Maro ireo mailaka voarainay manontany mahakasika ity Malagasy Youth for Sustainable Development (MY SD) na Ny Tanora Malagasy ho an’ny Fampandrosoana Maharitra ity. Ny MY SD dia vondrona na vovonana tanora, fikambanana tanora Malagasy maniry na miasa ho an’ny fampandrosoana maharitra an i Madagasikara. Ny tanjon’ny MY SD dia ny hampiseho fa afaka ho tompon’andraikitra feno ho an’ny fampandrosoana
ny Tanora Malagasy. Hahatontosa izany dia mikatsaka hatrany ny MY SD ny hampahafantatra ny Tanora Malagasy ireo fiofanana na eto antoerana na any ivelany, hanamafy ny fahaizana sy ny fahalalan’ny Tanora Malagasy, hizara ireo tambazotra afaka mamatsy vola ny tetikasan’ny fikambanan’ny Tanora , hampafantatra ny fikambanana tanora eto Madagasikara ahafahana miditra ho mpikambana, hizara ireo traikefan’ny samy fikambanan’ny Tanora eto Madagasikara, ary hampifandray ny Tanora Malagasy amin’ny vovonana tanora any ivelany. 60% n’ny mponina eto Madagasikara dia Tanora avokoa, ny MY SD dia mino fa Tanora manana ny mahaizy azy avokoa ireo ary afaka mandroso sy mampandroso an i Madgasikara. Matetika anefa dia hodian-tsihita na takona ny hetsika sy ny herin’ny tanora ka ity MY SD ity dia sehatra anehoana ny herin’ny Tanora Malagasy amin’ny Fampandrosoana Maharitra. Raha mbola misy ny fanontaniana dia alefaso amin’ny mailaka [email protected]. Izay tanora manam-pikasana iditra ho mpikirakira ity MY SD ity dia raisina antanan-droa n’aiza n’aiza ny faritra misy anao eto Madagasikara. Misy Komity maromaro afaka idirana ato toy ny : fifandraisana “Communication”, fiaraha-miasa sy fitadiavam-bola “Partenariat et recherche financement”, Fiofanana « renforcement de capacité et formation » ary ny koltoraly « culturel ». Alefaso amin’ny mailaka [email protected] ny anarana sy ny laharana ahazoana anao.
