21/09/2026
❤️ ඊයේ දින උදේ නුගදූව පාලම අසලින් පොල්වතු මෝදර ගඟේ ගිලී අතුරුදන් වූ මියුරු නිම්සර සොයා, ඔහුගේ මාපියන්, නෑ හිත මිතුරන් මෙන්ම නාවික හමුදා නිලධාරීන් නොනවත්වා සෙවුම් මෙහෙයුම්වල නියැළී සිටිනවා.
ඒ අතරතුර වරින් වර ඇද හැලුණු අධික වර්ෂාවත් සමඟ මම දුටුවේ හදපාරවන මෙන්ම අතිශය අපූරු මානුෂීය දසුනක්. ඒ, අපේ වැලිපිටිය ප්‍රාදේශීය ලේකම්තුමිය අධික වැසි වෙලාව අතරතුරදීත්, රාජකාරියේ නිරත නාවික හමුදා නිලධාරියකුට කුඩය ඉහළාගෙන ඔහුට සෙවන සලසන ආකාරයයි.
මේ වැනි දැඩි ශෝකජනක, අමාරු මොහොතක, එයත් ඉරිදා වැනි නිවාඩු දිනක, මේ අවාසනාවන්ත ඉරණමට මුහුණපා සිටින ජනතාව අතරට පැමිණ ඔවුන්ගේ දුක බෙදාගන්නට ඇය දැක්වූ කැපවීම මගේ සිත පහන් කළා. බලය හෝ තේජස පෙන්වීම වෙනුවට, ජනතාවගේ දුකේදී ඔවුන් සමඟ සාමාන්‍ය මිනිසෙක් ලෙස සිටින මෙවැනි ප්‍රාදේශීය ලේකම්වරුන් අප සමාජයේ අගය කළ යුතුමයි!
ඇයට අපේ උත්තමාචාරය හිමි විය යුතුයි.
Lalith pathmasiri face book පිටුවෙන්
