Tranoben'ny Tantsaha Mpamokatra Matsiatra Ambony

14/10/2026

PROGRAMME DE DEVELOPPEMENT DES FILIERES AGRICOLES INCLUSIVES (DEFIS)

COORDINATION INTER-REGIONALE DE FIANARANTSOA

APPEL À MANIFESTATION D'INTERET
AMI N°011/2026-MiASA/SG/DEFIS/CIRFNR/S. Relance

Fianatantsoa, Madagəscər
Le 14 Octobre 2026

Intitulê _de la_mission : Recrutement d'un Consultant Individuel pour le renforcement de capacitè sur lutilisation de /'outil PO WER B1 pour l'équipe CIR Fianarantsoa et les Responsables de Suivi Evaluation de la Tranoben'ny Tantsaha Mpamokatra Rejionaly

Numéro_de référence : MDG-2000001492-0952-CS-ICS

14/10/2026

PROGRAMME DE DEVELOPPEMENT DES FILIERES AGRICOLES INCLUSIVES
(DEFIS)

Coordination Inter-Régionale de Fianarantsoa

APPEL A MANIFESTATION D'INTERET
AMI N 002/2026-MiASA/SG/DEFIS/CIRFNR/S.

Fianarantsoa, Madagascar
Le14 Octobre 2026

Intitulé de la mission : Recrutement Consultant en Passation de marché

Numéro d'identification OPEN : MDG-2000001492-0829-CS-ICS

13/10/2026

🌾🤝 FIFANARAHANA ARA-BAROTRA MANOKATRA LALANA VAOVAO HO AN’NY TANTSAHA AO MATSIATRA AMBONY!

Taorian’ny fanohanana ny OPR SAHI sy ny fandraisana anjara tamin’ny famatsiana masomboly fototra tsako, dia miroso amin’ny dingana vaovao indray ny fiaraha-miasa eo amin’ny mpamokatra sy ny mpandraharaha ara-barotra, amin’ny alalan’ny fampifandraisana ny OP (mpamokatra) sy ny OM (mpandraharaha).

📍 Tamin’ny 12 Oktobra 2026, dia notanterahina tao amin’ny efitrano malalaky ny Tranoben’ny Tantsaha Mpamokatra Matsiatra Ambony ny fifanarahana ara-barotra teo amin’ny LFL sy ny OPR SAHI, izay nifantoka tamin’ny fividianana sy ny famarotana ny vokatra (promesse d’achat) tsako.

Hetsika notanterahina niaraka tamin’ny Programme DEFIS, vatsian’ny Programme Pays FIDA Madagascar ary eo ambany fiahian’ny Minisiteran'ny Fambolena sy ny Fahaleovantena ara-tsakafo.

Izany dia notronin’ireo tompon’andraikitra maro isan-karazany:
- Tale-paritry ny Fambolena sy ny Fahaleovantena ara-tsakafo
- Mpandrindra iraisam-paritry ny fandaharan’asa DEFIS Fianarantsoa sy ireo mpiara-miasa aminy
- Filohan’ny Tranoben’ny Tantsaha Mpamokatra Matsiatra Ambony sy ireo mpiara-miasa aminy
- Ireo tompon’andraikitra ao amin’ny LFL
- Tompon’andraikitra ara-teknikan’ny FDA
- Ny ekipan’ny SOC
- Ny filohan’ny OPR SAHI sy ireo mpiara-miasa aminy
-CCI (Chambre de Commerce et d’Industrie)

🎯 Tanjona
✅ Hanamora ny fahazoan’ny tantsaha masomboly voamarina sy azo antoka.
✅ Hampiroborobo ny fampiasana masomboly mifanaraka amin’ny toe-tany sy ny toetr’andro eto amin’ny faritra Matsiatra Ambony.
✅ Hametraka fifanarahana ara-barotra maharitra sy azo itokisana eo amin’ny mpamokatra sy ny mpandraharaha.

🌱 Fatra ny masomboly sy vokatra andrasana
Ao anatin’ity fiaraha-miasa ity, dia masomboly tsako karazana IRAT 200, milanja 1 taonina, no noraisin’ny LFL, izay kasaina haparitaka amin’ireo tantsaha hiara-miasa aminy.

Ny vokatra andrasana amin’izany dia ny fahazoana vokatra tsako hatramin’ny 150 taonina, izay hovidin’ny LFL amin’ireo tantsaha mpahazo tombontsoa, araka ny fifanarahana napetraka.

🌍 Ny fandaharan’asa DEFIS, miaraka amin’ireo mpiara-miombon’antoka aminy, dia manohy sy manamafy ny fifandraisana ara-barotra eo amin’ny mpamokatra sy ny mpandraharaha azo itokisana, mba hanatsarana ny fidiram-bolan’ny tantsaha sy hampiroboroboana ny rojom-pihariana ara-pambolena.

