17/02/2026
Ilay reny mahantra nahiliky ny fiaraha-monina !!!
Tao amin'ny tanàna kely iray no nisy an'i Elise sy ny zanany lahy kely antsoina hoe Léo.
Hatramin'ny nahafatesan'ny vadiny, dia nivadika tamin'izy ireo ny tanàna. Nantsoin'izy ireo hoe "olona voaozona" izy. Ary na ny ankizy aza tsy avelan'ireo mpiara-belona milalao amin'ny zanany sy mifampitakosona aminy sao hono ifindran'ny fahantrany.
Tsy an'asa, nipetraka tao anaty trano bongo izay nitete ny tafony isaky ny oram-be, nanangona kitay i Elise no mba amelomany ny zanany ary vao maraina dia indreny izy mianaka kely mandeha maka kitay sy mivarotra izany amin'ny mpivarotra m**o sy café.
Indray hariva ririnina mangatsiaka be iny dia nankany amin'ny épicerie i Elise niaraka tamin'ny vola kely teny aminy hividy m**o ataon'izy mianaka sakafo hariva. Tsy nijery azy ireo akory ilay mpivarotra nandroaka azy:
"allez mandeha, mampitsoaka ny clients ianao!" hoy ilay mpanao m**o nanipy ny tapa-m**o.
Sady nihomehy no nanakora sy naneso azy ireo nanatrika teo
Teny an-dalana hody izy ireo dia nahita lehilahy antitra iray nipetraka teo amoron-dalana, nangovitra sy noana. Na dia teo aza ny hanoanany dia nijanona i Elise.
_ "Neny a, mangatsiaka kokoa noho isika izy," hoy i Leo.
Nitsiky tamin'alahelo i Elise ary nanolotra ny sombin-m**o tokana ho an'ilay vahiny.
_ "Inty tompoko. Andriamanitra no hanome izay ilaintsika." Niandrandra ilay lehilahy antitra tamin'ny maso manga mamirapiratra, nandray ny m**o ary nibitsibitsika hoe:
_ "Ny tany izay nolavin'ny rehetra matetika dia manafina ny volamena madio indrindra. Hadio izay tany itomanianao."
Raha nitomany noho ny havizanana tao ambadiky ny trano bongo izy, dia nahatsiaro ny tenin'ilay lehilahy antitra ka nanomboka nangady ny tany na dia tsy nanantena inona loatra aza.
Vao nangady kely fotsiny nefa izy dia namely zavatra mafy ny angadiny ka tapaka: vato lehibebe ihany no nahatapaka ny angadiny ka saika kivy izy nefa nibanjina ny lanitra sady nanainga ilay vato ary akory ny hagagany fa loharano mafana miavaka, manankarena mineraly tsy fahita firy, izay efa voasakana nandritra ny taonjato maro no niboiboika.
Naka rano teo izy nanondrahany ireo tanimboliny ka poa toy izay dia tsara ravina sy vokatra ery ny famboleny.
Nisy fotoana main'ny afo ny tongotr'i Léo zanany nefa vao nosasany tamin'ilay loharano dia nikatona ny fery ary tsy nijanona ny fahagagana fa na ireo akanjony izay nosasana taminy aza dia nivadika ho lamba vao indray.
Nihatsara sy niova hatrany ny fari-piainany ary tsy takona afenina intsony, niroborobo ny famboleny na dia tany ngazana aza no nisy ny tanimboliny, vokatra mihoatra lavitra nohi ireo rehetra ny variny...
Ny fiovan'ny tantara
Niely toy ny afo mirehitra ny vaovao. Tonga avy amin'ny lafivalon'izao tontolo izao ireo manam-pahaizana. Hita fa nanana toetra manasitrana miavaka ny loharanon'i Elise.
Tao anatin'ny herintaona: Nanorina tobim-pahasalamana iraisam-pirenena izy.
Tao anatin'ny roa taona: izy no vehivavy nanankarena indrindra tao amin'ny faritra.
Tsy namaly faty ny mponina tao an-tanàna mihitsy i Elise. Mifanohitra amin'izany kosa, nividy ny fanaova-m**o izy mba hanomezana m**o maimaim-poana ho an'ny sahirana ary nanangana sekoly maoderina ho an'ny ankizy rehetra, ary i Leo no mpianatra voalohany.
Tsy nanova ny kaontiny any amin'ny banky fotsiny Andriamanitra; nanova ny anjarany Izy tamin'ny fanaovana ny fanaintainany ho loharanon'ny fiainana ho an'ny rehetra.
📷 illustration généré par IA
✍️Association Humanitaire Soa- Miahy. AHSM
