Mëllerdaller Produzenten

17/08/2026

Ee Rendez-vous, deen einfach an de Kalenner gehéiert: Stroossemaart Lëtzebuerger Produkter am 06.09.2026

De Stroossemaart zu Miedernach ass mëttlerweil e feste Rendez-vous fir eis. E ganzen Dag voller Lëtzebuerger Produiten, guddem Iessen an direktem Austausch mat de Produzenten.

Kucken, schmaachen, entdecken, akafen – a virun allem eng gutt Zäit hunn.

An dat Bescht: Och dëst Joer sinn erëm eng ganz Partie Mëllerdaller Produzente mat hire Produiten um Start: Biokéiserei Baltes, Fru, Liqueurs de Beaufort, Eppelpress, Opyos Beverages, Hunneg aus dem Mëllerdall, Ben Weber, Moulin Dieschbourg &
Distillerie Weber-Walch.

A fir de klengen a groussen Honger ass och gesuergt: D'Mëllerdaller Produzente stinn um Grill a suerge fir eppes Guddes z'iessen! 🔥

Also: Elo schonn de 6. September am Kalenner blockéieren – mir gesinn eis zu Miedernach! 🙂

16/08/2026

Haut war et endlech esou wäit! 🧺

De gléckleche Gewënner vun eisem Foire Agricole Gewënnspill huet haut säi Picknick am Mëllerdall genoss. 🥂
Et gouf zesummen ugestouss, gutt giess an, dat Wichtegst, ganz vill schéi Momenter an Zäit matenee genoss.

Esou léisst sech de Mëllerdall schmaachen!

20/07/2026

E flotte Weekend an der Regioun Mëllerdall!

Dëse Weekend waren d’Mëllerdaller Produzenten op zwou Plazen an der Regioun ënnerwee:

📍Op der Fielser Kiermes konnt Dir bei eisem Stand eng ganz Rei regional Spezialitéiten ze schmaachen an ze entdecken.

🏰 Um Schlass Beefort gouf am Kader vu Guideforoneday gekacht, ugestouss an e grous Stéck Geschicht erlieft. Eng flott Kombinatioun aus regionale Genoss an dem kulturelle Patrimoine vun eiser Regioun.

Esou Momenter weisen ëmmer erëm, wéi vill Qualitéit a Leidenschaft an der Regioun Mëllerdall stécht.

📅 A schonn den nächste Sonndeg geet et weider!
Kommt laanscht op de Stroossemaart zu Fiels a besicht eise Stand. Do kënnt Dir vill regional Produite schmaachen a entdecken. Mir freeën eis op Iech!

08/07/2026

Heiansdo soen d'Biller méi wéi dausend Wierder.

Schéi Begéinungen.
Regional Genoss.
Eng flott Ambiance.
A virun allem vill Häerzblutt.

Merci un all eis Visiteuren, Produzenten, Fräiwëlleger a Partner, déi d'FAE 2026 zu engem ganz besonneschen Event gemaach hunn.

Mir kucke mat Freed op dëse flotte Weekend zeréck a freeën eis schonn op dat nächst Joer!🙂

03/07/2026

🎉 GEWËNNSPILL 🎉

Fir de Start vun der Foire Agricole hu mir eppes Besonnesches fir Iech virbereet!

🎁 Maach mat a gewënn e Picknick fir 4 Persounen an der Regioun Mëllerdall, gefëllt mat Gedrénks a Spezialitéite vun de Mëllerdaller Produzenten.

Esou kanns du matmaachen:
* Like dëse Post.
* Folleg eis op Instagram a Facebook.

D'Gewënnspill leeft vu Freideg, den 3. Juli bis Sonndeg, de 5. Juli 2026.

🍀 Extra-Chance op der Foire! Komm op eise Stand A.13 an der Däichhal laanscht a sécher dir en Extra-Los fir nach méi Gewënnchancen! 🍀

De Gewënner gëtt nom Enn vun der Foire per Zoufall gezunn a per Privatnoriicht kontaktéiert. Vill Gléck!

Konditiounen: D'Participatioun ass gratis. De Gewënn kann net a Suen ausbezuelt ginn. Dëst Gewënnspill steet a kenger Verbindung mat Instagram oder Facebook a gëtt weder vun dëse Plattforme gesponsert, ënnerstëtzt nach organiséiert. Instagram a Facebook sinn net d'Kontaktpartner fir dëst Gewënnspill.

26/06/2026

Virun zirka 20 Joer huet alles mat engem einfachen Zesummeschloss vu regionale Produzenten ugefaangen.
Aus där gemeinsamer Iddi ass de Veräi Mëllerdaller Produzenten entstanen. Haut verbannen mir regional Produiten, traditionellt Handwierk, Tourismus, Kultur a Landwirtschaft.

Ëmsou méi huet et eis gefreet, de Kulturminister an delegéierten Tourismusminister Eric Thill an eisem Veräinssëtz begréissen ze dierfen. Dëse Site hu mir net zoufälleg gewielt: e steet fir dat, wat eis Aarbecht ausmécht – Traditioun bewahren, regional Kompetenze siichtbar maachen a Mënschen zesummebréngen.

Beim gemeinsame Broutbaken, Cocktaile mat regionale Produiten an enger Auswiel u Häppercher aus de Produite vun eise Memberen hu mir gewisen, wéi authentesch Erliefnisser entstinn, wann Handwierk, Kulinarik a Geschichten aus der Regioun zesummekommen. Fir eis ass genee dat e wichtegen Aspekt vun d'Zukunft vum Tourismus am ländleche Raum.