Tsy mijanona amin’ity fifanarahana ity ihany ny fiaraha-miasa, fa kasaina hotohizana isan-taona.

💚 « VELON-TENA MIVADIKA HARENA NO KENDRENA! »




SAHI

-HM

12/10/2026

🌱 FANDRAISANA IREO MASOMBOLY TSAKO HO AN’NY OPR SAHI / DEFIS / SOC

Tontosa androany, 12 Oktobra 2026, tao amin’ny trano fitehirizam-bokatra ny CRAM Tanambao Fianarantsoa, ny fandraisana ireo masomboly fototra sy masomboly voamarina TSAKO.

Anisan’ny fanamby lehibe napetraka teto amin’ny Faritra Matsiatra Ambony ny famokarana masomboly TSAKO. Izany dia natao niaraka tamin’ny Fandaharan’asa DEFIS sy ireo mpiara-miombon’antoka maro, anisan’izany ny DRASA (SOC), FOFIFA, ary ny OPR SAHY.

Mandray anjara betsaka amin’ny famokarana masomboly ny Programme DEFIS, izay vatsian’ny Programme Pays FIDA Madagascar vola, eo ambany fiahian’ny Minisiteran'ny Fambolena sy ny Fahaleovantena ara-tsakafo.

🌱 NY KARAZANY MASOMBOLY SY NY FATRA
Ny masomboly noraisina dia:
🔹 1 taonina IRAT 200, masomboly voamarina, izay horaisin’ny LFL
🔹 1,326 taonina MIARITRA, izay hozaraina amin’ireo mpamokatra masomboly (PMS)
🔹 2,282 taonina MAROBABY, izay hozaraina amin’ireo mpamokatra masomboly (PMS).

🎯 NY TANJONA
Ny tanjona dia:
✅ Hamokatra ny masomboly TSAKO izay mahazaka ny toetr’andro ;
✅ Hanamparitaka ny masomboly voamarina eto amin’ny Faritra ;
✅ Hisian’ny fifanarahana maharitra amin’ny fandraisana ny masomboly.

🤝 FAMPANDROSOANA NY SEHA-PIHARIANA TSAKO
Izao dingana izao dia hanampy amin’ny fampiroboroboana ny seha-piharaiana TSAKO eto Matsiatra Ambony, amin’ny alalan’ny fanamafisana ny famokarana masomboly sy ny fiaraha-miasa eo amin’ireo mpisehatra samihafa.

“VELON-TENA MIVADIKA HARENA NO KENDRENA”

12/10/2026

📢 FANAOVAN-TSONIA NY FIFANARAHANA MOMBA NY VINAN’ASA MATIANINA – OPR SAHI SY NY FANDAHARAN’ASA DEFIS

Notanterahina androany, Alatsinainy 12 Oktobra 2026, tao amin’ny efitrano fivorian’ny Tranoben’ny Tantsaha Mpamokatra Matsiatra Ambony, ny lanonana fanaovan-tsonia ny fifanarahana momba ny vinan’asa MATIANINA, izay iarahan’ny OPR SAHI sy ny Fandaharan’asa DEFIS, vatsian’Programme Pays FIDA Madagascar vola, eo ambany fiahian’Minisiteran'ny Fambolena sy ny Fahaleovantena ara-tsakafo

Ny fifanarahana dia nosoniavin’Andriamatoa Mpandrindra Iraisam-paritry Programme DEFIS Fianarantsoa sy Ramatoa Filohan’ny OPR SAHI, ho fanamafisana ny fiaraha-miasa amin’ny fampandrosoana ny sehatry ny fambolena sy ny fanohanana ireo tantsaha mpamokatra.

👥 Ireo nanotrona ny lanonana:
Nandray anjara tamin’ity fotoana ity ireo tompon’andraikitra sy mpiara-miombon’antoka isan-tsokajiny, anisan’izany ny:
🔹 Talem-paritrin’ny Fambolena sy ny Fahaleovan-tena ara-tsakafo ;
🔹 Ireo tompon’andraikitra maro ao amin’ny Fandaharan’asa DEFIS ;
🔹 Ny Filohan’ny Tranoben’ny Tantsaha Mpamokatra Matsiatra Ambony sy ireo mpiara-miasa aminy ;
🔹 Ny Talen’ny OPR SAHI ;
🔹 Ny Chambre de Commerce et d’Industrie (CCI) ;
🔹 Ny FOFIFA.
🔹Ny FDA Matsiatra Ambony

💰 TETIBOLA SY LOHARANOM-BOLA ARY NY FAHARETANY:
Maharitra 18 volana ny tetikasa, izay mitentina 2 335 480 000 Ariary.
Ny tetibola ao anatin’ny fifanarahana kosa dia mitentina 340 830 000 Ariary (100 %), izay mizara toy izao:
🔹 DEFIS : 193 384 000 Ariary (57 %) ;
🔹 Fandraisan’anjaran’ny OPR SAHI (APB) : 63 036 000 Ariary (18 %)
🔹 Famatsiam-bola hafa avy amin’ny FIFATA : 84 410 000 Ariary (25 %).

