Образование за сите - Education for All

04/05/2026

Автономниот универзитет на Барселона, како координатор на проектот ФРИДА, беше домаќин на состанокот на партнерите во проектот и организатор на форумите и работилниците што се одржаа во музеите „Design Museum of Barcelona“ и „Fabra&Coats“.

Во текот на оваа инспиративна недела исполнета со учење и размена на мислења и искуства, ги разгледавме клучните концепти и пристапи, како што се интерсекционалноста, инклузивното истражување и истражувањето преку уметност, а и дополнително го продлабочивме заедничкото разбирање за сржта на проектот.

Проектот „Унапредување на правата и капацитетите за дејствување на девојчињата и жените со попреченост од културно маргинализирани групи - ФРИДА“ (англ. Fostering rights and agency with girls and women with disability from culturally minoritised groups – FRIDA) - проект од акциите „Марија Склодовска-Кири“ на програмата Хоризонт Европа 2021-2027 на Европската Унија - е важен затоа што им дава видливост и поддршка на девојчињата и жените со попреченост од културно маргинализирани заедници, кои често се меѓу општествено најисклучените лица.

Во следните четири години, ќе имаме можност подобро да ги разбереме нивните реални животни околности и да ги унапредиме политиките и практиките за нивната инклузија.

Повеќе информации и проектни материјали наскоро ќе бидат достапни на проектната веб-страница: www.fridaproject.eu

25/02/2026

„Образование за сите“ – Скопје е партнер во новиот европски проект FRIDA!

Проектот FRIDA – Fostering rights and agency with girls and women with disability from culturally minoritised groups, финансиран преку програмата Marie Skłodowska-Curie Actions (MSCA Staff Exchanges), ќе се реализира од 2026 до 2029 година и ќе осмисли конкретни активности што ќе ја зајакнат самостојноста, гласот и можноста за влијание на девојчињата и жените со попреченост од културно маргинализирани групи во образованието, на пазарот на труд и во семејниот живот.

Координатор на проектот е Автономниот универзитет на Барселона (Universitat Autonoma de Barcelona), а во него учествуваат 15 партнери од вкупно 11 држави - 10 универзитета и 5 организации од граѓанскиот сектор.

Главните резултати ќе бидат:
✅ меѓународен компаративен извештај за правата на девојчињата и жените,
✅ практичен прирачник за стручни лица,
✅ интерактивна онлајн-платформа каде ќе можат да се споделуваат искуства, да се пријавуваат ситуации на дисриминација и да се истакнуваат приоритети.

Проектот ќе понуди и конкретни препораки за носителите на политики и истражувачите, со цел подобро да се искористуваат ресурсите во опшеството и да се развиваат инклузивни истражувачки проекти.

Продолжуваме посветено да работиме за поинклузивно и поправедно општество. 💜

Society is still far from fully achieving the rights of people with disabilities, especially girls and women from culturally minoritised groups. Analysing inequality from an intersectional perspective allows us to highlight how disadvantage derives from an interweaving of...

06/08/2025

Министерството за енергетика, рударство и минерални суровини го објави јавниот оглас за финансиска поддршка за потрошена електрична енергија за ранливи потрошувачи во 2025 година.

Рокот за аплицирање по јавниот оглас изнесува 30 дена од денот на објавување на јавниот оглас.

Барањето се поднесува со пополнет образец кој е достапен во архивата на Министерството или на www.energy.gov.mk, каде се наведени и сите останати документи кои се задолжителни да се достават со барањето.

https://energy.gov.mk/mk-MK/odnosi-so-javnost/soopstenija/javen-oglas-za-finansiska-poddrska-za-potrosena-elektricna-energija-za-ranlivi-potrosuvaci-vo-2025-godina

Министерство за енергетика, рударство и минерални суровини - Република Северна Македонија

31/12/2024

Драги пријатели,

Нека Новата 2025-та година ви донесе среќа и успех, како и нови можности за учење, напредок и инклузија. Ви благодариме што сте дел од нашата приказна и што заедно ги градиме патиштата кон подобра иднина за сите.

Среќни празници!

Здружение „Образование за сите“ Скопје

03/12/2024

13/11/2024

„Имплементација на МКФ“: Билтен бр. 3
www.icf-implement.net

11/11/2024

На 8-ми и 9-ти ноември 2024 година во Скопје се одржа меѓународната научно-стручна конференција „75 години организирана едукација, рехабилитација и вработување на лицата со попреченост во Република Северна Македонија“ во организација на Сојузот на специјални едукатори и рехабилитатори на РСМ.

Здружението „Образование за сите“ - Скопје учествуваше на конференцијата со обраќање на тема „Унапредување на инклузијата преку МКФ: Резиме на резултати од проекти од Еразмус+ програмата спроведени во Северна Македонија“ чии автори се м-р Розита Петринска-Лабудовиќ, проф. д-р Манфред Претис, м-р Катерина Тодорова и м-р Горан Петрушев.

Конференцијата беше одлична можност за размена на мислења и искуства со колегите од земјава и странство (Србија, Хрватска, Бугарија, Австрија, Германија).