Sammanthurai Sadaqa Welfare Fund

23/09/2026

வேலைத்திட்டம் : 66

அஸ்ஸலாமு அலைக்கும் வரஹ்மதுல்லாஹி வபரக்காத்துஹூ

சம்மாந்துறை சதகா நலன்புரி நிதியத்தின் (SSWF) *சதகா வழங்குநர்களால் இவ் வேலைத்திட்டத்திற்க்கு சேகரிக்கப்பட்ட சதகா மொத்த நிதியும் சம்மாந்துறை கிறாஸாதுல் இஸ்லாமியா கலாபீடத்தின் மத்ரஸா மாணவர்கள் ஓதுகின்ற தரை மற்றும் தொழுகை இடத்தை புனர்நிர்மாணம் செய்வதற்காக சம்மாந்துறை சதகா நலன்புரி நிதியத்தினால் வழங்கி வைக்கப்பட்டது.

இந்நற்பணிக்கான சதகா நிதியைப் பெற்றுத்தர முயற்சிகளை மேற்கொண்ட பதில் தவிசாளர் Dr ILM றிஸ்வான் மற்றும் இந்நற்பணிக்காக தங்களது சதகாவை மனமுவந்து வழங்கிய சகோதர, சகோதரிகள் அனைவருக்கும் எமது மனமார்ந்த நன்றிகளைத் தெரிவித்துக் கொள்கிறோம்.

அல்லாஹ் அவர்களுடைய சதகாவை ஏற்றுக்கொண்டு, அவர்களுக்கும் அவர்களது குடும்பத்தினருக்கும் இம்மையிலும் மறுமையிலும் நிறைந்த நன்மைகளையும் வெற்றிகளையும் வாரி வழங்குவானாக. அவர்களது செல்வம், ஆரோக்கியம் மற்றும் வாழ்வில் பரக்கத் செய்து, இந்நற்பணியை அவர்களுக்கான நிலையான நன்மையாகவும் மறுமைக்கான நற்கூலியாகவும் ஆக்கியருள்வானாக.

அன்பார்ந்த சகோதரர்களே, நீங்கள் வழங்கும் ஒவ்வொரு சதகாவும் அவசியத் தேவையுடைய குடும்பங்களின் வாழ்க்கையில் நம்பிக்கையின் ஒளியை ஏற்றுகிறது. உங்கள் தொடர்ச்சியான ஒத்துழைப்பினாலேயே இவ்வாறான மனிதநேய மற்றும் சமூகநல வேலைத்திட்டங்களை முன்னெடுக்க முடிகிறது.

எனவே, உங்களால் இயன்ற அளவில் மாதாந்த சதகா பங்களிப்பை சம்மாந்துறை சதகா நலன்புரி நிதியத்தின் ஊடாக தொடர்ந்து வழங்கி, இந்த நற்பணிப் பயணத்தில் பங்காளிகளாக இணைந்திருக்குமாறு அன்புடனும் பணிவுடனும் கேட்டுக்கொள்கின்றோம்.

ஜஸாகுமுல்லாஹு கைரன்.

*SSWF Media InfoLine*
சம்மாந்துறை சதகா நலன்புரி நிதியம்

23/09/2026

சம்மாந்துறை சதகா நலன்புரி நிதியத்தின் 2027 ஆம் ஆண்டுக்கான கலண்டர் வேலைத்திட்டம்

அஸ்ஸலாமு அலைக்கும் வரஹ்மத்துல்லாஹி வபரக்காத்துஹூ

சம்மாந்துறை சதகா நலன்புரி நிதியத்தின் 2027 ஆம் ஆண்டுக்கான காலண்டர்களை அச்சிட்டு எமது நிதியத்திற்கு தொடர்ந்து சதகா வழங்கி வரும் சகோதரர்கள், சகோதரிகள், பள்ளிவாசல்கள், பாடசாலைகள் மற்றும் சமூக நிறுவனங்களுக்கு இலவசமாக வழங்குவதற்கு தீர்மானிக்கப்பட்டுள்ளது.

இந்த கலண்டர் வேலைத்திட்டத்தின் ஊடாக, சம்மாந்துறை சதகா நலன்புரி நிதியத்துடன் ஒட்டுமொத்த சம்மாந்துறை சமூகத்தையும் மேலும் நெருக்கமாக ஒன்றிணைத்து, எமது ஊரில் அல்லல்படும் ஏழை மற்றும் தேவையுடைய குடும்பங்களுக்கு இயன்ற உதவிகளைச் செய்வதும், ஏழைக் குழந்தைகளின் கல்விக்கு உதவுவதும், மார்க்கக் கல்வியை ஊக்குவிப்பதும், நல்லொழுக்கமும் சமூகப் பொறுப்புணர்வும் கொண்ட சிறந்த சமூகத்தை கட்டியெழுப்புவதும் எமது நிதியத்தின் பிரதான நோக்கங்களாகும்.

