Andao Hanova Madagasikara

20/04/2026

⚽️ FIKAMBANANA ANDAO HANOVA MADAGASIKARA SY NY TANORA! ⚽️
Tontosa ny alahady teo ny famaranana ny tournoi baolina kitra nokarakaraina sy notohanan’ny fikambanana Andao Hanova Madagasikara tao Ambatomena 🙌
👥 Nisy ny sokajy lahy sy vavy, ka samy nahazo sehatra sy naneho ny talentany avokoa ny tanora rehetra ⚽️
🎯 Tanjona tamin’ity hetsika ity: • Hampialavoly ny tanora
• Hampiroborobo ny fahasalamana 💪
• Hialana amin’ny fidorohana zava-mahadomelina 🚫
🔥 Tena hita miharihary ny hafanam-po sy ny talenta nasehon’ireo tanora mpilalao! Nampiseho firaisankina sy toe-tsaina mendrika tokoa izy ireo teny an-kianja 👏
😊 Mahafaly ny mahita fa maro ny tanora mandray anjara sy mankafy hetsika mahasoa tahaka izao.
Ankasitrahana toy izany ihany koa ny mpijery ny lalao izay samy naneho Fahendrena.
➡️ Mitohy hatrany ny fanohanana ny tanora ataon’ny fikambanana, satria izy ireo no hoavin’i Madagasikara 🇲🇬

12/04/2026

🏆⚽️ Fanohanana ny tanora –
Ny fikambanana dia manohana hatrany ny tanora amin’ny fanatanjahantena, indrindra ny baolina kitra, mba hampivelatra ny talentany sy hitarihana azy ireo hiala amin’ny zava-mahadomelina.
Mandeha tsara ny fifaninanana ary hotanterahina ny alahady ho avy izao ny lalao famaranana, izay efa andrasan’ny maro.
♥️ Mankasitraka ireo mpandray anjara rehetra ary mirary soa ho anareo amin’ny famaranana. Ho tanora vanona sy ho reharehan’ny fiarahamonina anie isika. 💪⚽️

29/03/2026

✨ Tontosa soa aman-tsara ny Sabotsy teo tao amin’ny EPP Centre 1 Tsianolondroa Fianarantsoa ny fiofanana momba ny fanamboarana patisserie 🥞🍕🍟🍔🍰, nokarakarain’ny fikambanana Andao Hanova Madagasikara.
🎯 Natao indrindra ity fiofanana ity ho fanohanana ireo tanora sy olon-tsotra amin’ny fidirana amin’ny sehatry ny asa 💼, ho ady amin’ny tsy fananan’asa 📉, ary ho fampitomboana ny fidiram-bolan’ny tokantrano 💰.
🙏 Fisaorana sy fankasitrahana lehibe no atolotra ireo tanora nandray anjara, izay nametraka fitokisana tamin’ny fikambanana.

🤝 Mitohy hatrany ny ezaka sy ny asa fanohanana ataon’ny fikambanana Andao Hanova Madagasikara ho an’ny tanora, ho fanorenana hoavy tsaratsara kokoa 🌱✨.
💬 Andao hiara-hanova, hiara-handroso!

19/03/2026

‎📢 ADY AMIN'NY TSY FANANAN'ASA SY FANAMPIANA NY TANORA
‎🛑Ny fikambanana ANDAO HANOVA MADAGASIKARA dia manolotra fiofanana PÂTISSERIE. Izay ahaizanao mifehy ireto zavatra ireto:
‎👉 Pizza 🍕
‎👉 Croissant 🥐
‎👉 Hamburger 🍔
‎👉 Gâteau 🍰: fondant au choco, génoise nature nappage choco.
‎👉 Recette bonus (Surprise)
‎
‎🗓️Ny fiofanana dia hatao ao amin'ny EPP CENTRE I TSIANOLONDROA FIANARANTSOA ny Sabotsy 28 Marsa tontolo andro. 🕤 Manomboka amin'ny 8 Ora maraina.
‎
‎❗Voafetra ny toerana ka izay 50 misoratra anarana voalohany ihany no horaisina hiofana.
‎
‎👉 Tsy misy saram-piofanana fa mandoa 15000Ar kosa ianao hividianana ireo Ingrédients hampiasaina mandritra io fiofanana io.
‎📌Ny alakamisy 26 Marsa izao kosa no farafisoratana anarana.
‎
‎✍️Mandefasa ary MP ato amin'ny fikambanana na mandefasa SMS amin'ity laharana ity ☎️0349421009
‎
‎NB: RECETTE COMMERCIALE hanampiana anao hitady vola no hatao ary hisy CERTIFICAT hozaraina aorian'ny fiofanana.

