06/04/2026
Ny Fokontany ve mitondra sata Vondrombahoaka itsinjarampahefana sa Serivisy ny Fanjakana foibe eny Ifotony na (STD)?
Araka andininy faha 3 ao amin'ny lalampanorena IV repobikan'i Madagasikara dia misy telo ny Vondrombahoaka itsinjarampahefana :
Faritany, Faritra ary Kaominina.
Ireo Vondrombahoaka itsinjarampahefana ireo araka lalampanorena dia manana fizakantena ara -pitantanana ny raharahany sy ny fizakantena ara -bola.
Manana mpitantana azy avy ireo Vondrombahoaka itsinjarampahefana ireo ary mandalo fifidianana izany :
Eo amin'ny Kaominina dia :
Ben'ny Tanana
Mpanolotsainy Tanana.
Eo amin'ny Faritra dia Mbola tsy olom-boafidy hatramin'izao.Fa ny lalana mikasika ny Vondrombahoaka itsinjarampahefana dia milaza mazava fa mandrampisian'ny fifidianana eny anivon'ny Faritra dia tendrena vonjimaika amin'ny alalany Didim-panjakana anivon'ny Filankevitra ny minisitra ny lehibe ny Faritra.
Ary eo anivon'ny Faritany dia Mbola tsy tanteraka mandraka ankehitsiny.Izany hoe sady Mbola tsy misy fanendrena no tsy misy fifidianana.
Etsy ankilany, ny Fokontany dia fehezinlny Didim-panjakana laharana faha 2009-890 tamin'ny 02 Jolay 2009 mahakasika ny fomba fandaminana, fiasany, andraikitra ny Fokontany.
Araka ny voalazan'io lalana io dia ny Fokontany no rafitra fototra indrindra amin'ny fitantanan-draharaham-panjakana.
Ny sefo fokontany dia solotenam-panjakana ao amin'ny Fokontany.
Ny sefo fokontany dia tendren'ny Lehibe ny District avy amin'ny tolo-kevitry ny mponina.
Midika izany fa tsy Vondrombahoaka itsinjarampahefana ireo fokontany raha lalana manankery amin'izao fa isan'ireo Service technique déconcentré de l'État.
Rariny raha Mbola tsy atao fifidianana fa fanendrena no tokony ho misy.
Ao anatiny fikaonandoham-paritra sy firenena no handiniana izany rafitra izany.
