SK Association

24/10/2026

NY HO AVY NO HOAVY, NY ANKIZY NO HO AVY! 👧🏽👦🏽❤️

Tsy ampy ny miteny fa ny ankizy no hoavy .
Adidintsika anio ny miaro azy ireo, manabe azy, manome fahafahana hianatra ary mamorona tontolo ahafahany mitombo amim-pahamendrehana.

Ny ankizy tsirairay dia manana zo hahazo fanabeazana, fahasalamana, fiarovana ary fahafahana hampivelatra ny talentany. Tsy tokony ho sakana amin’ny hoaviny ny fahantrana, ny tsy fitoviana na ny toerana nahaterahany.

🤝 Izany no anisan’ny andraikitra tian’ny SK Social Key Association hasongadina: ny fandraisana andraikitra ara-tsosialy, ny fanohanana ny ankizy ary ny fandraisana anjara amin’ny fananganana taranaka manana fahalalana, soatoavina ary fahafahana hanorina ny hoaviny.

Tsy voatery ho zavatra lehibe avy hatrany ny fanampiana. Mety ho fanohanana ny fianarana, fanomezana fitaovana ilaina, fanentanana ny fiarahamonina, na fiaraha-miasa amin’ireo olona sy rafitra vonona hiaro ny zon’ny ankizy izany.

Ny ankizy tohanana anio dia mety ho mpampianatra, mpandraharaha, mpahay lalàna, mpitarika na mpamorona asa rahampitso.Tsy tokony hiandry ny ho lehibe vao omena lanja izy ireo; mendrika hotohanana dieny izao.

Ny fampandrosoana dia tsy refesina amin’ny harena amboarina fotsiny, fa amin’ny fiainana hatsaraina sy ny taranaka omena fanantenana ihany koa.

SK SOCIAL KEY ASSOCIATION
*Miara-mandray andraikitra, miaro ny ankizy, manomana ny hoavy.* ❤️🇲🇬



tarehimarika momba ny ankizy
Source : MICS 2025, INSTAT/UNICEF; ny taona sy ny sokajin-taona dia voafaritra isaky ny antontan’isa.

37% Fahatapahan’ny fitomboana
Ankizy latsaky ny 5 taona no tratran’ny fahatapahan’ny fitomboana, izay mifandray amin’ny tsy fahampian-tsakafo maharitra.

11% Tsy fanjarian-tsakafo mahery vaika
Ny tahan’ny fahamiazana (émaciation) amin’ny zaza latsaky ny 5 taona tamin’ny 2025, araka ny tatitra momba ny MICS 2025.

49% Vaksiny
Ny tahan’ny fandrakofana vaksiny amin’ny ankizy 12–23 volana.

17% Tsy mbola vita vaksiny mihitsy
Ankizy 12–23 volana no tsy nahazo vaksiny mihitsy, araka ny MICS 2025.

27% Vaksiny feno
Ny tahan’ny ankizy 24–35 volana nahazo ny vaksiny feno.

75% Fahafahana mianatra eny amin’ny ambaratonga fototra
Tahan’ny fanatrehana sekoly ambaratonga fototra rehefa ahitsy araka ny taona tokony hianarana.

47% Fahavitan’ny ambaratonga fototra
Ankizy mahavita ny tsingerim-pianarana fototra. Mampiseho ny olana amin’ny fahatapahan’ny fianarana izany.

85% Famaizana misy herisetra

Ankizy 1–14 taona iharan’ny fomba famaizana misy herisetra ara-batana na ara-tsaina.

80% Fisoratana anarana amin’ny sora-piankohonana
Ankizy voasoratra ara-panjakana ny fahaterahany, araka ny tatitra ofisialin’ny MICS.

Antontan’isa hafa mifandraika amin’ny fiarovana sy ny fiveloman’ny ankizy:

- 27% amin’ny ankizilahy 5–17 taona sy 24% amin’ny ankizivavy 5–17 taona no tafiditra amin’ny asa ataon’ny ankizy (travail des enfants), araka ny famintinana ny MICS 2025.


- 25% amin’ireo ankizy voakasik’io antontan’isa momba ny asa io no voalaza fa manao asa mampidi-doza.


- 42% amin’ny vehivavy 20–24 taona no efa nanambady na niara-nonina tamin’ny vady talohan’ny faha-18 taonany. Ity dia mari-pandrefesana momba ny fanambadiana aloha loatra, fa tsy tahan’ny ankizy rehetra.


- 30,2% amin’ny ankizy latsaky ny 18 taona no miaina amin’ny tokantrano nahazo fanampiana ara-tsosialy tao anatin’ny telo volana farany; 34% ho an’ny ankizivavy ary 29% ho an’ny ankizilahy.


