23/11/2021
السلام عليكم 🌹
🛑 حاليا #ليبيا حتمر بحدث مصيري وتاريخي لأول مرة هو إنتخاب رئيس دولة عبر صناديق الإقتراع والشعب هو حيختار الشخص اللي شايفه مناسب لإستلام زمام الأمور.
🛑 اغلب الناس لقوا أرقامهم الوطنية مسجلة في منظومة المفوضية العليا للانتخابات بدون علمهم و برغم انهم لم يسجل من قبل دليل على استغلال الأرقام الوطنية في انتخاب شخصيات ليست مؤهلة لأي منصب ولهذا السبب البلاد تدور في حلقة مفرغة من الفوضي والفساد!!!!
🛑ماتقوليش أنا ماسجلتش ماعنديش بطاقة ناخب لا تأكدي وأبعتي رسالة ل15015 فيها ( رقمك الوطني # رقم المركز الانتخابي) حيردوا عليك برسالة فورية فيها تفاصيل تسجيلك واسم المركز الانتخابي ( يعني اسم المدرسة اللي تم تسجيلك فيها وتمشوا تستلموها ).
🛑أخر يوم لاستلام البطاقة الانتخابية يوم 28/11/2021 يعني باقي 7 ايام من تاريخ اليوم المراكز الانتخابية تفتح من الساعة 12 الظهر لل 6العشية يوميا والحضور شخصي مع إثبات الهوية استلموا بطاقتكم حتي لو ماتبوش تنتخبوا ماتعطيش الفرصة لغيرك يستغل بطاقتك وينتخب نيابتاً عنك.
🛑 أخر حاجة بنحكي عليها هو بيع البطاقات الإنتخابية في ناس من ضعاف النفوس تبيع في بطاقتها مقابل مبلغ مالي مش حنتكلم ع اللي يشري في البطاقات لانه غرضه يجمع اكبر عدد من الاصوات لصالح شخص معين من المترشحين حتي لو كان مش مناسب للمنصب أعرفوا انه بيع بطاقتك حاجة حتسأل عليها امام ربي العالمين انا نشوف فيها نوع من الرشوة زي ( الراشي والمرتشي) بيع صوتك هو بيع وطنك واعتقد البلاد وصلت لمرحلة من الدمار والخراب والفساد اللي تخلينا نوقفوا وقفة جدية وطنية..
أسال الله العظيم ان نصل ببلادنا لبر الأمان وان يرزقنا بمن هو خير للبلاد والعباد ❤️❤️
✅
ٔمانة 🤚
