03/02/2026
බ්රිතාන්ය පාලකයන්ගේ සියවස් එකහමාරකට අධික යටත් විජිත පාලනයෙන් මිදී, ශ්රී ලංකාව ස්වෛරී රාජ්යයක් ලෙස නිදහස ලබාගත් 1948 පෙබරවාරි 04 වන දින සිට සෑම වසරකම අද වැනි දිනක අප ජාතික නිදහස් දිනය උත්කර්ෂවත් ලෙස සමරනු ලබයි.
ක්රි.ව. 1505 දී පෘතුගීසි ආක්රමණයෙන් ඇරඹි විදේශීය පාලනය, 1658 දී ලන්දේසීන්ටත්, 1796 දී ඉංග්රීසීන්ටත් නතු වෙමින් වසර ගණනාවක් අපේ දේශයේ ස්වාධීනත්වය අභියෝගයට ලක් කෙරුණු අතර, පසුව 1815 දී සමස්ත ලංකාවම බ්රිතාන්ය යටත් විජිතයක් බවට පත්විණි.1818 සහ 1848 වැනි මහා නිදහස් අරගල මෙන්ම විවිධ දේශපාලනික සාකච්ඡාවල ප්රතිඵලයක් ලෙස 1948 වසරේදී අපට පූර්ණ නිදහස හිමි විය.
වීර කැප්පෙටිපොළ හා ඩී.එස්. සේනානායක මැතිතුමා වැනි අසංඛ්යාත ජාතික වීරයන්ගේ කැපකිරීම් සහ ලේ බිඳු මත ගොඩනැඟුණු ඒ නිදහස, වර්තමානය වන විට 78 වැනි සැමරුම දක්වා පැමිණ තිබේ.
මෙවර 2026 වර්ෂයේ සැමරෙන 78 වැනි නිදහස් සැමරුම, ලාංකීය පුරවැසියන් ලෙස සියලු ජාතීන් අතර සහජීවනය, එකමුතුකම සහ අපේ ප්රෞඪ සංස්කෘතික උරුමය ලොවට විදහා දැක්විය හැකි අභිමානවත් අවස්ථාවකි.
අතීතයේ දිනාගත් නිදහස අනාගත පරපුර උදෙසා සුරක්ෂිත කරමින්, වඩාත් සමෘද්ධිමත් ශ්රී ලංකාවක් උදෙසා අත්වැල් බැඳගැනීමට අද වැනි දිනක අපි අධිෂ්ඨාන කරගත යුතුවේ.
~ ව්යවහාරික විද්යා පීඨ ශිෂ්ය සංගමය - ශ්රී ලංකා වයඹ විශ්වවිද්යාලය ~