Mpampiofana: Chef Myckaya sy Chef Helinah
‎
‎🙏 Tongava maro ary.
‎

11/03/2026

📢Tanora mirotsaka ho mpanangana ny Demokrasia sy ny Fandriampahalemana

Faly izahay mampahafantatra fa nanana solontena nandray anjara tamin’ny programa NEXT LEAD – Peace & Democracy Builders Program nokarakarain’ny Liberty 32 ny fikambanana ANDAO HANOVA MADAGASIKARA.
Ity fandaharan’asa ity dia tafiditra amin’ny tetikasa DRIVE (Jeunesse – Paix – Démocratie) izay mikendry ny hanofana sy hanamafy ny fahaizan’ny tanora ho mpitarika sy manao hetsika ho an’ny fiarahamonina.

👉 Nandritra ny fiofanana dia nodinihina lalina ny:
• Démocratie – izay manome lanja ny fandraisan’anjaran’ny olom-pirenena, ny mangarahara ary ny andraikitra iombonana amin’ny fitantanana ny firenena.
• Paix sociale – izay tsy vitan’ny tsy fisian’ny fifandirana fotsiny, fa ny fananganana fiarahamonina mifototra amin’ny fifampiresahana, fifanajana ary rariny sosialy.
• Leadership citoyen – izay mamporisika ny tanora handray andraikitra, hitondra fanovana ary hamorona vahaolana maharitra ho an’ny fiarahamonina.

🏁Ny tanjona dia hanangana taranaka tanora manana vina sy fahasahiana, afaka mitondra fanovana amin’ny alalan’ny fandraisana andraikitra, fanentanana ary fanamafisana ny soatoavina demokratika.

🙏 🙏 Misaotra an’i Liberty 32 sy ireo mpiara-miombon’antoka rehetra tamin’ny fananganana sehatra ahafahan’ny tanora mianatra, mifandray ary miara-miasa ho amin’ny hoavy milamina sy demokratika.

🙏 🙏 🙏 ANDAO HANOVA MADAGASIKARA dia manohy manohana ny fandraisan’anjaran’ny tanora amin’ny fananganana firenena mirindra, demokratika ary milamina.

11/03/2026

04/03/2026

📢 HAFATRA:

🌿Tsy ampy ny mamboly hazo indray andro dia miala. Ny hazo novolena dia mila fikarakarana sy fitsidihana tsy tapaka vao afaka mitombo tsara sy mahavokatra. Raha tsy tsidihina izy, mety ho maina, hohanin’ny biby, na ho ringana fotsiny.

🌿Ohatra, eto Madagasikara dia miatrika olana goavana amin’ny fahapotehan’ny ala isika. Raha tiantsika ny hanana tontolo maitso sy rivotra madio ho an’ny taranaka ho avy, dia tsy maintsy mandray andraikitra ankoatran'ilay fambolena iray andro fotsiny isika.

🌿Koa andao hiverina hitsidika ireo hazo novolentsika, hanondraka azy raha ilaina, hanala ahi-dratsy manodidina azy, ary hiaro azy amin'ny fahavalo maro. Ny fitsidihantsika sy fikarakarantsika no antoka hampaniry ilay hazo ho lasa ala velona rahatrizay.

🌿Tsarovy: ny mamboly hazo dia fiandohana, fa ny fikarakarana azy no mampamokatra ny vokatra.

23/02/2026

📢Tontosa ny alahady teo tao amin’ny Kianjan'Ambatomena ny lalao famaranana baolina kitram-pokontany.
Ho an’ny sokajy lehilahy, nandresy tamin’ny isa 2 noho 1 ny ekipan’ny FKT Tambohômandrevo nanoloana ny FKT Anosy Isada, taorian’ny lalao nahafinaritra sy nahitana fifaninanana hentitra.
Efa notanterahina ny alahady heriny teo kosa ny famaranana sokajy vehivavy, izay nandresen’ny FC Combrage ny FKT Tanambaotsitiana tamin’ny isa 1 noho 0.

⚽Nilamina sy nandeha tamim-pirahalahiana ny lalao rehetra. Niezaka nandrindra sy nandamina akaiky izany ireo Lehiben’ny Fokontany avy amin’ireo toerana nandray anjara. Teo ihany koa ny fanohanana sy ny tolo-tanana avy amin’ny fikambanana Andao Hanova Madagasikara.

🏁Tanjona tamin’ity hetsika ity ny hampiala voly ny tanora sady hanentanana azy ireo fa ny baolina kitra dia fitaovana iray afaka mampiray hina, manabe ary mampiroborobo indrindra ny fahasalamana sy ny fivoaran’ny tsirairay. Izany indrindra no nanosika ny fikambanana hanohana ity hetsika ity.
Mitohy hatrany ny asa fanabeazana sy fanentanana ataon’ny fikambanana sy ireo mpikarakara namana izay tarihin'i FRANCKY Tanora ao Ambatomena,
Isaorana manokana ireo mpiara-miombon’antoka rehetra, indrindra ny lehiben'ny Lehiben’ny Fokontany Ambatomena, ary koa ianareo mpijery baolina kitra izay naneho fahendrena sy fanajana nandritra ny lalao.