26/08/2026
Hëllef fir d’Waassermärel
D’Waassermärel huet ënnert de Sangvullen eng besonnesch Liewensweis: si ka schwammen an dauchen a sicht hiert Fudder um Fong vun de Baachen – am Kanton Réiden un der Atert, der Pall an der Routbaach a verschiddenen klengen Zouflëss. Leider ass hire Bestand an de leschte Joren zréckgaang an dofir steet si elo op der Rouder Lëscht vun der Lëtzebuerger Brutvullen.
D’Sektioun Kanton Réiden vun natur&ëmwelt huet dofir mat der Ënnerstëtzung vun SICONA a 4 Gemenge 15 speziell Brutkëschten an de Gemengen Ell, Réiden, Préizerdaul an Useldeng opgehaangen. Fir dass dës Këschten och wierklech hëllefen, mussen si all Joer kontrolléiert a ggf. ersat gi wann si z.B. vun engem Héichwaasser ewechgerappt gi sinn.
D’lescht Woch hunn e puer Membere vun der Sektioun op 3 Plaze Këschten ersat oder ëmgehaangen.
