LMMA Manjaboake

21/05/2026

🎉🌊 FILOHA VAOVAO FIKAMBANA MANJABOAKE 🌊🎉

✨ Tantara vaovao indray no soratana eto amin’ny Fikambanana MANJABOAKE manomboka amin'ity taona 2026 ity ✨

Anio dia fotoana manan-danja sy manamarika dingana vaovao ho an’ny fikambanana, satria voafidy hitondra ny Fikambanana MANJABOAKE amin’ity taona 2026 ity ireo mpitarika vaovao feno traikefa sy vina ho an’ny fampandrosoana maharitra, iizay mandritra telo taona ny fitarihana ny Fikambana.

👑 🔹 MARCELLIN Stefan no FILOHA vaovao MANJABOAKE 🔹
Lehilahy efa niaina sy niara-niasa tamin’ny fikambanana hatramin’ny taona 2004. Fantatra amin’ny :
✅ Fahaiza-mitarika sy fahavononana miaro ny zon’ireo mpanjono
✅ Fitiavana sy fahasahiana amin’ny fiarovana ny harena an-dranomasina
✅ Fahaiza-mitantana ny Rezerva Horita, izay nahazoany Voalohany hatrany sy laza ary vokatra tsara eto Ambatomilo.
🌿 Mpitarika manana traikefa, fahendrena ary vonona hitondra fanavaozana ho an’ny MANJABOAKE.

👑 🔹 THIBOS Jafara no FILOHA LEFITRA vaovao 🔹
Tanora mavitrika sy vonona handray andraikitra amin’ny :
✅ Fitantanana sy fikolokoloana ny harena an-dranomasina
✅ Fanentanana sy fanabeazana ireo tanora momba ny fiarovana ny tontolo iainana
✅ Fananganana taranaka vaovao tia sy miaro ny ranomasina sy ny harena voajanahary
🔥 Izy dia isan’ireo tanora manana vina hampivondrona sy hampahafantatra ny maha-zava-dehibe ny asa fiarovana ny tontolo amorontsiraka sy ny harena an-dranomasina.

🙏 Mirary fahombiazana lehibe ho an’ireo mpitarika vaovao Fikambanana MANJABOAKE amin’ny andraikitra masina sahaniny. Ho feno fahendrena, firaisankina ary fahombiazana anie ny fitarihana vaovao eto MANJABOAKE.

💬 “Ho Ela Velona Anie Ny FIKAMBANA MANJABOAKE” 🌊💙

Blue Ventures Madagasikara
Réseau Mihari - Mihari Network
Velondriake
Teariake Conservation

21/05/2026

🙏✨ FANKASITRAHANA Hoan'i SOAFIAVY Daniel_Filoha MANJABOAKE Teo aloha ✨🙏
" BABAN'NY ORIAGNA sy VATOHARA"
Eto am-pamaranana izao Fivoriambe izao dia maneho fankasitrahana sy fisaorana lehibe ho an’ny Filoha teo aloha, noho ny fiaraha-miasa, ny fahavononana ary ny ezaka rehetra nataony nandritra ny fotoana nitantanany ny Fikambanana MANJABOAKE teo amin'ny taona 2022 ka hatramin'izao 2026 izao.

🌿 Tsy mora ny andraikitra noraisina, kanefa tamin’ny alalan’ny fitarihana sy ny fiaraha-mientana dia maro ireo dingana vita ho fampandrosoana ny fikambanana sy fiarovana ny harena an-dranomasina ary ny tontolo amorontsiraka.
Nivitanao izany hery nampandroso ity faritra Manjaboake ity.
Mankasitraka

🤝 Mankasitraka indrindra tamin’ny :
✅ Fahaiza-mitarika sy fitondrana tamim-pahendrena
✅ Fampiraisana sy fanamafisana ny firaisankinan’ny mpikambana
✅ Fanoloran-tena sy fahavononana niasa ho tombontsoan’ny vondrom-piarahamonina.

💙 Mirary fahombiazana hatrany amin’ny dingana rehetra mbola hatrehina ary manantena hatrany ny fiaraha-miasa sy fanohanana ho an’ny fampandrosoana ny Faritra MANJABOAKE.

💬 “Ny asa tsara vita tsy very, fa mitoetra ho lova sy tantara ho an’ny taranaka.” 🌊
Blue Ventures Madagasikara
Velondriake
Teariake Conservation
Réseau Mihari - Mihari Network

21/05/2026

🌊 -02 | AG FIKAMBANANA MANJABOAKE 🌊

✨ PEJY VAOVAO HO AN’NY FARITRA MANJABOAKE ✨

Nifarana androany ny Fivoriambe Mpikambana MANJABOAKE, fotoana manan-tantara izay namaritra ny ho avin’ny fikambanana sy ny fampandrosoana ny faritra.

👥 Komity miisa 52 no nandray anjara mavitrika tamin’ity AG ity :
👩 28 Vehivavy,👨 22 Lehilahy

🔥 Tsy fivoriana tsotra izao ity…
Fa sehatra iray nananganana vina vaovao sy fanamafisana ny fitarihana ho an’ny taranaka amin'izao sy ny ho avy.

📚 Nandritra izany dia :
✅ Natao ny fiofanana Bonne Gouvernance & Leadership ho fanamafisana ny fahaiza-mitarika sy ny fitantanana mangarahara.
✅ Natsangana ny KOMITY MPITANTANA FOIBE MANJABOAKE, rafitra vaovao hitondra paik’ady sy fanavaozana ho fampandrosoana ny faritra amin'ny Fampiroboroboana ny faritra arova andriake.
✅ Notanterahina tamim-panajana ny Passation amiin'ny endrika mangarahara sy fanomezana fahefana feno ho an’ireo FILOHA VAOVAO hitondra ny fikambanana amin’ny dingana vaovao.

