RHI EMIT Fianarantsoa Officielle

RHI EMIT Fianarantsoa Officielle RHI EMIT – Fianarantsoa
Réseau d’Honnêteté et d’Intégrité de l’École de Management et d’Innovation Technologique.

On croit en une culture de confiance, de respect et d’engagement citoyen. Ensemble, cultivons l’intégrité à Fianarantsoa ! 🌱

🏷️ "TSY ASA ANAO IZANY, FA NAINAO AZA" : REHEFA NY TSY MANAM-PAHEFANA NO MITANTANA NY VOLAM-BAHOAKAInona no tena mitrang...
29/04/2026

🏷️ "TSY ASA ANAO IZANY, FA NAINAO AZA" : REHEFA NY TSY MANAM-PAHEFANA NO MITANTANA NY VOLAM-BAHOAKA

Inona no tena mitranga?
Alaivo sary : misy olona ao amin’ny kaominina, nefa tsy izy no mpitan-bola. Tsy izy no tompon’andraikitra. Kanjo izy no maka ny vola, izy no manapa-kevitra hoe aiza no alehany, izy no manao sonia.

Angamba izy "namana akaiky ny ben’ny tanàna", na "zanak’olo-malaza", dia mahazo alalana tsy ara-dalàna. Tsy nangalatra tamin’ny alina izy… fa nangalatra antoandro, teo imason’ny rehetra, satria nihevitra izy fa tsy hisy hiteny.

Ilay vola latsaky ny 20 tapitrisa Ariary : mety volan’ny tsena, volan’ny fanamboarana tatatra, volan’ny kojakojan’ny sekoly. Kely raha miohatra amin’ny tetibola, fa lehibe ho an’ny fokontany iray manontolo.

Iza no manao izany?
Ilay olona tsy voatendry ara-dalàna, tsy nandalo fifidianana, tsy manana taratasy manome fahefana azy. Fa satria "olona ambony" izy, dia miditra sy mampiasa ny volam-panjakana toy ny volany manokana.

Nahoana no ratsy be izany?
1. Mamono ny fitokisana : raha izay tiana no manapa-kevitra, iza no hatoky ny fanjakana intsony?
2. Mandika ny lalàna indroa : efa tsy manam-pahefana izy, nefa mbola mangalatra koa.
3. Mampijaly ny madinika : ny 10 tapitrisa nangalariny, mety rano fisotro madio tsy tonga tao amin’ny tanàna iray izany.

Inona ny sazy raha tratra?
⚖️ 6 volana ka hatramin’ny 5 taona an-tranomaizina
💰 2 tapitrisa ka hatramin’ny 100 tapitrisa Ariary ny onitra
Satria na dia "kely" aza ny vola, lehibe ny fahotana : nandika ny lalàna 2016-020 sy nanitsakitsaka ny fitokisan’ny vahoaka.

Tsarovy:
Ny hoe "efa zatra izao eto" dia tsy tokony ho antony hanohizana ny ratsy. Ny fahefana dia andraikitra, fa tsy fahazoan-dalana hangalatra.

✋🚫 ATSAHARO NY KOLIKOLY – 4/32
Raha tsy asa anao ny mitantana volam-panjakana, aza mikasika. Ny mangarahara no miaro anao sy miaro antsika .
"Ny fahefana tsy ara-dalàna, dia halatra nomen-damba".

🏷️ REHEFA NY MIARO NO MANDROBA : NY FANODINKODINANA ATAON’NY MPITANDRO FILAMINANAInona no tena mitranga?Natoky isika. Na...
29/04/2026

🏷️ REHEFA NY MIARO NO MANDROBA : NY FANODINKODINANA ATAON’NY MPITANDRO FILAMINANA

Inona no tena mitranga?
Natoky isika. Natoky fa ny miaramila, ny zandary, ny polisy no hiaro ny tanintsika, ny fananantsika, ny fandriampahalemana.