எமது நிதியம் முன்னெடுத்து வரும் ஒவ்வொரு நலன்புரி வேலைத்திட்டத்திற்கும் முழுமையாக துணைநின்று, அவற்றை வெற்றிகரமாக நிறைவேற்ற உதவுவது உங்களின் கண்ணியமிக்க சதகாக்களே ஆகும்.

இந்த 2027 காலண்டர் வேலைத்திட்டத்திற்காக, எமது நிதியத்தின் பணிப்பாளர்கள் மற்றும் நிர்வாக உறுப்பினர்கள் தங்களால் இயன்ற பங்களிப்புகளை வழங்குவதற்கு தீர்மானித்துள்ளனர் அதேபோன்று, எமது WhatsApp குழுமங்களிலும் இந்த வேலைத்திட்டம் தொடர்பாக அறிவித்து, விருப்பமுள்ளவர்களிடமிருந்து தனியாக சதகா சேகரித்து இந்த திட்டத்தை முன்னெடுக்கவும் முடிவு செய்யப்பட்டுள்ளது.

முக்கியமாக, ஏற்கனவே பொதுநல வேலைத்திட்டங்களுக்காக சேகரிக்கப்பட்டுள்ள சதகா நிதியிலிருந்து ஒரு ரூபாய் கூட இந்த காலண்டர் அச்சிடும் செலவிற்காக பயன்படுத்தப்படமாட்டாது என்பதையும் தெரிவித்துக் கொள்கிறோம்.

ஆகையால், நீங்களும் உங்கள் விருப்பத்திற்கும் வசதிக்கும் ஏற்ப சிறு தொகையாக இருந்தாலும் இந்த காலண்டர் வேலைத்திட்டத்திற்கு சதகாவாக பங்களிக்கலாம்.

நாம் வழங்கும் ஒரு சிறிய சதகாவின் முழுப் பயன் எப்போது, எவ்வாறு எம்மிடம் திரும்பி வரும் என்பதை நாம் அறியாமல் இருக்கலாம். ஆனால் அல்லாஹ்வுக்காக வழங்கப்படும் சதகா, இவ்வுலகிலும் மறுமையிலும் நமக்கு நன்மையாக அமையும். நாம் அறியாத வழிகளிலும் அல்லாஹ்வின் உதவி, பரகத் மற்றும் அருள் எம்மை வந்தடைய இந்த சதகாக்கள் காரணமாக அமையலாம், இன்ஷாஅல்லாஹ்.

எனவே, உங்களால் இயன்ற சதகாவை வழங்கி, இந்த நல்ல வேலைத்திட்டத்தை வெற்றிகரமாக நிறைவேற்ற எங்களுடன் இணைந்து ஒத்துழைக்குமாறு அன்புடன் கேட்டுக்கொள்கிறோம்.

சதகா வழங்கும் போது பற்றுச்சீட்டில் / Receipt-இல்:
PRJ-CAL2027
என்று குறிப்பிடுமாறு கேட்டுக்கொள்கிறோம்.

தொடர்புகளுக்கு :

Whatsapp : +94788435555 / 077 638 4022

தொலைபேசி இலக்கங்கள்:

பதில் தவிசாளர்: Dr. I.L.M. Rizwan — +94 77 645 8985
நிர்வாகத் தலைவர்: மௌலவி A.B.M. Ramzeen — +94 76 012 4037
சட்டப் பணிப்பாளர்: சட்டத்தரணி A.J.M. Nawas — +94 77 741 1782
செயலாளர்: A.M. Rikas (NO) — +94 76 702 3241

அல்லாஹ் எமது ஒவ்வொரு நல்ல முயற்சியையும் ஏற்றுக்கொண்டு, அதனை நமக்கு தொடர்ச்சியான நன்மையாக மாற்றித் தருவானாக.

ஆமீன்.

