Куќа на Среќата

Website Contact the organization

Куќа на Среќата Организацијата е редовен учесник и поддржувач на активности со кои се заштитуваат и промовираат човековите права, хуманизмот и социјалната заштита.

Здружението на граѓани за граѓански активизам, хуманизам, правна заштита, економија, култура, едукација, информатичка технологија, социјална заштита, родова еднаквост и инклузија КУЌА НА СРЕЌАТА, Скопје е основано во месец јануари 2021 година како резултат на многубројни граѓански иницијативи и рализирани акции како група на граѓани кое ја искористи моќта на социјалните мрежи за позитивни промени во општеството. Освен локалните активности, нашите искуства и знаења ги реплицираме и во општините во внатрешноста, вклучувајќи ги локалните граѓански организации и представници на локалните власти.

Сите членови на нашата млада организација се силно мотивирани да работат на идно подобрување на нашето општество, представувајќи нови иницијативи за зголемување на инклузивноста, еднаковоста и почитта кон сите категории на наши сограѓани.

Како здружение имаме поставено голем број на цели, кои се однесуваат на:
- Покренување на граѓански иницијативи како предуслов да се предизвикаат законски и општествени промени, како и покренување предлози за носење, менување или дополнување на закони и други акти во области кои ги следи здружението.
- Едукација на населението за потреба од заедничко дејствување во сфери од општествениот живот
- Поддршка и помош на социјално загрозени категории на лица и семејства (семејства без примања, семејства, на лица со посебни потреби, семејства со ниски примања, бездомници, еднородителски семесјтва...)
- Делување во насока на унапредување и усовршување на состојбата на лицата со попреченост
- Организирање на разни инклузивни и спортски настани
- Организирање на хуманитарни настани, собирање на храна, облека, покуќнина и друг вид на основни средства
- Промовирање на принципите на солидарност и хуманост меѓу граѓаните
- Превземање на активности во здравството, утврдување на правата на пациентите и нивната заштита
- Активности за алармирање и решавање на актуелни и итни здравствени, финансиски и други проблеми на лица и семејства во социјален ризик
- Родова еднаквост и заштита на жените
- Зајакнување на жените од маргинализираните заедници во оставарувањето на социјални и здравствени права.

МИСИЈА НА ЗДРУЖЕНИЕТО
Нашата мисија е да промовираме принципите на солидарност и хуманост во заедницата, создавајќи општество во кое секој поединец има можност да се изрази и да учествува во подобрувањето на животот на сите. Нашето здружение е посветено на создавање позитивни промени во општеството преку активирање на граѓанските иницијативи и промовирање на човековите права.
Стремиме да:
- Овозможиме инклузивност и еднаквост за сите категории на граѓани, особено за маргинализираните заедници
- Едуцираме и мобилизираме граѓаните за активно учество во општествениот живот
- Поддржуваме социјално загрозени лица и семејства преку хуманитарни активности и директна помош
- Поттикнуваме одржливи практики и иницијативи за заштита на животната средина
- Промовираме принципите на солидарност и хуманост во нашата заедница
- Работиме на покренување на граѓански иницијативи за законски и општествени промени, со цел да влијаеме на создавањето на политики кои ја поддржуваат нашата мисија.
Со оваа мисија, сакаме да изградиме општество во кое секој поединец има можност да се изрази и да учествува во заедничките напори за подобрување на животот на сите, а правата на сите индивидуи се почитуваат и заштитуваат. Се стремиме да бидеме двигатели на позитивни промени, работејќи со нашите партнери и заедницата во целост.

ВИЗИЈА НА ЗДРУЖЕНИЕТО
Нашата визија е да создадеме општество во кое секој поединец се чувствува вреднуван и има можност да ги оствари своите соништа. Веруваме во свет каде хуманоста и солидарноста се основни принципи на секојдневниот живот. Замислуваме заедница во која сите луѓе, без разлика на својата позадина, можат да се изразат слободно и да учествуваат активно во подобрувањето на животот на другите.
Во нашата визија, инклузивноста и еднаквоста не се само цели, туку основни вредности кои ги водат нашите активности. Стремиме кон општество во кое маргинализираните заедници добиваат поддршка и можности за напредок. Секој член на заедницата ќе биде едуциран и мотивиран да учествува во општествениот живот, создавајќи заеднички напори за позитивни промени.
Особено важна улога во овој процес имаат младите. Тие се нашата иднина и креативната сила на заедницата. Затоа, во нашата визија, активно ќе ги вклучиме младите во граѓанските иницијативи, поттикнувајќи ги да бидат активни учесници во создавањето на позитивни промени, каде ќе имаат можност за изразување на нивните идеи и за реализација на проекти кои ќе ги подобрат условите во нивната средина. Се стремиме кон развој на одржливи градови и села, каде што зелените простори, чистиот воздух и здравите води ќе бидат приоритет. Нашата визија вклучува активно учество на младите во еколошки проекти, каде што ќе можат да учат и да влијаат на иднината на природата.
Се надеваме на иднина во која сите граѓански иницијативи ќе доведат до законски и општествени промени, влијаејќи на создавањето политики кои ја поддржуваат нашата визија. Со оваа посветеност, сакаме да изградиме општество во кое правата на секоја индивидуа се почитуваат и заштитуваат, а секој има можност да биде дел од заедничките напори за создавање подобар живот за сите. Ние сме тука да бидеме двигатели на позитивни промени, работејќи рака под рака со нашите партнери и целата заедница.

