LGS - Lëtzebuerger Guiden a Scouten

Accueil
Luxembourg
Luxembourg
LGS - Lëtzebuerger Guiden a Scouten

D’Lëtzebuerger Guiden a Scouten sinn dee gréissten edukative Jugendmouvement zu Lëtzebuerg.

Eis Missioun ass et, déi Jonk dorop virzebereeden, spéiderhi Responsabilitéit fir sech an anerer ze iwwerhuelen.

01/10/2026

🎙️Zeltgepëspers #18 - eng nei Episode ass do!
An der Folleg vum Oktober héiert dir Andréck vum Wise Festival zu Eschduerf🎸🎶 a vum Kongress/Chefdag um Lampertsbierg⚜️

Den 12. September ware mir um Wise Festival, dee vun den Eschduerfer Scouten organiséiert war. Vun 12 Auer Mëttes bis 1 Auer an der Nuecht ware mir op der Plaz an hunn déi wonnerbar Stëmmung mam Mikro fir iech agefaangen.

Um Kongress an um Chefdag, den 20. September um Lampertsbierg am Tramsschapp, bei deenen dat neit Scoutsjoer lancéiert gouf si mir net nëmmen der enger oder anerer politescher Prominenz begéint, mee mir hunn och mat villen engagéierten Cheftaienen a Chef geschwat🎤

Lauschtert elo eran, op Spotify oder Apple Podcasts a gitt duerch ee spannende September gefouert!

21/09/2026

⚜️ E staarke Programm vu Jonke fir Jonker 💚 um Kongress & Chefdag vun de Lëtzebuerger Guiden a Scouten hunn 450 Membere gëschter en neit Team fir d’Mandatsperiod 2026 – 2029 gewielt.

Si trieden zesummen als Ekipp un: fënnef Leit, fënnef Pilieren, ee gemeinsame Projet fir déi nächst dräi Joer.

▪️ Cathy Weber – Commissaire générale
▪️ Charles Majerus – Commissaire général
▪️ Aurélie Dell – Commissaire
▪️ Charel Donven – Commissaire
▪️ Xavier Létalon – Commissaire

👉„Mir wuessen zesummen“ ass de roude Fuedem vun de kommende Joren. D’Visioun setzt op staark Gruppen, méi Participatioun vu Jonken an eng gezielten Ënnerstëtzung vum Benevolat.

Zesumme mat de benevole Chef:tainen, de Gruppen, an de Memberen, soll de Guidismus a Scoutismus zu Lëtzebuerg an de kommende dräi Joer weider gestäerkt ginn. ⚜️💚

17/09/2026

🍂 Rentrée 2026: en Dënschdeg waren eis Biber a Wëllefcher drun, gëschter d’Avex an haut d’CaraPio an d’RaRo.

Mir wënschen alle Kanner a Jonken eng flott a gelonge Rentrée an e spannend neit Schouljoer! 🍀

E Sonndeg steet dann de Kongress & Chefdag um Programm – d’Rentrée vum Verband. Dobäi ginn d’Visiounenan d’Ziler fir déi nächst dräi Joer virgestallt an dat neit Guiden- a Scoutsjoer offiziell lancéiert. ⚜️

09/09/2026

⚜️ Kongress & Chefdag: d’nächst Woch, e Sonnden den 20. September, ass et nees esou wäit… 🍀Dëst Joer gëtt de Kongress an de Chefdag op engem Dag um Lampertsbierg ofgehalen.

Nieft dem gewéinleche Oflaf gëtt och deen Dag den neie Conseil d’administration zesumme mat den neie Commissaires généraux fir déi nächst 3 Joer gewielt.

⚜️🍀Hei e puer Andréck vum leschte Joer, wou de Käler Grupp de Verband an de Süde vum Land invitéiert hat.

31/08/2026

🎙️ Zeltgeflüster #17 – déi nei Episod ass do!
An der September-Folleg geet et ëm de BlåRød, den nationale CaraPio-Camp an Dänemark. 🇩🇰⛺

Bei dëser Episod goufen d‘Interviewe mat de Campchef:taine an der Géisserei gefouert. 🎤 Um Camp selwer konnten d'Kandidaten an engem Atelier aktiv matmaachen an hir eege Bäiträg ophuelen: de Réckspigel, den Ausbléck an och e puer Fieldinterviews.

Lauschtert eran, op Spotify oder Apple Podcasts a kritt en Abléck an dëst onvergiesslecht Camp-Abenteuer! 💚

25/08/2026

🌏 Odyssee 2026 – 4 Länner, 4 Projeten, eng gemeinsam Missioun ///// Lues a lues kommen ons ronn 💚 90 RaRo a Staff nees zeréck vun hiren Odyssee-Campen aus Brasilien, Georgien, Philippinnen a Senegal.

Mir freeën ons an den nächste Wochen a Méint méi vun hieren Erliefnisser an Andréck ze gesinn an ze héieren.

