ZAMP Makedonija

21/11/2025

ЗАМП ги заокружи првите три панел-дискусии во рамки на националниот едукативен караван посветен на младите автори.

По Штип, на 18 ноември нашиот тим го посети Државно музичко училиште „Тодор Скаловски – Тетоец“ во Струга, како и Државно музичко училиште - Битола на 19 ноември, каде што заедно со учениците зборувавме за најважните аспекти во заштитата на музичките и авторските дела.

Голема благодарност до директорите, професорите и сите учесници за поддршката, отвореноста и инспиративната атмосфера. Едукативната програма на ЗАМП продолжува ширум Македонија, а наскоро ќе ги објавиме и следните градови кои ќе ги посетиме во рамки на овој проект.

14/11/2025

Здружението за Заштита на авторски и музички права - ЗАМП, Скопје, деновиве го спроведува едукативниот караван во чии рамки вчера се одржа првата едукативна панел-дискусија за млади автори, во Државниот Музички Училишен Центар – ДМУЦ „Сергеј Михајлов“ во Штип.

Со цел да создадеме конструктивна и инспиративна средина за младите автори, се фокусираме на клучните теми:

- Што е ЗАМП, како се станува член и кои се негови придобивки;
- Што е авторско право и што значи заштитено дело;
- Правилно користење и заштита на музичките и авторски дела.

Благодарност до директорот на ДМУЦ „Сергеј Михајлов“, Ilija Kjosevski и сите учесници во Штип што беа наши извонредни домаќини и ни овозможија одлични услови за дискусија.

Националната едукативна програма ќе се реализира во неколку градови низ Македонија – по Штип, овој месец нашиот караван продолжува во Државното Музичко Училиште „Тодор Скаловски – Тетоец“ во Струга на 18 ноември и Државното Музичко Училиште во Битола на 19 ноември.

18/03/2025

Сочувство до трагично загинатите, КОЧАНИ 2025 - ЗАМП

Во шок и неверување ја примивме веста за трагичниот настан во Кочани каде што животот го загубија 59 млади лица а 155 се повредени, дел од загинатите се и наши членови ....