Pejy Pot'enciel Organizing

05/07/2026

👉 Beazo re ny zaza

◼️ Ny biby raha ompiana
Dia tsy dia ahiana
Fa avoaka ny maraina
Vokisana tsy halaina.

◼️ Ampidirina ny hariva
Ny masoandro efa iva.
Tsaboina raha marary
Dia izay hatrany hatrany.

👉 Ny zanatsika kosa
Tsy biby re fa olona
Tsy velomina dia izay
Fa beazina hahay.

🔷 Hahalala ny ratsy sy ny tsara,
Ny tsy mety, ny voarara.
Hahay ny fomba sy ny fady,
Handray andraikitra sahady.

🔷Toroina sy anarina
Ho zaza tena vanona.
Tefena sy ofanina
Mba ho lasa olom-banona.

📝 Pot'enCiel Organizing (PCO)

28/06/2026

⚡Raha sendra...,

Toa manjavozavo ve ny tontolo misy anao?
Misy aloka eo akaiky; ny raho-mainty mitatao?

🌼 Be dia be ireo soa sy tsara ao aminao
📝 Etsy ange mba tanisao
🍁 Fa tara-baliaka hampisondrotra avo anao!

25/06/2026

➡️673 ny isan'ireo trangan'ny fanolanana ofisialy navoakan'ny Ministeran'ny Fitsarana ny taona 2023,
➡️Vehivavy 4 isan'andro no nitory fa voaolana teny anivon'ny Fitsarana, ankizy tsy ampy taona ny ankamaroany ny fiandohan'ny taona 2024,
➡️Fianakaviana akaiky ny ankamaroan'ny mpanolana,
➡️75% ny vehivavy tratran'ny herisetra koa anefa no tsy manao fitarainana na mangataka fitsaboana fa menatra ny fiarahamonina 🥹 (FNUAP).
🚫Raha tena mitaraina daholo izany ny vehivavy sy ny tovovavy, zazavavikely rehetra voaolana dia mety ho firy ny isa marina?
🚫Efa misy tovolahy sy zazalahy koa aza ankehitriny.
🚫 Simba ny fiarahamonina sy ny fianakaviana :
❌ mifampiafinafina,
❌ mifampiaro @ ratsy,
❌ mitondra ratra am-po ny vehivavy sy tovovavy kely maro tsy afaka miteny 😭
Laingo Razafiarison

Sary nindramina

21/06/2026

18/06/2026

🙏🙏Tsy dokotera aho tompoko, tsy manam-pahaizana momba ny fiarahamonina,
fa mahatsikaritra ny fahamarinan'ireto antotan'isa voalaza manaraka ireto =
➡️75% ny tanora eo anelanelan'ny 15 ka h@ 19 taona no misotro toaka eto Madagasikara
➡️ 40 ka h@ 55 taona no maty ny ankamaroan'ny olona nanomboka nisotro toaka t@ fahatanorany,
➡️ olona 400 tapitrisa maneran-tany no misy fahavoazana ara-tsaina na ara-batana noho ny toaka.
➡️ maherin'ny 4000 isan-taona izany hoe 333 isam-bolana ny olona matin'ny lozam-pifamoivoizana noho ny fahamamoan'ny mpitondra (fiara na moto) eto Madagasikara.
Etsy ankilany anefa,
❌ maherin'ny 60% ny vahoaka malagasy no latsakin'ny 25 taona.
🙏 Ho aiza izany ny firenentsika, raha ny antsasamanilan'ilay vahoaka ao aminy no SANATRIA zara raha hahatratra 55 taona?
❌ Na olona mety marary vavony, tosidra, aty, homamiadana, marary saina sns noho ny toaka?

(Allafrica.fr, 2424mg, revue-irs.com, www.ouest-france.fr, OMS, ratio données Ministère du transport, INSTAT )

13/06/2026

🍀 Etsy ange,

🍀 Ho antsika izay mijery
Irianay mba tsy ho very
Ny fandalovana eto
Ka tsiahivinay ireto:

🍀 Santionan'ireo asa
Ifantohanay ka ... asa?
Raha misy mahaliana anao
Eto z'hay handray anao.

🍀 Fanabeazana ny ankizy
Mba hahaizany mifidy
Izay tsara sy mety aminy
Hanomanany ny ho aviny.

🍀 Fampiofanana tanora
Tonga taona, tonga ora
Ka hanorin-tokantrano
Tena izy fa tsy angano.

🍀 "PCO" ilay fikambananay
Te hizara izay kely anananay
Ho antsika rehetra, na tanora na lehibe
Manasa anao hatrany àry hanaraka ny Pejy e!

07/06/2026

👉 Misy vokany daholo na tsara na ratsy ny fahazarana volentsika isan'andro.

👉 Tompon-tsafidy isika amin'izay ataontsika.

25/05/2026

👪 Ankohonana 👪

🔸"Fitambaran'ny ray sy ny reny ary ny zanaka no atao hoe ankohonana".

🔸Natao hifameno tokoa ireo ao an-tokantrano ary tena samy manana ny lanjany:

🔸N'inon'inona ady sarotra,
na ny tampoka tsy ferana,
dia ny ray no vahaolana,
ilay "Andry ianteherana".

🔸Ny vehivavy indray
ilay hoe "Ravaky ny tokantrano"
dia mampody tsikitsiky,
ianao iny kamokamo.

🔸Ny ray aman-dreny
Ilay "Masoandro amam-bolana":
Mitondra hazavana
ka mamelom-panantenana,
na dia haizina aza
no sendra ireto zaza.

🔸Ireo "Silaky ny aina"
"Kiady sy rehareha"!
Mamelom-panantenana
N'aiza n'aiza no aleha.

03/05/2026

🔵 ATSIPY NY TENY ...

🔵 Toe-tsaina mahavoa!
Ny miandry ny hafa hanao soa
Miandry ny hafa mba hitsetra
Dia mipetra-dava tsisy fetra.

🔵 Toe-tsaina mampahantra!
Ny miandry ny hafa mba hiantra
Fa tsy miezaka mitady
Mba mifofotra sy miady.

🔵 Toe-tsaina mampahory!
Ny fisafidianana hatory
Manoloana ny aretina
Ka Tsy tsaboina fa iaretana!

🔵 Toe-tsaina mampietry
Raha hakanosana no asetry
Ny fahavalo midingin-drambo
Mitondra loza sy antambo.

Pot'enciel Organizing (PCO)