🇧🇷 💚 Brasilien: Bau vun enger Struktur fir eeler Leit, Ënnerstëtzung vum Jugendsecteur UJP an Ausernanersetzung mat sozialen Themen ewéi Aarmut an Ongerechtegkeet.

🇬🇪 💚 Georgien: Entwécklung vu pädagogesche Kofferen fir de SCENES-Formatiounszenter an Opbau vun engem iwwerdaachte Recyclingzenter.

🇵🇭 💚 Philippinnen: Ausbau vun enger Ausbildungsplaz an Installatioun vu Solarpannoen.

🇸🇳 💚 Senegal: Renovéierung vum Centre de Ressources Educationnelles et de Promotion des Enfants an Organisatioun vu Vakanzenaktivitéite fir d'Kanner vu Mboro.

15/08/2026

🌍 World Scout Scarf Day: den 1. August wor World Scout Scarf Day – en Dag, deen un den éischte Scoutscamp vum Robert Baden-Powell am Joer 1907 op der Insel Brownsea erënnert.

De Foulard ass vill méi wéi nëmmen e Stéck Stoff. Fir vill Guiden a Scouten steet en fir Zesummenhalt, Frëndschaft, Erënnerungen an d'Zesummegehéieren zu enger grousser Guiden- a Scoutsgemeinschaft. 💚 Ënnert dem Motto „Once a Scout, Always a Scout“ droen aktiv a fréier Guiden a Scouten hire Foulard deen Dag – egal ob op der Aarbecht, an der Vakanz oder doheem.

👉 Mee wat bedeit de Foulard fir eis Avex?
Hei e puer Andréck vum Camp den 1. August um Neihaischen!

05/08/2026

🌏 Odyssee 2026 – 4 Länner, 4 Projeten, eng gemeinsam Missioun

No engem Joer Preparatioun 💚 ass et endlech esou wäit. Dës Woch stinn eng ronn 90 RaRo a Staff an de Startlächer fir op hir Odyssee-Campen an 4 verschidde Länner ze fléien: Brasilien, Georgien, Philippinnen a Senegal. Nieft dem kulturellen Austausch setzen si sech och fir konkret a nohalteg Projeten an.

🇧🇷 💚 Brasilien: Bau vun enger Struktur fir eeler Leit, Relancement vum Jugendsecteur UJP an Ausernanersetzung mat Themen ewéi Aarmut, Sklaverei an Ongerechtegkeet, ouni dobäi déi kulturell a natierlech Schéinheet vu Brasilien aus den Aen ze verléieren.

🇬🇪 💚 Georgien: Ausschaffe vun nohaltege pädagogesche Kofferen, déi spéider am SCENES-Formatiounszenter agesat kënne ginn, souwéi de Bau vun engem iwwerdaachte Recyclingzenter.

🇵🇭 💚 Philippinnen: Ausbau vun enger ëffentlech zougänglecher Ausbildungsplaz an Installatioun vu Solarpannoen op de Gebaier.

🇸🇳 💚 Senegal
Renovéierung a Neigestaltung vum Centre de Ressources Educationnelles et de Promotion des Enfants an Organisatioun vu kreativen an edukative Vakanzenaktivitéite fir d'Kanner vu Mboro.

D'Odyssee steet zënter 1988 fir international Solidaritéit, Begéinungen op Aenhéicht a Projeten, déi e positiven Impakt hannerloossen – fir d'Communautéiten op der Plaz an och fir eis Jonker.

Mir freeën eis elo schonn op vill Fotoen an Andréck aus de verschiddene Campen a wënschen all de Participanten eng flott an onvergiesslech Odyssee! 🌏💚

02/08/2026

🪵💜🏕️ Avex Camp „Groot” um Neihaischen
Direkt nom Ukommen am spéiden Moien hunn d‘Gruppen d'Wiss beim Keltenhaus an e Camp verwandelt. Als éischt goufen d'Zelter opgeriicht. Duerno ass, ganz nom Motto „Learning by Doing“, Stéck fir Stéck d'Kichen opgebaut ginn, fir Owes zesummen ze kachen. Bei der Ufanksveillée gouf Thema vum Camp „Groot” lancéieren an déi Jonk sinn an Thema agedaucht.

Weider um Programm vum Camp stoungen: Holz-Konstruktiounen, Hike & Schwammen, eng Sortie an de Mariendall an den „Top Rope“ Héichseelgaart, en Hike op Duelem, Ateliere ronderëm Kaart a Kompass souwéi d'Verhale op der Strooss, eng Veillée an eng Nuecht am Keltenhaus.
E Rucksak voller staarker Momenter, neien Erfarungen a flotten Erënnerungen - dat war den Avex Camp vum 27.7 - 2.8🏕️💜⚜️

Adresse

Luxembourg

Téléphone

+352269484

Site Web

http://www.lgs.lu/

Notifications

Soyez le premier à savoir et laissez-nous vous envoyer un courriel lorsque LGS - Lëtzebuerger Guiden a Scouten publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L’organisation

Envoyer un message à LGS - Lëtzebuerger Guiden a Scouten: