Kalaw Pa.O Youth Organization (2026)

11/03/2026

ဝေင်ꩻနယ်ႏကလော်ꩻ ရပ်တန်သရက်ပု ဗွောင်သွဥ်လွေꩻလိတ်ပအိုဝ်ႏတွမ်ႏယေန်ႏငဲလိမ္မာႏ ဓမ္မစကူလ်းသွဥ်တန်ꩻ ဒုံ(သရျက်ꩻပူႏ)
===================

မတ်လာ (၁၁)နီꩻ

နေင်ႏ (၁၃၈၇)ဗာႏ ဒဲဥ်သီႏလာလောင်း(၉)နီꩻ မွူးနီꩻဗုဒ္ဓဟူꩻ (၂၀၂၆) ဝေင်ꩻနယ်ႏကလော်ꩻ(ပင်ႏတရား၊ ယေႏငံႏ) ပအိုဝ်ႏလိုꩻယွဲးစွိုꩻ (K.P.Y.O)တွမ်ႏ ဝေင်ꩻနယ်ႏကလော်ꩻ ပအိုဝ်ႏလိတ်လုဲင်ꩻယေန်ႏငဲရေꩻအစွိုꩻတွမ်ႏ ရပ်သားမွိုးဖါ စွန်ꩻဝင်ꩻစူ ဗွောင်သွဥ်လွေꩻလိတ်ပအိုဝ်ႏတွမ်ႏယေန်ႏငဲလိမ္မာႏ ဓမ္မစကူလ်းသွဥ်တန်ꩻ ဒုံတန်သရက်ပု (သရျက်ꩻပူႏ) ကျောင်ꩻတန်အကိုနဝ်ꩻသွူ။ သွဥ်တန်ꩻကျောင်ꩻသား/မူႏနံꩻခိုဗင်ႏစုစုခြွဥ်း အဝ်ႏ (၂၀၀)လွို၊ ဝေင်ꩻနယ်ႏကလော်ꩻ(ပင်ႏတရား၊ ယေႏငံႏ) ပအိုဝ်ႏလိုꩻယွဲးစွိုꩻ (K.P.Y.O)တွမ်ႏဆရာႏမူႏတွမ်ႏ ကျောင်ꩻနောင်တောင်ꩻဆရာႏဖုံႏ အဝ်ႏလင်ꩻသွဥ်လွေꩻဖေႏနဝ်ꩻသွူ။ နေးတွမ်ႏသꩻရက်စွိုးခွိုꩻအဗွေတဗာႏ ကရပ်ခံႏကျိုႏဆွုမ်ႏဖေႏဒါႏ နီသွဥ်းသီး လိုꩻယွဲးစွိုꩻနုဲင်းယိုနဝ်ꩻ ဟွိုန်ဟဝ်သꩻရေꩻ ကေꩻဇူꩻတန်မွေးငါႏသွူ။

တောင်ꩻသေꩻ
ရပ်မုဲင်ꩻဒုံမုဲင်ꩻတယဝ်း မဥ်ႏအဝ်ႏလိုႏအပ်ဒါႏ သွဥ်လိတ်ဆရာႏ/မူႏနဝ်ꩻ ကွီထေ့လွဥ်နွောင်ꩻဒျာႏသွူသြ။
ဖုန်းမုဲင် - 09674054303

#ဓာတ်ပွုံႏ (KPYO)ဆရာႏမူႏ
#ခွန်ဝင်းလှိုင်
ိုꩻယွဲး
#ကလော်ꩻလိန်ယေန်ႏ

18/02/2026

(PNO)ပါတီအွဥ်အကိုရေꩻချွုတ်ဖြားတန်ခွန်သိန်းဖေ လင်ꩻဖေႏအာႏလွေꩻ ဝေင်ꩻနယ်ႏကလော်ꩻ(ပင်ႏတရား၊ယေႏငံႏ)ထွာဆရာႏလိတ်ပအိုဝ်ႏသွဥ်တန်ꩻအမုဲင်(၅) သွဥ်တန်ခိုမူႏ ရပ်တန်မုဲင်းကောင်ကို
−−−−−−−−−−−−−−−−−−
နေင်ႏ၂၀၂၆၊ လာဖေဖော်ဝါရီ(၁၇)နီꩻ

