Shift Center Tetovë

09/06/2026

09/06/2026

LAJMËRIM NË LIDHJE ME KAMPIN E FËMIJËVE:

Dita e parë e kampit për sejcilin grup do të zhvillohet në natyrë, në Merovë. Prandaj:

1. Fëmijët duhet të vijnë me patika/këpuce e jo me papuçe.

2. Sejcili duhet të ketë një shishe për ujë që e mbushim tek burimi

3. Fëmijët duhet të kenë një palë ndërresa për mbas lojërave me ujë

4. Krem plazhi kundër diegies nga dielli.

Vendi ka pemë dhe hije dhe ne kemi cadrat tona por lojerat do te zhvillohen në fushë

Nëse keni ndonjë pyetje mos hezitoni.

Edhe një herë datat janë 15-16 dhe 18-19 Qershor

Nisja do jetë në oren 9.00 nga Shift Center. Fëmijët duhet të jenë tek Shifti 10 minuta para.

Nese nuk i keni regjistruar fëmijët ende, nxitoni se numri është i kufizuar.

Për regjiistrim ghithashtu mund të vini personalisht në Shift Center nga ora 15.00 - 18.00, çdo ditë

Çdo të mirë!

30/05/2026

Momente nga Koncerti Recital i talentes së re në kitarrën klasike Kamela Sinani, nxënëse e prof Jetmir Mehmetit i cili është një shembull i rrallë përkushtimi e pasioni në mësimdhënien e kitarrës klasike. I mbajtur me dt 29 Maj një mbrëmje qe na ushqeu me shpresë e kurajo se ka një brez që po ecën përpara. Per Shift Center është privilegj të përkrahim veprimatri të tilla.

30/05/2026

Momente nga Koncerti Recital i pianistit te ri Endrit Haliti me dt 25 Maj në Shift Center. Kenaqesi te mbeshtesim dhe inkurajojmë të rinjtë që kanë zgjedhur e po rriten në një rrugë jo të lehtë por kaq të bukur.

30/05/2026

LAJMËRIM

Kemi kënaqësinë të ju lajmërojmë se Kampi Veror i Femijëve në Shift Center do të mbahet me datat 15-16 Qershor 2026 për moshat 6-11 vjeç dhe 18-19 Qershor për mosht 12-14 vjeç,

Regjistrimet fillojne menjeherë dhe mbyllen me dt 11 Qershor.
Mund te kontaktoni për regjistrim në WhatsApp ne 070 904 641, në inbox të FaceBook të Shift Center Tetovë dhe Instagram.

Kampi do të jetë zhvillohet nga 9:30 ne mengjes deri ora 14:30 me drekë. Pjesërisht në ambientet e Shiftit e pjesërisht në natyrë.

Tema e kampit të sivjetshëm është :"TI JE I VEÇANTË" ku fokusi do të jetë vlera e sejcilit fëmijë si krijim unik e i papërsëritshëm. Ana tjetër e medaljes së bullizmit.

Përmes lojrave të larmishme, këngëve zbavitëse. dramave, diskutimit ne grupe të vogla dhe pëgatitjes së "krafteve" (punë dore) e pikturimit, ideja është të nxjerrim në pah sa i çmuar dhe i veçantë është sejcili fëmijë.

Praktikimi i anglishtes vjen me territorin pasi një grup i specializuar prej 8 vetash do të jenë me ne dhe do të kujdesen për mbarëvajtjen e kampit.

Çmim 400 denarë për fëmijë (për të dyja ditët).

Detajet e metejshme do t'i mësoni kur të kontaktoni me ne personalisht.

Me të mira!

25/05/2026

LAJMERIM:

15/05/2026

Momente nga koncerti i mbrëmshëm i grupit “Rilindja”. Një pasqyrë për çdo adoleshent, që tregon se me dëshirë, vizion, pasion e me shumë punë frytet e mira piqen. Faleminderit për freskinë që na sollët!

09/05/2026

NJOFTIM

Të dashur miq!
Kemi kënaqësinë të mirëpresim koncertin e grupit "Rilindja" nga Gjakova.
Të Enjte dt 14 Maj, ora 19.30.
Në Shift Center.
Ju mirëpresim!

28/04/2026

Momente nga Seminari për mësimdhënësit "Kurrikulumi i Fshehtë" i mbajtur me dt 16 Prill 2026 në Shift Center.

09/04/2026

Linku i regjistrimit
https://forms.gle/WS14tGvD97pTsTvg8

LAJMËRIM:

Me 16 Prill, ditë e Enjte në Shift Center mbahet seminari për arsimtarët "Kurrikulumi i Fshehtë Në Mësimdhënie" pregatitur nga "IJR International School Project" Lektore Eriada Çela,

Mbi Seminarin
Kurrikulumi i fshehtë përfshin ato mësime dhe vlera që nxënësit i përvetësojnë pa u vënë re, përmes mënyrës se si zhvillohet jeta në shkollë, duke filluar nga roli i mësuesve dhe duke vijuar me marrëdhëniet mes nxënësve dhe atmosferën në klasë. Kurrikulumi i fshehtë ndikon në formimin e karakterit të nxënësve, mbajtjen e qëndrimeve dhe krijimin e perceptimeve për veten dhe botën. Ky seminar synon të ndihmojë mësuesit të njohin ndikimin e kurrikulumit të fshehtë në mësimdhënie dhe të zbatojnë në klasë ato praktika që nxisin barazi, bashkëpunim dhe gjithëpërfshirje në procesin mësimor.

Mbi Lektoren
Dr. Eriada Çela është lektore me kohë të plotë në Departamentin e Gjuhëve të Huaja, Fakulteti i Shkencave Humane, në Universitetin “ Aleksandër Xhuvani”, Elbasan.
Ajo mban titullin Doktor Shkencash në Pedagogji nga Universiteti i Tiranës dhe është përfituese e bursës prestigjioze Fulbright Visiting Scholar për një projekt kërkimor në Rutgers State University, SHBA, mbi mësimdhënien dhe përfshirjen e mësuesve të ardhshëm të gjuhës angleze në procesin e formimit profesional.

Seminari është me regjistrim paraprak. Për tu regjistruar, ju lutem përdorni kodin QR tek fotojo ose linkun
https://forms.gle/WS14tGvD97pTsTvg8