15/10/2026
15 ОКТОМВРИ – МЕЃУНАРОДЕН ДЕН НА БЕЛИОТ СТАП 🦯
Денес го одбележуваме Меѓународниот ден на белиот стап, ден посветен на подигнување на свеста за правата, самостојноста и еднаквите можности на слепите лица и лицата со оштетен вид.
Успехот не познава пречки, а вистинската посветеност не познава граници!
Токму таков пример е Стефан Мелник, младо, талентирано и исклучително трудољубиво момче, кое е корисник на услугата лична асистенција што ја обезбедува ЕСИ НЕЛИС.
Стефан е најмладиот член на шаховската репрезентација на Северна Македонија, кој со својот труд, дисциплина и упорност покажува дека големите успеси се резултат на секојдневна работа и силна волја.
🏆 На Светското екипно првенство во шах, одржано во април оваа година во Црна Гора, Стефан заедно со својот тим освои сребрен медал, постигнувајќи извонреден индивидуален резултат од 4,5 поени во 5 одиграни партии! 🥈
Зад овој успех стојат многу часови вежбање, учење, откажувања и огромна љубов кон шахот. Стефан е доказ дека со напорна работа, истрајност и соодветна поддршка, младите луѓе можат да постигнат извонредни резултати.
За нас во ЕСИ НЕЛИС, особена гордост е што преку услугата лична асистенција сме дел од неговото секојдневие и придонесуваме кон неговата самостојност и остварување на личните потенцијали.
На овој значаен ден, приказната на Стефан нè потсетува дека лицата со оштетен вид не бараат сожалување, туку еднакви можности, пристапност, поддршка и почит.
👏 Браво, Стефан! Продолжи да работиш посветено, да веруваш во себе и да освојуваш нови успеси. Твојот труд и твоите постигнувања се инспирација за сите нас!
ЕСИ НЕЛИС – За еднакви можности, достоинство и независен живот.
www.esinelis.mk