- 73 isaky ny zaza teraka velona 1.000 ny taham-pahafatesan’ny zaza alohan’ny faha-5 taonany; 30 isaky ny 1.000 kosa ny taham-pahafatesana mandritra ny 28 andro voalohany aorian’ny fahaterahana.


- 18% amin’ny ankizy 7–14 taona no mahafehy ny fahaiza-mamaky teny fototra; 13% no mahafehy ny fahaiza-manao kajy fototra, araka ny famintinana navoakan’ny Moov momba ny MICS 2025.

21/10/2026

POLITIKAM-PIRENENA MOMBA NY FAMPIASAM-BOLAM-PANJAKANA NATIONALE DES INVESTISSEMENTS PUBLICS #(PNIP)


Ny Alatsinainy 19 Oktobra 2026, tao amin’ny Grand Amphithéâtre, Faculté EGS, Ankatso, dia nanatrika ny fanokafana tamin’ny fomba ofisialy ny fifanakalozan-kevitra ara-teknika ho fanomanana ny Politikam-pirenena momba ny Fampiasam-bolam-panjakana (PNIP), niaraka tamin’ny Primatiora Andriamatoa Filoha SK Madagascar FITIAVANJAHARY Juriste Stephane Kennedy amin'ny mpandray anjara tekinika Politologue azy .

Ny lanonana dia notarihin’Andriamatoa Praiminisitra, Lehiben’ny Governemanta, Mamitiana Rajaonarison, ary natrehan’ireo minisitra, manampahefana ambony ary solontena avy amin’ny sehatra samihafa , ka anisany nanatrika izy amin'ny Filoha mpitarika firaisamonimpirenena azy .

Ho Izy : tsy fandraisana anjara amin’ny dinika ara-teknika fotsiny izao, fa fandraisana andraikitra amin’ny fanorenana ny hoavin’i Madagasikara . Amin’ny maha Juriste Politologue ahy, sy amin’ny maha mpandraharaha ary amin’ny sehatry ny fampandrosoana ny tanora ahy, dia inoako fa tokony hiainga amin’ny filàn’ny vahoaka ny politika ampiharina, ary hifarana amin’ny vokatra azo tsapain-tanana eo amin’ny fiainan’izy ireo.

NY FANONTANIANA LEHIBE: INONA NO TENA VOKATRY NY VOLA LANIN’NY FANJAKANA HO AN’NY VAHOAKA?

Tsy tokony hijanona ho tarehimarika ao anatin’ny tetibola, antontan-taratasy ara-panjakana na tetikasa vita tatitra fotsiny ny fampiasam-bolam-panjakana.

Tokony ho hita amin’ny fiainan’ny Malagasy izany: sekoly manome fanabeazana tsara kokoa, tobim-pahasalamana mahavaly ny filàn’ny mponina, lalana manamora ny fivezivezena sy ny varotra, rano sy angovo azo antoka, famokarana mitombo, ary indrindra asa sy fidiram-bola ho an’ny tanora sy ny fianakaviana Malagasy.

Raha misy vola ampiasaina nefa tsy tsapan’ny mponina ny vokatra azo, dia tsy maintsy dinihina indray ny fomba famaritana ny laharam-pahamehana, ny fanatanterahana ny tetikasa ary ny fanaraha-maso ny vokatra.

KA NY FILÀN’I MADAGASIKARA NO TOKONY HIAINGAN’NY FANAPAHAN-KEVITRA

Anisan’ny hevi-dehibe hasongadin’ny PNIP ny fananana vina mazava, ny famaritana ny tena laharam-pahamehana ary ny fampiasana ny volam-panjakana mifanaraka amin’ny tombontsoam-pirenena.

Tsy tokony ny fisian’ny famatsiam-bola no hamaritra irery izay tetikasa hatao, fa ny filàn’ny firenena sy ny vokatra andrasana aminy. Ilaina ny fiaraha-miasa amin’ireo mpiara-miombon’antoka ara-teknika sy ara-bola, saingy tokony hanana vina mazava sy laharam-pahamehana voafaritra araka ny zava-misy eto Madagasikara ny Fanjakana.

Ny fampiasam-bolam-panjakana mahomby dia tsy refesina amin’ny habetsahan’ny vola lany, fa amin’ny kalitaon’ny vokatra azo sy ny fiovana entiny eo amin’ny fiainan’ny olom-pirenena.

Izany no antony maha-zava-dehibe ny fitantanana mangarahara, ny fandraisana andraikitra, ny fanaraha-maso hentitra ary ny fanombanana ny tena vokatra azo avy amin’ny tetikasa tsirairay.

KA NY FAMPANDROSOANA DIA TOKONY HAMORONA ASA SY HANAMAFY NY TOEKARENA

Amin’ny maha mpandraharaha ahy hoy Izy , dia mino aho fa tokony hampifandray ny fampiasam-bolam-panjakana amin’ny fampiroboroboana ny sehatra mamokatra, ny fanohanana ny orinasa Malagasy, ny fampandrosoana ny faritra ary ny famoronana asa maharitra.