ဝေင်ꩻနယ်ႏပင်ႏတရား၊ ရပ်တန်မုဲင်းကောင်ကို ဝေင်ꩻနယ်ႏကလော်ꩻ(ပင်ႏတရား၊ ယေႏငံႏ)ပအိုဝ်ႏလိတ်လုဲင်ꩻတွမ်ႏပအိုဝ်ႏလိုꩻယွဲစွိုꩻ (K P Y O)အွဥ်ငါ ကမာꩻလွေꩻဒါႏ ထွာနွောင်ꩻဆရာႏလိတ်ပအိုဝ်ႏတွမ်ႏလိုꩻယွဲးစွန်ꩻထီထင်သွဥ်တန်ꩻကို ပအိုဝ်ႏစွိုးခွိုꩻအစွိုꩻ(PNO)ပါတီ အွဥ်အကိုရေꩻချွုတ် ဖြားတန်ခွန်သိန်းဖေ ကန္တောꩻလွေꩻပါ ဗွေႏဆရာႏတောႏကျောင်ꩻမုဲင်းကောင်တွမ်ႏ ဖေႏအာႏလွေꩻပါသွဥ်တန်ခိုမူႏမော့ꩻခွဲးလွေꩻပါခမ်းသားမွိုးဖါဖုံႏအကျောင်ꩻ သေထွꩻဗာႏနောဝ်သွူ။

ပွယ်ꩻမော့ꩻခွဲးကို ပအိုဝ်ႏစွိုးခွိုꩻအစွိုꩻ(PNO)ပါတီ အွဥ်အကိုရေꩻချွုတ် ဖြားတန်ခွန်သိန်းဖေနောဝ်ꩻဒေါ့ꩻခြုဲင်းလွေꩻဖေႏ ဟန်ႏသနီꩻ မန်းခမ်းကိုကအောဝ်ႏဒါႏခမ်းထီအခေႏနေႏ၊လွိုင်ႏကွိုန်ꩻသာႏယာႏရေꩻအခေႏနေႏဖုံႏ၊ နီသွဥ်းသီကမဥ်လꩻဒါႏ ကွိုင်ႏတန်ႏတွမ်ႏနီလိုꩻမျိုꩻ မာꩻပဲင်ႏခွင်ꩻ လꩻပဲင်ႏခွင်ꩻဖုံႏယို အဗွေတဗာႏဖေႏကလꩻနောဝ်ꩻ ဌာနဆဲင်ႏရာꩻဖုံႏကို အောဝ်လိုႏနွို့ထေင်းထံႏငါႏအကျောင်ꩻ၊ ဟန်ႏသနီꩻ ခွိုꩻရက်စဲ့ꩻသားဖုံႏ ကအောဝ်ႏရဲးကာႏကွယ်ႏဖေႏ ဒေႏသလုမ်းဗဥ်ႏရေꩻအခေႏနေႏဖုံႏ၊ လွတ်တောႏရေꩻရာႏအကျောင်ꩻအခရာႏဖုံႏ၊ နီလိုꩻမျိုꩻတွမ်ႏယေန်ႏငဲးရေꩻဖုံႏယို အောဝ်ႏလိုႏထိန်ꩻသိမ်ꩻဒါႏဒါႏအကျောင်ꩻ၊ ဟန်နီꩻ ပိုလီꩻ လိုꩻယွဲးဖုံႏ အရွယ်ႏမဲဥ်ႏတွင်ꩻ အောဝ်ႏလိုႏသွဥ်ထူႏစွုမ်ႏစွုမ်ႏတဲင် ပအိုဝ်ႏအနာႏဂါတ်ယို အောဝ်ႏဒင်ႏလိုယွဲးသီးပြေင်လောင်းအကျောင်ꩻ ဒေါ့ꩻခြုဲင်းတမာꩻလွေꩻဖေႏ နုဲင်းနောဝ်ꩻအကျောင်ꩻ သေထွꩻဗာႏနောဝ်ꩻသွူ။