🗓️ Утре, секоја рака е добредојдена и секој придонес е важен. Нека оваа акција биде почеток на една убава промена што си...
29/09/2026

🗓️ Утре, секоја рака е добредојдена и секој придонес е важен.
Нека оваа акција биде почеток на една убава промена што сите ќе ја гледаме, но и сите ќе ја чуваме!

Да излеземе масовно за нашето Скопје!

💚 Да оставиме пример, не ѓубре!

Орце Ѓорѓиевски - Orce Gjorgjievski
Град Скопје

💚 Да оставиме пример, не ѓубре - најголемата еко-акција досега!

🫵 Утре, 30 септември, во 10:00 часот, ја започнуваме најмасовната еколошка акција за чистење на Скопје, со неколку илјади волонтери и со една заедничка цел - да покажеме колку можеме кога сме сплотени и кога љубовта кон својот град ја претвораме во дело!

🫡 Акцијата го опфаќа целото Скопје, во секоја скопска општина!
Заедничката грижа за градот ќе ја покажеме насекаде, затоа што секое маало заслужува чиста и уредена околина.

🏢 Ќе ни се приклучат сите општини, градоначалниците, амбасадите, ученици, јавни личности, спортисти и многу наши сограѓани.

♥️ Различни генерации, различни професии, но иста желба - да имаме почисто, поубаво и поздраво Скопје!

🫵 Ве повикувам сите што го сакате овој град да бидете дел од акцијата.
Повикајте ги пријателите, соседите, колегите.
Да ги засукаме ракавите и заедно да се погрижиме за улиците по кои секојдневно поминуваме, за парковите во кои растат нашите деца и за маалата што ги нарекуваме свој дом.

Секој од нас сака чиста околина.
Утре имаме можност со сопствен придонес да покажеме дека сме подготвени и да ја создаваме и да ја чуваме!

✔️ Тука не застануваме.
Ваквите акции ќе се одржуваат двапати месечно!
Со редовно чистење, со сè поголемо учество и со заедничка посветеност, ќе ја претвориме оваа иницијатива во традиција на која Скопје ќе се гордее.

🫵 Да оставиме пример што ќе се следи.
Да создадеме навика што ќе трае и по завршувањето на секоја акција.
Да ги научиме најмладите на одговорност преку нашите постапки, а на секој што несовесно фрла отпад да му покажеме дека зад чисто Скопје стојат илјадници луѓе што се грижат, работат и нема да се откажат од својот град!

♥️ Верувам во скопјани.
Верувам во силата на личниот пример и во солидарноста што многупати сме ја покажале.
Само сплотени можеме да ја подигнеме свеста и да направиме грижата за јавниот простор да стане наша секојдневна навика.

🗓️ Утре, секоја рака е добредојдена и секој придонес е важен.
Нека оваа акција биде почеток на една убава промена што сите ќе ја гледаме, но и сите ќе ја чуваме!

Да излеземе масовно за нашето Скопје!

💚 Да оставиме пример, не ѓубре!

Дали знаеме како да се заштитиме во дигиталниот свет?Дали знаеме да препознаеме сајбер насилство, измама, лажен профил и...
11/09/2026

Дали знаеме како да се заштитиме во дигиталниот свет?
Дали знаеме да препознаеме сајбер насилство, измама, лажен профил или злоупотреба на лични податоци?
И што е најважно – знаеме ли што да направиме кога ќе се случи нешто такво?

Интернетот и социјалните мрежи се дел од нашето секојдневие. Тие ни овозможуваат да комуницираме, учиме, создаваме и да бидеме поврзани со другите. Но, дигиталниот простор носи и ризици, особено за младите лица со попреченост, кои можат да се соочат со дополнителни предизвици и форми на злоупотреба.

