purpose, and you can unsubscribe at any time.