18/09/2026

அல்ஹம்துலில்லாஹ்
இதற்கு சதகா வழங்கிய மற்றும் முயற்சி செய்த அனைவருக்கும் எமது மனமார்ந்த நன்றிகளை தெரிவித்துக்கொள்கிறோம் இதனை வேகமா பூர்த்தி செய்த பள்ளிவாசல் நிர்வாகத்திற்க்கும் நன்றிகளை தெரிவித்துக்கொள்கிறோம் அல்லாஹ் உங்கள் சதகாகளை நன்மையாக மாற்றி இரு உலகிலும் வெற்றிகளை வாரி வழங்குவானாக

14/09/2026

எமது சம்மாந்துறை சதக்கா நலன்புரி நிதியத்தின் (SSWF) சமூக மற்றும் நலன்புரி சேவைகள் தொடர்ந்து விரிவடைந்து வருகின்றன.

எதிர்காலத்தில் எம்முடன் மேலும் அதிகமான உறுப்பினர்களை இணைத்துக்கொள்ளவும், எமது செயற்பாடுகள் தொடர்பான தகவல்களை அனைவருக்கும் விரைவாகவும் எளிதாகவும் கொண்டு சேர்க்கவும், எமது உத்தியோகபூர்வ WhatsApp Channel மூலம் தகவல் பகிர்வுகளை மேலும் வலுப்படுத்த தீர்மானித்துள்ளோம்.

ஆகையால், எமது அனைத்து அன்பான உறுப்பினர்களும் கீழே வழங்கப்பட்டுள்ள இணைப்பின் மூலம் SSWF உத்தியோகபூர்வ WhatsApp Channel-ஐ Follow செய்து, எம்முடன் தொடர்ந்து இணைந்திருக்குமாறு அன்புடன் கேட்டுக்கொள்கிறோம்.

📢 SSWF உத்தியோகபூர்வ WhatsApp Channel:
https://whatsapp.com/channel/0029VbCRBjl6xCSLGtdy1d2s

இனிவரும் காலங்களில் எமது:

* நலன்புரி வேலைத்திட்டங்கள்
* சதகா மற்றும் நிதி தொடர்பான அறிவிப்புகள்
* நிதி அறிக்கைகள்
* உதவித் திட்டங்கள் மற்றும் நிறைவு செய்யப்பட்ட வேலைத்திட்டங்கள்
* முக்கிய அறிவிப்புகள்
* SSWF இன் ஏனைய சமூக மற்றும் நிர்வாக நடவடிக்கைகள்

ஆகியவை எமது WhatsApp Channel-ல் முறையாக பதிவுசெய்யப்பட்டு பகிரப்படும்.

மேலும், இந்த இணைப்பை உங்கள் நண்பர்கள், உறவினர்கள், நன்கொடையாளர்கள் மற்றும் சமூக ஆர்வலர்களுடன் பகிர்ந்து, அவர்களையும் எமது நற்பணிகளுடன் இணைத்துக்கொள்ளுமாறு அன்புடன் கேட்டுக்கொள்கிறோம்.

சதகாவின் மூலம் சமூகத்தை வலுப்படுத்துவோம்.
நன்மையான செயல்களில் அனைவரையும் ஒன்றிணைப்போம்.

ஜஸாகுமுல்லாஹு கைரன்.

அன்புடன்,
Board of Directors and Management Committee
Sammanthurai Sadaqa Welfare Fund (SSWF

14/09/2026

13/09/2026

அல்லாஹ்வின் படைப்புகளில் காணப்படும் இந்த அதிசயமான காற்றில் இறக்கைகளை வேகமாக அசைத்தபடி, ஒரே இடத்தில் நிலையாகத் தொங்குவது போன்று பறக்கும் Kestrel பறவையின் “Hovering” திறன் அமைப்பையும், அதில் வெளிப்படும் அல்லாஹ்வின் அளவற்ற சக்தியையும் விஞ்ஞான ரீதியாக சிறிதளவு அறிந்து கொள்ள இந்த வீடியோவை முழுமையாகப் பார்வையிடுங்கள்.

சுப்ஹானல்லாஹ்!
படைப்புகளில் சிந்திப்போருக்கு எண்ணற்ற அத்தாட்சிகள் உள்ளன. 🤲🦅

11/09/2026

🕌 *வேலைத்திட்டம் – PRJ-062*

*அல் மஸ்ஜிதுல் ஜாரியா ஜும்ஆ பள்ளிவாசல் மோட்டார் சைக்கிள்கள் மற்றும் மிதிவண்டிகளுக்கான வாகனத் தரிப்பிடம் அமைப்பதற்கான நிதி வழங்கிவைப்பு*

அல்ஹம்துலில்லாஹ்!