Затоа започнуваме со работилниците кои ги организираме во рамките на проектот Сајбер насилство кај млади лица со попреченост ИнКлУзИвНа БеЗбЕдНоСт наменети за лица со попреченост и нивните родители/старатели.

Предност ќе имаат учесниците од Општина Аеродром, но отворени се и пријави од лица од други општини.

Повикот за пријава на работилниците е изработен во рамки на проектот Сајбер насилство кај млади лица со попреченост ИнКлУзИвНа БеЗбЕдНоСт кој се спроведува во рамки на Регионалната програма за локална демократија во Западен Балкан 3 (ReLOaD3), финансиран од Европската Унија (ЕУ), а имплементирана од Програмата за развој на Обединетите нации UNDP MK. Проектот се реализира во соработка со Општина Аеродром.

Leon Kids Plus Сајбер насилство кај млади лица со попреченост ИнКлУзИвНа БеЗбЕдНоСт

#ОпштинаАеродром #СајберНасилство #ЛицаСоПопреченост #Инклузија #безбеденинтернет


fans

Здружението на граѓани „Леон Кидс Плус“ – Скопје, во партнерство со Здружението „Куќа на среќата“, го спроведува проектот „Сајбер насилство кај млади лица со по...

И конечно можеме да кажеме дека успеавме! Обезбедивме комплетен училишен прибор за 32 дечиња за оваа учебна година. Дене...
10/09/2026

И конечно можеме да кажеме дека успеавме! Обезбедивме комплетен училишен прибор за 32 дечиња за оваа учебна година. Денес ќе ги испратиме пет ранци по карго и можеме да се радуваме и ние заедно со среќата на овие дечиња 🍀🍀🍀

Оваа година одлучивме септември да го посветиме на дечињата кои ова лето беа на одмор, за уште еднаш да ги израдуваме и да им покажеме дека сме тука за нив. Дека постојат многу тетки, чичковци, дадилки, татковци, дедовци, бабички… кои, иако не ги познаваат лично, ги сакаат и ја сакаат нивната детска радост.

Благодарение на сите вас – кои веднаш ни се јавивте, прашувавте што е потребно, купувавте, носевте донации и уплатувавте парични средства – успеавме да обезбедиме точно она што е навистина потребно, според возраста на детето, одделението и потребите на секое семејство. Не сакавме да се дуплираме со донации, затоа голем дел од вас ве замоливме да почекате и доколку има потреба ќе ве контактираме. Искрено, немаше потреба дополнително да ве трошиме ниту да собираме уште донации од друга страна, бидејќи веќе се обезбедивме. Ве очекуваме во наредните акции – ќе ги има уште многу, затоа што оваа радост не може да се опише само со зборови.

Нè радува скромноста на семејствата. Кога ќе ви кажат: „Доволно е само ранец, другото ќе купиме по малку. Имаме тетратки од минатата година што не се потрошија, нив ќе ги користиме за сега…“
Некои ни праќаа донации по карго, други ни доставуваа лично. Се договаравме на разни локации за подигнување и за достава, за сè да стигне на вистинското место.

Благодарение на Verein MS-Kreahub имавме можност и самите да купуваме – токму она што е потребно. Дури од ова здружение добивме и лична донација кои ја донесоа посебно од Виена, купен училишен прибор со многу љубов. Доаѓале во Македонија и не можеле а да не донесат и донација. Знаете кога доаѓате секогаш носите нешто за вашите блиски, овој пат се донесе училишен прибор за дечиња кои иако не ги познаваат за нив се блиски и имаат многу љубов, зошто сите дечиња заслужуваат да бидат среќни.

Купувавме според списокот што родителите го добија во училиште, гледајќи да не недостасува ништо. Одевме од продавница во продавница, баравме тетратки без линии – нив најтешко ги најдовме :) Од донацијата од 48.000 денари, потрошивме 37.362 денари.

Имавме и една анонимна донација преку онлајн нарачка во износ од 9.950 денари, како и донации на сметка од: Васко, Маја, Марина, Бојана, Ана, Борка, Елена, Сања, Ивана, Маре, Емилија, Весна, Борче…

Во собирањето на училишен прибор не бевме сами. Тука беше и издавачката куќа Збор, 's Spread Love го обезбедија семејството од Куманово со прибор, тука беа и @Вегга – сметководственото биро, кои повторно донираа. Тука беше и Донирај Компјутер - Борче Стаменов Борче Стаменов, кој донираше лаптоп за едно семејство, а уште еден лаптоп обезбеди анонимен донатор.

Многумина од вас бевте тука и со вашата хуманост им посакавме среќен почеток на учебната година на 32 дечиња. Ранци полни со љубов, моливи кои ќе пишуваат радост, и дечиња и родители кои ја ценат оваа добрина и се искрено благодарни.

