06/08/2026
𝗔𝗡𝗗𝗥𝗢 𝗜𝗥𝗔𝗜𝗦𝗔𝗠-𝗣𝗜𝗥𝗘𝗡𝗘𝗡𝗔 𝗛𝗢 𝗔𝗡'𝗡𝗬 𝗧𝗔𝗡𝗢𝗥𝗔 2026
"𝑻𝒐𝒏𝒕𝒐𝒍𝒐 𝒔𝒂𝒎𝒊𝒉𝒂𝒇𝒂, 𝒉𝒆𝒕𝒂𝒉𝒆𝒕𝒂 𝒊𝒐𝒎𝒃𝒐𝒏𝒂𝒏𝒂"
📆 Hotanterahina any Fianarantsoa ny 12 sy 13 Aogositra 2026, ny fankalazana ny Andro Iraisam-pirenena ho an'ny Tanora.
Ny lohahevitra "Tontolo samihafa, hetaheta iombonana", no entina mankalaza izany amin'ity taona ity.
👉 Mandritra izany dia hisy hetsika maro isan-karazany hanentanana sy hampivondrona ny tanora, ahitana:
fanentanana, diabe, atrikasa, fifaninanana ara-panatanjahantena, tsenaben'ny tanora andiany faha-3, Youth Corner andiany faha-3, ary lanonana ara-kolotoraly. Ireo hetsika ireo dia natao hampiroboroboana ny fandraisan'anjaran'ny tanora, hanomezana sehatra hanehoany ny talentany, ary hanamafisana ny firaisankina sy ny fifanomezan-tanana eo amin'izy ireo.
☑️ Tanterahina eo ambany fiahian' Andriamatoa Filohan'ny Fanavaozana ny Repoblikan'i Madagsikara, Kolonely RANDRIANIRINA Michaël sy ireo Mpanolotsaina Ambony momba ny Fanavaozana ary tarihan'ny Minisiteran'ny Tanora sy ny Fanatanjahantena, miaraka amin'ireo mpiara-miombon'antoka isan-tsokajiny, ity fankalazana ity ho mariky ny finiavan'i Madagasikara hanome lanja ny tanora, izay hery velona sy antoky ny hoavin'ny firenena.
