21/03/2026
بمشيئة الله تعالى الاثنين القادم فرحنا وكل المحبين بيوم ميلاد أمنا الكريمه سيدة النساء والرجال عظيمة الآل امنا السيدة زينب السبطية رئيسة الديوان رضي اللَّه تعالى عنها وارضاها #الفاتحه
كل عام وحضراتكم من أهل المودة المقربين
➖➖➖➖➖➖➖➖➖➖➖➖➖➖➖➖
🌸🌸🌸🌸🌸🌸 السيدة زينب 🌸🌸🌸🌸🌸🌸
➖➖➖➖➖➖➖➖➖➖➖➖➖➖➖➖
❄❄❄❄❄❄❄❄❄❄❄❄❄❄❄❄
✨✨✨✨✨✨✨✨✨✨✨✨✨✨✨
💎💎💎💎💎💎 الحب كله💎💎💎💎💎💎💎✨✨✨✨✨✨✨✨✨✨✨✨✨✨✨
❄❄❄❄❄❄❄❄❄❄❄❄❄❄❄❄
➖➖➖➖➖➖➖➖➖➖➖➖➖➖➖➖
🌸🌸🌸🌸 يوم ميلاد مبارك يا ستنا🌸🌸🌸🌸🌸
➖➖➖➖➖➖➖➖➖➖➖➖➖➖➖➖
* تبارك من أفنى الدهور بقاؤه يقلبـنا فى عــزة سـرمـدية
*ويمنحنا فضلا يضىء غيـوبنا فينفحـنا من نفـحة زينبــية
*نرتل آيـات الثنـاء ببـابها فيكشف عن بعض الستور الرخية
*نقلب ماشئـنا الوجوه بكرمها فنشـهد آيـات البطـون الخفية
*فأولهـا لا يبـلغ الختـم بدأه وغاية سـؤلى فى بلـوغ الرضية
*وآخرهـا لا يبـلغ العلم سره ولكنـها ترعى رعـاة الرعـية
* فننهل من نبـع الهدايـة تارة ونكرع من فيـض الهبات العلية
يمنحنا فضلا : ليعلم كل واحد منا أن ليس هذا بعملك وليس بطاعتك ولكن فضلا من الله أن يوافق أن تدخل عند الكريمه فهذا منحة وفضل من الله يضىء غيوبنا يعنى انتم غيوب اموات مش مذكورين ولا تنفع تدخلوا عليها فيضيء غيوبنا عشان يبقى لنا صوره عند الكريمه حلوه احنا فالله لما يجى يدخلك عند الكريمه والكريمه تشوفك يمنحك فضل الفضل ده يضىء غيبك فيمنحنا ولا يستطيع احد ان يمنح إلا إذا أعطاه الله الفضل فكشف عن غيابته وعن موته حتى يرى بهذا الضياء وانت داخل عند الست قوله والنبى يارب متكسفنيش معاها وضىء غيبى حتى لا اكون ميت عندها اوعى تفهم أن ده شغلك دا فضل ربنا علينا فلما تنظر لينا الست تجد فضل ربنا علينا فتنظر لينا .
من نفحة زينبية : كل الزوار بياخدوا من نفحه متتحملوش نفحات ولا نفحة إنما من نفحه من امنا الكريمة تنفحكم كلكم فينفحنا جميعا ودى اعلى درجات التوحيد النون عائده على الإله لانك داخل بفضله عشان الله ينفحنا من نفحه زينبية فكل اللي رايحين المولد دول ميستحملوش نفحة من امى دا هيخدوا من ومن للتبعيض القليل شيخ مولانا بيقول لما مولانا سأله من تفيد إيه قال : عشان محدش يحرم من نفحة امه ياولدى فكل واحد ياخد حاجه من النفحة عشان يرجع فرحان من المولد لازم الناس تفهم أن الارتباط بينك وبين الكريمة النون في ينفحنا من عطاء الله للكريمة نفحة زينبية .
في العام الخامس أو السادس كما تقول الروايات لما ولدت رضي الله عنها قالو ما تسميها يارسول الله؟ اللي بيوزع النفحات الحبيب الله يعطى والرسول يقسم قال سموها زينب وهو العود المستقيم ذو الرائحة الذي ليس فيه اعوجاج عشان لها نفحات من الحق .
نرتل آيات الثناء ببابها : يقول اقرأ آيات تبارك كل واحد له طلب عند الست بالنفحة يجيب آيات تبارك في الثناء وينشغل بالآية التي تقابل تبارك الحق في العطاء الذى يحب أن ينفحه منه رب العزة الذاهب إلى الست لما تجيب آيات تبارك كل باب من ابواب تبارك له نفحه عند الحق لما تيجى تقرأ بقا وانت رايح لك باب عند الست او عاوز تاخد من عطاء الله من نفحة الست تقوم تشوف الآية التي فيها ثناء اللي تشغلك النهارده اللي انته طالبها تقوم تروح تقرأها هناك عشان تكشف بعض الستور الرخية محدش يقدر يكشف كل الستور الرخية عند أمنا الكريمة امال عند رسول الله تعمل ايه؟!
