Quel est le site Web ?

LSM - Lëtzebuerger Studenten zu München

Page d'Accueil
Luxembourg
Luxembourg
LSM - Lëtzebuerger Studenten zu München

Op dëser Säit fannt dir flott Réckblécker a Fotoe vun den aktuellen a vergaangenen LSM Aktivitéiten

29/04/2026

Réckbléck Frühlingsfest
De 24. Abrëll ware mir um Frühlingsfest gutt vertrueden. Moies um 9h30 hu mir eis virum Zelt „Festhalle Bayernland „ getraff fir e puer Dëscher ze ergatteren. ⛺🍺

De Béier huet nees grandios geschmaacht a bis zum Schluss fir flott Stëmmung gesuergt. Bei gudder Musek, lëschteger Gesellschaft a ville Maß Béier konnte mir e schéinen Dag matenee verbréngen.💙

23/04/2026

Réckbléck 25. Anniversaire
Dëst Joer ass e ganzt besonnescht fir eise Veräin: Den LSM feiert 25 an de Münchner Bal 30 Joer! 🎂Fir all Guddes ze wënschen, hunn sech den 03.04. eng 100 Honnert LSMler an Ancienen getraff an op d’Ufanksjore vum Veräin zeréckgebléckt. Bei leckerem Iessen, gudder Gesellschaft an amüsanten Anekdoten ass deen Owend nëmme sou verflunn.

Mir soe jidderengem Merci, deen sech den Owend Zäit geholl huet fir eng Zäitrees duerch d’Geschicht vum LSM ze maachen.💙

22/04/2026

Réckbléck Student fir 1 Dag
Den 31. Mäerz si 6 Schüler aus dem Lycée eis am Kader vum Student fir een Dag op München besiche komm.
Den éischten Treffpunkt war d’Universität. Do krut all Schüler eng Mëtsch a gouf domadder zu München begréisst. Wéi üblech stoungen dunn d’Visite vun der TUM an der LMU um Programm.

An engem Hörsall an der TUM konnte mir de Schüler den LSM virstellen an d’Studenteliewe bësse méi nobréngen, ausserdeem kruten si d’Unien an déi verschidde Studiegäng, déi si interesséiere presentéiert. No enger weiderer Präsentatioun vun der ACEL, hu mir eis direkt op de Wee bei d’Mëttegiesse konnte maachen. Am Steinheil 16 konnten d’Schüler een Deel vun der bayrescher Kultur kenneléieren, mat Schnitzel, Kasespätzle a co.

Nom Mëttegiessen, hu mir eis op de Wee fir op Garching bei de Forschungszentrum vun der TUM gemaach. Hei konnten d’Schüler hire villäicht zukünftege Campus gesinn an nach eng Kéier all déi Froe stellen, déi hinnen um Häerz loungen.

Zum Ofschloss hu mir nach ee klengen Tour duerch den Englesche Gaart gemaach an op den erfollegräichen Dag geprost.

Mir hoffen den een oder aneren am Oktober oder deenen nächste Joren zu München begréissen ze kënnen.

Dobäi wëlle mir der ACEL nach eng Kéier Merci soe fir déi gutt Organisatioun an Zesummenaarbecht.💙🧡

20/04/2026

Réckbléck Starkbierfest
Bei beschter Musek hunn 30 LSMler den 20.03. um Paulaner Nockherberg d’Béierbänken zum wackele bruecht. 🕺Fir jiddereen, deen d’Fest sollt verpasst hunn, oder Loscht op méi Party-Stëmmung huet: Kommt den 24.04 mat eis op d’Frühlingsfest!💙

09/04/2026

Schonn zanter 25 Joer gëtt et de Münchener Studente-Cercle, kuerz den LSM. Dat gouf leschte Sonnden am Melusina gefeiert an et gouf op déi lescht 25 Joer zeréckgebléckt. https://www.rtl.lu/news/panorama/munchener-studentecercle-huet-25-anniversaire-gefeiert-1520944000

25/03/2026

Den 21. an 22. März huet eis Ekipp connecté „Lëtzebuerger Studenten zu München“ um Relais pour la vie deelgeholl 💜 Wärend 2 Deeg hu 15 LSM-Sportler alles gi fir Kilometer an Zäit ze sammelen.

