Privaten Déiereschutz asbl.

01/10/2026

E Sonndeg den Owend sinn dës zwee Butzen um Parking vum Centre Culturel Schongfabrick zu Téiteng fonnt ginn.

Auserhéngert, si hate ganz secher nach ni eppes anescht giess wéi Mammemëlleg.
Kee vun den Awunner ronderem, deenen hir Gäert un de Parking grenzen, kennt déi Kleng.
A leider schéngt natierlech och keen déijéineg gesinn ze hunn, déi se einfach do entsuergt hunn.

30/09/2026

De Louis e kastréierte Bock vu 6Méint sicht e neit Aartgerecht Doheem bei Aartgenossen. Hien ass een immenz firwertzegen a léist sech och mol heemlen.

Fir weider Infos kennt dir iech direkt bei der Fleegefamill um 621283138 oder um 348501 mellen, Merci!

28/09/2026

Hei ass eisen neie QR-code fir WERO.
Mir brauchen Är Ënnerstëtzung fir eisen Déieren ze hëllefen.
Hei fann dir déi verschidde Méiglechkeeten:
-en Don op de Bankkonto: BCEE LU81 0019 1700 0019 4000 / CCPL LU42 1111 2407 7016 0000,
-iwert Wero,
-iwwert eis Amazonlëscht,
https://www.amazon.de/.../1JGYJ4MOCZP90/ref=hz_ls_biz_ex...
-an dem der eppes an enge vun eise Spendenboxen am Fressnapf Walferdange oder am Globus zu Jonglënster maacht,
-dir kënnt eis och kontaktéieren fir Fudderspenden asw laanscht ze bréngen.
All Hëllef ass Wëllkomm an all Euro zielt. Merci am Viraus un Iech all. 😻😺

18/09/2026

Mir sinn dëse Samschdeg nach am Globus zu Lënster.
Kommt eis moie soen, dir fand bestëmmt eppes flottes an ënnerstëtzt domat eis Déieren wou mir hëllefen.
Merci am viraus.

15/09/2026

https://benevolat.lu/annuaire-missions/soutien-pour-nos-chats

Nous recherchons des personnes qui aiment les chats et qui souhaiteraient nous aider au sein de notre famille d’accueil.

12/09/2026

Des véier Geschwëster vun 3Méint sichen e neit Aartgerecht Doheem. Et sinn dräi kastréiert Beck an e Weibchen.

Dir kënnt iech direkt bei der Fleegefamill um 621283138 mellen oder um 348501, Merci!

07/09/2026

Merci all deene Leit déi eis op der Braderie besiche koumen an och eppes fir eis Keess gemaach hunn.
Mir kēnnen op iech zielen 😻😻😻

Loscht op ee klengen Akafstrip?
Mir hunn wéi all Joer ee Stand op der Staadter Braderie, op der Plëss virum Mc Donald's.
Kommt bei eis ee klenge Gadget kafen, awer nach vill besser eng vun eisen neie Fleecejacketten, T-Shirten, wonnerschéin handgemaarten Decken, löschteg Schietercher a vill aner praktesch Saachen.

03/09/2026

Dese Bock gouf de moien zu Mamer ob der Haaptsrooss beim Optivue agefaang.

Wann een e vermesst kann e sech direkt bei der Fleegefamill um 621283138 oder um 348501 mellen, Merci!

02/09/2026

Kleng mise à jour:
Ech hunn de Mëtteg därfen a meng nei Famill plënneren.
An ech wärt mech gutt behuelen fir dass meng nei Kazefrênn mech bei hinne ophuelen ❤️

🐾 Hallo du, jo du!
Moien, ech sinn de Karamell! 🧡
Ech sinn ongeféier 1 Joer al an hun leider schonn e puer traureg Saachen erlieft. Ech gouf ofgemoert a krank ausgesat. 😔 Trotz allem sinn ech e ganz léiwen a frëndleche klenge Kueder bliwwen an hunn d’Mënschen immens gär. ❤️
Ech si superléif, wibbeleg a ganz mënschebezunn. Am léifste sinn ech no bei menge Leit a genéissen all Opmierksamkeet a Kuschelen. 🥰
Mat anere Kazen verstinn ech mech ganz gutt. Ech si keen Eenzgänger a brauch onbedéngt Gesellschaft. 🐱🐱 Dofir wënschen ech mir en Doheem, wou schonn eng léif Kaz op mech waart oder wou ech zesumme mat enger Kazekolleegin oder engem Kazekolleeg däerf hi plënneren.
Duerch meng Krankheet wäert ech wuel e klenge chronesche Schnapp behalen. Dat hält mech awer net dovun of, e liewege, virwëtzege a verspillte klenge Männi ze sinn. 🧡
Elo sichen ech just nach meng Fir-Ëmmer-Famill, déi mir weist, wéi schéin e richtegt Doheem ka sinn. 🥹❤️
Vläicht bass du jo mäi Mënsch? 🐾
Da mell dech gären – ech freeë mech op dech! 🧡
Tel.: 621 148 226 oder 26 66 08 71

01/09/2026

🐾 Moien, ech sinn d’Püpi! 🩷
Ech sinn 8 Joer al a liewen zënter ech kleng sinn bei enger Famill. Elo sichen ech e neit Doheem, wou ech mech a Rou a Sécherheet ka fillen. 🥰
Ech sinn eng Kaz, déi e bëssen Zäit brauch, fir Vertrauen ze faassen. Dofir brauch ech roueg Kazekenner, déi Gedold hunn an mir déi néideg Zäit ginn, fir mech an mengem neien Doheem anzegewinnen. ❤️
Ech si KENG Kaz fir Ufänger, an ech wënsche mir e Liewen ouni Stress an ouni Kanner, wou et roueg a gemittlech ass. Ech sinn et gewinnt, eleng ze sinn, a wëll dofir och weiderhin meng Leit fir mech eleng hunn. 🐱🏡
Bis elo war ech nëmmen eng Wunnéngskaz.
Wann Dir mir e rouegt a léift Doheem fir de Rescht vu mengem Liewen schenke wëllt, da mellt Iech w.e.g. beim Privaten Déiereschutz
Vläicht sinn ech jo genau déi kleng Kaz, déi Dir nach an Ärer Famill vermësst. 🥹🩷🐾
Merci dass Dir och eelere Kazen eng Chance gitt!
Deelen erwënscht!
Tel.: 621 148 226 oder 26 66 08 71