Quel est le site Web ?

VLIB - Letzebuerger Studenten zu Berlin

Page d'Accueil
Luxembourg
Luxembourg
VLIB - Letzebuerger Studenten zu Berlin

Verein der Luxemburger Studenten in Berlin

Infos, Events & More

28/07/2026

Léif Memberen,

Hei nach e puer Andréck vun eisem Summer Beerpongtournoi! 🍻☀️

Merci un all déi, déi matgespillt, ugefeiert an de Mëtteg mat eis verbruecht hunn. Mat ville flotte Matcher, vill Laachen an enger super Atmosphär war et nees en gelongenen Event.

Congrats un eis Gewënner! 🏆

Plaatz 3: The Kink Kongs Kings.
Plaatz 2: Du bist gut genuuuuug.
Plaatz 1: Fësch deng Mamm.

Mir freeën eis schonn, iech bei den nächste VLIB-Eventer erëmzegesinn.

Äre VLIB 🐻

22/07/2026

Léif Memberen,

et ass Zäit fir zesummen op de CSD zu Berlin ze goen! 🏳️‍🌈✨

Mir treffen eis e Samschdeg um 15:30 Auer um Nollendorfplatz, fir zesummen un der Parade deelzehuelen an e flotten, faarwege Nomëtteg ze verbréngen.

Bréngt wgl. genuch Waasser, Sonneschutz an natierlech är bescht Laun mat! 🌞🥤

Mir kucken um Daag selwer spontan, wéi laang mir ënnerwee sinn, mee bréngt op alle Fall vill Energie a Loscht op eng flott Zäit mat!

Mir freeën eis drop, dëse besonneschen Dag zesumme mat iech ze feieren an e staarkt Zeeche fir Diversitéit, Gläichberechtegung a Respekt ze setzen! ❤️🧡💛💚💙💜

Äre VLIB 🐻

20/07/2026

Léif Memberen,

de SCRIPT, Service de Coordination de la Recherche et de l’Innovation pédagogiques et technologiques, ass aktuell op der Sich no motivéierte Student:innen, déi bei der Duerchféierung vun der Survey on Social and Emotional Skills (SSES), enger internationaler Etüd vun der OECD, matschaffe wëllen.

Dës Aarbecht ass besonnesch interessant fir all déi, déi praktesch Erfarung an engem Fuerschungsprojet oder am Educatiounsberäich sammele wëllen. 📚

All weider Informatiounen iwwert d’Aufgab, d’Asazzäiten an d’Umeldung fannt dir an de folgende Slides.

Wann dat eppes fir iech ass, da mellt iech gären direkt beim SCRIPT.
www.script.lu

Vill Spaass beim Entdecken an vill Gléck! 🍀

Äre VLIB 🐻

17/07/2026

Léif Memberen,

leider musse mir eisen Open Air Summer BBQ um Tempelhofer Feld, deen haut geplangt war, wéinst de schlechte Wiederkonditiounen ofsoen. 🌧️

Mir haten eis op e flotte Summerowend mat iech gefreet, mee d’Sécherheet an e gemittlechen Owend stinn natierlech am Virdergrond.

Och wa mir haut leider net zesummen op eis Vizepresidentin hire Gebuertsdag kënnen ustoussen, wënsche mir hir natierlech alles Guddes! 🥳🎉

Mir hoffen, datt mir de BBQ geschwënn ënner bessere Konditiounen noweie kënnen a freeën eis, iech dann erëm ze gesinn.

Merci fir äert Versteesdemech!

Äre VLIB 🐻

14/07/2026

Léif Memberen,

et ass Zäit fir eisen Open Air Summer BBQ um Tempelhofer Feld! ☀️

Mir treffen eis e Freideg, de 17. Juli 2026 um 17:00 Auer um Tempelhofer Feld an der Grill Area fir zesummen ze grillen, an e flotten Summerowend auskléngen ze loossen.