Ary aminy maha mpitarika fikambanana azy hoy Izy dia mahatsampa fa :
Tsy ampy ny manangana fotodrafitrasa raha tsy misy fiantraikany amin’ny famokarana sy ny fiveloman’ny mponina izany. Tsy ampy ny mampiofana tanora raha tsy misy ezaka hampifanarahana ny fahaiza-manaony amin’ny filàn’ny tsenan’asa sy ny sehatry ny famokarana.

Noho izany, tokony ho laharam-pahamehana ny fampiasam-bola izay mampitombo ny harinkarena, manatsara ny fidiram-bolan’ny tokantrano, mampivelatra ny famokarana eto an-toerana ary manome toerana lehibe kokoa ny tanora amin’ny fampandrosoana ny firenena.

DINIKA SIVY HERINANDRO: FOTOANA HAMETRAHANA FOTOTRA MAHARITRA

Ny fifanakalozan-kevitra ara-teknika, izay kasaina haharitra sivy herinandro, manomboka ny 19 Oktobra ka hatramin’ny 18 Desambra 2026, dia fotoana iray lehibe hanangonana ny hevitra sy ny fahaiza-manaon’ireo andrim-panjakana, ministera, faritra, sehatra tsy miankina, fiarahamonim-pirenena, oniversite ary mpiara-miombon’antoka.

Tokony havadika ho tolo-kevitra mazava, laharam-pahamehana azo tanterahina ary rafitra fanaraha-maso mahomby ireo fifanakalozan-kevitra ireo. Ny tanjona dia ny hanana politika tsy mijanona ho soratra, fa lasa tari-dalana amin’ny fanapahan-kevitra sy ny asa tena tanterahin’ny Fanjakana.

🕊️ « KATSAHO IZAY HAMPIADANA AN’I MADAGASIKARA, FA RAHA HITANAO IZANY DIA HIADANA KOA IANAO. »

Hafatra nambaran’Andriamatoa Praiminisitra tamin’ny famaranany ny lahateniny izany, ary hafatra ekeko tanteraka amin’ny maha olom-pirenena sy mpandray anjara amin’ny fampandrosoana ahy .

Mampahatsiahy antsika izy fa tsy tokony ho tombontsoan’olon-tokana no hitarika ny asa sy ny fanapahan-kevitra, fa ny tombontsoan’ny firenena sy ny fanatsarana ny fiainan’ny Malagasy.

Ny fampandrosoana an’i Madagasikara dia andraikitra iombonana. Mitaky vina, fahaiza-manao, fahitsiana, fahasahiana mandray andraikitra ary fahavononana hametraka ny tombontsoam-bahoaka ho lohalaharana.

Ny fanamby dia tsy ny handany ny volam-panjakana fotsiny, fa ny hahatonga izany ho loharanon’ny fampandrosoana, ny famoronana asa ary ny fanatsarana marina ny fiainan’ny Malagasy.

Vonona hatrany aho hitondra ny anjara birikiko ara-teknika sy ara-kevitra amin’ny famolavolana politika sy paikady mifototra amin’ny filàn’ny firenena, ny tanora , fampiroboroboana ny sehatra mamokatra, ny famoronana asa ary ny fanamafisana ny fitantanana mangarahara sy tompon’andraikitra.

Madagasikara aloha. Ny tombontsoan’ny vahoaka no tanjona. Ny vokatra mivaingana no porofon’ny asa.

Stéphane Kennedy FITIAVANJANAHARY
Juriste Politologue
Président Directeur Général — SK Social Key Madagascar Group
Filoha Nasionalin’ny Tanora J-RALI

14/10/2026

Tahan’ny tsy fananan’asa 5,2% , ny tahan’ny tanora 24,4% tsy miasa, tsy mianatra ary tsy miofana 🥹

Mampieritreritra ny antontan’isa momba ny fampivelarana ny fahaiza-manaon’ny tanora sy ny famoronana asa eto Madagasikara.

Manodidina ny 420 000 isan-taona ny tanora miditra amin’ny tsenan’ny asa eto Madagasikara araka ny tombana navoakan’ny Banky Iraisam-pirenena momba ny "Madagascar Youth Skills for Economic Transformation and Jobs Project ka nefa dia tena vitsy no manana ny fahaizamanao mifanaraka amin'ilay asa, na ny fianarana na ny fiofanana ; 1,5 tapitrisa eo ho eo na 24,3% amin’ny tanora 24 taona no voakasik’izay .ka miteraka fanamby amin’ny fahamarinan-toeran’ny asa sy ny fiarovana ara-tsosialy eo amin’ny tanora miasa.

