Rotary Club Strumica

27/04/2026

Вечерва им посакавме добредојде на нашите пријатели од Rotary club Kavadarci и споделивме корисни искуства со нивните членови. Оваа година овој Ротари клуб прослави 18 години постоење.

22/04/2026

Почитувани сограѓани,
Ве покануваме на отворена трибина на тема:
„Burnout и анксиозност во современиот начин на живот“

👩‍⚕️ Гостин и предавач:
Ас. д-р Васка Дамјановска Митова
Специјалист психијатар при Универзитетска клиника за психијатрија – Скопје

📍 Локација: Конгресна сала, Хотел Сириус
📅 Датум: Петок, 24.04
🕕 Време: 18:00 часот
🎟 Влез: Слободен

👉 Ќе зборуваме за:
• Како да го препознаеме burnout-от
• Зошто анксиозноста станува „нормала“
• Практични начини за справување
• Баланс помеѓу професионалниот и личниот живот

Ова е можност да добиете стручни насоки, поддршка и нова перспектива за сопственото ментално здравје.

📌 Ве очекуваме да бидете дел од ова значајно и корисно предавање.

Со почит,
Rotary Club Strumica

05/04/2026

05/04/2026

ВИДЕО ИНТЕРВЈУ со Горан Динов од Rotary Club Strumica- Сакаме да ги потикнеме граѓаните дека и со наш влог може да придонесеме кон подобра заедница....

Членовите на Ротари клубот од Струмица ја имаа својата годишна Реторијанска забава и Донаторска вечер на која се собираа парични средства кои ќе бидат насочени ко....

04/04/2026

03/04/2026

Со овој меморандум, Општина Струмица станува значаен партнер во нашата мисија за придонес кон локалната заедница.

🤝Денеска склучивме меморандум за соработка со Rotary Club Струмица, кој е дел од глобалната мрежа на Rotary International, една од најголемите хуманитарни организации во светот, основана во 1905 година.

Со оваа соработка ќе работиме заедно на проекти кои поттикнуваат хуманост, солидарност и активности насочени кон подобрување на здравството, социјалната заштита, локалниот развој и квалитетот на животот на граѓаните.

Како непрофитна и неполитичка организација, Rotary Club Струмица функционира врз принципот „Service Above Self“ (Служба над сè), и со гордост ја започнуваме оваа заедничка мисија за подобра и посилна заедница.

25/03/2026

✨ Ве покануваме на вечер исполнета со хуманост, дружење и елеганција ✨

Rotary Club Strumica организира свечена забава со хуманитарен карактер, каде заедно ќе создадеме вредност и ќе направиме вистинска разлика.

📅 04.04.2026
🕗 20:00
📍 Ресторан „Ројал Парк“ – Струмица

💛 Собраните средства ќе бидат наменети за донаторски цели.

Бидете дел од настан каде што забавата има поголема смисла.

📩 Потврдете го вашето присуство:
📞 +389 70 214 033
📞 +389 72 304 612

15/03/2026

63 свеќи за 63 млади животи🕯️

Денес се навршува една година од трагедијата,една година тишина што тежи повеќе од илјада зборови.

63 насмевки згаснаа прерано.
63 соништа останаа недосонувани.
63 семејства засекогаш останаа со празнина што ништо не може да ја исполни.

Но спомените не згаснуваат.
Љубовта не исчезнува.
И сеќавањето не смее никогаш да избледи.

Денес се поклонуваме пред нивната младост и пред животите што прерано згаснаа, но и со длабока почит стоиме покрај сите кои и понатаму се борат со последиците од таа несреќа.

Rotary Club Strumica искажува длабоко сочуство до фамилиите на загинатите животи.

Нека им е вечен споменот🙏

09/03/2026

08/03/2026

Денес, на 8 Март – Меѓународниот ден на жената, оддаваме почит на силата, мудроста и храброста на жените кои секојдневно го менуваат светот околу нас.

Жената е двигател на семејството, столб на заедницата и инспирација за идните генерации. Нејзината посветеност, труд и љубов создаваат општество во кое вредностите на солидарност, еднаквост и човечност добиваат вистинско значење.

Како дел од ротаријанското семејство, ние веруваме во принципот „Service Above Self“ – Служба над себе, што значи посветеност кон доброто на другите, кон заедницата и кон создавање подобар свет за сите. Жените со својата енергија, знаење и визија се неизмерно важен дел од таа мисија.
Ние од Rotary Club Strumica не само што ја славиме силата, мудроста и придонесот на жените во општеството, туку јасно и гласно го осудуваме секој облик на насилство врз жените.

Насилството – без разлика дали е физичко, психолошко, економско или вербално – нема место во едно хумано и праведно општество. Секоја жена заслужува да живее во достоинство, сигурност и почит.
Затоа јавно се обврзуваме активно да се вклучиме во подигање на свеста, поддршка на жртвите и во создавање заедница во која насилството нема да биде толерирано.

Веруваме дека вистинската сила на едно општество се мери според начинот на кој ги штити најранливите. А борбата против насилството врз жените е заедничка одговорност на сите нас.
Нека овој ден биде потсетник дека почитта, поддршката и еднаквите можности за жените не се вредности што се слават само еден ден во годината, туку принципи што треба да ги живееме секој ден.

Со благодарност за вашата сила, мудрост и несебична грижа,
Rotary Club Strumica ви го честита 8 Март – Меѓународниот ден на жената.

16/02/2026

✨ На 13.02.2026 година во М6 Едукативниот Центар – Скопје се одржа The Rotary Foundation (TRF) Seminar за глобални грантови.

На настанот учествуваа членови од голем број ротари клубови низ Македонија, кои имаа можност да слушнат интересни предавања и да разменат искуства.

Особено внимание привлече предавањето на Vladimir Matić, past Governor 2018/2019 D2483, кој сподели практични насоки и инспиративни примери за успешна реализација на глобални грантови.

Темите беа насочени кон условите, подготовката и реализацијата на квалитетни проекти со локално влијание.

Учество на семинарот зеде и нашата членка Невенка Стојанова, претседател на Комисијата за сервисни проекти.