Insgesamt ass eis Ekipp:
127,37 km gelaf🏃‍♀️🏃‍♂️,
545,21 km Velo gefuer🚴‍♀️🚴‍♂️,
16,22 km spadséiert🥾
an huet 480 kcal bei aner Aktivitéiten verbrannt🏋️‍♀️🏋️‍♂️.

Am Total also 688,8 km a 44h 32 min!

Villmools Merci och un all déi léif Donen, eng 500€ sinn sou fir de Kampf géint de Kriibs zesummkomm! 💜💙

04/03/2026

Léif (Ex-)Münchener Studenten,

De 4. Januar 2026 waren et elo genau 25 Joer hier, dass de Veräin LSM am Kader vun der éischter REEL zu München vu motivéierte Studenten zu enger ASBL ëmgewandelt gouf. Domat hunn si de Grondstee geluecht fir dat wat mir elo als LSM kennen!

1996 huet déi éischt Editioun vun eisem Münchner Bal stattfonnt, deemools nach a senge Kannerschong, huet en sech iwwert d’Joren duerch Standuertfroen, Onsécherheeten an eng Pandemie gekämpft. Dowéinst kënne mir dëst Joer zesummen och eisem Bal säin 30te Gebuertsdag feieren, an ee klénge Bléck ob seng Geschicht zeréckwerfen.

Dofir luede mir iech heimat alleguer häerzlech an, de 4. Abrëll 2026 mat eis dës Gebuertsdeeg vun eisem Cercle zesumme mat all de Studenten, Ex-Studenten a Frënn vum Veräin zu Lëtzebuerg ze feieren. E „Save the Date!“ gouf et heifir schonn, allerdéngs kommen elo e puer méi Infoen:

Wou? Am Melusina (145 Rue de la Tour Jacob, 1831 Lëtzebuerg)

Datum? 4. Abrëll 2026

Wéivill Auer? Start ass um 19 Auer

Umeldung? Mellt iech wannechgelift bis spéitstens den 29. Mäerz iwwer follgende Link un:
https://lsm.lu/events/25-anniversaire/

Präis? 45€ fir Studenten, a 55€ fir d'Ancienen. Déi musst dir bis spéitstens den 30.03 op de Kont vum LSM iwwerwisen hunn:
LETZEBUERGER STUDENTEN ZU MÜNCHEN
IBAN : LU44 0019 2655 8968 1000
BIC: BCEELULL
Referenz : Anniversaire Virnumm + Nonumm

Dresscode? Casual-Chic (och gären Bayresch ugehaucht)

Wat kréien ech dofir?
Niewent der gudder Gesellschaft, flotte Gespréicher an d’Méiglechkeet nei an al (Ex-)Münchener Studente kennenzeléieren, gëtt et och Iessen a Gedrénks. Et erwaart iech e variéierte Walking Dinner, mat Entrée, Haaptplat, an Dessert. Och d’Vegetarier wäerten net ze kuerz kommen. Am Präis inclus ass och de ganzen Owend eng Flat fir Softs, Wäin, a Cremant an natierlech de gudden Augustiner Béier um Comptoir vum LSM. E klenge Programm, deen eis all zesumme bësse Freed brénge soll hu mir natierlech och organiséiert.

Bei Froe mellt iech gäre per Mail op [email protected]!

Bis dohi bleift gesond a monter,

Den LSM Comité mat der Hëllef vun enger Rei Ex-Presien

17/02/2026

Léif Memberen,
Gläich ass et nees souwäit: de 5. Abrëll fënnt am Melusina de Münchner Bal ( ) statt! 🎶🪩

Fir dass den Dag selwer d’Zapanlag leeft, kee Feier um Grill ausbrécht an d’Keess net onbewaacht bleift, brauche mir dech! Pak eng Hand mat un a verbréng en onvergiesslechen Owend mat eis zesummen. 🍻

Als grousse Merci fir d’Hëllef kriss du eng gratis Entrée op de Bal, eppes z’iessen an ze drénke virum Bal, d’Aluedung op d’Helferfest zu München an du kanns dech eng Stonn méi fréi fir d’Summerrees umellen.