Kanjo indraindray, misy amin’izy ireo no mampiasa ny fanamiana mba hangalatra. Ny bala tokony hiarovana ny vahoaka, lasa amidy. Ny lasantsy ho an’ny fisafoana, lasa fenoina ny fiarany manokana. Ny fitaovam-piadiana, ny kojakoja, ny vola ao amin’ny toby… lasa entina mody na amidy eny an-tsena.

Ny fitaovana nomen’ny vahoaka hiarovana azy, no lasa ampiasaina hanimbana azy.

Iza no manao izany?
Miaramila, zandary, polisy, na olona mitovy sata aminy, izay napetraka hikarakara ny fitaovana sy ny volam-panjakana ao amin’ny toby na ny birao. Olona nianiana hiaro ny firenena, kanjo nanadino ny voady.

Nahoana no tena mampalahelo izany?
1. Famadihana voady : Nianiana teo amin’ny sainam-pirenena izy, kanjo izy indray no mandroba ilay firenena nianianany.
2. Mampidi-doza antsika rehetra : Ny basy amidy an-tsokosoko androany, mety hitifitra zanakao rahampitso. Ny bala nangalarina, mety hamono mpiray tanindrazana.
3. Manimba ny endrik’ireo marina : Misy mpitandro filaminana an’arivony maty ho an’ny tanindrazana. Ny ataon’ny mpangalatra iray dia mandoto ny anaran’izy rehetra.

Inona ny sazy raha tratra?
⚖️ 5 ka hatramin’ny 20 taona an-tranomaizina – satria famadihana tanindrazana
💰 20 tapitrisa ka hatramin’ny 100 tapitrisa Ariary ny onitra
🚫 Esorina amin’ny asany, ary voarara tsy hitondra fanamiana intsony mandrakizay

Tsarovy:
Ny fanamiana dia mariky ny voninahitra sy ny fanompoana, fa tsy fanalahidin’ny trano fitehirizam-bolan’ny fanjakana. Ny tena mahery fo dia ilay mitana ny voady na dia tsy misy mijery aza.

✋🚫 ATSAHARO NY KOLIKOLY – 5/32
Ny mpiaro tsy tokony ho lasa mpanimba. Hajao ny fanamiana, hajao ny voady, hajao ny vahoaka.
"Ny basy natokana hiaro, tsy tokony ho lasa entana amidy"

🏷️ MANGALATRA AMIN’NY TARATASY HOSOKA : REHEFA NY SONIA NO LASA FITAOVAM-PANGALARANAInona no tena mitranga?Alaivo sary a...
29/04/2026

🏷️ MANGALATRA AMIN’NY TARATASY HOSOKA : REHEFA NY SONIA NO LASA FITAOVAM-PANGALARANA

Inona no tena mitranga?
Alaivo sary an-tsaina : misy olona mipetraka ao amin’ny birao, maka taratasy ofisialy, dia manao sonia tsy izy, manoratra vola tsy nisy, na mamorona faktiora sandoka.

Avy eo ampiasainy ilay taratasy hosoka mba hamoahana vola ao amin’ny kitapom-bolam-panjakana. Ilay vola tokony hanamboarana sekoly, hividianana fanafody, lasa miditra ao am-paosiny mangingina.

Tsy basy no ampiasainy mangalatra… fa penina sy sonia hosoka.

Iza no manao izany?
Ireo olona natoky ny fanjakana hitantana ny vola : mpitan-kaonty, mpitantana tetibola, tompon’andraikitra manao sonia ny fandaniana. Olona mahay lalàna sy fomba fiasa, kanjo mampiasa ny fahaizany handrava.

Ahoana no fanaovany izany?
1. Mamorona antontan-taratasy tsy misy : tetikasa tsy nisy, mpiasa tsy nisy.
2. Mandika sonian’olona ambony na mampiasa tombo-kase sandoka.
3. Mametraka izany ao amin’ny fanjakana mba hamoahana ny vola, dia alainy.
Izany dia halatra avo lenta, ary voasazin’ny Lalàna 2016-020 mafy dia mafy.