Izany no antony anohizako hatrany ny ezaka amin’ny fampiroboroboana ny sehatra ara-teknika sy ara-toekarena, ny maha-zava-dehibe ny fanamafisana ny fiofanana arak’asa, ny fampivelarana ny fahaiza-manao ny tanora ary ny famoronana asa maharitra ho an’ny tanora mifanaraka amin'ny fihofanana sy fianarana ary ny fametrahana tetezana mampifandray ny fiofanana, ny fandraharahana ary ny tontolon’ny asa

98,9% amin’ny tanora miasa no voalaza fa miasa ao anatin’ny sehatra tsy ara-dalàna na Maherin’ny 60% amin’ireo tanora miasa ao anatin’ny sehatra tsy ara-dalàna no miasa amin’ny fambolena izay ambany ny vokatra ara-toekarena.

Eo amin’ny tahan’ny tanora miasa, ny antontanisa dia manondro ny 58,1% ho an’ny sokajin-taona 24 taona . Hita koa ny elanelana eo amin’ny lahy sy ny vavy: 53,7% ho an’ny tovovavy ary 62,7% ho an’ny tovolahy.

Ireo antontan’isa ireo dia mampiseho fa tsy ny tsy fahampian’ny asa ihany no olana, fa eo koa ny fahamarinan-toeran’ny asa, ny kalitaon’ny asa, ny fampifanarahana ny fahaiza-manao amin’ny filàn’ny tsena ary ny fahafahan’ny tanora mahazo asa mamokatra sy mendrika.

Tsy ampy ny manana diplaoma raha tsy misy sehatra ahafahana mampihatra ny fahalalana. Tsy ampy ny manolotra fiofanana raha tsy misy fifandraisana amin’ny orinasa sy ny tsena. Ary tsy ampy ny mampirisika ny tanora hiroso amin’ny fandraharahana raha tsy misy ny fahaiza-manao, ny fitaovana, ny tari-dalana ary ny fahafahana ilaina hanombohana sy hampivelarana izany.

Mila mampifandray akaiky kokoa ny ivon-toeram-piofanana sy ny orinasa isika. Mila mamantatra ny tena filàn’ny tsena, mampiroborobo ny famokarana eto an-toerana, manohana ny fandraharahana ary manamora ny fidiran’ny tanora amin’ny fahafahana ara-toekarena.

Mila jerena manokana ihany koa ny tanora any ambanivohitra, izay afaka mandray anjara betsaka amin’ny fambolena, ny fiompiana, ny fanodinana vokatra, ny varotra ary ny fampandrosoana ny toekarena eny ifotony.

Tsy ny fitadiavana vahaolana amin’ny tsy fananan’asa ihany no tokony hataontsika, fa ny fananganana tontolo ara-teknika sy ara-toekarena afaka mamorona asa vaovao hatrany.

Hoy Andriamatoa Filoha ny SK Association
Stéphane Kennedy FITIAVANJANAHARY
Juriste Politologue
Président Directeur Général — SK Social Key Madagascar Group

🇲🇬

10/10/2026

FAHAIZAMANAO AZO TSAPAIN-TANANA

Miezaka hatrany aho mitondra ny anjara biriky amin'ny fanomezana sehatra ny tanora
mba hampivelatra ny fahaiza-manaony, anisan'izany ny eo amin’ny sehatry ny varotra, ny fandraharahana ary ny tontolon’ny asa miaraka amin'ny ekipan'ny SK Social Key Madagascar-Group

Ny tanjona dia mazava: tsy hijanona ho mpisehatra amin'ny asa fotsiny ny tanora, fa hanana fahaiza-manao, traikefa ary fahafahana hamorona asa tsara sy handray anjara amin’ny fampandrosoana ny orinasa.

Mino izahay fa rehefa omena fiofanana, tari-dalana ary fahafahana ny tanora, dia afaka mamadika ny talentany ho vokatra azo tsapain-tanana.

Ny tanora tsy tokony ho raisina ho olana eo amin’ny tsenan’ny asa, fa ho vahaolana sy hery mitondra ny fampandrosoana ara-toekarena.

Manofana, mampivelatra fahaiza-manao ary manokatra lalana ho amin’ny hoavy.

Stéphane Kennedy FITIAVANJANAHARY
Président Directeur Général — SK Social Key Madagascar Group

10/10/2026

**TETIKASA « FEON’NY TANORA TANTSAHA » — TSY HO ELA ETO AMIN'NY RADIO RALI 102.4 FM !**

Ny tanora tantsaha tsy tokony hijanona ho mpihaino fotsiny, fa tokony hanana sehatra hanehoana hevitra, hamolavolana vahaolana ary handray anjara mivantana amin’ny fampandrosoana ny tontolo ambanivohitra.

🎙️Tsy hijanona ho fandaharana amin’ny Radio RALI fotsiny ny « Feon’ny Tanora Tantsaha »

Ho sehatra iray hampifandraisana ny feon’ny tanora amin’ny hetsika sy drafitrasa mivaingana eny ifotony izy, mba hahafahan’ny tanora tantsaha maneho ny olany, mizara ny heviny, mamantatra ny filàny ary mamolavola vahaolana mifanaraka amin’ny zava-misy iainany.

