Association luxembourgeoise des journalistes professionnels

27/05/2026

Eisen Terrassendësch um Redaktiounsschluss den Dënnsten an der Stad war gutt gefëllt - mee et ass nach Sputt no uewen, léif Kolleeginnen a Kolleegen vun der ALJP 😀

📆 Nächste Redaktiounschluss: 7. Juli.

26/05/2026

Kommt laanscht um Afterwork mat der ALJP - dëst Kéier nees an der Stad🍻

📍RDV - 26. Mee, 19 Auer, Wëllem (1, Rue de la Reine, net ze verwiesselen mam „De Gudde Wëllen“)

22/05/2026

Mat Freed kuckt d’ALJP zeréck op d’ Centenaire-Feier den 2. Mee am ChouChou zu Hollerech.
Gefeiert hu mir a Präsenz vum Premierminister Luc Frieden, der Delegéiert Ministesch fir Medien a Connectivitéit Elisabeth Margue a ville Memberen a Frënn vun der ALJP.
All deenen, déi dëse besonneschen Anniversaire mat eis zesumme gefeiert hunn, ee grousse Merci! ❤️

📸 Jérôme Neumann .photography
📸 Jean-Claude Ernst
📸 Claude Piscitelli

PS: Mir freeën eis op iech op eisem nächste Redaktiounsschluss, de 26. Mee!🤩

12/05/2026

D’ALJP begréisst d’Entscheedung vum Lëtzebuerger Geriicht, enger Journalistin an hirem Editeur Recht ze ginn: E wéinst Steierbedruch verurteelte Geschäftsmann hat gefuerdert, dass en Artikel iwwer seng Affär geläscht gëtt. Am Sënn vun der Pressefräiheet huet d’Geriicht decidéiert, dass dat net muss geschéien.

21/04/2026

D’Geriicht zu Lëtzebuerg huet enger Journalistin vu Reporter.lu Schuedenersatz zougestanen, well d‘juristesch Prozedur géint si just als Aschüchterung sollt déngen.
D‘ALJP verurteelt den Asaz vun sou SLAPP-Kloen a begréisst, datt d‘Geriicht Schuedenersatz fir d‘Journalistin festgehalen huet.

02/04/2026

ALJP goes South - again !

A well den éischte Redaktiounschluss vun dësem Joer zu Esch esou gutt besicht war, geet et fir de nächsten Afterwork mat der ALJP nees an d' Uelzecht-Stad.

📍RDV - 8. Abrëll, 19 Auer, Escher Kafé

31/03/2026

« Il ne faut pas trop se focusser uniquement sur ce que vous lisez dans certains médias. Parce que certains médias, et peut-être le public en général, sont attirés par les nouvelles, les conflits ci ou là. J’aimerais qu’il y ait plus de ‘Paperjams’, qui parlent du fond du problème. »

D’ALJP kritiséiert dës Aussoe vum Luc Frieden vum 24. Mäerz an der Philharmonie. Dass verschidde Medien op Konflikter aus wieren, a net genuch vum Fong vun de Problemer schwätzen, si pauschal Aussoen, déi d’ Berichterstattung zu Lëtzebuerg an ee falscht Liicht réckelen.
Ee Premier- a Medieminister sollt fir d ‘Pluralitéit vun der Medielandschaft astoen an net de Géigendeel fuerderen.

25/03/2026

Wéinst sengen neie Verpflichtungen un der Spëtzt vum Conseil de presse huet de Misch Pautsch, op der Assemblée générale vun der ALJP de 24. Mäerz, säin Amt als President ofginn.
De Sidney Wiltgen iwwerhëlt elo dëse Posten als neie President. Hie gëtt ënnerstëtzt vun der neier Generalsekretärin Rosa Clemente, vum Vize-President Luc Caregari, vun der neier Vize-Presidentin Sandra Schmit, dem Roger Infalt als Trésorier esouwéi vun alle Comitésmembere.
Dem Misch Pautsch, ee grousse Merci fir seng Aarbecht, an der neier Ekipp, Merci fir hiert Engagement.

24/03/2026