18/03/2026
Врз основа на објавата на социјалните мрежи од страна на невладина организација со 5 члена, СДСМ Крушево, мора да се кажат неколку работи со цел да им стане јасно на граѓаните.
Малку е лицемерно денес да се критикува проблем што со години стоел нерешен, а сега одеднаш да се очекува да исчезне преку ноќ. Такви работи едноставно не функционираат така.
Депонијата не е проблем од сега, туку проблем што се таложел со години, без вистинска акција и без сериозен пристап. Тоа е резултат на долгогодишно игнорирање и одложување, па затоа не може да се очекува дека ќе се реши брзо и лесно.
Сегашниот градоначалник, Нико Чонески, е нешто повеќе од три месеци на функција и веќе почна да презема чекори. Барем се гледа дека има намера нешто да се направи, а не само да се премолчува како досега.
Од друга страна, во изминатите 8 години немаше ни обид ова прашање да се реши. Тоа е факт што не може да се прескокне, без разлика на тоа како некој сака да го прикаже.
Затоа, наместо драматични објави и собирање политички поени, подобро е да се остави простор и време за конкретни решенија што ќе донесат резултат на долг рок.
