02/10/2026
ලෝක සර්ප සමුළුව World Congress on Snakes 2026 🐍
ලෝකෙ සර්පයින් ගැන පළවෙනි සමුළුව ඊයෙ දවසෙදි ඒ කියන්නෙ ඔක්තෝබර් 1 වෙනිදා මහනුවරදි පටන්ගත්තා. මේ මාසෙ 4 වෙනිදා වෙනකල් මහනුවර The Grand Kandyan හෝටලයෙදි පැවැත්වෙනවා. ශ්‍රී ලංකාවේ සර්පයින් සහ උරගයන් ගැන පර්යේෂණ ගොඩක් කරපු දෙස් විදෙස් ගෞරවාදරයට පත්වුණ අපේ රටේ ජ්‍යේෂ්ඨතම උරග විද්‍යාඥ ආචාර්ය ඈන්ස්ලම් ද සිල්වා මහත්මයාගෙ ප්‍රධානත්වයෙන් තමයි ඊයෙ දවසෙදි ආරම්භ වුණේ.
අපේ රටේ වගේම ජාත්‍යන්තරය නියෝජනය කරමින් රටවල් ගානක සර්පයින් ගැන විවිධ පර්යේෂණ කරන, සර්පයින් සංරක්ෂණය කරන & සර්පයින් ගැන උනන්දුවක් දක්වන විශාල පිරිසක් මේ අවස්ථාවට සහභාගි වෙලා හිටියා.
ලෝකෙ පුරාම සර්පයින් සම්බන්ධව සිදුකරන දේවල් ගැන ඒ ඒ රටවල අයගෙ අදහස්, දැනුම & තොරතුරු බෙදාගන්න මේක හොඳ අවස්ථාවක් වුණා. ඉතින් මේ අවස්ථාවෙදි බස්නාහිර පළාතේ සර්පයින් ආරක්ෂිතව අල්ලල ඉවත්කිරීම ගැන කතාකරන්න මට සෑහෙන්න වටිනව අවස්ථාවක් ලැබුණා.
මේ විදිහෙ සමුළුවක් අපේ රටේ පැවැත්වීමේන් අපේ රටේ අනන්‍යතාවය ජාත්‍යන්තරය හමුවේ තියන්න වගේම සර්පයින් සම්භන්ධ විවිධ ක්ෂේත්‍රවල උනන්දුවක් දක්වන විශාල පිරිසක් එකම තැනකට එකතු කරන්න කටයුතු කිරීම ගැන ආචාර්ය ඈන්ස්ලම් ද සිල්වා මහත්මයා ඇතුලු මේකේ සියලුම සංවිධායකවරුන්ට මගේ ගෞරවනීය ස්තූතිය පුදකරනවා.
