Delvaux’s Help

08/05/2026

02/05/2026

16/04/2026

Mir sinn elo offiziell am Annuaire vun der Agence du Bénévolat gelëscht. 💪🇱🇺

👉🏻 https://benevolat.lu/annuaire-associations/delvauxs-help

Delvaux’s Help steet fir konkret Hëllef.
Net vill schwätzen… maachen.

✔️ Hëllef fir Mënschen an Nout (dans la mesure du possible)
✔️ Déiereschutz an Opbau vun engem Gnadenhaff
✔️ Projeten hei zu Lëtzebuerg an an Afrika (Senegal)

A jo… mir sichen Fräiwëlleger.

Wann’s du Loscht hues, eppes Sënnvolles ze maachen…
👉🏻 mell dech.

Toutes les associations de l'Agence du Bénévolat par secteur géographique, activité ou centre d'intérêt au Luxembourg

03/03/2026

🤝 Mir sichen:

Delvaux’s Help a.s.b.l. wiisst.
A mat all Projet klëmmt och d’Verantwortung.

Mir ënnerstëtzen humanitär Initiativen.
Mir vermëttelen Hëllef.
Mir ginn deenen eng Stëmm, déi soss keng hunn.

🐾 Angie’s Guardian Sanctuary
ass keng klassesch Déierenasyl-Struktur.

Mir vermëttelen gréisstendeels Déieren a schafen nohalteg Léisungen.

An eenzelne Fäll iwwerhuele/vermettelen mir och Déieren,
• déi an der Industrie agesat goufen
• déi aus schlechte Konditioune kommen
• oder déi mir gezielt fräikafen, fir hinnen e Liewen a Wierdegkeet ze ginn

🌍 International Projeten
Mir ënnerstëtzen och Projeten am Senegal an anere Länner.
Do geet et ëm konkret Hëllef sur place:
Ennerstetzung/Opbau vu Strukturen, Liewensmëttelversuergung, Ënnerstëtzung vu lokale Initiativen an nohalteg Projet-Ëmsetzungen.

All dës Projeten brauchen Engagement.
A si brauchen och finanziell Mëttel.

Dofir sichen mir:

👉 Memberen, déi eis Struktur stäerken
👉 Spender, déi konkret Projeten matfinanzéieren
👉 Leit, déi net fortkucken

Wann s du wëlls Deel dovun sinn, informéiert bleiwen oder eis ënnerstëtzen:

📩 Mell dech bei eis:
[email protected]

All Bäitrag zielt.
Zesumme beweege mir méi.

__________

🇫🇷 Français

🤝 Nous recherchons:

Delvaux’s Help a.s.b.l. se développe.
Et avec chaque projet, la responsabilité grandit.

Nous soutenons des initiatives humanitaires.
Nous mettons en relation des personnes dans le besoin.
Nous donnons une voix à ceux qui n’en ont pas.

🐾 Angie’s Guardian Sanctuary
N‘est pas un refuge classique pour animaux.

Nous agissons principalement dans la médiation et la mise en place de solutions durables.

Dans certains cas spécifiques, nous prenons/organisons également en charge des animaux
• ayant servi dans l’industrie
• provenant de conditions difficiles
• ou que nous rachetons de manière ciblée pour leur offrir une vie digne

🌍 Projets internationaux
Nous soutenons également des projets au Sénégal et dans d’autres pays.
Il s’agit d’aide concrète sur place :
mise en place/soutien de structures, soutien alimentaire, appui aux initiatives locales et développement durable.

Tous ces projets nécessitent de l’engagement.
Et des moyens financiers.

C’est pourquoi nous recherchons :

👉 des membres pour renforcer notre structure
👉 des donateurs pour financer concrètement nos actions
👉 des personnes prêtes à agir

Si vous souhaitez vous engager ou soutenir nos projets :

📩 Contactez-nous :
[email protected]

Chaque contribution compte.
Ensemble, nous faisons la différence.

12/01/2026

🤍 Matmaachen. Ënnerstëtzen. Informéiert bleiwen.

Du wëlls méi maachen wéi just liken
Du wëlls hëllefen oder matdroen
Du wëlls wëssen, wat konkret geschitt

Dann kanns du elo Member vun Delvaux’s Help a.s.b.l. ginn.

👉 Als Member:
• ënnerstëtzt du humanitär a sozial Projeten
• hëllefts du mat, Hëllef dohin ze bréngen, wou se gebraucht gëtt
• bleifs du um Lafenden iwwer eis Aktiounen a Projeten
• stäerks du eng onofhängeg, transparent Initiativ

Mir si kee Club, kee Marketing-Projet, kee politesche Vehikel.

Mir si Leit, déi net fortkucken.

📩 Interesse Member ze ginn oder matzehëllefen?
Schreif eis: [email protected]

💚 Spenden oder ënnerstëtzen geet och
(op eis offiziell Kontonummer, méi Infoen per Message oder Mail)

Jidderee wéi en kann.
Mee zesumme wierke mir méi staark.