شوف الباب اللي انته رايحه في آيه في ابه في تبارك مختصة بهذا الباب تروح لامنا الكريمه تقرأ الفواتح لرسول الله وتقرأ الفواتح لامنا الكريمة وتقرأ الفواتح لشيخك وترتل آيات الثناء حتى يكشف بعد الستور الرخية لما تكشف الستور الرخيه المنزله من عند أمنا الكريمة يكشف الباب فربنا سبحانه وتعالى ينفحك من نفحه زينبية.
نقلب ماشئـنا الوجوه بكرمها : نقلب الكل يقلب من كرم الكريمة الوجوه معناه :كل اللي عاوز يسأل الوجوه دى كله بكرم الكريمة نقلب معناه:كل واحد له طلب عند الكريمه في مولد الكريمة يسأل كده بالوجوه كرم الكريمة فيعلمنا لما ندخل نعرف أن ده كرم الكريمة وانت ضيف عند الكريمه وقول لها كده جدك ياكريمه قال من كان يؤمن بالله واليوم الآخر فليكرم ضيفه وانا ضيفك يا كريمه فالشيخ يقول كل الوجوه الجايه النهارده المولد كل واحد هيقلب وجهه بكرم الكريمة يعنى مش بشطارتك ولا بطاعتك ولا بعبادتك ولا بمكانتك دا إنته داخل ضيف عند الكريمه وكان حق على المزور أن يكرم زائره ادخل على الكريمه بكرم الكريمة فآيات الثناء تكشف الستور الرخية الستور دي وراها كرم الله للكريمة فنرتل يكشف الستور الرخية نقلب الوجوه بكرمها الشيخ يعلمنا لما تدخل عند الكريمه تدخل بتبارك الحق لانهم اهل العزه السرمدية الشيخ بيقول ربنا يمنحنا فضل فضل من ربنا .
فأولها لا يبـلغ الختـم بدأه : أول الكريمة لا يبلغ الختم بدأه ختم الأولياء الختم وهو أعلى درجات الولاية اخره لا يصل إلى بداية الكريمة لأنه لازم ياخد فضل ومنحه عشان ياخد نفحه من الكريمه.
الشيخ لما جه يتكلم عن نفسه قال كل الشواهد في المشاهد أخبرت انى بحق صاحب الديوان والشيخ بعد كل ما قاله الشيخ عن نفسه يقول مش طالب من الكريمة غير غاية سؤلي بلوغ الرضية يعنى ترضى بس عليا افهم غاية السؤال كل الي بتمناه فى سؤالى ترضى عليا الكريمة سيبك من العجيب ويروح الأرزاق مش هتتغير محدش هياخد اكتر من رزقه خليك شاطر ودور على اللي متعرفش تجيبه الي متعرفش تحصل عليه بالكريمه الرزق جاى من غير الكريمه الرزق جاى الدنيا الفانية بتاعتكم مش شغل الكريمة ولكن غاية سؤلي بلوغ الرضية هيا تقول بس راضيه عليك يعنى ايه بلوغ الرضية :الرضى باب الرؤيا يعنى بس اشوف الكريمه بس كل واحد يرضي عليك هتشوفه أن رضيت عليك الكريمه هتشوف الكريمة وأن رضى عليك رسول الله هتشوف رسول الله وأن رضي عليك ربنا هتشوف ربنا فخطت لنفسك كويس متقولش ياامه انا عاوز اشوفك تشوف ازاى يا ولدي مش لما يجى الرضى .
لما تقرأ في قصيدة عنقاء المغرب لابن العربى (قصيده كتبها ابن العربي في ختم الأولياء) الحكيم الترمذي في واحد قال الي يجاوب على المئة سؤال يبقى ختم الأولياء فالحكيم الترمذي عمل كتاب اسمه كتاب ختم الأولياء عشان يجاوب فيه عن المائة سؤال الختم ده اول او بداية الكريمه كده لايصل له .
وآخرهـا لا يبـلغ العلم سره : مفيش علم في الكون يقدر يتكلم عن سر الكريمة وأدب مولانا الشيخ العالى البصيرى قال فمبلغ العلم فيه انه بشر كل العلم وما وصل له عن رسول الله في البشرية فقط لسه النبوة والرسالة والكلام ده كله ميقدرش العلم يتكلم فيه مبلغ العلم عن رسول الله العلم مال الموجود يتكلم عن البشرية المحمدية فقط أما هنا العلم لا يبلغ سر الكريمة آخرها نهاية الكريمة لا يبلغ العلم سره .
ولكنهـا ترعى رعـاة الرعية : العلم محتاج كده زى الغنم يروح يجيب حاجه من سر الكريمة احنا لو عرفنا الحقيقه مش هندخل الجامع دا كرم وفضل من الله كده ان احنا بمنظرنا وعيوبنا وذنوبنا وكل ما فينا من سوء بيخلينا نقف قدام مقام الكريمة لما تقف قدام المقام عرف نفسك انت واقف قدام مين! المصطفى وعلى قبلو فاها و ابن سيرين سألوه عن سره في علم الرؤيا قال جاء يوسف فتفل تفلة في فمي فعلمت علم الرؤيا ؛ما بالك بمن المصطفى يقبل فاها تبقى ايه .
تزوجت اكرم اهل العرب سيدنا عبد الله ابن جعفر وكان قبلها بعتلها معاوية عشان تتزوج يزيد ولكن ابوها موفقش واتقدم لها كثير والإمام موفقش وقال ابنائي لأبناء اخى لان الرسول دعى لابناء سيدنا جعفر الطيار وكتاب التاريخ قالو مفيش اكرم من سيدنا عبد الله ابن جعفر إلا سيدنا الحسن بن علي رضي الله عنهما ؛ جاء لسيدنا عبد الله ابن جعفر شاعر قال : رأيت ابن جعفر في منامى فألبسني الخزي والراع كان سيدنا عبد الله عنده عبايه الخزي وكان اعلى حاجه فالشاعر بيقول انا شوفتك يا بن جعفر في المنام امبارح وانت بتلبسنى العبايه الخزيي فقال لخادمه اعطها له وقال يا هذا الم ترى العبايه القشي التي اشتريتها بثلاث مائة درهم قال يابن جعفر إإذن لي أن اغفل حتى أراها في المنام فقال يا غلام أعطها له .
فننهل من نبـع الهدايـة تارة : لما تدخلوا على الكريمه رتبوا الترتيب ده يقول مولانا من كرم الله علينا اللي عاوز الهداية وعمره ما يضل يروح للكريمه ينهل مفيش حد يتمنع من عند الكريمه و يبقى مهتدى ابدا ولو معاه علم ومهما يدعي من العلم والمعرفة ومهما يقول قل له هل رحت عند نبع الهداية ؟! أن قال لك لا قل له خليك في ضلالك مشربك غلط مهما قلت او فعلت بدل مرحتش لنبع الهداية عند الكريمه فمن أراد أن لا يُضِل ولا يَضل ولا يُضَل عليه بنبع الهداية عند الكريمه .
اخطر باب في الكون اوعى تروح المولد او تزور الست في اى وقت وفى أي زمان وعلى أي حال متجمعش قل لله
بزينب الكبرى سألتك جدها دوام حبيـات الأمـان لعـترتى لو ابنك فاشل بنتك فاشله حد من العيله تعبان حد من العيله هيشرد حد من العيله خايب خليك بالتوسل ده حتى يأتي الامان لعترتك قل له دوام مش مره والواد يبوظ لا دوام حبيات الأمان خليك بالتوسل ده بالتجميعه دى قل له بزينب الكبرى متقولش بالكريمة ولا اى اسم .
سيدنا عبد الله بن عباس حبر الأمة الذي دعا له رسول الله اللهم فقهه في الدين وعلمه التأويل كل ماعند ابن عباس كان لما يجى يتكلم يقول قالت عقيلتنا فاللي اسمها ولقبها ب عقيلة بنى هاشم سيدنا ابن عباس رضي الله عنه كان لما يروى حديث عنها يقول قالت عقيلتنا دا حبر الامه .
خليك بالتجميعه دى بزينب الكبرى سألتك جدها التجميعه دى تيجى أن كان حد من العترة تايه مش في امان مفيش حبيات امان قل بزينب الكبرى سالتك جدها دوام حبيات الامان لعترتي.
وصل اللهم علي سيدنا محمد وعلى آله وسلم تسليما
من مجلس مولانا الشيخ علي الإبياري رضي الله عنه وأرضاه
➖➖➖➖➖➖➖➖➖➖➖➖➖➖➖➖
🌸🌸🌸🌸🌸🌸🌸🌸🌸🌸🌸🌸🌸🌸🌸🌸❄❄❄❄❄❄❄❄❄❄❄❄❄❄❄❄
➖➖➖➖➖➖➖➖➖➖➖➖➖➖➖➖
❄❄❄❄❄❄❄❄❄❄❄❄❄❄❄❄
✨✨✨✨✨✨✨✨✨✨✨✨✨✨✨✨
💎💎💎💎💎💎💎💎💎💎💎💎💎💎💎💎✨✨✨✨✨✨✨✨✨✨✨✨✨✨✨✨
❄❄❄❄❄❄❄❄❄❄❄❄❄❄❄❄
➖➖➖➖➖➖➖➖➖➖➖➖➖➖➖➖
❄❄❄❄❄❄❄❄❄❄❄❄❄❄❄❄
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
