23/07/2025
කැලණි රජමහා විහාරයේ ස්තූප මලුවේ සිවුවන වරටත් සුදු වැලි ඇතිරීමේ පින්කම.
අප සරණ ගියා වූ භාග්යවත් වූ අරහත් වූ සම්මා සම්බුදුරජාණන් වහන්සේ මණිඅක්ඛික නා රජුන්ගේ ආරාධනාව පරිදි කැලණි පුරවරයට වැඩම කර උන්වහන්සේ හට පනවා තිබූ මැණික් ආසනය මත වැඩ හිඳිමින් උතුම් වූ ශ්රී සද්ධර්මය දේශනා කළා වූ ද, එම මැණික් පුටුව සහ බොහෝ සර්වඥ ධාතූන් වහන්සේලා තැන්පත් කරමින් ගොඩනැගුවා වූ මෙම විශ්ව ධාතුවේ අද්විතීය ස්ථානයක් හිමි වන්නා වූ උතුම් වූ කැලණි රජමහා විහාරස්ථානයේ සිවුවන වරටත් සුදු වැලි ඇතිරවීමේ පිංවත් අවස්ථාව ❛❛සසුන් කෙත අස්වද්දමු❜❜ අප මිතුරු කැලට ලැබී ඇත.
මෙම මස 27 වන ඉරුදින උදෑසන 8 සිට සවස 4 දක්වා පින්කම පැවැත්වෙන අතර මීට සමගාමීව පහන් දහසක මහා පහන් පූජාවක් ද පැවැත්වීමට සියලු කටයුතු සූදානම් කර ඇත. සවස 4 සිට අතිපූජ්ය විචිත්ර ධර්ම කථික දිගන සුගතවංශ ස්වාමීන්ද්රයන් වහන්සේගේ සුමධුර ධර්ම දේශනාවකට සවන් දීමට ද භාග්ය උදාවී ඇත. සසර දුක් ගිනි නිවමින්, අමා මහ නිවන් සැප සලසා දෙන මේ උතුම් පින්කම සඳහා ඔබත් අදම දිනය වෙන් කර තබාගන්න.
තෙරුවන් සරණයි !!!