09/01/2026

📢 Wichteg Neiegkeet: Mir hunn elo eng offiziell Kontonummer

Hallo alleguer,

mir hunn e wichtege Schrëtt gemaach kritt:
Eis a.s.b.l. Delvaux’s Help huet elo offiziell eng Kontonummer bei der Spuerkeess.

Dat heescht ganz konkret:
👉 Mir kënnen eis humanitär Projeten elo transparent, nohalteg an regulär weiderféieren.
👉 Spenden kënnen offiziell, nozevollzéibar an korrekt gemaach ginn.
👉 Wéi all seriéis Institutioun hu mir och lafend Käschten: Logistik, Material, Transport, Administratioun. Näischt Glamouröses, mee absolut noutwenneg.

Mir maachen dat net opgebauscht, net politesch, net mat grousse Verspriechen.
Mir hëllefen do, wou et konkret eppes bréngt.
Fir Mënschen. Fir Déieren. Fir Projeten, déi soss duerch de Raster falen.

💚 Wann dir eis Aarbecht ënnerstëtze wëllt:

IBAN: LU25 0019 8155 7210 7000
Empfänger: Delvaux’s Help a.s.b.l.
BIC: BCEELULL
Bank: Spuerkeess

All Euro zielt.
All Spende hëlleft.
Och kleng Bäiträg maachen op Dauer e groussen Ënnerscheed.

Merci fir äert Vertrauen a fir d’Ënnerstëtzung.
Mir maachen weider. Mat Häerz, Verstand an Verantwortung.

08/01/2026

✨ Neit Joer, nei Projeten ✨

Mir wënschen iech allen e gesond, rouegt an erfollegräicht neit Joer.
2026 hu mir e puer flott Iwwerraschungen an nei Projeten an der Pipeline.
Mënschlech. Konkret. Éierlech.

Bleift dobäi a bleift informéiert.
Stay tuned.

🤍 Delvaux’s Help a.s.b.l.

03/11/2025

💔 E Besuch, dee mir ni vergiessen… 💔

Haut ware mir am Waissenheem zu Mbour 🇸🇳
Do liewen iwwer 80 Kanner 👶🧒, déi meescht dovun nach kleng Puppelcher. Vill vun hinne sinn elterenlos, well hir Mammen bei oder no der Gebuert gestuerwe sinn.

👉🏻 Eng Geschicht vu Gëschter huet eis besonnesch beréiert 💭
E Papp huet säi Neigebuerenen an d’Heem bruecht, well seng Fra bei der Gebuert gestuerwen ass an hien eleng mat der Situatioun iwwerfuerdert war. Hien huet keng aner Méiglechkeet wéi schaffen ze goen, fir d’Iwwerliewe vun der Famill ze sécheren.
D’Geschicht huet eis och gewisen, datt an esou Situatiounen d’Kanner vun där Famill, dacks nach 7 oder 8 Joer al, scho mussen schaffen, fir d’Famill iwwert Waasser ze halen 💔

Mir haten Spenden aus Lëtzebuerg dobäi 🇱🇺:
👕 Kleeder
🧸 Spillsaachen
💊 Medikamenter
🍬 Bonbons
✏️ Bleistëfter
📒 Hefter a Schoulmaterial

E grousse Merci un Donnateure, Hëllef ass defintiv gebraucht gin 🙏

Hei sur Place hu mir fir ronn 42.000 CFA Wëndlen (250 Stéck) a Pudermëllech 🍼 kaf, an zousätzlech lokal Spenden am Wäert vu 30.000 CFA gemaach, fir d’Heem an d’Wirtschaft sur place ze ënnerstëtzen 🤲

Mir hunn och Bréidercher 🥖 a Gebäck 🥐 matbruecht, déi vun de Kanner mat grousse Freed an engem Laachen entgéint geholl goufen, dat ee gläichzäiteg erwiermt ❤️ a brécht 😢

D’Realitéit ass schwéier an einfach schockant 😔
D’Kanner kréien meeschtens just Joghurt, Räis oder Couscous 🍚
Déi sougenannt Leihmammen verdéngen nëmme ronn 60 € de Mount a mussen hiert eegent Iessen matbréngen, well dat vum Heem net duergeet 🍽️

Et feelt u Medikamenter 💊, u Liewensmëttel 🍲, u Léift 💕, u Mënschlechkeet 🤝
Wat nach méi traureg ass, et ginn Touristen, déi einfach dohigoen, fir sech dat Eelend unzekucken, ouni eppes ze hannerloossen.

Mir hu beschloss, dëst Heem net eleng ze loossen 🙏
Dës Kanner brauchen eis all ❤️

🌍 Mir wäerten e Spendenopruff starten, de Container ass schon organiséiert mat enger Cooperatioun, fir hinnen eng Chance op Liewen, Léift a Wierdegkeet ze ginn 💞

✨ Merci un all déi, déi mat hirem Häerz handelen. ✨

„Ech gleewen net un Zoufall. Ech gleewen un Verantwortung.“
Dave Delvaux - Präsident