09/05/2026
Sot, më 09.05.2026, në ambientet e Fondacioni ASR u realizua me sukses trajnimi me temë “Aftësim për Punësim – Hartimi i CV-së, Letër Motivimi dhe Përgatitje për Intervistë”.
Në këtë trajnim morën pjesë studentë të cilët patën mundësinë të fitojnë njohuri dhe aftësi praktike mbi mënyrën e hartimit profesional të një CV-je, shkrimit të letrës motivuese si dhe përgatitjes për intervistë pune.
Trajnimi u zhvillua në formë interaktive dhe praktike, përmes ushtrimeve konkrete, diskutimeve dhe simulimeve të intervistave, duke i ndihmuar pjesëmarrësit të jenë më të përgatitur për tregun e punës dhe aplikimet profesionale.
Falënderojmë të gjithë pjesëmarrësit për interesimin dhe angazhimin e treguar gjatë këtij aktiviteti.