ဝေင်ꩻနယ်ႏကလော်ꩻ(ပင်ႏတရား၊ ယေႏငံႏ)ပအိုဝ်ႏလိတ်လုဲင်ꩻတွမ်ႏပအိုဝ်ႏလိုꩻယွဲးစွိုꩻ (K P Y O)အွဥ်ငါ ကမာꩻလွေꩻဒါႏ ထွာနွောင်ꩻဆရာႏလိတ်ပအိုဝ်ႏတွမ်ႏလိုꩻယွဲးစွန်ꩻထီထင်သွဥ်တန်ꩻယို သွဥ်တန်ꩻဆရာႏ ဗွေႏဆရာႏ(၃)ပါꩻတွမ်ႏ ဆရာမူႏ(၃)ဖြာꩻသွဥ်တန်ꩻသွဥ်ထူႏသားခိုမူႏလို့လို့ခြွဉ်းအောဝ်ႏ (၁၁၃)ဖြာꩻ အကျောင်ꩻ သေထွꩻဗာႏနောဝ်ꩻသွူ။

ပွယ်ꩻမော့ꩻခွဲးကို ပအိုဝ်ႏစွိုးခွိုꩻအစွိုꩻ(PNO)ပါတီ အွဥ်အကိုရေꩻချွုတ် ဖြားတန်ခွန်သိန်းဖေတွမ်ႏ တာႏဝွန်ႏအောဝ်ႏပုဂ္ဂိုလ်ဖုံႏ၊ ပအိုဝ်ႏစွိုးခွိုꩻတပ်မတောႏ(PNA)တာႏဝွန်ႏအောဝ်ႏပုဂ္ဂိုလ်ဖုံႏ၊ဝေင်ꩻနယ်ႏတာႏဝွန်ႏအောဝ်ႏပုဂ္ဂိုလ်ႏဖုံႏ၊ သွဥ်တန်ꩻသားခိုမူႏတွမ်ႏ ဒေသခံႏခမ်းသားမွိုးဖါဖုံႏ ထင်လွဥ် (၃၀၀)လွိုအကျောင်ꩻ သေထွꩻဗာႏနောဝ်ꩻသွူ။

13/02/2026

ပအိုဝ်ႏလိတ်/ယေန်ႏတွမ်ႏပအိုဝ်ႏလိုꩻယွဲးစွိုꩻ(KPYO)အွဥ်ငါဗွောင်သွဥ်လွေꩻထွာနွောင်ꩻလိတ်ပအိုဝ်ႏဆရာႏသွဥ်တန်ꩻ
************************
ဖေဖော်ဝါရီ(၁၃)ရက်၊၂၀၂၆