Bréngt wgl. äert eegent Grillgut a Gedrénks mat! 🍻

Mir kucken um Daag selwer spontan, wéi laang den Owend geet, mee bréngt opallefall mol gutt Laun a vill Zäit mat!

Dësen Owend hu mir och nach e klenge Grond mei ze feieren: mir stoussen zesummen op de Gebuertsdag vun eiser Vizepresidentin un! 🥳

Mir freeën eis op e relaxen a flotte Summerowend mat iech um Tempelhofer Feld!

Äre VLIB🐻

04/07/2026

Léif Memberen,

Et ass Zäit fir eisen Summer Championship! ☀️🏆🍻

Dëse fënnt e Samschdeg, den 11. Juli 2026 statt.

Mir treffen eis um 16:00 Auer am Victoriapark zu Berlin (Friedrichshain-Kreuzberg). 📍 De genauen Treffpunkt fannt dir den Dag selwer an eiser Story.
D’Championship fänkt um 16:30 Auer un, also sidd pünktlech! ⏰

Umelle kënnt dir iech mat ärem Partner iwwer de Link an eiser Bio. D’Plazen si limitéiert, also zéckt net a mellt iech un! 💪

Membere bezuelen 10 €. Net-Membere bezuele 15 €.

Déi éischt 3 Béiere ginn op de Berli an dono kennt der Iech sur Place nach mei Gedrénks kafen mee bréngt dofir weg Boergeld mat.

Mir freeën eis op e flotte Summernomëtteg mat Iech! ☀️🍻

Äre Vlib 🐻

01/07/2026

Léif Membere,

Mir soen och e riesen Merci un eis Sponsoren fir den Intercercle!🌟

An nach eng lescht Kéier Merci u jiddereen den dobäi war.🤩

Mir hoffen Iech all nächst Woch um Beerpong Tournoi ze gesinn!🍻

Äre Vlib🐻

29/06/2026

Léif Membere,

Vum 12. bis de 14. Juni konnte mir um éischte Berliner Intercercle Studenten aus anere Cerclen begréissen.🤩 No eisem Welcome Fräibéier am Erdreich um Freideg, hunn eis Gäscht Samsdes trotz dem Reen d’Berliner Studenteliewe mat Flunky-Ball an Rage-Cage am Treptower Park an enger Spätitour duerch Kreuzberg kennegeléiert.🍻 Spontan ass an der Nuecht dunn nach een Tour mat der Ringbahn gefuer ginn. Sonndes ass dëse gelongene Weekend du mat engem gemeinsame Brunch, esou wéi enger Visite vun de wichtegste Plazen zu Berlin ausgeklongen.

Merci u jiddereen den dobäi war! Mir freeën eis schonn ob nächst Joer!🫶

Äre Vlib🐻

22/06/2026

Léif Membere,

Muer ass Nationalfeierdag!🇱🇺 Fir all déi déi leider net dofir konnten zeréck op Lëtzebuerg fueren treffe mir eis muer ab 19:30 Auer am Birgit Biergarten fir zesummen unzestoussen.🥂

Mir freeën eis op Iech!

Äre Vlib🐻

19/06/2026

Léif Membere,

Gëschter gouf den neie Comité gewielt, de mir Iech nach deemnächst virstellen!🤩

Mir sinn awer och rëm fläisseg um plangen, an dir gesitt hei och schonn en Iwerbleck iwwer déi nächst Events dësen Summer!🌞

Dat eicht Event steet och scho virun der Dier! Un Nationalfeierdag gi mir all zesummen an den „Birgit“ Biergarten. Genau Infoe kommen nach no!🍻

Mir freeën eis op Iech,
Äre Vlib🐻

Adresse

Luxembourg

Site Web

https://vlib.lu/

Notifications

Soyez le premier à savoir et laissez-nous vous envoyer un courriel lorsque VLIB - Letzebuerger Studenten zu Berlin publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.