09/06/2025
قرا مغاتندمش اضمن لك هذا لان هادشي واقعي بلسان بزاف الناس
ملاحضة كنت انحطو فيوتوب ولكن ملي شفت تفاعلكم معاه وصحاب نجمة 6 كذالك قررت نحطو كتابة ...زائد الكوفر من صنعي إستغرق سعاتان عمل
سلام متابعين قناة مجموعة الديب ويب بالدارجة
اليوم معانا موضوع غريب جدا ومطروح جدا ...عنوان الموضوع الحيوانات وعلاقتها بالجن ...بسمك اللهم نبداو موضوعنا
واش عمرك شي نهار لاحضتي بلي حيوانك الاليف كيتصرف تصرف غريب ؟ ولا كيشوف بشدة فشي زاوية معينة فالمنزل ديالكم ؟ واش شفتيه كيدير حركات خارجة عن المألوف ليتسمع بعدها صوتا او امرا يحدث بعد فترة قصيرة ؟ يقدر يجاوبني البعض بلا لكن اجزم و اؤكد ان البعض منكم لاحظ بعض من هاد التصرفات الغريبة في حيوانه الاليف وكيفاش انه إستشعر بلي شي حاجة غاتوقع ماكانتش فالحسبان ولا شاف شيء غريب ولمحتيه نتا بعد مدة ....نعم فالحيوانات لها حواس اقوى من حواسنا نحن البشر بعشرات المرات كاين ناس تاتقول انهم يقدرو يشوفو شي حوايج ماكانشوفوهمش حنا البشر بعيوننا العادية ...وبلا شك شي نهار لاحضتي ان كلبك ولا القطة ديالك يركزون او كيصدرو اصوات وهوما فنفس الوقت كيشوفو فالهوا مور راسك ...ربما تكون حشرة عادي ..هه او ربما سيدي يكون كيان من العالم الاخر ....وانا اليوم في مقالي هذا جمعت ليكم بعض القصص من الانترنيت حول عائب إدراك الحيوان بالامور الخارقة والغير محسوسة ...وبسمك اللهم نبداو
1= زائر غير مرغوب فيه
الكلاب عادة عندها حدس قوي تجاه الناس ..صاحبة هاد القصة ماذكراتش لينا إسمها ولكن هضرات علا كلبتها الصغيرة وقالت انها موالفة مع الناس ولا جا عندها شي زائر الكلبة تاتفرح وتنقز عليهم كترحيب للضيف واخا يكونو غرباء ...ولكن فواحد النهار السيدة حسات بخجل شديد نهار جا عندها خوها مع صاحبو ...لتقابلهما الكلبة بتصرف غير معتاد ...شعر الكلبة وقف وكشرات علا الانياب ديالها وماحبساتش من النباح ...والاكثر من هذا هجمات علا صاحب اخ السيدة وكانت غاتجبدلو وجهو ...ومارتاحتش الكلبة حتا غادر داك السيد المنزل ...والغريب فالامر انه بعد عدة اشهر تم الاعتقال ديال هاد السيد ببزاف ديال التهم ومن بينها التهجم والإعتداء الجنسي والإغتصاب ...وعلا ماكيبالينا ان الكلبة حسات بان هاد السيد سئ لدرجة انها خرجات من طبيعتها المسالمة لتتحول إلى وحش مستعد للإنقضاض لحماية صاحبتها ...