Villmools Merci dem Här Minister fir säin Interessi, den oppenen Austausch an d'Zäit, sech mat eiser Visioun auserneenzesetzen. Mir freeën eis, dëse Wee weiderzegoen. :)

15/06/2026

🌾 Regional Produiten erliewen, schmaachen an entdecken! 🌾

Um "Dag um Bauerenhaff" hate mir d'Geleeënheet, eng Auswiel vun de Produite vun eise Produzente virzestellen a mat de Visiteuren iwwer regional Liewensmëttel an hir Hierkonft an den Austausch ze goen.

Fir eis ass et wichteg, datt regional Produiten net nëmme produzéiert ginn, mee och fir d'Konsumente sichtbar a liicht zougänglech sinn. Nëmmen esou kann eng staark Verbindung tëscht Produzenten a Konsumenten entstoen an déi regional Wäertschöpfung nohalteg gestäerkt ginn.

Mir hunn eis gefreet, déi grouss Diversitéit an d'Qualitéit vun eise regionale Produiten an de Mëttelpunkt ze stellen.

31/05/2026

Merci villmools un d’LEADER Lëtzebuerg fir dës flott Zesummefaassung vun eisem éischte Bilan!

Mir, d’Mëllerdaller Produzenten, sinn immens frou an dankbar, datt d’Landwirtschaftsministesch Martine Hansen sech d’Zäit geholl huet, fir perséinlech op de Luushaff zu Schrondweiler ze kommen an sech iwwert eis Strategie, eis nei Kommunikatiounsaktiounen an eis Serviceofferen ze informéieren.

Hir Wierder motivéieren eis, eisen ageschloene Wee weiderzegoen: Motivatioun, gutt Produiten an een immensen Zesummenhalt – genee dat mécht eis Gemeinschaft aus.

E grousse Merci geet och un all déi Bedeelegt – un eis Memberen, eis Partner, de LEADER-Programm an un all déi, déi eis op dësem Wee begleeden an ënnerstëtzen.

Mir freeën eis op alles, wat nach kënnt, a mir setzen eis och weiderhi mat vill Engagement fir eis Regioun an hir Produiten an.

Är Mëllerdaller Produzenten

08/05/2026

Net vergiessen: dëse Samschdeg ass Rousperter Wäifest! 🍷

Regional Genoss a staark Produzente waarden op iech:
FRU · Maison Viticole Roeder · René Krippes · Ramborn Cider Haff a vill méi

Dobäi gëtt et och Musek! Kommt laanscht a genéisst e flotten Dag zu Rouspert! 😀

04/05/2026

Wien schonn ëmmer mol Loscht hat, e Picknick an engem aussergewéinleche Kader zu Lëtzebuerg ze maachen an dobäi lokal Produiten a regional Gedrénks ze genéissen, sollt sech dëst Event net entgoe loossen.

Mir freeën eis, dës flott Veranstaltung mat Produiten a Gedrénks vun eise Produzenten ze begleeden. :)

Mellt iech séier un a séchert iech är Plaz am Tudorspark! Genéisst eng entspaant Atmosphär a loosst iech vu gudde regionale Produiten a Gedrénks iwwerraschen – mir freeën eis op iech!

🇱🇺 Regionale Picknick am Tudorspark 🧺🤩 (🇬🇧 version below)

Dir wollt schonn ëmmer an engem exceptionelle Kader op enger besonnescher Plaz picknicken an dobäi regional Produiten genéissen⁉️

👉Am Kader vun de Mëllerdall Days ass dat méiglech! De ⏰ 7. Juni organiséiere mir ee regionale Picknick am Tudorspark zu Rouspert. Ab elo kann een sech ganz einfach online dofir umellen. Opgepasst: D’Plazen si limitéiert a mir recommandéieren eng séier Umeldung.

ℹ De Picknick ass de 7. Juni tëscht 10 a 14 Auer. Et huet een d’Wiel tëscht
✅ engem klassesche Picknick-Kuerf
✅ engem vegetaresche Picknick-Kuerf

👉 Hei de Link bei d’Umeldung, wou och eng detailléiert Oplëschtung vum Inhalt an de Präis ze fannen ass:

🇩🇪https://docs.google.com/forms/d/e/1FAIpQLSfRus2DlL2krBYjSSliWbtzyGgqRjdHr9g4lbVNvpzaZS3KzQ/viewform

🇫🇷
https://docs.google.com/forms/d/e/1FAIpQLSdYnbXUwcjMLm7VKoQMJ3F-8n12VwLg0rjmvZWhgvquDFzR2Q/viewform

🇬🇧https://docs.google.com/forms/d/e/1FAIpQLSeOjp57WFtC8FXKx0jVd8te5ITuUmkzkrY4_e884BUoCGXaQQ/viewform

Mir freeën eis iech op de Goût vun de Produiten aus eiser Regioun ze bréngen. ☺
-----
🇬🇧 Regional picnic in Rosport

You have always wanted to have a picnic in an exceptional setting and enjoy regional products⁉️

👉 During the Mëllerdall Days this will be possible! On the ⏰ 7 June we are organising a regional picnic at Tudor Parc in Rosport. From now on you can easily register online. Please note: the number of participants is limited, and we recommend that you register quickly.

ℹ The picnic will take place on 7 June between 10 am and 2 pm. You can choose between a classic picnic basket or a vegetarian picnic basket. Here is the link to the registration form where you will also find a detailed list of the contents and the price.

🇬🇧https://docs.google.com/forms/d/e/1FAIpQLSeOjp57WFtC8FXKx0jVd8te5ITuUmkzkrY4_e884BUoCGXaQQ/viewform

Mëllerdaller Produzenten | Commune de Rosport-Mompach | Musée Tudor