ဝေင်ꩻနယ်ႏကလော်ꩻပအိုဝ်ႏလိတ်လုဲင်ꩻယေန်ႏငဲးရေꩻအစွိုꩻတွမ်ႏဝေင်ꩻနယ်ႏကလော်ꩻ(ပင်ႏတရား၊ယေႏငံႏ)ပအိုဝ်ႏလိုꩻယွဲးစွိုꩻဆွန်ꩻစူအွဥ်ငါ ဗွောင်သွဥ်လွေꩻထွာနွောင်ꩻလိတ်ပအိုဝ်ႏဆရာႏသွဥ်တန်ꩻအမုဲင် ၅/၂၀၂၆ ဌာနကျောင်ꩻမုဲင်းကောင် ဝေင်ꩻနယ်ႏပင်ႏတရားကိုအကျောင်ꩻ သွဥ်တန်ꩻယိုဗွောင်စလွေꩻ၁၂−၂−၂၀၂၆ဗꩻလွေꩻ ၁၈−၂−၂၀၂၆ထွူ သွဥ်တန်ꩻထင်ႏသားအောဝ်ႏအဖြာꩻ/ပါꩻပေါင်ꩻ(၁၀၀)ရပ်အကျောင်ꩻ သွဥ်တန်ꩻအွဥ်ႏနယ်ꩻ(နည်းပြ)ယိုထွာꩻဒျာႏဗွေႏဆရာႏတောႏကျောင်ꩻနောင်တောင်ꩻတပဲ့ꩻဆရာႏ/မူႏဖုံႏသွဥ်နယ်ဖေႏအကျောင်ꩻ ဟန်ႏနီသွဥ်တန်ꩻဗွောင်ပွယ်ꩻအခန်ꩻအနာꩻကို ပအိုဝ်ႏလိုꩻယွဲးစွိုꩻ(KPYO)နာယကဗွေႏဆရာႏတောႏကျောင်ꩻမြို့မကလော်ꩻ ဗွေႏဆရာႏတောႏကျောင်ꩻပဲယဥ်ႏတောင်ႏ ဗွေႏဆရာႏတောႏကျောင်ꩻငိုကောင် ကလော်ꩻလိတ်/ယေန်ႏအွဥ်အကိုရေꩻခွန်ထွိုက်ခမ်းတွမ်ႏအစွိုꩻသားဖုံႏ ထင်ႏဒေါ့ꩻဖေႏငေါဝ်းဖေႏအာႏတမာအကျောင်ꩻသေထွꩻဗာႏနောဝ်သွူ

#လိုꩻယွဲး
#ကလော်ꩻ
#ပင်ႏတရား
#ယေႏငံႏ
#လဝ်းဟွိုန်ရေꩻ

08/02/2026

ဝေင်ꩻနယ်ႏကလော်ꩻ(ပင်ႏတရား၊ ယေႏငံႏ) ပအိုဝ်ႏလိုꩻယွဲးစွိုꩻ (K.P.Y.O) အွဥ်ငါ ထွာလိတ်ပအိုဝ်ႏဆရာႏတွမ်ႏ လိုꩻယွဲးစွန်ꩻထီထင်သွဥ်တန်ꩻ အမုဲင်(၅)

သွဥ်တန်ꩻအတွက်တာႏ ဗွေႏ/ခွန်/နင်ꩻသီးဖုံႏ သွင်ꩻစာႏရင်ꩻလꩻလဲဥ်းသွူသြ။ သွဥ်တန်ꩻထင်ႏသား ဗွေႏ/ခွန်/နင်ꩻသီးကားကအဝ်ႏ မဥ်ႏတွိုႏလွေꩻ ဒဲဥ်သံလာလောင်း(၁၀)နီꩻ (၁၁-၂-၂၀၂၆) ယံကထင်ႏစုခြွဥ်း လွဥ်တွိုႏတွိုႏဖေႏသွော့
ကျောင်ꩻမုဲင်းကောင်အကိုသွူသြ။

#လဝ်းဟွိုန်ရေꩻ
#သွဥ်တန်ꩻ

15/10/2025

ဝေင်ꩻနယ်ႏကလော်ꩻ (ပင်ႏတရား၊ယေႏငံႏ) ပအိုဝ်ႏလိုꩻယွဲးစွိုꩻ (K.P.Y.O) မာꩻလွေꩻဝေင်ꩻနယ်ႏထာꩻမာꩻအမုဆောင်ႏမော့ꩻခွဲးပွယ်ꩻ
----------------

အောက်တိုဘာ (၁၅)နီꩻ ၂၀၂၅

နေင်ႏ ၁၃၈၇-ဗာႏ တင်ꩻကျွစ်လာလောင်း(၉)နီꩻ မွူးနီꩻဗုဒ္ဓဟူꩻ ဝေင်ꩻနယ်ႏကလော်ꩻ (ပင်ႏတရား၊ယေႏငံႏ) ပအိုဝ်ႏလိုꩻယွဲးစွိုꩻ (K.P.Y.O) မာꩻလွေꩻဝေင်ꩻနယ်ႏထာꩻမာꩻအမုဆောင်ႏမော့ꩻခွဲးပွယ်ꩻနဝ်ꩻသွူ။