🚜 FITAOVANA HAMPANJARIANA NY ASA
Anisan’ny fanohanana hatao ny famatsiana fitaovana hanatsarana ny asa famokarana sy ny fikirakirana ny vokatra, toy ny:
🔹 Traktera 90 CV misy kojakoja : 2 ;
🔹 Traktera 75 CV misy kojakoja : 2 ;
🔹 Motoculteur 18 CV miaraka amin’ny sarety : 8.
🔹Moto Honda 125 cc: 02

🌱 TANJONA SY VOKATRA ANDRASANA:
Ao anatin’ny 18 volana, ny vinan’asa dia mikendry ny:
✅ Hanatsara ny famokarana ara-pambolena sy ny fampiasana ny velaran-tany azo volena ;
✅ Hanamafy ny famokarana sy ny fahafahan’ny tantsaha mahazo masomboly ;
✅ Hanohana ny fampiasana masomboly voamarina sy masomboly fototra ho an’ny vary an-drano, vary an-tanety ary katsaka ;
✅ Hanamafy ny fahaiza-manaon’ny tantsaha amin’ny alalan’ny fanofanana sy ny fanaraha-maso ara-teknika ;
✅ Hampiroborobo ny fifandraisana ara-barotra sy ny famarotana ny vokatra ;
✅ Hanatsara ny fidiram-bolan’ny tantsaha sy handray anjara amin’ny fanamafisana ny fahaleovantena ara-tsakafo.

📊 TANJONA VOAFETRA AO ANATIN’NY 18 VOLANA:
• Velaran-tany hasaina: 3 415 ha ;
• Velaran-tany hamokarana: 3 230 ha ;
• Masomboly hovokarina: 310 taonina ;
• Vokatra ara-pambolena, ankoatra ny masomboly: 12 938 taonina ;
• Vokatra kasaina hamidy: 11 820 taonina ;
• Fifanarahana ara-barotra sy famokarana: 5 ;
• Mpamokatra masomboly (PMS): 78 ;
• Fametrahana saha sekoly (CEP): 154 ;
• Isan’ny mpisitraka: 8 500 ;
• Kaominina iasana: 15.

🤝 Fiaraha-miasa ho fampandrosoana ny fambolena
Ity fifanarahana ity dia dingana iray hanamafisana ny fiaraha-miasa eo amin’ny OPR SAHI sy ny Fandaharan’asa DEFIS, miaraka amin’ireo mpiara-miombon’antoka, ho fanohanana ny tantsaha mpamokatra, ny fanatsarana ny vokatra ary ny fampiroboroboana ny toekarena ambanivohitra.

Santatra ambavarano izao fa mbola maro ny ho avy!

“VELON-TENA MIVADIKA HARENA NO KENDRENA”






HM

06/10/2026

🚜📜 FANANAN-TANY VOARO, HOAVY MATANJAKA

Ny 05 sy 06 Oktobra 2026, dia notanterahina tao amin’ny Kaominina Andranomiditra , Ihazoara (Distrikan’i Vohibato) ary Anjoma (Distrikan’i Ambalavao) ny fidinana ifotony sy ny fifanakalozan-kevitra momba ny fananan-tany, notarihin’ny Minisiteran’ny Fanajariana ny Tany, ny Talem-paritry ny Fanajariana ny Tany Matsiatra Ambony, ary ny solontenan’ny FAO.
Ity hetsika ity dia natao tamin’ny alalan’ny Fandaharan’asa DEFIS, vatsian’ny FIDA vola ary eo ambany fiahian’ny Minisiteran’ny Fambolena sy ny Fahaleovantena Ara-tsakafo, izay iaraha-miasa amin’ny FAO.