Ny tanjona dia ny hanova ny hevitra ho asa, ny hetaheta ho tetikasa, ary ny fandraisana anjara ho vokatra azo tsapain-tanana eny anivon’ny kaominina sy ny distrika.

Satria mino izahay fa tsy tokony hohadinoina ny feon’ny tanora any ambanivohitra, fa tokony hohenoina, horaisina ary havadika ho hery manosika ny fampandrosoana.

**FEON’NY TANORA TANTSAHA : Mihaino ny feo, manangana vahaolana, manova ny eny ifotony!**

Tsy ho ela ! Ka dia miomana ny tanora tantsaha, satria anjaran’izy ireo koa ny manorina ny hoavin’ny ambanivohitra sy ny firenena.

Hoy Andriamatoa Filoha ny SK Juriste Stéphane Kennedy FITIAVANJANAHARY
Filoha Nasionalin’ny Tanora J-RALI Jeune Rassemblement des Agriculteurs Libres et Indépendants*

16/09/2026

TETIKASA FEON’NY TANORA TANTSAHA

Hoy Andriamatoa Filoha SK Madagascar no sady Filoha Nationaly J- RALI Juriste Stephane Kennedy :

Nandritra ny fivoriana niarahako tamin’ireo Mpandrindra ny Tanora RALI sy ireo Mpandrindra ny RALI Faritra Vakinankaratra, dia nifantoka tamin’ny fomba azo ampiharana eny ifotony ireo drafi-pampandrosoana sy programan’asan’ny J-RALI izahay, ka indrindra ny tetikasa nasionaly izay tarihiko amin'ny Maha Filoha Nationaly J- RALI ahy.

« FEON’NY TANORA TANTSAHA »
Tetikasa iray natao ho sehatra hanehoan’ny Tanora eny amin’ny tontolo ambanivohitra ny heviny, ny olany, ny filàny ary ny soso-keviny, ary indrindra hanolorany vahaolana mifototra amin’ny zava-misy iainany.

Tsy tokony ho mpijery fotsiny ny Tanora.
Tokony ho mpandray anjara amin’ny famolavolana ny vahaolana ho an’ny hoaviny izy.

Izany indrindra no antony hametrahana paikady ahafahan’ny « Feon’ny Tanora Tantsaha » mipaka any amin’ny Distrika sy Kaominina, Fokontany mba tsy hijanona ho hevitra an-taratasy fotsiny, fa ho lasa fifanakalozan-kevitra sy hetsika azo tanterahina eny anivon’ny fiarahamonina.

Ao anatin’izany, ny Radio RALI 102.4 FM ao Vakinankaratra dia afaka mitondra anjara toerana lehibe amin’ny fampitana ireo feon’ny Tanora, ny olana hita eny ifotony ary ireo soso-kevitra sy vahaolana aterak’izy ireo.
Ireo antontan-kevitra sy hevitra voaangona dia azo tehirizina sy harindra, ka haroso amin’ny fotoana sy sehatra mifanaraka amin’izany.

Tsy Vakinankaratra ihany anefa no tanjona.
Ny J-RALI dia mikendry ny hampivelatra izany fomba fiasa izany any amin’ireo Faritra
Distrika sy Kaominina , Fokontany rehetra manerana an’i Madagasikara, satria samy manana ny zava-misy, ny harena, ny olana ary ny vahaolana azo avy eny ifotony ny Faritra tsirairay.

Noho izany, dia manao antso ho an’ireo fikambanana, vondrona, tambajotra ary rafitra tanora manerana ny Nosy izahay mba hifanakalo hevitra sy hifandray ao anatin’ny J-RALI, amin’ny fanajana ny fahasamihafana misy eo amintsika.

Ny fampandrosoana maharitra dia tsy tokony ho drafitra midina avy any ambony fotsiny; tokony hiorina amin’ny feo, ny traikefa, ny fahaiza-manao ary ny hetahetan’ny vahoaka eny ifotony.

“Raha tiana ho re ny feon’ny Tanora, dia tsy maintsy omena sehatra izy. Raha tiana hivoatra ny tontolo ambanivohitra, dia tsy maintsy ampandraisina anjara ny Tanora monina sy miasa ao aminy.”

Avy eny ifotony ny feo.
Avy amin’ny Tanora ny hevitra.
Avy amin’ny firaisankina ny hery.
Ary ny tanjona dia Madagasikara mandroso sy maharitra.