Inona ny sazy raha tratra?
⚖️ 5 ka hatramin’ny 20 taona an-tranomaizina– satria fitaka sy halatra miaraka
💰 20 tapitrisa ka hatramin’ny 200 tapitrisa Ariary ny onitra
🚫 Voarara tsy hitantana mandra-maty ary tsy maintsy amerina ny vola rehetra nangalarina

Tsarovy:
Ny taratasy hosoka iray dia mety mahafaty marary iray any amin’ny hopitaly tsy misy fanafody. Ny sonia sandoka iray dia mety maharava ny hoavin’ny zaza iray tsy nahazo sekoly.

✋🚫 ATSAHARO NY KOLIKOLY – 3/32
Ny marina amin’ny taratasy no fototry ny fitokisana. Raha hosoka ny taratasy, hosoka ny firenena.
"Aza avela ny penina ho lasa antsy mamono ny hoavin’ny vahoaka"

🏷️ AZA ATAO KITAPOM-BOLA MANOKANA NY ORINASA : NY HALATRA AO ANATIN’NY SEHATRA TSY MIANKINAInona ilay izy?Ny orinasa no ...
29/04/2026

🏷️ AZA ATAO KITAPOM-BOLA MANOKANA NY ORINASA : NY HALATRA AO ANATIN’NY SEHATRA TSY MIANKINA

Inona ilay izy?
Ny orinasa no mamelona anao sy ny fianakavianao. Ny orinasa no mamelona ny mpiara-miasa aminao.

Fa rehefa misy mpitantana na mpiasa maka ny vola sy ny fitaovan’ny orinasa dia ampiasainy hividianana zavatra ho an’ny tenany… dia halatra izany. Tsy halatra amin’ny vahiny, fa halatra amin’ny namanao iray birao, halatra amin’ny zanakao izay miankina amin’ny karamanao.

Ohatra tena fahita:
1. Ny tale maka vola ao amin’ny caisse hanamboarana ny vilany ao an-tranony.
2. Ny mpamily mampiasa ny kamiao an’ny orinasa hitaterana fasika amidiny manokana.
3. Ny mpitantana manao sonia fifanarahana lafo be amin’ny orinasan’ny havany, dia izy mahazo "commission".

Vokany : miha-malemy ny orinasa, tsy tafakatra karama, ary indray andro any… mihidy. Very asa daholo.

Iza no mety ho voasazy?
Na iza na iza ao amin’ny orinasa tsy miankina : manomboka amin’ny tale ka hatramin’ny mpiasa tsotra, raha toa ka nokasihiny ny vola sy ny fitaovana tsy anjarany.

Inona ny sazy araka ny Lalàna 2016-020?
⚖️ Trano maizina : 6 volana hatramin’ny 5 taona
💰 Onitra : 2 tapitrisa ka hatramin’ny 100 tapitrisa Ariary
🚫 Voarara tsy hitantana orinasa intsony + alaina daholo izay azony tamin’ny halatra

Ny marina tsy lainga:
Ny orinasa iray dia toy ny lakana. Raha misy manindrona lavaka kely mba hangalarany rano hosotroiny irery, dia milentika ny lakana iray manontolo. Maty daholo izay ao anatiny.

✋🚫 ATSAHARO NY KOLIKOLY – 6/32
Tia ny asanao? Arovy ny orinasanao. Ny fahamarinana no miantoka ny karama rahampitso.
"Ny orinasa rava noho ny halatra, dia fianakaviana maro no maty mosary"

🏷️ NANGALATRA NY VOLAN’NY VAHOAKA : NY FANODINKODINANA FANANAM-PANJAKANAInona no atao hoe fanodinkodinana?Dia rehefa mis...
29/04/2026

🏷️ NANGALATRA NY VOLAN’NY VAHOAKA : NY FANODINKODINANA FANANAM-PANJAKANA

Inona no atao hoe fanodinkodinana?
Dia rehefa misy olona misahana ny volam-panjakana ka maka izany, mampiasa azy amin’ny tombontsoany manokana, mandrava azy, na manafina azy. Raha fintinina : mangalatra ny vola tokony hampandrosoana ny sekoly, ny hopitaly, ny lalana… ny volantsika rehetra izany.

Iza no tena voakasika
Ireo tompon’andraikitra natoky ny vahoaka : mpiasam-panjakana, olom-boafidy, na olona voatendry hikirakira ny volam-pirenena. Ny andraikitra noraisiny dia ny mikarakara, fa tsy ny mangalatra.

Ahoana no isehoany?
1. Maka mangingina ny vola na fananam-panjakana.
2. Mampiasa izany hividianana fiara manokana, trano, na hanomezana ny havana, fa tsy hanompoana ny vahoaka.
3. Mandika ny Lalàna 2016-020 izay miaro antsika rehetra.

Inona ny sazy raha tratra?
⚖️ 5 ka hatramin’ny 20 taona an-tranomaizina
💰 20 tapitrisa ka hatramin’ny 200 tapitrisa Ariary ny onitra
🚫 Esorina tsy mahazo mitantana intsony eo anivon’ny fanjakana, ary alaina ny vola nangalarina.

Tsarovy :
Ny ariary iray nangalarina dia boky tsy voavidy ho an’ny zaza iray, fanafody tsy tonga any amin’ny hopitaly, lalana tsy voamboatra. Isika rehetra no mizaka ny vokany.

✋🚫 ATSAHARO NY KOLIKOLY – 1/32
Ny fijerena fotsiny dia firaisana tsikombakomba. Ny miteny TSIA no manomboka ny fanovana.

🏷️ MAMPIASA NY FITAOVAM-PANJAKANA HO AN’NY TOMBONTSOA MANOKANA : FANODINKODINANA FAMPIASANAInona marina izany?Dia rehefa...
29/04/2026

🏷️ MAMPIASA NY FITAOVAM-PANJAKANA HO AN’NY TOMBONTSOA MANOKANA : FANODINKODINANA FAMPIASANA

Inona marina izany?
Dia rehefa ny fiaram-panjakana lasa mitatitra ny fianakaviana any am-piangonana. Rehefa ny solosaina ao amin’ny birao lasa anoratana mémoire an’ny zanaka. Rehefa ny solika sy ny birao ampiasaina hanaovana bizina manokana.

Tsy nangalarina ilay fitaovana… fa novaina lalana ny fampiasana azy. Tokony hanompo ny vahoaka izy, kanjo lasa manompo olon-tokana.

Iza no manao izany?
Ny olona natoky ny fanjakana hikarakara ny fitaovam-panjakana : talen-tsekoly mampiasa ny fiara ho an’ny fandehanana manokana, ben’ny tanàna mampiasa ny traktora kaominina hasaina ny taniny… Olona manana andraikitra, nefa manadino ny adidy.

Aiza no misy ny fandikan-dalàna?
1. Maka ny fitaovana novidiana tamin’ny hetra aloaiko sy aloanao, dia ampiasaina ho an’ny tena.
2. Mampiasa ny fotoana, ny solika, ny biraom-panjakana hanaovana asa ivelan’ny asan’ny vahoaka.
Mandika ny Lalàna 2016-020 izany, ary manimba ny fitokisantsika rehetra.

Inona ny vokany raha tratra?
⚖️ 6 volana ka hatramin’ny 5 taona an-tranomaizina
💰 2 tapitrisa ka hatramin’ny 100 tapitrisa Ariary ny onitra
🚫 Azo esorina tsy mahazo mitantana intsony eo anivon’ny fanjakana

Tsarovy:
Ny fiara ofisialy mijanona eo anoloan’ny tsena rehefa ora fiasana, dia solika tsy nahavita nandefa ambulance. Ny solosain’ny kaominina ampiasaina hanoratra CV an’ny havana, dia taratasy tsy vita ho an’ny vahoaka.

✋🚫 ATSAHARO NY KOLIKOLY – 2/32
Ny fananam-panjakana dia an’ny vahoaka, fa tsy an’ny mpitondra. Arovy izany.
"Ny mangarahara no manadio ny fitantanana"

Mahaiza Lalàna, Mijoroa ho an’ny Fahamarinana : Aoka isika hiara-hiala amin’ny kolikolyRy Malagasy, andao hiara-hahafant...
29/04/2026

Mahaiza Lalàna, Mijoroa ho an’ny Fahamarinana : Aoka isika hiara-hiala amin’ny kolikoly

Ry Malagasy, andao hiara-hahafantatra ireo endrika maro isehoan’ny kolikoly sy ny ratsy aterany amintsika isan’andro. Ny Lalàna 2016-020 no miaro antsika, fa isika tsirairay no afaka manova zavatra.

Tsy mora ny miteny « TSIA » rehefa mahita ny tsy rariny. Fa izany herim-po izany no manorina firenena madio, izay ahafahan’ny zanatsika manonofy sy mandroso tsy misy tahotra.

Isan-kerinandro, hiara-mianatra sy hifampizara eto isika. Satria ny fahalalana no fitaovam-piadiana voalohany hanalana ny kolikoly.

Ho antsika sy ny taranaka : firenena tsy misy kolikoly.
"Andao hanorina taranaka tsy manaiky ny kolikoly"

10/03/2026

Invitation aux Nouveaux et Anciens Membres

Mercredi 25 mars 2026, 14h00
Salle B102 (ancienne salle 5)

Vous êtes les bienvenus à notre premier contact avec les nouveaux membres !

C'est avec plaisir que nous vous invitons à rejoindre notre équipe et à découvrir nos activités et nos projets.

Au programme :

- Présentation de l'équipe et de ses membres
- Discussion sur les objectifs et les attentes
- Échange d'idées et de suggestions

Nous sommes impatients de vous rencontrer et de partager avec vous notre passion pour l'innovation et l'excellence !

À bientôt !

🌟 27 ans de brillance ! 🚀Aujourd'hui, 10 mars 2026, l'EMIT fête ses 27 ans d'existence, et c'est un moment de grande fie...
10/03/2026

🌟 27 ans de brillance ! 🚀

Aujourd'hui, 10 mars 2026, l'EMIT fête ses 27 ans d'existence, et c'est un moment de grande fierté pour tous ceux qui ont contribué à son succès. 🎓💙

Comme une étoile qui brille dans le ciel, l'EMIT a éclairé le chemin de milliers d'étudiants, leur offrant une éducation de qualité et les préparant à devenir les leaders de demain. 🌟

Merci à tous les enseignants, les étudiants, les alumni et les partenaires qui ont travaillé ensemble pour faire de l'EMIT une institution d'excellence. Votre dévouement, votre passion et votre vision ont permis à l'EMIT de se démarquer et de devenir un symbole d'innovation et de réussite. 🥰

Que cette journée soit un moment de célébration et de réflexion sur les réalisations passées, mais aussi un moment de regarder vers l'avenir avec espoir et détermination. L'EMIT a encore de beaux jours devant elle, et nous sommes impatients de voir ce que l'avenir réserve à cette institution qui nous est si chère 🎓💙

Address

Fianarantsoa
301

Telephone

+261334338742

Website

Alerts

Be the first to know and let us send you an email when RHI EMIT Fianarantsoa Officielle posts news and promotions. Your email address will not be used for any other purpose, and you can unsubscribe at any time.

Shortcuts

Share

Category