AVL - Lëtzebuerger Studenten zu Oochen

22/10/2025

***Next Event***

Gudde Moien an O’zapft is!

Och wann den Oktober zwar esou lues zum Enn geet, loosse mir eis awer net dovun ofhalen eis eege klengt Oktoberfest ze maachen. De 28. Oktober wäerte mir am Ponttor der bayrescher Traditioun nogoen an ab 20:00 mat Béier, Wurst a Brezel oder Käsespätzle bei passender Musek den Owend genéissen.

Aus Sécherheetsgrënn ass d’Unzuel u Persounen am Ponttor leider op just Maximal 40 Leit begrenzt, also mellt iech séier un!

Fir 10€ kënnt dir hei de ganzen Owend vu Fräibéier, enger Alternativ a Softs profitéieren.
Fir 15€ kritt dir dann de Fräibéier oder d'Softs an eppes z’iessen, dobäi gëtt et dann och eng vegetaresch Optioun.

Well de ganzen Owend Bargeldlos oflafe soll, sidd dir gebieden de Montant bei erfollegräicher Umeldung schnellstméiglech op de Konto vum AVL ze iwwerweisen (LU18 0019 1755 6653 8000, „Däin Numm -Umeldung Oktoberfest“). Wann de Betrag bis de 26. Oktober net bezuelt ass verléiers du deng Plaz nees an eng aner Persoun op der Waardelëscht kritt spontan d’Chance sech unzemellen.

Déi passend Kleedung fir en Oktoberfest ass natierlech och erwënscht, also schmäisst iech an äre beschten Dirndl oder är schéinste Liedersbox.

Mellt iech w.e.g. iwwer de follgende Forms un:

https://forms.gle/xtHwmDm43r2bZXGRA

Ein Prosit,
Äre Comité

02/10/2025

***REEL'25***

Donneschdes, den 18. September hunn di motivéiertsten Membere vum AVL de Wee a Richtung Stroosbuerger REEL ageschlo. Och wann di do franséisch schwätzen a keen Auto fuere kënnen hu mir et do bis den 21. September ausgehalen.

Gestart huet alles den 18.09 mat den ACEL Workshops zu diversen Themen. Nom Mëttegiesse am Meteor koumen di gewinnte Partnervirträg mat uschléissendem Walking Dinner un d'Reih. Dëse war dës Joer komplett vegan... Naicht virum Club war de bessere Fong🤭.

Weider goung et dunn de nächste Moie mat Visitte vun enger Distillerie, engem Wënzer an dem Europa Parlament. D'Visitte goufe gefollegt vun enger Tarte Flambée à Volonté an dem Rallye duerch d'Stadt. Den Owend gouf natierlech och ërem giess an am Club op der Soirée Publique ausklénge gelooss.

Samschdes gouf mat engem Monologe ugefaangen ier mer op Workshops zu den verschiddenen Dagesthemen opgedeelt goufen - mol eng Kéier anescht awer gut! Dono goung et op den Éirewäin wou de Luc endlech dem Luc froen stelle konnt oder och net well den wor zimmlech schnell heem. Dono goung et un d'Mëttegiesse wouzou mer léiwer naicht ouni eisen Affekot soen. Nom Iessen ass et mat der Table Ronde weider gang wou iwwert Thema: Pensioun a Käschten diskutéiert ginn ass. Als Ofschloss gouf natierlech och hei erëm eng Kéier "eppes" giess a gefeiert ginn!💃🏽💃🏽
De leschten Dag gouf schlussendlech mat engem Katerbrunch mol net nemme végé an leschten "Spaß"-Visitten an d'Brauerei, e Schlass oder e Pain d'Epice Musée! Mir konnte souguer dës Joer den Titel Mr. REEL rem op Ooche bréngen!

Zesummefaassend, hu mir iwwert di 4 Deeg vill gesinn e puer ganz vill klenger gedronk a semi gutt giess - mee mat Spaß!🍻

Mir soen heimat dem REELs-Comité ee risegrousse MERCI fir d'Hosten vun der Reel'25 a freeën eis schonn op dat nächst Joer wou et hoffentlech heescht: REEL zu OOCHEN - Traditioun!🔥

23/09/2025

11/09/2025

De Countdown leeft!🎉
De 25. Oktober 2025, ass et erëm sou wäit: den AVL invitéiert op di 4. grouss Editioun vum Oochener Bal! Dës Joer fann der eis wéi d‘lescht Joer an der Aler Seërei zu Dikrech.🪩
Och dës Joer gëtt et rëm legendär! Dofir sëchert iech elo är Tickets...
..via https://paytix.lu/oochener-bal-2025-47
..oder och direkt bei eisem Comité*
..oder och per DM un eis Accounts!

*Ben Graas, Luc Jakoby, Leny Nickels, Thomas Vinandy, Joëlle Klauner ,Mathis Michels, Trixy Boever, Sebastien Schmit, Tom Jemming, Philippe Hirtt, Tim Bisenius
..An bei eisen Matorganisateuren:
Philippe Weides, Sven Conrad, Max Wirth, Tim Jeandy a Justine Welter

- VVK: 10€
- OWK: 15€

🟡Stay tuned fir weider Updates ronderëm eise Bal, di deemnächst op Social Media komme wäerten! OOCHENER BAL 2025

********************************
Org. Akademischer Verein d'Lëtzebuerger🖤💛

06/09/2025

***Ofsch(l)ossfest***

D'Finale vum Summersemester mecht eis Ofsch(l)ossfest! Eng leschte Kéier am Semester hu mer dofir de Grill am Park ugeschmass a genuch Béier a Softs prettgestallt.🍻 Do duerften natielech di super Zoossen vun der Moutarderie de Luxembourg net feelen!🌭 Bei Béierpong, Spikeball, Flunkyball an dem traditionelle Neelen hate mer eng gelonge Stëmmung bis an d'Nuecht eran!🌄 Och wann Faass an den Hummer géint a net mat eis geschafft hunn huet eis dat net opgehal.😵‍💫 Fir den harde Kär goung et nodeems "di lescht +-3 L vum Faass bal fort waren" nach weider bis an de Kaktus. 🌵

Net ze vergiessen, dass een op dësem super Fest dei nei Sditioun vum Karel a Pabeierform konnt kreien -eis Zeitung, déi all Semester eemol R***e passéire léisst an flott Momenter festhällt!📰

Merci un all Member an d'Frenn vum AVL fir dat flott Semester, dir sidd déi di eis Events onvergiesslech maacht!🖤💛
Mir hoffen dir hudd är Klausure bis elo ganz gutt iwwerstan, weiderhinn Bonne Chance gewënscht!🍀

05/09/2025

***Studentebal***

Eent vun den leschten Events am Summersemester war den Studentebal vun der ACEL. Hei hu mer zesumme mat eise Kolleege vu Köln e Stand mam Motto F1 gemaach!🏎
Fir sech gekonnt de Maschinneraum ze fluten hate mir natielech och eis 2 Specialdrinks um Start: lecker Studentewasser an den Eau de Cologne Shot!🍹

Merci u jiddereen, den eise Comptoir besicht huet! A Merci un den fir di gutt Zesummenarbecht!🖤💛✖️❤️🤍

05/09/2025

***Summeropympiad***

Mir sinn Enn Juni ukomm - op der Summerolympiad vun eisen Anciens. Eng sportlech Equippe vun 11 AVL Juniors huet sech den 28. Juni zesummefonnt fir den Kampf geint eis Anciens op der vun hinnen organiséierter Olympiad unzetrieden.💪🏽
Um Programm stungen 3 Disziplinnen: Volleyball, Petanque a Wikingerschach. 🏐♟️ Mir hu geschweest bis zum Schluss an mir si souguer an zwou Disziplinnen bis an d'Finale komm, mee zum Schluss ass et awer nees net duergang.🫠 Dat 2. Joer wou mer vun eisen Anciens op ganzer Linn ofgezu ginn. All Respekt un di aal Schanken!

Merci u jiddereen den dobai war, an natielech un d'Organisateuren, eis Anciens!🖤💛

04/09/2025

***Dürener Badesee***

Well et Enn Juni net mei an der Aafenhëtzt auszehale war si mer op den Dürener Badesee gefuer. Mat genuch a bal ze vill Béier, Sangria a Softs soutze mer bei guddem Wieder um Strand oder sinn och bessi an d'Waasser schwamme gaangen. Definitiv eng gutt ofkillung am Summer!🍹

04/09/2025

***Summerfest zu Köln***

De 24. Juni ware mer um Summerfest zu Köln.
En Event wou och di aner Cerclen aus NRW invitéiert sinn! Köln huet fir Stemmung, vill Gedrenks, Iessen Spill a Spaß gesuercht. Genau esou wéi mer dat vum Summerfest gewinnt sinn. Zesummen hu mer bis an d'Nuecht geflunkyballt.🍺 Béiss Zonge behapten d'Gepöbels hätt en onheelbaren Tinitus verursacht.🍞