SK 🇲🇬

10/09/2026

Tanora SK Association izay anisan’ireo 𝐓𝐀𝐍𝐎𝐑𝐀 𝟏 𝟓𝟎𝟎 𝐊𝐀𝐒𝐀𝐈𝐍𝐀 𝐇𝐈𝐒𝐈𝐓𝐑𝐀𝐊𝐀 𝐀𝐒𝐀 𝐒𝐘 𝐅𝐈𝐎𝐅𝐀𝐍𝐀𝐍𝐀 𝐀𝐑𝐀-𝐓𝐄𝐊𝐍𝐎𝐋𝐎𝐉𝐈𝐀 avy amin’ny SK Group🇲🇬

Amin’ny maha Filoha Tale Jeneralin’ny SK Social Key Madagascar Group an’Andriamatoa Filoha SK Association dia nametraka laharam-pahamehana ny hampisitraka ireo tanora anaty Fikambanana SK amin’ity famoronana asa sy fiofanana ara-teknolojia ity.

Ny tanora ao amin’ny SK Association dia tsy hijanona ho mpitazana fotsiny, fa ho isan’ireo hahazo sehatra, hianatra, hiasa ary hivoatra.

Satria ny tanora tsy mila teny fotsiny.
Mila asa.
Mila fiofanana.
Mila sehatra.
Mila fahafahana hanangana ny hoaviny.

✍🏻 Stéphane Kennedy FITIAVANJANAHARY
PDG SK Social Key Madagascar Group

𝐓𝐀𝐍𝐎𝐑𝐀 𝟏 𝟓𝟎𝟎 𝐈𝐍𝐃𝐑𝐀𝐘 𝐍𝐎 𝐊𝐀𝐒𝐀𝐈𝐍𝐀 𝐇𝐈𝐒𝐈𝐓𝐑𝐀𝐊𝐀 𝐀𝐒𝐀 𝐒𝐘 𝐅𝐈𝐎𝐅𝐀𝐍𝐀𝐍𝐀 𝐀𝐑𝐀-𝐓𝐄𝐊𝐍𝐎𝐋𝐎𝐉𝐈𝐀

Tsy afaka miresaka fampandrosoana isika raha mbola maro ny tanora Malagasy tsy mahita asa.

Rehefa mahazo asa ny tanora, dia miakatra ny fidiram-bolan’ny tokantrano.
Rehefa mahazo asa ny tanora, dia mihena ny fahakiviana sy ny fahaverezan-kevitra.
Rehefa mahazo asa ny tanora, dia mihena ny fahantrana, mihena ny tsy fandriampahalemana, ary mitombo ny fahatokisana ny ho avy.

Izany indrindra no antony hanohizako,ny fitondrana anjara biriky amin’ny fampiroboroboana ny tanora Malagasy hiditra amin’ny sehatry ny asa ; ka amin’ny maha Filoha Tale Jeneralin’ny SK Social Key Madagascar-Group ahy ,dia nandray fanampahankevitra niaraka tamin’ny ekipa fa hanome sehatra ireo tanora mitady asa na dia raha misy tanora hita sy tsampa fa tena vonona hihofana , hiasa ary hivoatra.

Satria mino isika fa tsy ny diplôme irery no mamaritra ny hoavin’ny olona, fa ny finiavana, ny fahavononana, ny fahaizana mianatra ary ny fahafahana omena azy.

Amin’ity dingana vaovao ity ,amin’ny maha tanora Mpitarika,mpitarika vondrona orinasa ahy ,

Ny tanjona dia mazava :

Hataontsika laharam-pahamehana ny famoronana asa ho an’ny tanora Malagasy manerana ny faritra eto Madagasikara.
Ary ho fanombohana izany dia hisantatra amin’izany ny tanora manamorona ny :

📍 Antsirabe
📍 Antanifotsy
📍 Ambohimandroso
📍 Ambatolampy
📍 Antananarivo

Vita tanteraka ny RN7 dia mizotra isika amin’ny RN manaraka !

Araho hatrany ny pejy, satria hivoaka tsy ho ela eto sy ao amin’ny pejy ofisialin’ny SK Group ny antsipiriany rehetra momba ny fizotry ny fandaharan’asa.

Tsy mora ny mamorona asa.
Mila ezaka, fandaminana, fiofanana, fitantanana ary faharetana.

Fa raha samy miandry fotsiny isika, dia tsy hisy fiovana.

Raha samy mandray andraikitra kosa isika, dia afaka manova zavatra.

Amin’ny anaran’ny SK Social Key Madagascar Group, dia manamafy aho fa hanohy ny ezaka izahay amin’ny fanomezana sehatr´asa , indrindra ireo tanora mbola mila tosika, fiofanana ary fahafahana haneho ny fahaizany.

Satria ny tanora mahazo asa dia tsy olona iray ihany no voavonjy.
Fianakaviana iray no miarina.
Fiainana iray no miova.
Ary Firenena iray no mandroso tsikelikely.