မော့ꩻခွဲးအကို ဝေင်ꩻနယ်ႏထာꩻမာꩻအမုဆောင်ႏစွိုꩻ ထင်ႏလွဥ် (၄၂)ဖြာꩻထွူတဲင် မထမအရီးသွတ်ꩻ ဗွောင်လွေꩻအခန်ꩻအနာꩻ ရွစ်လွေꩻနမောဒဿ သွံလဲင်ႏထွူ ဝေင်ꩻနယ်ႏကလော်ꩻ ပအိုဝ်ႏလိတ်လုဲင်ꩻတွမ်ႏယေန်ႏငဲရေꩻအစွိုꩻ ဥက္ကဌဖြားခွန်သူႏတောႏ ဒေါ့ꩻလွေꩻဖေႏ အဗွောင်ငဝ်းငွါထွူ၊ (K.P.Y.O) လိုꩻယွဲးဥက္ကဌ ခွန်ကျောဇော ဒေါ့ꩻလွေꩻပါဖေႏယင်း ငဝ်းကျိုႏဆွုမ်ႏနဝ်ꩻသွူ။

ဝေင်ꩻနယ်ႏကလော်ꩻ (ပင်ႏတရား၊ယေႏငံႏ) (K.P.Y.O) နာယက ခွန်ထွိုက်ခမ်း ဒေါ့ꩻခြုဲင်းနယ်လွေꩻပါဖေႏယင်း (K.P.Y.O) လိုꩻယွဲး ကမာႏလွေꩻထွူလဲဥ်းဒါႏထာꩻမာꩻအကျောင်ꩻခရာႏဖုံႏထွူတဲင် (K.P.Y.O) အွဥ်အကိုရေꩻချွုတ် ခွန်သန်းအောင် ဒေါ့ꩻခြုဲင်းနယ်လွေꩻသွုပ်ယင်း လိုꩻယွဲးကအီႏမာႏငါလွေထဲင်းယင်းဒါႏ ထာꩻမာꩻအကျောင်ႏခရာႏဖုံႏနဝ်ꩻသွူ။ နဝ်ꩻထွူ ဝေင်ꩻနယ်ႏထာꩻမာꩻအမုဆောင်ႏသားစွိုꩻဖုံႏ အုံကွံဒေါ့ꩻရီလွေꩻယင်းဝင်ꩻ အစွိုးစွိုးအဒေါဝ်းဒေါဝ်းဖုံႏထွူတဲင် အစွိုꩻနမ်းခြောင်တန်အနေႏ နင်ꩻခမ်းလှနဝ်ꩻ ဒေါ့ꩻလွေꩻဖေႏငဝ်းကေꩻဇူꩻတင်ႏအကျောင်ꩻ သေထွꩻဗာႏနုဲင်းနဝ်ꩻသွူသြ။

#လိုꩻယွဲး
#ကလော်ꩻ

13/09/2025

တတိယအလဲင်ႏမွဥ်းဖျင်လွိုက်ရွေꩻလိုꩻယွဲးအွဥ်ငါဝေင်ꩻနယ်ႏထာꩻမာꩻအမုဆောင်ႏလိတ်ဖစ်ဟွိုန်
−−−−−−−−−−−−−−−−−−−−−−−−−
၁၃ စက်တင်ဘာ ကလော်ꩻ