2= المنزل المسكون
صاحبة هاد القصة تاتقول بأنهم تيعيشو فمنزل مسكون وبأن جميع الكلاب لي شراوها علا مدار ستة عقود وعاشو فهاد المنزل حسو بأمور غير طبيعية فيه ..والاغرب هو كلبهم الحالي ...حيت انه كيفقد الصواب ديالو في الساعة الثامنة بالضبط من مساء كل يوم ...كاتبدا تشوف في غرفة الطعام والجسد ديالها كيترعد كولو وتاتبقا تلهث بسرعة وتاتجري تحاول الإختباء مور صاحبتها ولا وراء اي قطعة اثات ...صاحبة المنزل عارفة ان هناك امور غريبة تاتوقع فالدار لهذا ققرات باش تجيب جهاز يستعمل لرصد النشاطات الماورائية ...وذالك عن طريق تسجيل الاصوات والحركات الخفيفة والغير محسوسة ...وملي راجعت ما سجله الجهاز سمعت اصوات ضربات متابعة والعديد من الاصوات المتداخلة ...وبين فترة و فترة كيبان صوت راجل كيغوت بصوت عالي فالتسجيل ليتسكت الاصوات الاخرى...طبعا اصحاب المنزل كانو عارفين ان دارهم مسكونة لكنهم لم يسمعو ابدا هاد الاصوات من قبل ...ولولا الجهاز الحساس لما عرفو بوجودها اصلا ...والعجيب في القصة ان الكلبة كانت كاتحس بدوك الاصوات والامور الخفية لي كاتبدا ذروتها عند الساعة الثامنة مساء لهذا تاتبدا تصرف بغرابة وخوف
3= كيان غامض
ستيفاني بلاك عندها كلبة سميتها لوسي من نوع تيرير ..وهاد الكلبة متعلقة بستيفاني لدرجة كبيرة حيت انها تاتبعها في كل بلاصة مشات وحتا فالحمام وغرفة نومها...وفي واحد النهار ستيفاني كانت فبيتها شوية شافت كلبتها تاتجري لبيتها ولكن ملي وصلت لعتبة لباب حبست وجمدات فبلاصتها وماتحركاتش كاع وإختفت ملامحها البريئة اللطيفة ...ورغم محاولات ستيفاني العديدة في مناداة الكلبة إلا انها ماستاجبتش ليها بل ماتحركتش من بلاصتها كاع وبقات تاتشوووف قدامها بحال إلا شي حاجة واقفة قدامها ...من بعد بدات الكلبة تاتنين بحال شي حاجة تاتأذيها ..ومن بعد نعست علا كرشها وحطات يدها علا العتبة ديال الغرفة بحال إلا شدات شي حاجة ....يطاتليها ستيفاني مرة خرا ..لكن لا حياة لمن تنادي ...هادشي لي خلا ستيفاني تبدا تشك وحسات بقلق ومشات جيهت كلبتها الصغيرة لي ماقادراش تحرك ..ناضت ستيفاني ودارت فعل شجاع لي بهرني انا شخصيا ريوزاكي ريوكا ...ناضت وغوتات بصوت الي وراسها موجه لبلاصة لي كاتشوف فيها الكلبة وقالت (إسمع يا هذا ....ماعارفاش شني نتا وشكون نتا وماباغياش نعرف ولكن هاد الكلبة كلبتي وماشي كلبتك لهذا من الافضل ليك تطلقها وماتعاودش تضايقها مرة اخرى بعد الان ) ...والغريب ان ملي سالات ستيفاني هضرتها حتا رجعات الكلبة وبدات تحرك بحال تاشي حاجة ماوقعات ...فنضرك عزيزي القارئ شنو لي شافت الكلبة الصغيرة واسر الإنتباه ديالها بهاد الشكل ؟
4 = الكلب إيموس
الكلب إيموس من نوع جولدن ريتريفر ...كيملكو واحد الراجل كيعجبو يمشي لواحد البار ...وصاحب داك البار كيسمحلو بإصطحاب هاد الكلب الضخم حيت ضريف وكيبغوي الناس بطبيعتو ...ولكن ولكن ولكن هه فواحد النهار بينما كان إيموس ناعس علا الارض حدا صاحبو لي كيشرب دخل للبار واحد الراجل ...وفجأة الكلب تحول الكلب الاليف لحيوان وحشي شرس يحاول الهجوم علا داك الراجل الغريب ...ولولا تدخل صاحبه في اللحضة الاخيرة كورا كلالو وجهو لكن صاحبو شادو من الطوق لي فعنقو وٱمرو بالتوقف ...توقف الكلب عن النباح ومحاولة الهجوم لكن بقا تيشوف فداك الراجل طوال فترة بقائه فالبار ومحيدش النضر ديالو عليه وبقا الكلب كيكشر علا انيابو كل ما يشوفو وبقا علا ديك الحالة حتا مشا الراجل ...مالك الكلب توقع ان صاحب البار غايجري عليه هو وكلبو ليتفاجأ بأن صاحب البار كيقول ليه ان كلبك عندو حس ممتاز حيت هاد الراجل هو شخص خاسر وديما كيجي لهنا وكيخلقلي مشاكل بالمدابزة ديالو مع الكليان ويسرقهوم من الفوق ...ويبدو لنا اعزائي القراء ان الكلب قدر انه يستشعر ويميز شخصية هاد الرجل حسن من البشر ...
مزال جزء ثاني حبست هنا لأنني عييت بالكتابة والله العضيم غدا نكملكم بقية القصص والاحداث نتمنا تقدرو مجهودي فالكتابة وتفاعلو معاه الله يجازيكم وشكرا ......
ريوزاكي ريوكا