𝐍𝐲 𝐟𝐚𝐦𝐨𝐫𝐨𝐧𝐚𝐧𝐚 𝐚𝐬𝐚 𝐡𝐨 𝐚𝐧’𝐧𝐲 𝐭𝐚𝐧𝐨𝐫𝐚 𝐝𝐢𝐚 𝐭𝐬𝐲 𝐬𝐚𝐟𝐢𝐝𝐲 𝐢𝐧𝐭𝐬𝐨𝐧𝐲.
𝐀𝐝𝐢𝐝𝐲 𝐢𝐳𝐚𝐧𝐲.
𝐀𝐫𝐲 𝐢𝐨 𝐚𝐝𝐢𝐝𝐲 𝐢𝐨 𝐧𝐨 𝐭𝐬𝐲𝐲 𝐦𝐚𝐢𝐧𝐭𝐬𝐲 𝐭𝐚𝐧𝐭𝐞𝐫𝐚𝐡𝐢𝐧𝐚.

✍🏻 Stéphane Kennedy FITIAVANJANAHARY
Président Directeur Général
SK Social Key Madagascar Group
Président National JRALI

🇲🇬

📢 Ataovy amin’ireo tanora fantatrao fa mitady asa, te hianatra ary maniry hivoatra.

31/08/2026

Atrikasa niarahan’ny SK sy ny RALI ho fampandraisana andraikitra ny tanora

Tsy ampy intsony ny hoe tanora manana nofy sy faniriana. Mila tanora vonona handray andraikitra, hifanakalo hevitra, hamolavola vahaolana ary hanatanteraka tetikasa isika, satria ny hoavin’ireo Tanora dia tsy zavatra andrasana fotsiny, fa zavatra atsangana dieny izao.

Izany indrindra no antony nanatanterahana ny atrikasa niarahan’ny SK sy RALI amin'ny alalan'ny JRALI JEUNE National J-Rali , izay nifantoka tamin’ny fanentanana sy fampandraisana andraikitra ny tanora, ary indrindra tamin’ny fametrahana sehatra ahafahan’izy ireo mampita ny heviny, mampiseho ny talentany ary mandray anjara mivantana amin’ny fanorenana ny hoaviny.

📢 ANTSO AVO HO AN’NY TANORA MALAGASY REHETRA
Ry tanora Malagasy,
Ry fikambanana sy vondron-tanora,
Ry réseau sy mouvement tanora manerana an’i Madagasikara,

Antso avo ho antsika rehetra, tsy ankanavaka, ny mba hifanome tanana sy handray anjara mavitrika amin’ny fanorenana ny hoavin’ny firenentsika.

Ny J-RALI Jeune National, amin’ny maha-sehatra nasionalin’ny tanora azy, dia manokatra ny varavarany ho an’ireo fikambanana, vondrona, réseau ary mouvement tanora manerana ireo faritra 24 eto Madagasikara.

Tsy sehatra hanangonana tanora fotsiny ny J-RALI, fa sehatra iray hampifandraisana ny hery, hampitomboana ny hevitra, hananganana tetikasa ary hampivoarana ny fandraisana andraikitra.

Ho anareo tanora isam-paritra: aza misalasala manatona ny biraon’ny RALI any amin’ny faritra misy anareo.
Aoka isika hifampiresaka, hifankafantatra, hampahafantatra ny traikefa sy ny tetikasan’ny fikambanana tsirairay ary indrindra hamolavola zavatra azo tanterahina ho an’ny tanora sy ny firenena.

TSY NY FAHASAMIHAFA NO TOKONY HAMPISARAKA ANTSIKA
Samy manana ny traikefany ny fikambanana tsirairay.
Samy manana ny talentany.
Samy manana ny heviny.
Samy manana ny vina sy ny tetikasany.

Tsy voatery hitovy hevitra amin’ny zavatra rehetra isika vao afaka miara-miasa.

Ny zavatra lehibe mampiray antsika dia ny faniriana hahita tanora Malagasy ho lasa hery mpanangana fa tsy ho taranaka miandry fotsiny.

Rehefa atambatra ireo hery samihafa ireo, dia afaka miteraka fiovana lehibe, mivaingana ary maharitra.

Tanora avy amin’ireo faritra 24, andeha isika hifanome tanana!

Tsy misy tanora tokony havela any aoriana.
Tsy misy faritra tokony hadinoina.
Tsy misy fikambanana tokony hijanona irery.

Andeha hampifandray ny hery.
Andeha hampitombo ny hevitra.
Andeha hanangana tetikasa.
Andeha handray andraikitra.
Ary indrindra, andeha hiara-hanorina an’i Madagasikara.

“Tsy ny taona maha-tanora antsika no hamaritra ny lanjan’ny anjara biriky entintsika, fa ny fahavononantsika handray andraikitra sy hametraka zavatra tsara ho lovan’ny taranaka.”

