Quel est le site Web ?

E Pak fir Madagaskar asbl

Accueil
Luxembourg
Luxembourg
E Pak fir Madagaskar asbl

D'Zil vun eiser A.s.b.l. ass et, Kanner op Madagaskar eng Chance op eng besser Bildung ze ginn, andeems mir si an hier Schoulen materiell ënnerstëtzen.

Mir hëllefen insgesamt 6 madagassesche Schoulen andeems mir Schoulprojete finanzéieren. Mir ënnerstëtzen d'Famillen vun de Schüler duerch d'Finanzéiere vum Schoulmaterial. Weider Informatiounen fannt dir op:
www.epakfirmadagaskar.lu

15/09/2026

Rentrée op Madagaskar

Obwuel et op Madagaskar eng Schoulpflicht gëtt, waren am Joer 2025 laut Unicef 43% vun de Kanner op der Insel net scolariséiert. Besonnesch fir Jonker aus benodeelegte Familljen ass den Zougang zur Bildung nach ëmmer eng grouss Erausfuerderung.

Mir si frou, dass mir och dëst Joer nees d'Famille vun 1100 Schüler duerch d'Finanzéiere vum Schoulmaterial entlaaschten an de Kanner eng besser Chance op Bildung an domat op eng besser Zukunft kënne ginn.

Virun engem Mount hu mer iech hei gewisen, wéi d'Virbereedungen op d'Rentrée an der Ecole Santa Lucia gelaf sinn. An d'lescht Woch war et esou wäit: Ronn 200 Schüler sinn um 1. Schouldag mat hiren Elteren an d'Schoul komm fir hir nei Schoulsaachen entgéint ze huelen. D'Freed an d'Dankbarkeet war op alle Säite grouss.

Och d'Kantin vun der Ecole Santa Lucia wäert dëst Schouljoer Dank eisem Finanzement weider kënne fonctionéieren. Déi 200 Schüler an hir Proffe kréie 4 mol d'Woch gratis eng gesond Molzecht zervéiert.

E grousse MERCI geet op dëser Plaz un all eis Donateuren, déi eis ëmmer trei ënnerstëtzen an dës Projete méiglech maachen.

14/08/2026

D’Virbereedungen fir d’Rentrée 2026/2027 op Madagaskar lafen op Héichtouren.
Eis Asbl finanzéiert och dëst Joer nees d'Schoulmaterial fir iwwer 1100 SchülerInnen an eise 4 Partnerschoulen.

Aus der Ecole Santa Lucia hunn eis Ufank der Woch dës Fotoen erreecht. Hei hunn déi Responsabel net nëmmen d'Schoulsaache fir ronn 200 Kanner besuergt, mee – wéi all Joer – och zwee Bäll an e puer Rulle Stoff, aus deenen Uniformen a Sportstenüe wäerte gebitzt ginn.

Zousätzlech ënnerstëtze mir d'Ecole Santa Lucia weiderhin duerch de Finanzement vun der Schoulkantin mat allem wat dozou gehéiert (Iesswueren, Pai vun 3 KächInnen,...)
200 Kanner kréien esou 4x d’Woch eng gratis waarm Moolzecht zerwéiert.

E grousse MERCI geet op dëser Plaz un all eis Donateuren, ouni déi dës Projeten net méiglech wieren.

07/11/2025

Enn September sinn a ville Stied op Madagaskar grouss Protester ausgebrach, virun allem wéinst der schlechter wirtschaftlecher Lag, der onzouverlässeger Stroum- a Waasserversuergung an der doraus resultéierender Onzefriddenheet mam President. D’Protester goufen am Oktober ëmmer méi hefteg, an e puer Eenheete vun der Arméi hunn sech den Demonstranten ugeschloss. De President huet d’Land doropshi verlooss, an d’Militär huet d’Muecht iwwerholl. Zanter Mëtt Oktober féiert e Kolonell d’Land an enger Iwwergangsphase, bis nei Wale solle kommen.
Mir verfollegen d’Situatioun weiderhin opmierksam a stinn an enkem Kontakt mat eise Partneren op der Plaz.

Nodeems d'Schoule wéint der onsécherer Lag eng Zäit zou waren, hunn d'Couren nees ugefaangen a mir freeën eis, dass eis dës Woch dës Biller aus der Ecole Radama Ier erreecht hunn. Hei bedeelege mir eis un der Finanzéierung vun de Moolzechte fir ronn 30 Kanner, an dat 4x d'Woch. Well keng Plaz fir eng méi eng grouss Kantin an dëser Schoul ass, gëtt et e Roulement, sou dass all Kanner reegelméisseg an de Genoss vun engem waarme Plat kommen.

E grousse Merci un all déi, déi eis dëse Projet erméiglechen.

21/09/2025

Rentrée am Lycée vun Ambararatabe
Dës Schoul läit an der Regioun Bongolava, eng 180km westlech vun Antananarivo. Hei drécken dëst Schouljoer 390 Lycéesschüler d'Schoulbänk an och si kruten hiert Material bei der Rentrée vun eis finanzéiert.
Déi nei Bibliothéik an der Enceinte vum Lycée ass grad fäerdeg gebaut, awer nach net mat Miwwelen equipéiert. Déi Verantwortlech vun der Schoul hunn duerfir decidéiert, de Schüler hier Schoulsaachen dëst Joer an deem Gebai ze iwwerreechen.
D'Direktioun, d'Schüler an hir Famille schécken eis e grousse MERCI, dass mir niewent der Finanzéierung vum Schoulmaterial och d'Käschte vum Bau an der Ausstattung vun der Bibliothéik iwwerholl hunn.
Dee Merci gi mir un all eis Donateure virun, déi eis dat alles erméiglecht hunn. Dir sidd immens!

