09/07/2026
Здружението „Образование за сите“- Скопје го започна својот прв истражувачки престој во рамките на меѓународниот проект ФРИДА (FRIDA – Fostering rights and agency with girls and women with disability from culturally minoritised groups).
Престојот се реализира во текот на јули 2026 година на Универзитетскиот колеџ за образование на наставници – Штаерска (Pedagogische Hochschule Steiermark – PHSt) во Грац, Австрија.
Ова е особено значаен момент за нашето Здружение, бидејќи станува збор за првата размена на кадри на „Образование за сите“ во рамките на ФРИДА. Во следните четири години, здружението ќе учествува во вкупно 20 истражувачки престои, преку кои ќе се зајакнува меѓународната соработка и заедничкото истражување во областа на инклузијата, попреченоста, родовата еднаквост и човековите права.
За време на престојот во Грац, претставничката на „Образование за сите“ има можност да работи со тимот на PHSt, да учествува во истражувачки активности и да размени искуства поврзани со инклузивното образование, правата на лицата со попреченост и интерсекцискиот пристап во истражувањето.
„Образование за сите“ ги поканува сите заинтересирани организации, институции, истражувачи, практичари, професионалци, активисти и лица со лично искуство кои работат или имаат интерес во областа на инклузијата, попреченоста, родовата еднаквост, образованието и човековите права да ни се обратат за можности за соработка.
Веруваме дека вистинската инклузија се гради преку партнерство и активно вклучување на сите засегнати страни.
📩 За повеќе информации или предлози за соработка, контактирајте нè преку нашата Facebook-страница или на официјалната е-адреса: [email protected].
#ОбразованиеЗаСите