J-RALI – JEUNE NATIONAL
Rassemblement des Agriculteurs Libres et Indépendants

SK × J-RALI Tanora mandray andraikitra, tanora manorina ny ho avy.

✍️ Stéphane Kennedy FITIAVANJANAHARY Stéphane Kennedy Président Directeur Général SK "Social Key "Madagascar
Président National – J-RALI Jeune National


🇲🇬

29/08/2026

Andriamatoa Filoha SK 🇲🇬

29/08/2026

FEON’NY TANORA MAROLOKO
STUDIO SIFAKA

Tena fifaliana lehibe ho ahy ny nihaona sy nifampizara hevitra tamin’ireo solontenan’ny tanora mpianatra sy mpikaroka avy amin’ny faritra samihafa, androany Sabotsy 29 Aogositra 2026, tao amin’ny Studio Sifaka – Feon’ny Tanora Maroloko izay mandeha amin'ny Radio 60 manerana ny Nosy .

Tsy resaka fotsiny no nifampizaranay, fa fikarohana vahaolana manoloana ireo fanamby tena iainan’ny tanora Malagasy ankehitriny.

Anisan’ireo olana lehibe noresahinay ny mikasika ireo tanora hiditra amin’ny fampianarana ambony, indrindra ny olan’ny trano fonenan’ny mpianatra. Noho ny tsy fahampian’ny toerana, maro no voatery manofa trano, kanefa tsy mora ho an’ny fianakaviana maro ny miantoka izany.

Ary na ireo afaka manofa aza dia mbola mety hiatrika olana hafa: fahasarotan’ny vidin-kofany , tsy fahatomombanan’ny trano, tsy fahampian’ny fiarovana ary indraindray tsy fisian’ny antoka ampy ho an’ny mpanofa.

Olona maherin’ny telo lavitrisa eo maneran-tany no voakasiky ny krizin’ny trano fonenana araka ny tatitry ny firenena mikambana tamin’ny jolay 2026 teo. Olona 1,1 lavitrisa amin’ireo, izany hoe mihoatra ny iray amin’ny olona folo, no monina anaty trano tsizarizary na trano fonenana tsy mendrika. Ny tanora no isan’ny voakasik’izay olana izay. Manana asa, nefa tsy afaka manofa trano mendrika. Nahazo diplaoma, nefa mbola voatery miara-monina amin’ny ray aman-dreny. Miala any amin’ny faritra niaviana, hitady asa na hianatra eto Antananarivo, nefa mety handany ampahany betsaka amin’ny vola miditra ny hofan-trano.

Izany no tokony hampieritreritra antsika:

Raha tian’i Madagasikara ny hanana taranaka nahita fianarana sy afaka hanarina ny firenena, tsy maintsy jerena miaraka amin’izany koa ny tontolo iainan’ireo tanora mandranto fianarana.

Ny fahazoana miditra eny amin’ny oniversite dia dingana iray; ny fahafahana mianatra am-pilaminana sy amim-pahamendrehana kosa dia zo sy fanamby iray hafa.

Noho izany, ilaina ny fandinihana lalàna manokana hiarovana ny tanora mpianatra, indrindra ireo voatery manofa trano lavitry ny fianakaviany, mba tsy ho lasa sakana amin’ny fianarana ny olana ara-bola sy ara-pitobian-toerana.

Fa zavatra iray tena nahafaly ahy nandritra ity fifanakalozana ity:

TENA MANAMPAHAIZANA NY TANORA MALAGASY.
Manana hevitra .
Manana fahalalana .
Manana fahasahiana maneho hevitra .
Ary indrindra, manana fahafahana mandray anjara amin’ny famolavolana vahaolana ho an’ny firenena .

🎙️ “Feon’ny Tanora Maroloko” no anarany, ary tena nahatsapa aho androany fa maro tokoa ny lokon’ny feon’ny tanora Malagasy: samy hafa ny traikefa sy ny toerana niaviana, saingy afaka mitambatra ho hery iray mitady vahaolana ho an’i Madagasikara.

Ry tanora Malagasy,

Aza mieritreritra fa kely loatra ny feonao ka tsy misy lanjany.

Ny hevitrao androany mety ho vahaolana lehibe ho an’ny taranaka rahampitso.

Aoka isika tsy ho tanora mpijery fotsiny, fa ho tanora mpandinika, mpanolo-kevitra, mpamorona vahaolana ary mpandray andraikitra.

Rehefa omena sehatra ny tanora, tsy feo fotsiny no re fa mety hipoitra avy ao ny vahaolana ilain’ny Firenena.

Andao hifanakalo hevitra.
Andao hifampihaino.
Andao hitady vahaolana.
Ary indrindra, andao hiara-hanangana an’i Madagasikara. 🇲🇬🤝Hoy Andriamatoa Filoha ny SK Madagascar Juriste Stephane Kennedy

👇
https://www.facebook.com/share/p/1Eh1c7rP8X/