09/09/2025

Gëschter war d'Rentrée an der Ecole Santa Lucia. Och hei kruten allen 183 Schüler hiert Schoulmaterial vun der Schouldirektioun mat Ënnerstëtzung vun eise Partnerinnen vum Soroptimist International Club d'Antananativo Mandrosoa iwwerreecht. Ausserdeem finanzéiere mir och dëst Schouljoer weiderhin d'Kantin (Iesswueren, Pai vun 3 KächInnen,...), sou dass 4x d'Woch d'Schüler mat hire 16 Enseignantën gratis eng gesond waarm Molzecht kréien.

07/09/2025

Et ass Rentrée op Madagaskar. Wéi schonn an de leschte Jore finanzéiere mir alle Schüler aus eise 4 Partnerschoulen d'Schoulmaterial. An den nächsten Deeg kréien d'Kanner mat hiren Elteren d'Schoulsaache vun der respektiver Schouldirektioun iwwerreecht.

E grousse Merci geet un eis wäertvoll Partnerinne vum Club Soroptimist vun Antananarivo, déi d'Direktiounen ënnerstëtzen an hëllefen, e reiwungslosen Oflaf ze garantéieren.

Den Optakt mécht dëst Joer eis gréisste
Partnerschoul, d'Ecole Ilanivato an engem Aarmevéirel vun der Haaptstad Tana. Hei goufe gëschter 373 Schüler mat Schoulsaachen equipéiert.

E grousse Merci allen Donateuren, déi dëst méiglech gemaach hunn an de malgache Famillen esou eng grouss finanziell Erliichterung verschaaft hunn.

14/07/2025

E Sonndeg waren d'Nadine an d'Sänd op enger weiderer Chèqueiwwerreechung.

Déi Luerenzweiler Schoulkanner sinn op hirem traditionelle Schoulmarathon Enn Mee Honnerte vu Kilomeetere gelaf an hunn dobäi fläisseg Sue fir eis Asbl gesammelt. Esou hunn si déi grouss Zomm vu 4'500€!! zesummekritt.

Heimat kënne mir d'Schoulmaterial fir ca. 350 malgache Schüler kafen, wat fir deenen hir Famillen eng enorm finanziell Entlaaschtung bedeit.

E grousse MERCI un d'Schüler, d'Enseignanten, d'APEEP, d'Gemeng, d'Elteren an all aner Sponsore fir hir wäertvoll Ënnerstëtzung.

11/07/2025

Haut de Mëtteg waren d'Sandra an d'Nadine um Schoulfest vum Campus "Am Ale Bësch" zu Eschduerf.

Hei kruten si e Chèque mat deem fantastesche Montant vun 13'000€ !!! iwwerrecht, déi d'Schoulkanner am Kader vun engem Spendelaf gesammelt hunn.

Mat däer riseger Zomm kënne mir dësen Hierscht d'Schoulmaterial fir déi gutt 1000 Kanner aus eise 4 Partnerschoulen op Madagaskar finanzéieren oder 200 Kanner an der Kantin vun der Ecole Santa Lucia bal ee ganzt Schouljoer laang 4x d'Woch e gratis Menü zervéieren.

Mir soen alle bedeelegte Schüler, Enseignanten, Elteren an anere Spender e grousse MERCI fir hir Ënnerstëtzung!

Fotoen vum Charles Reiser

21/05/2025

80 Joer hott de Charel Elcheroth mat Famill a Frënn gefeiert! Als Member an treien Ënnerstëtzer vun der 1. Stonn un hott hien amplaz vu Cadeauxen seng Invitéen gefrot, fir eiser Asbl ze spenden! 4970€ koumen als Gebuertsdagscadeau op eisem Kont un!
Merci dem Charel fir dee generéise Geste!
Merci jiddferengem, deen sou dem Charel an doduerch och ville malgache Kanner eng grouss Freed gemeet hott!!!

19/05/2025

D'Reenzäit op Madagaskar ass eriwwer an et kann endlech un der neier Bibliothéik vum Lycée Ambararatabe weidergebaut ginn.
Well d'Unzuel vun de Schüler vu Joer zu Joer méi grouss gouf, huet déi fréier Bibliothéik am Haaptgebai mussen an e Klassesall ëmgewandelt ginn.
Well et besonnesch fir d'Lycéesschüler wichteg ass, Zougang zu Sach-, Lies- a Schoulbicher ze hunn, hu mir eis Partnerschoul vun Ambararatabe iwwer Joren mat Bicher versuergt. Elo iwwerhuele mir déi komplett Käschten vum neie Gebai an dat d'Klassen ab der Rentrée am September d'Bicher consultéiere kënnen.
E grousse Merci un all Donateuren, déi eis d'Realiséierung vun dësem Projet erméiglechen.

Adresse

Luxembourg

Site Web

http://www.epakfirmadagaskar.lu/

Notifications

Soyez le premier à savoir et laissez-nous vous envoyer un courriel lorsque E Pak fir Madagaskar asbl publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.