Quel est le site Web ?

LSS-Lëtzebuerger Studenten zu Saarbrécken asbl

Page d'Accueil
Luxembourg
Luxembourg
LSS-Lëtzebuerger Studenten zu Saarbrécken asbl

Den LSS ass de Cercle vun a fir d'Lëtzebuerger Studenten zu Saarbrécken. Mir organiséieren all Woch een Event an hëllefen iech gäre bei all äre Froen.

06/06/2026

De Volleyball-Event fënnt e Mëttwoch statt. Dofir treffe mir eis um 19h Auer um Staden a trëppele gemeinsam, hand in hand, bis bei de Volleyballterrain, fir um 20h Auer do ze sinn.
Dir kënnt natierlech och méi spéit kommen, wann dat Iech besser passt.
Op der Plaz ginn et Vestiairen, Duschen an och eng Bar. Fir méi Informatiounen iwwert d'Lokalitéit an aner Detailer zum Beachvolleyball, fannt dir hei: www.onebeach.de

31/05/2026

Salut, en Dënschdeg hu mer eise Spillerowend 2.0 um 20h. Well d'Wieder eis leider net an d'Kaarte spillt (verstitt der? Et ass jo e Spillerowend), kënne mer dat Ganzt net um Staden maachen. Dowéinst plënnere mer an de Synop. Dir kënnt, wéi och schonn déi leschte Kéier, gären e Brett- oder Kaartespill matbréngen. An vergiess *Codenames* net Presidentin !!!

PS: Den Admin entschëllegt sech fir säi Bild. Wéinst der Spontanitéit hat ech keng Zäit, mech richteg virzebereeden, an ech hu misse séier eppes Passendes zesummestellen. Hoffe mer, datt d'Wieder d'nächst Woch besser matspillt! 🌞

29/05/2026

Hei hutt der en Iwwerbléck iwwert all Event vum nächste Mount. Admin wollt déi Situatioun direkt ausnotze fir sech bei deene Leit ze bedanken, déi de leschte Post *gelies* a *geliked* hunn. Dir sidd alleguer trei Stécker. Fillt Iech vun ärem Lieblings-Social-Media-Manager gedréckt🫂 Fir all déi aner... den Admin wäert sech dat verhalen👁

23/05/2026

Dënschdes, 19h30 um Staden, Quizowend. D'genau Location gëtt kuerz virdru gepost. Dir braucht Iech net unzemellen, kommt einfach wann der Loscht an Zäit hutt. An wann iergendeen seet, datt den Text mat null Motivatioun geschriwwen ass: EN GËTT SOUWÉISOU NET GELIES🫩

Mat e puer Likes kréien ech meng Motivatioun awer villäicht zeréck👀

15/05/2026

E Mëttwoch ass et Zäit fir mol e puer Geheimnisser ze entlëften an domadder ass net gemengt wéi d'Pyramiden entstane sinn. Mir ginn nämlech an den 📍Escape Room. Och hei gëllt, op WhatsApp liken 👍 falls der am Landwehrplatz zu fouss kommt (19h) oder mat engem 🚗 reagéieren falls der selwer dohi féiert (19h30). Dir hutt Zäit bis e Sonnden owend um 20h fir ze voten. Vill Spaass.

📍Mission-Escape: Neumühler Weg 28, 66130 Saarbrücken

09/05/2026

E Dënschden ass et endlech esou wäit: de laang erwaarte Spillerowend fënnt um 20h am Synop statt. Bréngt gären e Brett- oder Kaartespill mat. Peace out✌🏻

03/05/2026

Dëse Donneschde gi mir jo zesumme Bowling spillen also wëlle mir vun Iech wësse, wie Loscht hätt matzekommen. Dofir liket 👍 eng Kéier de Message op WhatsApp wann dir mam LSS-Mobil um 19h matfuere wëllt (Treffpunkt: Landwehrplatz) oder mat engem Auto 🚗 wann dir selwer op BowlBar32 fuert a rechtzäiteg um 19h30 do sidd. Eis Membere musse just eng Gebühr vu 5€ bezuele fir matzespillen a jee nodeems wéi vill Leit kommen, kann et sinn datt den LSS de Bowling och ganz fir eis Memberen iwwerhëlt/bezilt. Kussi

PS: Dir hutt och d'Méiglechkeet do ze iessen

30/04/2026

Hei hutt der den Iwwerbléck fir d'Eventer vum néchsten Mount. Sidd gespaant! (wéi eng Fieder hehe)

19/04/2026

Mir ginn e Mëttwoch nees Billard spillen an dofir treffe mer eis um 20h am BillardCafé Citytreff. Déi Leit, déi d'Soirée de Bienvenue verpasst hu sinn natierlech zu all Zäitpunkt wëllkomm. An wann der et nach net bemierkt hutt: Den Datum vum Event steet och am Bild :D

Bis geschwënn, däin LSS-Comité.

16/04/2026

Hola, mir hoffen dir hat Spaß bei eiser Soirée de Bienvenue geschter. Hei gesidd der dann och déi restlech Eventer vum Abrëll. Bis dann🙂‍↕️

Adresse

Luxembourg

Site Web

https://acel.lu/cercles/lss, https://chat.whatsapp.com/L9KJ5LjseszF4tt695VTBZ?mode=wwc

Notifications

Soyez le premier à savoir et laissez-nous vous envoyer un courriel lorsque LSS-Lëtzebuerger Studenten zu Saarbrécken asbl publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.