🎯 Tanjona lehibe
✅ Hanamafisana ny fiarovana ny zo amin’ny tany
✅ Hampiroboroboana ny fitoniana sy ny filaminana ara-pananan-tany
✅ Hananganana ny Birao Ifoton’ny Fananan-tany (BIF) eny anivon’ireo kaominina voafantina
✅ Hanatanterahana ny fanaovana sy fizarana kara-tany miisa 3 000 isaky ny kaominina

👥 Nanatrika ny fihaonana ireo Ben’ny Tanàna sy ny lefiny, mpanolotsain’ny kaominina, lehiben’ny fokontany, Ray aman-dReny ara-pokonolona, solontenan’ny fikambanana sy OP, CGEAF ary ireo tompon’andraikitra eny ifotony.
💬 Nandritra ny fifanakalozan-kevitra dia nohazavaina ireo dingana sy fepetra momba ny fanaovana kara-tany, ary nisy fanadihadiana natao mba hahafantarana bebe kokoa ny zava-misy sy ny filan’ny mponina eo amin’ny lafiny fananan-tany.

🌱 Maneho fahavononana sy fanantenana lehibe ireo mponina ao amin’ireo kaominina voakasika, satria inoana fa hitondra fitoniana, fiarovana ary fampandrosoana maharitra ho an’ny vondrom-piarahamonina ity tetikasa ity.

🤝 Isaorana ireo mpiara-miombon’antoka rehetra sy ny mponina nandray anjara tamin’ity dingana lehibe ho amin’ny fanamafisana ny fananan-tany ity.

🌱 "Ny tany voalamina, antoky ny filaminana sy ny fampandrosoana maharitra."





-HM

19/09/2026

19/09/2026

Appel à manifestation d'Intérêt- ONGs (Annonce)

Fianarantsoa, Le 19 Septembre 2026

PROGRAMME DE DEVELOPPEMENT DES FILIERES AGRICLOES INCLUSIVES (DEFIS)
Intitulé de la mission : Recrutement d'ONG pour la promotion de la nutrition sensitive et genre au niveau des AUE, GPS, CEP, GVEC, MCV et OPB au niveau des pôles de développement dans la région Ihorombe
Numéro d'identification OPEN : MDG-2000001492-0948-CS-QCBS

19/09/2026

Appel à manifestation d'intérêt - ONG
(Annonce)

AMI No014 /2026-MINASA/SG/DEFIS/CIRFNR/S.

PROGRAMME DE DEVELOPPEMENT DES FILIERES AGRICLOES INCLUSIVES (DEFIS)

Intitulé de la mission : Recrutement d'ONG pour la promotion de la nutrition sensitive et genre au niveau des AUE, GPS, CEP, GVEC, MCV et OPB au niveau des pôles de développement dans la région Amoron'i Mania

Numéro d'identification OPEN : MDG-2000001492-0947-CS-QCBS

19/09/2026

🌾🤝 FIVORIANA FANAO ISAN-TELO VOLANA HO AN’NY EKIPAN’NY TRANOBEN’NY TANTSAHA MPAMOKATRA MATSIATRA AMBONY (TTMR-HM)

Notanterahina ny 16, 17 ary 18 Septambra 2026 tao amin’ny efitrano malalaky ny TTMR-HM, Tanambao Fianarantsoa, ny fivori, izay natao hanamafisana ny fandrindrana sy ny fiaraha-miasa eo amin’ireo mpiara-miombon’antoka sy ireo mpisehatra rehetra eny ifotony.
👥 Mpandray anjara :
✅ Solontenan’ny DRASA
✅ Mpikambana 04 ao amin’ny Filankevi-pitantanana (CA) TTMR-HM
✅ Solontenan’ny CCI, ORN, CIP, AFAFI ary AKAO
✅ Responsable Technique (RT), Responsable Suivi-Évaluation (RSE), Assistante Administratif et Financier (AAF)
✅ Mpanara-maso (Superviseurs) miisa 04
✅ CGEAF miisa 49
📌 Lohahevitra lehibe noresahina nandritra ny fivoriana :
🌱 Famelabelarana momba ny famokarana masomboly sy ireo teknika fambolena ampiharina eny ifotony.
🌾 Fampahafantarana sy fifanakalozana momba ny zava-bita sy ny fanamby amin’ireo sehatra iasana.
🏗️ Fampahafantarana momba ireo fotodrafitrasa sy asa fampandrosoana tanterahina eny ifotony, notarihin’ireo tompon’andraikitra.
📊 Fanatsarana ny fitantanana tahirin-kevitra sy ny fanaraha-maso ny zava-bita.
🤝 Fizarana traikefa sy paikady hahatratrarana ireo tanjona napetraka amin’ny telovolana manaraka.
🎯 Ity fivoriana ity dia natao hanamafisana ny firaisan-kina sy handrindrana ny fiaraha-miasan’ireo mpisehatra rehetra, mba hahafahana manatsara hatrany ny fanohanana sy ny tolotra omena ny tantsaha mpamokatra ao amin’ny Faritra Matsiatra Ambony.
✨ "VELON-TENA MIVADIKA HO HARENA NO KENDRENA" ✨