Нека ве следат нивните благослови. Доброто со добро се враќа.

@најголеми обожаватели
Бесплатно сместување Македонија и превозници со големо срце ❤❤❤
Куќа на Среќата

02/09/2026

🎒✨ Среќна училишна година, драги дечиња! ✨📚

Нека учебната година ви донесе храброст да прашувате, радост да учите и многу смеа во друштвото на вистински пријатели. Нека училиштето биде место каде што секој ден ќе откривате нешто ново, но и каде што ќе растете како добри, искрени и грижливи другарчиња.

Иако образованието се вика „бесплатно“, реалноста е поинаква. Затоа, со срце и љубов, го подготвивме она што недостасуваше, за оние дечиња кои оваа година ги пративме за прв пат на одмор. Семејства кои не можеа да веруваат дека ги праќаме на одмор, а сега и дека ги обезбедуваме со прибор. За секое дете да тргне среќно на училиште и за родителите да олесниме и помогнеме добивме донации, како и парични средства и купувавме со насмевка и со сè што треба. 🖍️📒

Искрено не радува тоа што толку многу сакавте да донирате, но уште повеќе не радува фактот што толку брзо се организиравте и ни помогнавте да обезбедиме сè што е потребно. Кога купувавме, купувавме како за сопствени деца – затоа што сите деца се исти и не треба да ги делиме. Сакаме сите да бидат среќни, со насмевка на лицето и со чувство дека некој ги сака и ги чува, некој помислува на нив и им посакува се најубаво. Ни фалат уште неколку нарачки кои ги чекам, уште неколку работи да купиме и да почнеме да ги поделиме. Од продавница, во продавница, од книжара до маркет, секаде баравме тоа што дечињата го посакуваа. Овој пат сите донации ги распоредивме според возраста и според желбите на голем број на дечиња❤️

Ви благодариме на сите што сте дел од оваа приказна, без разлика од каде сте, дали во Македонија или надвор од Македонија, вие покажавте и докажавте дека сте секогаш тука кога е потребно. Списоците на потребната опрема за на училиште ги добивме и ранците полека полека ги полниме. Уште малку да дополниме што треба и ќе споделиме се што заедно и благодарение на сите вас успеваме да направиме

Можете да изберете едно дете, повеќе деца или да донирате дел од потребниот училишен прибор. Секоја поддршка е значајна ...
22/08/2026

Можете да изберете едно дете, повеќе деца или да донирате дел од потребниот училишен прибор. Секоја поддршка е значајна и ќе помогне овие деца да го започнат училишниот пат со насмевка, достоинство и мотивација.

Дечиња кои можете да ги поддржиете:
Напомена:
Имињата на децата се променети со цел да се заштити нивната приватност.

ОСНОВНО ОБРАЗОВАНИЕ
I одделение
Марко – 6 години
Елеонора – 6 години
Јаков – 6 години
Матео – 6 години

II одделение
Николина – 7 години
Марта – 7 години
Саше – 7 години
Павле – 7 години
Јана – 7 години

III одделение
Ѓорѓи – 8 години
Ивона – 8 години

IV одделение
Кети – 9 години
Андреј – 9 години (сака фудбал)

V одделение
Маја – 10 години
Анета – 10 години
Константин – 10 години

VI одделение
Бисера – 11 години
Симона – 11 години

VII одделение
Игор – 12 години
Мартин – 12 години
Никола – 12 години
Јаков – 12 години
Јуле – 12 години

VIII одделение
Дарко – 13 години (омилена боја: портокалова) – близнак со Марко
Марко – 13 години (омилени бои: црвена и црна) – близнак со Дарко
Анастасија – 13 години
Филип – 13 години

СРЕДНО ОБРАЗОВАНИЕ
I година средно
Ања – 14 години

III година средно
Михаил – 16 години
Сања – 16 години
Тања – 16 години

IV година средно
Петар – 17 години

Како да помогнете?
Изберете дете кое сакате да го поддржите и обезбеите дел или целосен пакет училишен прибор.

Доколку не сте во можност да обезбедите комплетен пакет, можете да донирате само неколку производи. Ние ќе ги обединиме сите донации и ќе се погрижиме секое дете да добие потребна поддршка.

Едно дете - Еден ранец.
Една насмевка - Голема разлика.

@најголеми обожаватели
Бесплатно сместување Македонија и превозници со големо срце ❤❤❤

Address

„Христо Татарчев“ бр. 7, Кисела Вода, Скопје
Skopje
1000

Alerts

Be the first to know and let us send you an email when Куќа на Среќата posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Куќа на Среќата:

Shortcuts

Share