அல் மஸ்ஜிதுல் ஜாரியா ஜும்ஆ பள்ளிவாசல் நிர்வாகத்தினர், பள்ளிவாசல் வளாகத்தில் *மோட்டார் சைக்கிள்கள் மற்றும் மிதிவண்டிகளுக்கான முறையான வாகனத் தரிப்பிடம் அமைக்க வேண்டிய அவசியத்தை* விளக்கி, சம்மாந்துறை நம்பிக்கையாளர் சபையின் அனுமதியுடன் *சம்மாந்துறை சதகா நலன்புரி நிதியத்திடம்* (SSWF) நிதியுதவி கோரி விண்ணப்பித்திருந்தனர்.

அதன் அடிப்படையில், இவ்வேலைத்திட்டம் எமது சதகா வழங்குநர்கள் மற்றும் நலன்விரும்பிகளின் கவனத்திற்குக் கொண்டு செல்லப்பட்டது.

அல்லாஹ்வின் பேரருளால், இவ்வேலைத்திட்டத்திற்காக கணிப்பிடப்பட்டிருந்த முழுத் தொகையான

💰 *ரூபாய் 170,900.00*

வெற்றிகரமாக சேகரிக்கப்பட்டு, 10.09.2026 வியாழக்கிழமை அல் மஸ்ஜிதுல் ஜாரியா ஜும்ஆ பள்ளிவாசல் நிர்வாகத்திடம் சம்மாந்துறை சதகா நலன்புரி நிதியத்தின் நிரவாக தலைவர் மௌலவி ABM றம்சீன் காசிபி அவர்களால் வழங்கிவைக்கப்பட்டது இதில் நிதியத்தின் சட்டப்பணிப்பாளர், செயலாளர், பயனாளிகள் குழு தலைவர், நிதிய உறுப்பினர்கள் மற்றும் பள்ளிவாசல் தலைவர் ,செயலாளர் மற்றும் நிர்வாகம் கலந்து கொண்டது என்பதை மிகுந்த மகிழ்ச்சியுடன் தெரிவித்துக் கொள்கிறோம்.

🌿 பள்ளிவாசலுக்காக செலவிடுவதன் சிறப்பு

நபி ﷺ அவர்கள் கூறினார்கள்:

«مَنْ بَنَى مَسْجِدًا لِلَّهِ بَنَى اللَّهُ لَهُ فِي الْجَنَّةِ مِثْلَهُ»

“*அல்லாஹ்வுக்காக ஒருவர் ஒரு பள்ளிவாசலைக் கட்டினால், அல்லாஹ் அவருக்காக சுவர்க்கத்தில் அதைப் போன்ற ஒரு இல்லத்தைக் கட்டுவான்*.”

— ஸஹீஹ் அல்-புகாரி, ஸஹீஹ் முஸ்லிம்

பள்ளிவாசல் மற்றும் அதன் பயன்பாட்டு வசதிகளை மேம்படுத்துவதற்காக வழங்கப்படும் நன்கொடைகள், அல்லாஹ்வின் இல்லத்தைப் பயன்படுத்தும் மக்களுக்கு உதவும் சிறப்பான நற்செயல்களில் ஒன்றாகும்.

🤲 துஆ

இவ்வேலைத்திட்டத்திற்காக தங்களது சதகா நிதியை வழங்கிய அனைத்து சகோதரர்கள் மற்றும் சகோதரிகளின் நற்செயல்களையும் அல்லாஹ் சுப்ஹானஹு வதஆலா ஏற்றுக்கொள்வானாக.

அவர்களின் பாவங்களை மன்னித்து, செல்வத்திலும், குடும்பத்திலும், ஆரோக்கியத்திலும் பரக்கத் செய்து, இம்மையிலும் மறுமையிலும் வெற்றியையும் நன்மைகளையும் வழங்குவானாக. ஆமீன்.

மேலும், இவ்வேலைத்திட்டம் வெற்றிகரமாக நிறைவேறுவதற்காக அர்ப்பணிப்புடன் பாடுபட்ட எமது நிதியத்தின் தவிசாளர், பதில் தவிசாளர், பணிப்பாளர்கள், நிர்வாக உறுப்பினர்கள், சதகா வழங்குநர்கள், நலன்விரும்பிகள் மற்றும் ஒத்துழைப்பு வழங்கிய அனைவருக்கும் சம்மாந்துறை சதகா நலன்புரி நிதியம் தனது மனமார்ந்த நன்றிகளையும் பாராட்டுகளையும் தெரிவித்துக் கொள்கிறது.

جزاكم الله خيراً

சம்மாந்துறை சதகா நலன்புரி நிதியம்

SSWF Media InfoLine
Sammanthurai Sadaqa Welfare Fund – SSWF