🌿 Tanjona iray no mampiray antsika :
👉 Fiarovana ny harena an-dranomasina sy ny tontolo amorontsiraka
👉 Fananganana fitantanana matanjaka sy mangarahara
👉 Fanomezana sehatra sy traikefa ho an’ireo mpitarika eny ifotony

🙏 FANKASITRAHANA LEHIBE 🙏
Maneho fisaorana sy fankasitrahana manokana ho an’ireo MPITANTSOROKA sy MPIARA-MIOMBON’ANTOKA rehetra izay nanohana ara-teknika, ara-pitaovana ary ara-piaraha-miasa ny Fikambanana MANJABOAKE. Ny fanohananareo no hery manosika sy antoky ny fahombiazan’ny ezaka rehetra atao ho fiarovana ny harena an-dranomasina sy ny fampandrosoana maharitra eto amin’ny faritra MANJABOAKA. 🤝🌊

Blue Ventures Madagasikara
Velondriake
Teariake Conservation
Réseau Mihari - Mihari Network

20/05/2026

📢🌊 -1 AG Fikambanana MANJABOAKE 🌊📢

Natao androany Alarobia 20 Mai 2026 ny Fivoriambe-pikambanana ato amin’ny Faritra MANJABOAKE.
Izay natao eto AMBATOMILO

Fotoana lehibe iray hihaonan’ireo mpikambana sy rafitra rehetra mba hifampizarana sy handrafetana ny ho avin’ny fikambanana.

📌 Ireto avy ireo lahadinika nodinihina nandritra izany :
🔹 Fanaovana tatitra ankapobeny momba ireo asa vita mandritra taona iray 2025 lasa teo, ato amin’ny Faritra MANJABOAKE.
🔹 Fanaovana tatitra ara-bola amin’ny endrika mangarahara momba ny fandaniana ankapobeny.
🔹 Fifampizarana sy fandraisan’anjara entin’ireo rafitra samihafa eto amin’ny faritra MANJABOAKE.
🔹 Fanaovana tombana sy fandrafetana ny tondrozotra ho an’ny Fikambanana mandritra ny telo taona ho avy.

🙏 Fankasitrahana manokana hoany Mpitantsoroka sy ireo mpiara-miombon’antoka ary mpanohana ara-teknika izay manohana hatrany ny Fikambanana MANJABOAKE.

🎯 Tanjona lehibe :
🌿 Fiarovana ny harena an-dranomasina sy ny tontolo amorontsiraka.
🤝 Fanamafisana sy fampivoarana ny traikefan’ireo mpitarika ao anatin’ny fikambanana.

🌊🐠“Riake Salama , Fokonolo Miroborobo.” 💪
Blue Ventures Madagasikara
Ocean Farmers
KMD-CCS-Data Collecteur- Cooperative Morahita- Science Team
Réseau Mihari - Mihari Network
Velondriake
Teariake Conservation

13/05/2026

11/05/2026

🌊🐠Soa ty Fiarova🐟🌊

👍Lafa soa kolokolo REZERIVA maharitse HARA reo,, Le milongo ty FIA🐟🐠🐟
Vokatra AVY amin'ny rezerva maharitse HARA Ambatobe AMBATOMILO omaly Alahady 11 mai 2026.
👍

22/04/2026

Skoll World Forum tany Oxford, Angleterre, 22 avrily 2026

Voninahitsy bevata ho anay atao amin’ny LMMA Manjaboake ny mahita an’Atoa Soafiavy Daniel na i Fiavy izay nitarika ny Fikambanana Manjabaoke efa ho mandat roa izay, nisolo tena ny LMMA rehetra miara miasa amin’ny Blue Ventures amin’ny sehatra ambony toy izao Forum Skoll izao.

Forum izany andraisan’ireo mampatsy vola sy mpanao asa fanasoavana manerantany anjara ary natao koa ho sehatra hifampirazana ny zavatra tsara azo alaintahaka sy ny lesona azo tsoahina.

Nasongadin’i Fiavy tamin’izany ny mahazava-dehibe ny fandraisan’ny fokonolo an-tanana ny asa fitantanana fa indrindra ny nanamarihany fa misy kokoa ny fahombiazana rehefa misitraka mivantana ny famatsiam-bola ny fokonolo ifotony ka mahaleo tena hanao asa fitantanana ny harena andranomasina sy fampandrosoana ny fiainan’ny mpanjono madinika.

Mahavita ny fikambanan’ny mpanjono rehefa omena fiofana, tosika sy enti-manana hahaleo tena amin’izany asa fitantanana ny harena andranomasina izany.

Ny Fikambanana Manjaboake moa dia efa fanindroany nisitraka famatsiam-bola tamin’ny Blue Ventures tamin’ny alalan’ny FCF (Frontline Community Fund na famatsiam-bola mivantana hoan’ny fokonolo ifotony).
Blue Ventures Madagasikara

22/04/2026

💪MANJABOAKE💪

15/04/2026

🌊 Andriake ao Masira!!
du jours

Noho ny rezerva Origna dia mitombo ny vokatra an-dranomasina.
LAGNORA 🐠sy AMBARIAKE🐟🐠

👉 Midika izany fa mahomby ny fiarovana ny harena an-dranomasina.
Blue Ventures Madagasikara

Manjaboake

08/04/2026

Manamafy fisian'ity hetsika ity n'y Fikambana MANJABOAKE.
Ho fampivondrona sy hifampizara Ary Fanohana ty hevitse Fokonolo manao asa Fitantana harena andriake🌊🐳