Dëst Joer kann een sech och nees als „Premium-Helfer” mellen, dann erkläert ee sech bereet samsdes a sonndes beim Opriichten ze hëllefen, 1-2 Schichten um Bal ze schaffen, souwéi anzesprange falls Nout um Terrain ass an och dono beim Ofriichten eng Hand mat unzepaken. Als Premium-Helfer steet engem eng sécher Plaz op der Summerrees zou. D’Plazen hei sinn awer limitéiert.

Umelle kënnt dir iech iwwert follgende Link: https://muenchnerbal.lu/events/muenchner-bal-helfer/

Am viraus schonn een décke Merci!
Äre Comité 💙

PS: Denkt un är Tracht

11/01/2026

Réckbléck ACEL Studentencorner

Den 19. Dezember waren d’Lynn an den Eric aus dem LSM Comité um Eldo Radio an der Sendung “Acel Studentecorner”. An dëser Emissioun hu Sie, zesumme mat eise Frënn vum LSW, iwwert d’Studenteliewen an d’Unien zu München an zu Wien informéiert. Doriwwer eraus gouf de Cercle a seng Aktivitéite virgestallt.

D’Sendung kann een och als Podcast op alle gängege Plattforme lauschteren.

10/01/2026

Réckbléck Karaoke-Stammdësch
Den 8. Januar hu mir eis wéi gewinnt um 21h Rdv an der Klenze ginn. Allerdéngs hu mir dës Kéier net nëmme matenee gepotert, mee och zesummen an de Mikro gesongen an d’Hëften e bësse kreese gelooss, well ëmmerhin: Hips don’t lie 🕺🪩

06/01/2026

LSM Wanterrees 2026 - KITZBÜHEL - Recap❄️🎿🏂

06/01/2026

Réckbléck Wanterrees
Zu Kitzbühel si mir op de Schi an um Snowboard gutt an dat neit Joer 2026 eragerutscht.🎿🏂

Freides den 2. Januar hu mir eis moies fréi géint 6h40 um Ostbahnhof Treffpunkt ginn. No 2 Stonne Busfaart a leckeren Dräikinnekskuchen si mir zu Kitzbühel ukomm. De Bierg huet och net laang missen op eis waarden, a mir hu séier d’Pisten onsécher gemaach. 🏔️

No engem laangen Dag op de Schi huet et déi éischt duuschtereg um 15h fir d’Happy Hour an d’Schirmbar verschloen.
Do misste mir direkt mol op ee flotte Weekend prosten a den Après-Schi war lancéiert.🪩

Fir virum Owesiessen an der Sonnalm nach e bëssen ze entspanen, huet eng Partie vun eis vun der Sauna profitéiert (an sech am Schnéi nees ofgekillt). No engem gudden 3-Gänge-Menu ware mer gestäerkt a prett fir den Owend an der Schirmbar nees alles ze ginn. 🍸💃

Dat huet eis awer net ofgehale fir moies déi éischt op der Pist ze sinn. Och wann d’Temperaturen niddreg waren, huet d’Sonn sech blécke gelooss a mir si bei bloem Himmel de Bierg erofgedüst.☀️❄️

Owes si mir mam Grillowend verwinnt ginn - deen ass nom ganze Schi- a Snowboardfueren gutt komm. Fir de leschten Owend an der Schirmbar ze feieren, hu mir dann nach eng Kéier alles ginn.

Nodeems mir sonndes moies d’Wallis gepak haten, hu sech déi meescht direkt op d’Pist gemaach, fir nach vun deene puer leschte Stonnen an dem schéine Schigebitt ze profitéieren. Um 17h huet de Bus fir op München am Dall och schonn op eis gewaart.

Midd, mee mat enger Sammlung vu schéinen neie Momenter si mir owes nees zu München ukomm.

Mir soen eise Wantersportler Merci fir déi schéin Zäit op der Alm an hoffe mir gesinn iech d’nächst Joer nees um Bierg! 💙

Adresse

Luxembourg

Site Web

http://www.lsm.lu/

Notifications

Soyez le premier à savoir et laissez-nous vous envoyer un courriel lorsque LSM - Lëtzebuerger Studenten zu München publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.