30/07/2026
Isaorana sy ankalazaina Andriamanitra Tsitoha, fa Izy no nitarika sy niaro ny Fiangonana nandritra izao dingana rehetra izao .
Maneho fankasitrahana feno ihany koa izahay ho an’ireo manam-pahefana, noho ny fihainoana ny andaniny sy ny ankilany, ny fandraisana andraikitra ary ny fikatsahana vahaolana am-pilaminana.🙏
📌📌📌 Araka ny toromarika nomen’ny manam-pahefana, dia tapitra ny fe-potoam-piasan’ny Filankevitra Mpitantana (CA), ary hatsangana ny Mpiara-mitantana hitantana vonjimaika ny raharaha, araka ny fepetra sy ny torolalana napetraka.
Manentana antsika rehetra izahay mba handray izany amin’ny fitoniana, fanajana ary firaisankina, sady hanohy hitondra am-bavaka ireo rehetra handray andraikitra amin’ity dingana vaovao ity.
🙏 Aoka isika tsy hitsahatra hivavaka, satria:
> “Raha miasa Aho, iza no hahasakana izany?”
— Isaia 43:13
Mino isika fa Andriamanitra no mitarika ny tantaran’ny Fiangonany, ary Izy ihany no hanome fahendrena sy hanokatra ny lalana mankany amin’ny fihavanana, ny fahamarinana ary ny fanarenana.❤️
Misaotra antsika rehetra noho ny faharetana, ny fitoniana, ny firaisankina ary ny vavaka tsy nitsahatra.
📢 Hampitaina eto amin’ity pejy ity hatrany ny tohin’ny raharaha sy ireo vaovao manaraka, raha vao misy fanazavana na fanapahan-kevitra vaovao voaray.
Ho an’Andriamanitra irery anie ny voninahitra! 🙏