ဝေင်ꩻနယ်ႏကလော်ꩻ(ပင်ႏတရား−ယေႏငံႏ)ပအိုဝ်ႏလိုꩻယွဲးစွိုꩻ KPYO ယို မူဘောင်အလ (၃)နေင်ႏတလဲင်ႏမွဥ်းဖျင်ချာဗာႏဝေင်ꩻနယ်ႏ/ဒေႏသ ထာꩻမာꩻအမုဆောင်ႏတဲင် ၁၇−၉−၂၀၂၅နီꩻယို ဒုတိယသွံနေင်ႏသက်တန်ꩻအီႏဗွေလဲဥ်းနောဝ်ꩻမ ၁၈−၉−၂၀၂၅နီꩻယို အီႏမာꩻလွေꩻတနယ်ႏလွုမ်းဆဲင်ႏရာꩻလိုꩻယွဲးမော့ꩻခွဲးပွယ်ꩻအကျောင်ꩻ
အောဝ်ႏတနယ်ႏလွုမ်းဆဲင်ႏရာꩻလိုꩻယွဲးပွယ်ꩻမော့ꩻခွဲးအကို အီႏလွိုက်ရွေꩻဒင်ႏမျောက်ယင်း ဝေင်ꩻနယ်ႏ/ဒေႏသ ထာꩻမာꩻအမုဆောင်ႏအရန်းရန်း(ဥက္ကဌ အွဥ်အကိုရေꩻ)ဖုံႏတဲင် ကလော်ꩻ ပင်ႏတရား ယေႏငံႏဝေင်ꩻနယ်ႏကို ကအောဝ်ႏဒါႏ ပအိုဝ်ႏဒုံတွိုင်ꩻလိုꩻယွဲးပုဂ္ဂိုလ်ႏအဖြာꩻမုဲင်ꩻတရိုꩻတောဝ်း စေႏတနာႏ ဝါႏသနာႏ အနစ်နာႏစွိုးခွိုꩻအလောင်းကအောဝ်ႏဒါႏပုဂ္ဂိုလ်ႏဖုံႏ လိတ်ဖစ်လတဲ့နောဝ်ꩻ လိတ်ဖစ်လတောဝ်းတဲ့နောဝ်ꩻ နေးတွမ်ႏသꩻရက်စွိုးခွိုꩻတဲင် ကျွꩻထင်ႏလွဥ်နွောင်ꩻဒျာႏဝင်ꩻအကျောင်ꩻ ကျွꩻထင်ႏလွဥ်သွူ နီကကျိုက်နစ်သက်ရာꩻပုဂ္ဂိုလ်ႏယိုနေးတွမ်ႏဆန္ဒမဲအနေႏတဲ့ဖေႏနွောင်ꩻသွူ နမ်းတွမ်ႏနမ်းခံႏအလွိုက်ရွေꩻခွင်ꩻတဲ့အောဝ်ႏနောဝ်ꩻမ အွဥ်ႏလွစ်ဟင်ꩻမွိုန်း အွဥ်ႏအရေꩻကျွꩻလွဥ်သွော့ဝင်ꩻအကျောင်ꩻ ထွူႏထွူႏတွုမ်တွုမ် ဖစ်လောဝ်းဟွိုန်ဗာႏသွူသြ။

ခင်ႏလမ်း ဝေင်ꩻနယ်ႏကလော်ꩻ၊ပင်မီဒေႏသ၊
အွိုင်ꩻထီအွီႏ၊ကျောင်ꩻထီအွီႏကို
အခ်ိန်ႏ မွူးရဝ်ꩻခိုႏ၉:၀၀ ဗꩻ မွူးပင်ꩻ ၄:၀၀
မွူးနီꩻ တောႏလင်ꩻလောင်း(၁၂)နီꩻ ၁၈−၉−၂၀၂၅

ကွဥ်ကလွဥ်သွော့စွိုးခွိုꩻခွမ်ꩻလာꩻအကျောင်ꩻ

ပအိုဝ်ႏလိုꩻယွဲးစွိုꩻ KPYO
လောဝ်းဟွိုန်ရေꩻ

Kalaw Pa.O Youth Organization

11/03/2026

18/02/2026

13/02/2026

08/02/2026

15/10/2025

13/09/2025

Address

Telephone

Website

Alerts

Contact The Organization

Shortcuts

Share